जैगीषव्यकृता शिवस्तुतिः
महेश्वर महोद्धत प्रबलपापतापापह
प्रपन्नजनरक्षण क्षणविशिष्टशिष्टेष्टद ।
विनीतजनवत्सल त्रिपुरमारसंशोषक
प्रसीद दययाधुना भवदवाग्निसंशोषक ॥ ५.५५॥
क्षपापतिकलाधर क्षपितपापतापापह
प्रचण्डगरलाशन त्रिदशमौलिवन्द्याङ्घ्रिक ।
महोक्षवरवाहनाध्वरसुदक्षदक्षापह
भगाक्षिहर शङ्कर प्रसभमाशु पश्य प्रभो ॥ ५.५६॥
हरामरवरोत्तम प्रबलसौरिगर्वापह
मृकण्डुतनयार्चित प्रबलशूलदग्धान्धक ।
फणीन्द्रमणिकङ्कणोज्वलित सूर्यसोमानलत्रिलोचन
दयारसैः प्रथय वेदगीताशय ॥ ५.५७॥
त्रियम्बक सदाशिव त्रिदशनायकाशावस
यमीन्द्रहृदयाब्जगोच्चलितमड्डुनादप्रिय ।
सुकृत्तिवसनामलोच्छ्वसितभोगिभोगप्रिय
प्रसीद मयि देव भोर्मुरहराब्जनेत्राङ्घ्रिक ॥ ५.५८॥
रमारमणसायक प्रबलमेरुसद्धन्वक
महीवररथाङ्गकविधृतसोमपूषात्मक ।
तुरङ्गनिगमाव्यय विधिसुयन्तरीक्षस्व मां
दयारसदृशानया मदनकायनाशादर ॥ ५.५९॥
॥ इति शिवरहस्यान्तर्गते माहेश्वराख्ये जैगीषव्यकृता शिवस्तुतिः ॥
- ॥ श्रीशिवरहस्यम् । माहेश्वराख्यः प्रथमांशः । अध्यायः ५ - जैगीषव्यप्रसादकरणम् । ५५-५९॥
- .. shrIshivarahasyam . mAheshvarAkhyaH prathamAMshaH . adhyAyaH 5 - jaigIShavyaprasAdakaraNam . 55-59..
Notes:
Jaigīṣavya जैगीषव्य eulogizes Śiva शिव as He manifests His Divine Appearance on being invoked by Muni Nārada मुनि नारद.
Encoded and proofread by Ruma Dewan