% Text title            : Shaivaproktam Shiva Stava
% File name             : shivastavaHshaivaproktaH.itx
% Category              : shiva, shivarahasya, stava
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 14 | 171-221||
% Latest update         : April 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shaivaprokta Shiva Stava ..}##
\itxtitle{.. shaivaproktaH shivastavaH ..}##\endtitles ##
sarvopaniShadAmIshaH paramAtmA sadAshivaH |
ya eko bhagavAnIsha IshAnIbhiH samIshate || 171||
sarvAMllokAnIshate ya IshAnIbhiH samIyate |
udbhave sambhave chaiva eka eva shivaH prabhuH || 172||
ya evaM vidurIshAnamasR^itAste bhavanti hi |
eka eva hi rudro.ayaM na dvitIyo.ayamIshvaraH || 173||
pAti hanti punaH sR^iShTvA pAti hanti punaH punaH |
vishvatashchakShurIshAno vishvato.antarmukhaH shivaH || 174||
vishvatobAhuranadho vishvataspAnmaheshvaraH |
dyAvAbhUmI janayanneka eva sadAshivaH || 175||
sa bAhubhyAM sampatatrairdhamatyeva punaH punaH |
prabhavashchodbhavashchAsIdrudro vishvAdhiko R^iShiH || 176||
brahmaviShNvIshadevAnAM yaH sa eva sadAshivaH |
hiraNyagarbhamevAdau janayAmAsa sha~NkaraH || 177||
viShNuM cha janayAmAsa tasmAdviShNoH paraH shivaH |
tatashchendramukhAndevA~njanayAmAsa sha~NkaraH || 178||
tato bhUmiM tato vAyuM tato gaganamIshvaraH |
tato nAnAvidhA~njIvAnsasarjomAmaheshvaraH || 179||
tataH samudrAnsarito girInapyoShadhInparaH |
ya eva niShkalaH shAnto niravadyo nira~njanaH || 180||
sa evomAsametaH sansR^ijatyavati hanti cha |
tataH paraM brahma varaM bR^ihantaM sAmbameva hi || 181||
yathA nikAyaM bhUteShu gUDhaM sarveShu sarvadA |
eka eva hi rudro.ayaM vishvasya pariveShTitA || 182||
j~nAtvA tamIshamamR^itA bhavantyeva sadAshivam |
mahAntametaM puruShaM parastAttamasaH param || 183||
AdityavarNaM vedAshcha na jAnantyeva sha~Nkaram |
shivameva viditvAti mR^ityurnaiti tamAtmavAn || 184||
na vidyate.ayanAya syAchchAnyaH pranthAH shivaM vinA |
tasmAtparaM nAsti paraM shivAtsarvottamottamaH || 185||
nAsti kashchichChivAjjyAyAnaNIyo.atastamarchayet |
tena pUrNamidaM sarvaM puruSheNa shivena hi || 186||
tato yaduttarataraM tadarUpamanAmayam |
ya enaM vidurIshAnamamR^itAste bhavanti hi || 187||
duHkhamevAbhiyAntyatye shivadhyAnaparA~NmukhAH |
sarvAnanashirogrIvaH sarvabhUtaguhAshayaH || 188||
sarvavyApI cha bhagavAMstasmAtsarvagataH shivaH |
mahAnprabhurvai puruShaH sattvasyaikaH pravartakaH || 189||
sunirmalamidaM shAntamIshAno jyotiravyayaH |
antarAtmA~NguShThamAtraH purUSho.ayaM sadAshivaH || 190||
sAmbo janAnAM hR^idaye sanniviShTo nirantaram |
sarvataH pANipAdaM tatsarvato.akShishiromukham || 191||
sarvataH shrutimalloke sarvamAvR^itya tiShThati |
sarvendriyaguNAbhAsaM sarvendriyavivarjitam || 192||
sarvasya prabhumIshAnaM sarvasya sharaNaM suhR^it |
navadvAre pure dehe haMso lIlAyayate bahiH || 193||
vashI sarvasyabhUtasya sthAvarasya charasya cha || 194||
apANipAdo javano gR^ihItA pashyatyachakShuH sa shR^iNotyakarNaH |
sa vetti sarvaM na cha tasyAsti vettA tamAhuragryaM puruShaM mahAntam || 195||
aNoraNIyAnmahatomahIyAnAtmA guhAyAM nihito.asya jantoH |
tamakratuM pashyati vItashoko dhAtuH prasAdAnmahimAnamIsham || 196||
vedAhametamajaraM purANaM sarvAtmanA sarvagataM vibhutvAt |
janmanirodhaM pravadanti yasya yadbrahmavAdino pravadanti nityam || 197||
ekavarNaH shaktiyogAdaneko bahudhA shivaH |
