% Text title : shivastavarAja % File name : shivastavarAja.itx % Category : shiva, stavarAja % Location : doc\_shiva % Transliterated by : NA, Pallasena Narayanaswami % Proofread by : Pallasena Narayanaswami ppnswami at gmail.com % Latest update : December 27, 2016 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shivastavarAjaH ..}## \itxtitle{.. shivastavarAjaH ..}##\endtitles ## shrIgaNeshAya namaH | sUta uvAcha | ekadA nArado yogI parAnugrahatatparaH | vimatsaro vItarAgo brahmalokamupAyayau || 1|| tatra dR^iShTvA samAsInaM vidhAtAraM jagatpatim | praNamya shirasA bhUmau kR^itA~njalirabhAShata || 2|| nArada uvAcha | brahma~njagatpate tAta nato.asmi tvatpadAmbujam | kR^ipayA parayA deva yatpR^iChAmi taduchyatAm || 3|| shrutishAstrapurANAni tvadAsyAtsaMshrutAni cha | tathApi manmano yAti sandehaM mohakAraNam || 4|| sarvamantrAdhiko mantraH sadA jApyaH ka uchyate | sarvadhyAnAdikaM dhyAnaM sadA dhyeyamihAsti kim || 5|| vedopaniShadAM sAramAyuHshrIjayavardhanam | muktikA~NkShAparairnityaM kaH stavaH paThyate budhaiH || 6|| imaM matsaMshayaM tAta svaM bhettAsi na kashchana | brUhi kAruNayabhAvena mahyaM shushrUShave hitam || 7|| shrutvA.a~Ngajavacho vedhA hR^idi harShamupAgataH | devadevaM shivAkAntaM natvA chAha munIshvaram || 8|| brahmovAcha | sAdhu pR^iShTaM mahAprAj~na lokAnugrahatatpara | satsarvaM te pravakShyAmi gopanIyaM prayatnataH || 9|| praNavaM pUrvamuchchArya namaHshabdaM samuchcharet | sachaturthyaikavachanaM shivaM chaiva samuchcharet || 10|| eSha shaivo mahAmantraH ShaDvarNAkhyo vimuktidaH | sarvamantrAdhikaH proktaH shivena j~nAnarUpiNA || 11|| anena mantrarAjena nAshayituM na shakyate | tachcha pApaM na pashyAmi mArgamANo.api sarvadA || 12|| ayaM saMsAradAvAgnirmohasAgaravADavaH | tasmAtprayatnataH putra mantro grAhyo mumukShubhiH || 13|| mAtR^iputrAdihA yo.api vedadharmavivarjitaH | sakR^iduchchAraNAdasya sAyujyamuktimApnuyAt || 14|| kiM punarvakShyate putra svAchAraparriniShThitaH | sarvamantrAnvisR^ijya tvamimaM mantraM sadA japa || 15|| dhyAnaM te.ahaM pravakShyAmi j~nAtvA yanmuchyate chirAt | vedopaniShadoktaM cha yogagamyaM sanAtanam || 16|| indriyANi niyamyAdau yatavAgyatamAnasaH | svastikAdyAsanayuto hR^idi dhyAnaM samArabhet || 17|| nAbhinAlaM hR^idisthaM cha pa~NkajaM parikalpayet | raktavarNamaShTadalaM chantrasUryAdishobhitam || 18|| samantAtkalpavR^ikSheNa veShTitaM kAntimatsadA | tanmadhye sha~NkaraM dhyAyeddevadaivaM jagadgurum || 19|| karpUrasadR^ishaM chandashekharaM shUlapANinam | trilochana mahAdevaM dvibhujaM bhasmabhUShitam || 20||| parArdhabhUShaNayutaM kvaNannUpuramaNDitam | saratnamekhalAbaddhakaTivastraM sakuNDalam || 21|| nIlakaNThaM jaTAvantaM sakirITaM sushobhitam | graiveyAdiprabandhaDhyaM pArvatIsahitaM puram || 22|| kR^ipAluM jagadAdhAraM skandAdipariveShTitam | indreNa pUjitaM yakSharAjena vya~njitaM vibhum || 23|| pretarAjastutaM nIranAthena namitaM muhuH | brahmaNA gIyamAnaM cha viShNuvandyaM munistutam || 24|| dhyAnametanmayA khyAtaM sUta vedAntashekharam | sarvapApakShayakaraM jayasampattivardhanam || 25|| anena sadR^ishaM tAta nAsti saMsAratArakam | sarvadhyAnAdikaM dhyAnaM gopanIyaM suta tvayA || 26|| kAyavA~NmAnasotthaM yatpApamanyachcha vidyate | tatsarvaM nAshamAyAti dhyAnAtsatyaM vacho mama || 27|| vedashAstrapurANAni setihAsAni yAni cha | dhyAnasya tAni sarvANi kalAM nArhanti ShoDashIm || 28|| premNA kuru mahAbhAga dhyAnametadvimuktidam | atha te vachmyahaM yogin stavaM sarvottamaM cha yat || 29|| brahmAsyaiva R^iShiH prokto.anuShTup ChandaH prakIrtitam | shivo vai daivataM proktaM bIjaM mR^ityu~njayaM matam || 30|| kIlikaM nIlakaNThashcha shaktiH proktA harastathA | niyogaH sarvasiddhyarthaM muktikAmAya vai mataH || 31|| shirasyAsye hR^idi pade kaTyAM bAhvostu vyApake | R^iShayadIni kramAdyu~njetsA~NguShTA~NgulibhiH suta || 32|| mantranyAsaM tataH kuryAchChruNu chaikAgramAnasvaH | ShaDakSharANi yu~njIyAda~NguShThAdya~NgulIShu cha || 33|| hR^idaye cha shirasyeva shikhAyAM kavache yathA | netratraye tathA.astre cha varNA hyevaM cha ShaTa kramAt || 34|| namaH svAhA vaShaT huM cha sarvauShaT phaTkramo vadet | mantranyAsamimaM kR^itvA stavanyAmaM saamAcharet || 35|| shivaM mR^iDaM pashupatiM sha~NkaraM chandrashekharam | bhavaM chaiva kramAdevama~NguShTAdihR^idAdiShu || 36|| sarvanyAsAnprayu~njIta chaturthIsahitAnsuta | namoyutAnnamashchaiva shirasAdiShu varjayet || 37|| shivaM sarvAtmakaM sarvapatiM sarvajanapriyam | sarvaduHkhaharaM chaiva mohanaM girishaM bhaje || 38|| kAmaghnaM kAmadaM kAntaM kAlamR^ityunivartakam | kalAvantaM kalAdhIshaM vande.ahaM girijApatim || 39|| pareshaM paramaM devaM parambrahma parAtparam | parapIDAharaM nityaM praNamAmi vR^iShadhvajam || 40|| lokeshaM lokavandyaM cha lokakartAramIshvaram | lokapAlaM haraM vande dhIraM shashivibhUShaNam || 41|| shivApatiM giripatiM sarvadevapatiM vibhum | pramathAdhipatiM sUkShmaM naumyahaM shikhilochanam || 42|| bhUteshaM bhUtanAthaM cha bhUtapretavinAshanam | bhUdhara bhUpatiM shAntaM shUlapANimahaM bhaje || 43|| kailAsavAsinaM raudraM phaNirAjavibhUShaNam | phaNibaddhajaTAjUTaM praNamAmi sadAshivam || 44|| nIlakaNThaM dashabhujaM tryakShaM dhUmravilochanam | digambaraM dishAdhIshaM namAmi viShabhUShaNam || 45|| muktIshaM muktidaM muktaM muktagamyaM sanAtanam | satpatiM nirmalaM shambhuM nato.asmi sakalArthadam || 46|| vishveshaM vishvanAthaM cha vishvapAlanatatparam | vishvamUrtiM vishvaharaM praNamAmi jaTAdharam || 47|| ga~NgAdharaM kapAlAkShaM pa~nchavaktraM trilochanam | vidyutkoTipratIkAshaM vanda.ahaM pArvatApatim || 48|| sphaTikAbhaM janArtighnaM devadevamumApatim | tripurAriM trilokeshaM nato.asmi bhavatArakam || 49|| avyaktamakSharaM dAntaM mohasAgaratArakam | stutipriiyaM bhaktigamyaM sadA vande haripriyam || 50|| amalaM nirmalaM nAthamapamR^ityubhayApaham | bhImayuddhakaraM bhImavaradaM taM nato.asmyaham || 51|| harichakrapradaM yogidhyeyamUrtiM suma~Ngalam | gajacharmAmbaradharaM praNamAmi vibhUtidam || 52|| AnandakAriNaM somyaM sundaraM bhuvaneshvaram | kAshIpriyaM kAshirAjaM varadaM praNato.asmyaham || 53|| shmashAnavasinaM bhavyaM grahapIDAvinAshanam | mahAntaM praNavaM yogaM bhaje.ahaM dInarakShakam || 54|| jyotirmayaM jyotirUpaM jitakrodhaM tapasvinam | anantaM svargadaM