% Text title            : Devaih Kritah Shiva Stava
% File name             : shivastavaHdevaiHkRRitaH.itx
% Category              : shiva, shivarahasya, stava
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 49 - devavAkyam | 16-46||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritah Shiva Stava ..}##
\itxtitle{.. devaiH kR^itaH shivastavaH ..}##\endtitles ##
ko bhavAMstava kiM rUpaM nAnAshcharyaikabhAvanaH |
nagno.asi devadevesha brahmamuNDalasadgalaH || 16||
triNetrashcha garAdashcha nIlakaNThashcha sha~NkaraH |
mahAhivalayodbhAsiratnamAlAgaladyutiH || 17||
pitR^ikAnanasambhUtabhasmadhAryasi sarvadA |
jaTilo.asi mahAdeva mahAvR^iShabhavAhanaH || 18||
matsyakUrmavarAhAdinarasihyAjinapriyaH |
gajakR^ittidharo nityaM chandramUrdhAsi shAshvataH || 19||
mR^igavAlamahAshUladhArako.asi maheshvaraH |
vAmabhAgaikavilasatkAminIno.asi vishvabhuk || 20||
sadA giripriyashchAsi hyasa~Ngashcha chariShyasi |
gaNaughagaNanAM deva gaNituM te na shakyate || 21||
kA niShThA tava devesha vada tvaM karuNAnidhe |
sasharIro.asi chAritryaM tava j~nAtuM na shakyate || 22||
tava mAyAmayaiH pAshairmohitAshchaiva bhUsurAH |
(tava mAyAmayaiH pAshairmohitAshcha vayaM surAH) |
sharIriNaM tvAM dR^iShTvaiva hyasmAbhissamupAsyase || 23||
putrAbhyAM prItiyukto.asi dvipAnanaShaDAnane |
ShaDUrmirahitaM devadevaM tvAM manmahe vayam || 24||
vaya~ncha lokapAssarve brahmaviShNumaheshvarAH |
rudrAdayashcha dikpAlA graharkShamanavassurAH || 25||
brahmA sR^ijati lokAMshcha viShNuH pAlayate jagat |
rudrassaMharate chAnte chandrendrasuranAyakaiH || 26||
(rudrassaMharate chAnte indro.ayaM suranAyakaH) || 26||
hantyAjau sarvadaityAMshcha makhabhugviShTapAdhipaH |
vishve cha R^ibhavassomaM te.api yaj~ne pibantyapi || 27||
somaM tavAj~nayA shambho hyashvinau somapIthinau |
vasavashcha tatashshambho sUryaHpAti gabhastibhiH || 28||
nishAnAthassadA chandrastArAshchAnye grahAdayaH |
indro.agnissUryatanayo niR^itirvaruNomarut || 29||
yakShendro.ayaM dhanAdhIsha IshAno.ayaM (IdR^isho.ayaM) maheshvaraH |
manavo R^iShayashchaiva svaM svaM kAryamupAsate || 30||
tArAchakramidaM sarvaM lokAshchaiva chaturdasha |
eteShAmatiriktastvaM kastvaM deva vadAdhunA || 31||
charitrANyapi te deva vishvAtItAni darshaya |
naiva vishvaparo.asi tvaM devo vishvAdhiko hyasi || 32||
tava deva kathaM rUpaM rUpavAniva dR^ishyase |
na sajjase guNeShu tvaM guNavAniva dR^ishyase || 33||
vishvAtigo.asi bhUtesha vishvavAniva dR^ishyase |
nirguNo.api cha devesha saguNeShviva dR^ishyase || 34||
devyAnayA viharase kailAsAchalamUrdhagaH |
niShki~nchano.asi cha sadA sarva bhAgyasudhodayaH || 35||
vata dR^ikkoTisaMlagnA bhavantyeveshvarA hi te |
sasurAsuragandharvamAnavAH pashavo.api hi || 36||
yatna yatrotkR^iShTatamAstavakAruNyato.akhilAH |
ramase pramathAdhIshaisskandaherambasaMyutaH || 37||
tavApAracharitrANAM j~neyatAdya maheshvara |
vedairIDyo.asi bhagavannaiva ki~nchitkaro.api cha || 38||
tavali~NgaM suraissarvairasurairmunipu~NgavaiH |
pUjyase bilvapatraishcha teShAM tvaM mochako hyasi || 39||
bhavajAlamayaiH pAshaiH kinte rUpaM maheshvara |
bhasmapriyo.asi bhagavanyasmaniShThe tu te kR^ipA || 40||
rudrAkShadhAriNo ye tu te.api tvadbhaktasattamAH |
pa~nchAkSharaparANA~ncha tvaM sadA mokShado hyasi || 41||
rudrAdhyAyArthakathanatajjapAsaktachetasAm |
teShAM tvaM pApajAlAni vinAshayasi sha~Nkara || 42||
bhaktipriyo.asi bhagavanmohitAstava mAyayA |
saMshayAviShTahR^idayAstvAM pR^ichChAmo maheshvara || 43||
tavaivarUpaM devesha kR^ipayA vada tachChiva |
asmAbhiriva lokeShu rUpavAniva dR^ishyase || 44||
stryannapAnAdibhogaishcha viharasya jarAmaraH |
arimitreShvapi sadA tulyo hyasi maheshvara || 45||
smaratripuradaityendrayamAndhakagajAdihR^it |
uttamo.asi kathaM deva hyasmAbhirapi te sadA || 46||

|| iti shivarahasyAntargate mAheshvarAkhye devaiH kR^itaM shivastavaH ||

\- || shrIshivarahasyam | mAheshvarAkhyaH prathamAMshaH | adhyAyaH 49 \- devavAkyam | 16\-46||
##
- .. shrIshivarahasyam . mAheshvarAkhyaH prathamAMshaH . adhyAyaH 49 - devavAkyam . 16-46..

Notes:
Devā-s ##devAH ## eulogize and beseech Śiva ##shiva ## to reveal to them His Ture Nature.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}