varNAnanekAnumayA grahItAtho dadAti hi || 198||
vichaiti chAnte vishvAtmA vishvamAdau sa sha~NkaraH |
saMyunaktu sa no budhyA shubhayA devatottamaH ||  199||
strIrUpaH puruShAkAraH sarvAkAraH sadAshivaH |
kumArAtmA kumAryAtmA sarvAtmA vishvatomukhaH || 200||
nIlo gaurashcha harito lohitAkShaH sadAshivaH |
nirmalo niyato yantA niravadyo nirAkR^itiH || 201||
ChandAMsi yaj~nAH kratavo vratAni bhUtaM bhavyaM yashcha vedA vadanti |
tasmAnmAyI sR^ijate vishvametat tasmiMshchAnye mAyayA sanniruddhAH || 202||
mAyAM tu prakR^itiM vidyAnmAyinaM tu maheshvaram |
tasyAvayavabhUtaistu vyAptaM sarvamidaM jagat || 203||
yo vai yonimadhitiShThatyeko yasminnidaM saM cha vivaiti sarvam |
tamIshAnaM varadaM devamIDyaM vichAryemAM shAntimatyantameti || 204||
yo devAnAM prabhavashchodbhavashcha vishvAdhiko rudro maharShiH |
hiraNyagarbhaM janayAmAsa jAyamAnaM jAyamAnaM cha pashyataH || 205||
viShNuM cha janayAmAsa jAyamAnaM cha pashyataH |
indraM cha janayAmAsa jAyamAnaM cha pashyataH || 206||
vahniM cha janayAmAsa jAyamAnaM cha pashyataH |
varuNaM cha janayAmAsa jAyamAnaM cha pashyataH || 207||
yamaM cha janayAmAsa jAyamAnaM cha pashyataH |
lokAMshcha janayAmAsa jAyamAnAMshcha pashyataH || 208||
IdR^ishaH sarvagoptA sa shobhanayA buddhayA sha~NkaraH saMyunaktu |
yo devAnAmadhipo yasmindevA adhishritAH |
sa evasarvadeveshaH sha~NkaraH paramA gatiH || 209||
yasminsadAshivo devAH dvipadashcha chatuShpadaH |
tasmai devAya haviShA sha~NkarAyAmitAtmane || 210||
sUkShmAtisUkShmaM kalilasya madhye vishvasya sraShTAraM tamanekarUpam |
vishvasyeshaM pariveShTitAraM j~nAtvA shivaM shAntimatyantameti || 211||
sa eva kAlo bhuvamasya goptA vishvAdhikaH sarvabhUteShu gUDhaH |
yasminyuktA brahmarShayo devatAshcha taM vij~nAtvA mR^ityupAshAMshChinatti || 212||
shR^itAtparaM maNDamivAtisUkShmaM j~nAtvA shivaM sarvabhUteShu gUDham |
vishvasyaivaM pariveShTitAraM IshaM j~nAtvA muchyate sarvapAshaiH || 213||
ya eva devo vishvakarmA mahAtmA sadA janAnAM hR^idaye sanniviShTaH |
hR^idA manIShA manasAbhiklR^ipto ya evaM viduramR^itAste bhavanti || 214||
yadA samastaM na divA na rAtrirnasanna chAsan shiva eva kevalaH |
tadakSharaM tatsaviturvareNyaM praj~nA cha tasmAtprasR^itAM purANI || 215||
na sandR^ishe tiShThati rUpamasya na chakShuShA pashyati kashcha nainam |
hR^idA manIShA manasAbhiklR^ipto ya evaM viduramR^itAste bhavanti || 216||
na tatra sUryo bhAti na chandratArakaM nemA bhAnti vidyutaH kuto.ayamagniH |
tameva bhAntamanubhAti sarvaM tasya bhAsA sarvamidaM vibhAti || 217||
eko haMso bhuvanasyAsya madhye sa evAgniH salile sanniviShTaH |
tamevaM viditvA atimR^ityumeti nAnyo heturvidyate.ayanAya || 218||
nAtaH paraM vedyamachintyarUpaM shivAchcha sAmbAdadvayAdavaimi |
shivAtmakaM yachcha samastametachChivAnna ki~nchidvyatiriktamasti || 219||
avij~nAya mahAdevamachintyavibhavaM shivam |
amarA api muhyanti kimanye manujAdhamAH || 220||
avamAnya tameveshaM nirayaM yAnti durjanAH |
sammAnayitvA taM devaM prayAnti paramaM padam || 221||

|| iti shivarahasyAntargate shaivaproktaH shivastavaH sampUrNaH ||

\- || shrIshivarahasyam ugrAkhyaH saptamAMshaH | adhyAyaH 14 | 171\-221||
##
- .. shrIshivarahasyam ugrAkhyaH saptamAMshaH . adhyAyaH 14 . 171-221 ..
##
##
Encoded and proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}