svargapAlaM vande nira~njanam || 55|| vedavedyaM pApaharaM guptanAthamatIndriyam | satyAtmakaM satyaharaM nirIhaM taM nato.asmyaham || 56|| dvIpicharmottarIyaM cha shavamUrdhAvibhUShaNam | asthimAlaM shvetavarNaM namAmi chandrashekharam || 57|| shUlinaM sarvabhUtasthaM bhaktoddharaNasaMsthitam | li~NgamUrti siddhasevyaM siddhasiddhipradAyakam || 58|| anAdinidhanAkhyaM taM rAmasevyaM jayapradam | yodhAdiM yaj~nabhoktAraM vande nityaM parAvaram || 59|| achintyamachalaM viShNuM mahAbhAgavatottamam | paraghnaM paravedyaM cha vande vaikuNThanAyakam || 60|| AnandaM nirbhayaM bhaktavA~nchChitArthapradAyakam | bhavAnIpatimAchAryaM vande.ahaM nandikeshvaram || 61|| somapriyaM somanAthaM yakSharAjaniShevitam | sarvAdhAraM suvistAraM praNamAmi vibhUtidam || 62|| anantanAmAnamanantarUpamanAdimadhyAntamanAdisatvam | chidrUpamekaM bhavanAgasiMhaM bhajAmi nityaM bhuvanAdhinAtham || 63|| vedopagItaM vidhushekharaM cha surArinAthArchitapAdapadmam | karpUragauraM bhujagendrahAraM jAnAmi tattvaM shivameva nAnyam || 64|| gaNAdhiNAthaM shitikaNThamAdyaM tejasvinaM sarvamanobhirAmam | sarvaj~namIshaM jagadAtmakaM cha pa~nchAnanaM nityamahaM namAmi || 65|| vishvasR^ijaM nR^ityakaraM priyaM taM vishvAtmakaM vishvavidhUtapApam | mR^ityu~njayaM bhAlavilochanaM cha chetaH sadA chintaya devadevam || 66|| kapAlinaM sarpakR^itAvataMsaM manovachogocharamambujAkSham | kShamAmbudhiM dInadayAkaraM taM namAmi nityaM bhavarogavaidyam || 67|| sarvAntarasthaM jagadAdihetuM kAlaj~namAtmAnamanantapAdam | anantabAhUdaramastakrAkShaM lalATanetraM bhaja chandramaulim || 68|| sarvapradaM bhaktasukhAvahaM cha puShpAyudhAdipraNatipriyaM cha | trilokanAthaM R^iNabandhanAshaM bhajasva nityaM praNatArtinAsham || 69|| AnandamUrti sukhakalpavR^ikShaM kumAranAthaM vidhR^itaprapa~ncham | yaj~nAdinAthaM paramaprakAshaM namAmi vishvambharamIshitAram || 70|| ityevaM stavamAkhyAtaM shivasya paramAtmanaH | pApakShayakaraM putra sAyujyamuktidAyakam || 71|| sarvarogaharaM mokShapradaM siddhipradAyakam | mA~NgalyaM bhuktimuktyAdisAdhanaM jayavardhanam || 72|| sarvastavottamaM viddhi sarvavedAntashekharam | paThasvAnudinaM tAta premNA bhaktyA vishuddhikR^it || 73|| gohA strIbAlaviprAdihantAnyatpApakR^ittathA | vishvAsadhAtachArI cha khAdyapeyAdidUShakraH || 74|| koTijanmArjitaiH pApairasaMkhyAtaishcha veShTitaH | aShTottarashatAtpAThAt shuddho bhavati nishchitam || 75|| mahArogayuto vApi mR^ityugrahayutastathA | triMshattadasya paThanAtsarvaduHkhaM vinashyati || 76|| rAjavashye sahasraM tu strIvashye cha tadardhakam | mitravashye pa~nchashataM pAThaM kuryAtsamAhitaH || 77|| lakShapAThAdbhavechchaiva shiva eva na saMshayaH | bahunA kimihoktena bhAvanAsiddhidAyakaH || 78|| pArvatyA sahitaM girIndrashikhare muktAmaye sundare pIThe saMsthinamindushekharamaharnAthAdisaMsevitam | pa~nchAsyaM phaNirAjaka~NkaNadharaM ga~NgAdharaM shUlinaM tryakShaM pApaharaM namAmi satataM padmAsanasthaM shivam || 79|| iti shrIpadmapurANe brahmanAradasaMvAde shivastavarAjaH sampUrNaH || ## Proofread by Pallasena Narayanaswami ppnswami at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}