% Text title            : Devaih Kritam Shiva Stotram
% File name             : shivastotramdevaiHkRRitaM.itx
% Category              : shiva, stotra
% Location              : doc\_shiva
% Transliterated by     : PSA Easwaran
% Proofread by          : PSA Easwaran
% Description/comments  : From Saurapurana
% Latest update         : December 11, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Kritam Shiva Stotram ..}##
\itxtitle{.. devaiH kR^itaM shivastotram ..}##\endtitles ##
(saurapurANe 45\-adhyAyAntargatam)

devA UchuH\-
ya eSha bhagavAnrudro brahmA viShNurmaheshvaraH || 21||
skandashchAgnistathA chandro bhuvanAni chaturdasha |
bhUtAni cha tathA sUryaH somAdyaShTau grahAstathA || 22||
prANaH kAlo yamo mR^ityuramR^itaM parameshvaraH |
bhUtaM bhavyaM bhaviShyaM cha vartamAnaM maheshvaraH || 23||
vishvaM kR^itsnaM jagatsarva satyaM tasmai namo namaH |
omAdau cha tathA madhye bhUrbhuvaH svastathaiva cha || 24||
ante tvaM vishvarUpo.asi shIrShaM cha jagataH sadA |
brahmaikastvaM dvitridhordhvamadhastattvaM sureshvaraH || 25||
shAntishcha tvaM tathA puShTistuShTishchApyahutaM hutam |
vishvaM chaiva tathA.avishvaM dattaM chAdattamIshvaraH || 26||
R^itaM vA.apyathavA deva paramapyaparaM dhruvam |
parAyaNaM satAM chaiva asatAmapi sha~Nkara || 27||
apAma sogamabhR^itA abhUmAganma jyotiravidAma devAn |
kiM nUnamasmAnkR^iNavadarAtiH kimu dhUrtiramR^ita martyasya ||
etajjagadveditavyamakSharaM sUkShmamavyayam |
prAjApatyaM pavitraM vA saumyamagrAhyamagriyam || 29||
AgneyenApi chA.a.agneyaM vAyavyena samIraNam |
saumyena saumyaM grasate tejasA svena lIlayA || 30||
tasmai namo.apasaMhartre mahAgrAsAya shUline |
hR^idisthA devatAH sarvA hR^idi prANAH pratiShThitAH || 31||
hR^idi tvamasi yonistvaM tisro mAtrAH parastu saH |
shirashchottaratastasya pAdo dakShiNatastathA || 32||
sa yo jIvottaraH sAkShAtsa AkAraH sanAtanaH |
o~NkAro yaH sa vai devaH praNavo vyApya tiShThati || 33|
anantatAraH sUkShmashcha shuklaM vaidyutameva cha |
parabrahma sa ishAna eko rudraH sa eva cha || 34||
bhavAnmaheshvaraH sAkShAnmahAdevo na saMshayaH |
UrdhvamunnAmayatyevaM sa o~NkAraH prakIrtitaH || 35||
prANAnnayati yattasmAtpraNavaH paribhAShitaH |
sarvaM vyApnoti yattasmAtsarvavyApI sanAtanaH || 36||
brahmA harishcha bhagavAnAdyantaM nopalabdhavAn |
yathA.anye cha tato.ananto rudraH paramakAraNam || 37||
yattArayati saMsArAttAra ityabhidhIyate |
sUkShmo bhUtvA sharIrANi sarvadA hyadhitiShThati || 38||
tasmAtsUkShmaH sadA khyAto bhagavAnnIlalohitaH |
nIlashcha lohitashchaiva pradhAnapuruShAnvayAt || 39||
skandate.asya yataH shukraM tataH shukramayIti cha |
vidyotayati yattasmAdvaidyutaM parigIyate || 40||
bR^ihattvAdbR^iMhaNAdbrahma bR^iMhate cha parAparas |
tasmAdbR^ihati yattasmAtparaM brahmeti kIrtitam || 41||
advitIyo.atha bhagavAMsturIyaH shiva Ishate (?) |
IshAnamasya jagataH svardR^ishaM babhrumIshvaram || 42||
ishAnamindra tasthuShaH sarveShAmapi sarvadA ||
IshAnaH sarvavidyAnAM yattadIshAnamuchyate || 43||
yadIkShate cha bhagavAnnirIkShayati chAnyathA |
Atmaj~nAnaM mahAdevo yogo bhramayati svayam || 44||
bhagavAMshchochyate tena devadevo maheshvaraH |
sarvAllokAnkrameNaiva vo gR^ihNAti maheshvaraH ||
visR^ijatyeSha devesho vAsayatyapi lIlayA || 45||
eSha hi devaH pradisho nu sarvAH pUrvo hi jAtaH sa u garbhe antaH |
sa eva jAtaH sa janiShyamANaH pratya~NjanAstiShThati sarvatomukhaH || 46||
upAsitavyaM yatnena tadetatsadbhiragriyam |
yato vAcho nivartante aprApya manasA saha || 47||
tadagrahaNameveha yAdvAgvadati yatnataH |
aparaM cha paraM cheti pArAyaNamiti svayam || 48||
vadanti vAchaH sarvaj~na sha~NkaraM nIlalohitam |
eSha sarvo namastasmai puruShaH pi~NgalaH shivaH || 49||
sa ekaH sa mahArudro vishvaM bhUtaM bhaviShyati |
bhuvanaM bahudhA jAtaM jAyamAnamitastataH || 50||
hiraNyabAhurbhagavAnhiraNyamapi cheshvaraH |
ambikApatirIshAno hemaretA vR^iShadhvajaH || 51||
umApatirvirUpAkSho vishvabhugvishvabhAvanaH |
brahmANaM vidadhe yo.asau putramagneH sanAtanam || 52||
prahiNoti sma tasmai cha j~nAnamAtmaprakAshakam |
tamekaM puruShaM rudraM puruhUtaM puruShTutam || 53||
vAlAgramAtraM hR^idayasya madhye vishvadevaM vahnirUpaM vareNyam |
tamAtmasthaM ye.anupashyanti dhIrAsteShAM shAntiH shAshvatI netareShAm || 54||
mahato.api mahIyAnsa aNorapyaNuravyayaH |
guhAyAM nihitashchAtmA jantorasya maheshvaraH || 55||

iti devaiH kR^itaM shivastotraM sampUrNam |

##
Encoded and proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}