% Text title            : Shiva Stuti Devaih Krita
% File name             : shivastutiHdevaiHkRRitA.itx
% Category              : shiva, stuti
% Location              : doc\_shiva
% Transliterated by     : PSA Easwaran
% Proofread by          : PSA Easwaran
% Description/comments  : From Saurapurana
% Latest update         : December 11, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shiva Stuti Devaih Krita ..}##
\itxtitle{.. shivastutiH devaiH kR^itA ..}##\endtitles ##
(saurapurANe 61\-adhyAyAntargataM)

devA UchuH\-
OM namaH parameshAya trinetrAya trishUline |
virUpAya surUpAya pa~nchAsyAya trimUrtaye || 33||
varadAya varArhAya kUrmAya cha mR^igAya cha |
nIlAlakashikhaNDAya maNDaleshAya te namaH || 34||
vishvamAnAya vishvAya vishveshAyA.a.atmarUpiNe |
kAlaghnAya makhaghnAya andhakaghnAya vai namaH || 35||
namo mantrAya japyAya koTijApyAya te namaH |
dhyAnAya dhyeyarUpAya dhyeyadhyAnAtmane namaH || 36||
Isho.anIshastvamevesha anto.anantastvameva cha |
avyayastvaM vyayashchaiva janmAjanma tvameva cha || 37||
nityAnityastvamevesha dharmAdharmastvameva cha |
gurustvamagururdeva vIjaM vA.abIjameva cha || 38||
kAlastvamasi lokAnAmakAlaH parigIyase |
balastvamabalashchaiva prANashchAprANa eva cha || 39||
sAkShI tvaM karmaNAM deva tathA.asAkShI maheshvara |
shAstA.ashAstA virUpAkSha dhruvashchAdhruva eva cha || 40||
saMsArI tvaM hi jantUnAmasaMsArI tvameva cha |
goptA tvaM sarvabhUtAnAM nAsti goptA taveshvaraH || 41||
jIvastvaM jIvalokasya jIvaste.anyo na vidyate |
nyUnAtiriktabhAvena tvamAyushcha sharIriNAm || 42||
dehinAM sha~NkarastvaM hi na chAnyastava sha~Nkara |
arudrastvaM mahAdeva rudrastvaM ghorakarmaNAm || 43||
devAnAM cha mahAdevo mahAMstvatto na vidyate |
kAmastvaM bhavinAM sarvakAmadastvaM jagatpate || 44||
ajeyo jayinAM shreShTho jayarUpastvameva hi |
purANapuruShastvaM hi purANo.anyo na vidyate || 45||
vyAlayaj~nopavItAya sarojA~NkAya te namaH |
namo.astu nIlagrIvAya shitikaNThAya mIDhuShe || 46||
namaH kapAlahastAya pAshahastAya daNDine |
namo devAdhidevAya namo nArAyaNAya cha || 47||
UrdhvamArgapraNetre cha namaste hyUrdhvaretase |
krodhine vItarAgAya gajacharmAvaguNThine || 48||
namo brahmashiroghnAya namaste rukmaretase |
namashchaNDAya dhIrAya kamaNDaluniSha~NgiNe || 49||
namaH prachaNDavegAya krodhachaNDAya te namaH |
vareNyAya sharaNyAya brahmaNyAyAmbikApate || 50||
sarvAnugrahakartA tvaM dhanadAya namo namaH |
namaH saMsArapotAya ANimAdipradAyine || 51||
jyeShThasAmAdisaMsthAya. rathantarAya te namaH |
trigAthAya trimAtrAya trimUrte triguNAtmane || 52||
trivedine trisandhyAya trishUnyAya trivarmaNe ||
tridehAya trikAlAya trishaktivyApine namaH || 53
shaktitrayavihInAya shaktitrayayutAya cha |
shaktitrayAtmarUpAya shaktitrayadharAya cha || 54||
yogIshAya viShaghnAya vijayAya namo namaH |
namaste harikeshAya lokapAlAya daNDine || 55||
halIshAya prameyAya kulIshAya tu chakriNe |
namo binduvisargAya nAdAyAnAdadhAriNe || 56|
nADIsthAya cha nADyAya nADIvAhAya vai namaH |
namo gAyatrInAthAya gAyatrIhR^idayAya te || 57||
namo gAyatrIgoptre cha gAyatryAya namo namaH ||
ya idaM paThate stotraM gIrvANaiH samudIritam || 58
yAvajjIvakR^itaiH pApairmukto yAti parAM gatim |
evaM stutaH suraiH shambhuH prasanno varado.abhavat || 59||

iti saurapurANe ekaShaShThitamo.adhyAyAntargatA devaiH kR^itA
          shivastutiH samAptA |
##
Encoded and proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}