% Text title            : shivashankarastotra
% File name             : shivashankarastotra.itx
% Category              : shiva, stotra
% Location              : doc\_shiva
% Transliterated by     : Sunder Hattangadi
% Proofread by          : Sunder Hattangadi
% Description-comments  : Verses 1, 13-16 are considered shivachAmarastutiH
% Latest update         : December 31, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shivashankara Stotram or Yamabhaya Nivarana Stotram ..}##
\itxtitle{.. shrIshivasha~Nkarastotram athavA yamabhayanivAraNastotram ..}##\endtitles ##
atibhIShaNakaTubhAShaNayamaki~NkirapaTalI
     kR^itatADanaparipIDanamaraNAgamasamaye |
umayA saha mama chetasi yamashAsana nivasan
     shivasha~Nkara shivasha~Nkara hara me hara duritam || 1||
asadindriyaviShayodayasukhasAtkR^itasukR^iteH
     paradUShaNaparimokShaNakR^itapAtakavikR^iteH |
shamanAnanabhavakAnananiraterbhava sharaNaM
     shivasha~Nkara shivasha~Nkara hara me hara duritam || 2||
viShayAbhidhabaDishAyudhapishitAyitasukhato
     makarAyitamatisantatikR^itasAhasavipadam |
paramAlaya paripAlaya paritApitamanishaM
     shivasha~Nkara shivasha~Nkara hara me hara duritam || 3||
dayitA mama duhitA mama jananI mama janako
     mama kalpitamatisantatimarubhUmiShu niratam |
girijAsukha janitAsukha vasati.n kuru sukhinaM
     shivasha~Nkara shivasha~Nkara hara me hara duritam || 4||
janinAshana mR^itimochana shivapUjananirateH
     abhito dR^ishamidamIdR^ishamahamAvaha iti hA |
gajakachChapa janitashrama vimalIkuru sumatiM
     shivasha~Nkara shivasha~Nkara hara me hara duritam || 5||
tvayi tiShThati sakalasthitikaruNAtmani hR^idaye
     vasumArgaNa kR^ipaNekShaNa manasA shiva vimukham |
akR^itAhnikamasupoShakamavatAt girisutayA
     shivasha~Nkara shivasha~Nkara hara me hara duritam || 6||
pitarAviti sukhadAviti shishnunA kR^itahR^idayau
     shivayA saha bhayake hR^idi janita.n tava sukR^itam |
iti me shiva hR^idayaM bhava bhavatAttava dayayA
     shivasha~Nkara shivasha~Nkara hara me hara duritam || 7||
sharaNAgatabharaNAshrita karuNAmR^itajaladhe
     sharaNa.n tava charaNau shiva mama sa.nsR^itivasateH |
parichinmaya jagadAmayabhiShaje natirAvatAt
     shivasha~Nkara shivasha~Nkara hara me hara duritam || 8||
vividhAdhibhiratibhItirakR^itAdhikasukR^itaM
     shatakoTiShu narakAdiShu hatapAtakavivasham |
mR^iDa mAmava sukR^itIbhava shivayA saha kR^ipayA
     shivasha~Nkara shivasha~Nkara hara me hara duritam || 9||
kalinAshana garalAshana kamalAsanavinuta
     kamalApatinayanArchitakaruNAkR^iticharaNa |
karuNAkara munisevita bhavasAgaraharaNa
     shivasha~Nkara shivasha~Nkara hara me hara duritam || 10||
vijitendriya vibudhArchita vimalAmbujacharaNa
     bhavanAshana bhayanAshanabhajitA~NgitahR^idaya |
phaNibhUShaNa muniveShaNa madanAntaka sharaNaM
     shivasha~Nkara shivasha~Nkara hara me hara duritam || 11||
tripurAntaka tridasheshvara triguNAtmaka shambho
     vR^iShavAhana viShadUShaNa patitoddhara sharaNam |
kanakAsana kanakAmbara kalinAshana sharaNaM
     shivasha~Nkara shivasha~Nkara hara me hara duritam || 12||

      || iti shrIshivasha~Nkarastotram athavA yamabhayanivAraNastotram ||
##
There are four more verses found in kShamApana stotram in
Shri Vatuk Puja Vidhi book of Paramananda Research Institute.
The verses are qualitatively similar and are added here for
completion.
##
atidurnaya chaTulendriya ripu sa~nchaya dalite
     pavi karkasha kaTu jalpita khalagarhaNa chalite |
shivayA saha mamachetasi shashishekhara nivasan
     shivasha~Nkara shivasha~Nkara hara me hara duritam || 13||
bhavabha~njana surara~njana khalava~nchana purahan
     danujAntaka madanAntaka ravijAntaka bhagavan |
girijAvara karuNAkara parameshvara bhayahan
     shivasha~Nkara shivasha~Nkara hara me hara duritam || 14||
shakrashAsana kratushAsana chaturAshrama viShaye
     kali vigrahabhavadurgraharipudurbala samaye |
dvija kShatriya vanitAshishudara kampita hR^idaye
     shivasha~Nkara shivasha~Nkara hara me hara duritam || 15||
bhava sambhava vividhAmaya paripIDita vapuShaM
     dayitAtmaja mamatAbhara kaluShIkR^ita hR^idayam |
kuru mAM nija charaNArchana nirataM bhava satatam
     shivasha~Nkara shivasha~Nkara hara me hara duritam || 16||

##
The verses 1, 13-16 are termed as shivachAmarastutiH in some
documents.

Some prints call this shivAShTakam as well.

Encoded and proofread by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}