% Text title : Sarvadevakrita Shiva Stuti % File name : shivastutiHsarvadevakRRitA.itx % Category : shiva, shivarahasya, stuti, pUjA % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mAheshvarAkhyaH prathamAMshaH | adhyAyaH 57 - sarvadevastutiH | 1-45|| % Latest update : December 17, 2023 % Send corrections to : sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Sarvadevakrita Shiva Stuti ..}## \itxtitle{.. sarvadevakR^itA shivastutiH ..}##\endtitles ## IshvaraH \- devairgaNendrairmunibhisstuto.ahaM tatra tatra hi | tatstutiM sAvadhAnena mattashR^iNu nagAtmaje || 1|| viShNubrahmAdayo devAstathaiva gaNapA mama | mAM tuShTuvurmahAdevaM padyairgadyairmanoharaiH || 2|| viShNuH \- kanajjaTAkuTIragAM viha~Ngasa~NgamaNDitAM karipriyA~Ngasa~NgatAM mukhAbjakAntira~NgitAm | kapardakoTisa~NgatAM kathAsudhAtara~NgiNIM bhajAmi shambhumauligAM maheshvaraM nato.asmyaham || 3|| kharAdikha~NgasaMhatiprapa~nchabandhanAntaka prakhAsachandrahAsadhR^ik | akhaNDakhaNDaparshujaprabhAvitardikevatatkShaNaj~napAraNasphuratkharAdiduShTagarvahR^it || 4|| brahmA \- manotigaM vachotigaM gaNAtigaM guNAtigaM bhuja~NgarAjabhogagArchitA~NghrihR^itpathojagam | tara~NgiNItara~NgajapraphullapadmanAlagaM bhajAmi ratnara~NgagaM kura~NgapANimIshvaram || 5|| hiraNyadaM mahIpradaM pashupradaM sutapradaM harAjaviShNumarvadapradAnabhogamokShadam | bhajAmi devadaivataM guhAhitaM jagadgataM prabhAvitaM subhAShitaM mahAshrutIDitaM shivam || 6|| rudraH \- mahAhirAjaka~NkaNaM dharAdhR^igAtmajAsakhaM jvalattrishUladhAriNaM munIndrabAlapoShaNam | kura~NgabAladhAriNaM sitatripuNDradhAriNaM bhajAmi somadhAriNaM karIndrakR^ittidhAriNam || 7|| prakR^iShTasAmaghoShiNaM sudhAMshukhaNDadIdhitiprachaNDamaulimaNDalaM sukuNDalIkR^itAchChagaNDakuNDalIshvaraM prabhum | akhaNDadivyadIdhimatsuchandrakhaNDadehakaM vidhAtR^imuNDapaNDajaprakAshamAlajAlakam || 8|| bhajAmi chaNDatANDavaM ghanANDajANDajapriyaM tuhaNDahuNDakapriyaM mahorubahudaNDakam | indraH \- purAntakaM smarAntakaM bhagAntakaM makhAntakaM gajAndhakAntakAntakaM shivaM sadA hR^idambuje || 9|| vAyuH \- sudakShadakShashikShakaM mahokShavAhakakShagaM supakShivAhanapriyaM mayaskaraM yashaskaraM | tiraskaraM mahenasAM mahaskaratatiprabhaM tiraskR^itaM durAtmanAM || 10|| sumaskarImanogataM sutaskaraM haviShkaraM bhajAmi sha~NkaraM sadA hR^idantare suvistaram || 11|| agniH \- shubhA~NgadaM shubhAspadaM sureShu dattatatpadaM mahAvibhUtidhAriNaM subhUtidaM sumokShadam | bhavAdihInabodhadaM karIndracharmavastrakamakhaNDasomamaNDalapradaM bhaje shivaM sadA || 12|| yamaH \- haraM subhaktatatparaM garandharaM jvalandharaM prabuddhashatrusaMharaM mayaskaraM maheshvaram | harIsharaM mahIdharorukArmukaM bhajAmi bhUrathaM haram || 13|| sUryaH \- sharIrabhogasaMharaM bhajAmi devabhAskaraM hara~ncha sha~NkaraM sadA | parAtparaM naTeshvaraM janArdanArdanaM phaNIndrarAjahArakaM sumAramArakArakam || 14|| kuberaH \- dhanAdhipaM gaNAdivR^indapAdhipamumAdhipaM vR^iShAdhipaM jagatsukAraNAdhipam | bhajAmi chitsukhAdhipaM nagAdhipaM hR^idAdhipam || 15|| chandraH \- sharachchashIsamaChaviM mahokShapuchChachAmaraM mahAchChatarukalpakaprasUnaguchChamastakam | nirichChajanavallabhaM taTichChavikapardakaM hR^idisthashivamavyayaM sukachChapastaveDitam || 16|| varuNaH \- vishiShTAdvishiShTAdishiShTeShTanaShTaM giriShTaM mahiShTaM tathA jyeShTamIsham | bhajAmIShTamaShTAkR^itiM bhaktituShTaM kaniShTa~ncha kaShTAdikaShTaikanAsham || 17|| ashvinau \- kaTitaTakaraTitvachaM jaTAkuTIrAtsurapATIrataTItaToruga~NgAtaTabaddhendukalAsaTam | vaTorudhArAnikaTATa~NkaTakoTiTa~Nkahastam || 18|| vasavaH \- bhuja~NgarAjahArakaM mahAviShAgnidhArakaM bhavAmbudhessutArakaM bhayAnakaM mahenasAm | bhajAmahe.antakAntakaM maheshvaratvadAyakaM surAsurendranAyakaM jaTA~NganArdhakAyakam || 19|| marutaH \- mahArikhaM bhujAMsukhAntara~NgamadrajAsakhaM susAmajAtasanmukhaM tridadvayonmukhonmukham | bahirmukhaissudurmukhaM hasanmukhaM samastaduHkhadurmukhaM bhaje shivaM hR^idA sadA || 20|| shikhIsakhAsakhaM jalAsakhaM naTatvasheShasanmukhaM hR^idi || 21|| rudrAH \- dR^iga~nchalasphuli~NgaleshabhasmitA~Ngana~Ngabhasmasa~Ngatam | pata~NgadR^iksamAntara~NgamindudhAmagaM viha~NgavAhanArchitam || 22|| bhaje shivaM dR^iga~NgataM shivA~NgakaM pAthojagArchitA~Ngamaulisa~Ngatam | sudakShadakShashikShakaM mahokShavAhakakShagaM supakShivAhanapriyaM bhajAmyadhokShajArchitam || 23|| hR^idakShahI namakShataM tvapakShayAdivarjitaM bhajAmi bhaktajAlake hyapekShayA suvarjitam || kShapeshamaulimIkShaNIkR^itAnjamitrakAnanamalakShamakShatA\- kShadR^ishyavigrahaM virUpakAkShamIshvaraM bhaje sadA hR^idantare || 24|| AdityAH \- gaNAdhinAthanAthitAkhilaprapa~nchagAdhijAtasannutaM digAdhigAyakAtithIkR^itAbjadivyapAdukam | bhajAmi rAtrinAthamaulikasphuratsura~njanItara~NgiNIdivAsanAthagaM sadA || 25|| gaNeshaH \- asheShashoShitAkhilaprapa~nchajAtasheShakaM munIShTajAtapoShakaM mahAhisheShabhUShakam | samudranIrashoShakaM prakAmamiShTalochanaM mahAmbudaprakarShaNaM taTitsamAnaghoShaNam || 26|| bhajAmi vedabhAShiNaM vidhestu sR^iShTikAraNam || 27|| skandaH \- ghanastanayugakShakaM ghanastanitanimnamerudAghaghR^iNAyutasuchakShuSham | nirAkR^itAghadasa~NghakaM ghR^iNAyutaM svabhaktake dhR^itAkShabhUtisupriyaM dhanAbhakaNThamaNDalam || 28|| svanannakhAgranissR^itavidhIjamuNDamaNDalaM bhaje.antara~NgachiddhanaM sadAshivaM sadAhR^idi | nandIshvaraH \- charAcharaM sucha~NkaraM kR^ipIDayonidhArakaM nishAcharAntakaM chaturmukhAnanAravindavedajAlamasaMstutaM shivam | vichAramAtragocharaM supa~nchavaktragocharaM sunishchalaM hR^idantare suchAmaraughavIjitaM mahokShagaM bhaje shivam || 30|| chaNDI \- harijjaTAtaTInika~NkaTebhacharmadhArakaM (naTAnaTikadambacharmadhArakaM) kavATahR^ittaTInikATahaMsakaM vaTorumUlagaM shivaM mahotkaTam || 31|| bhR^i~NgI \- mR^iDaM dR^iDhaM parIbR^iDhaM subADhagADhahR^idgataM sumUDhavyUDhasanmukhaM kriyAsamUhatarpitam | anUDhakanyakAdrijAsakhaM samUhagUDhahR^idgataM mahAkarAmbujotthitaprakAshaDhakkavAdyakam || 32|| IshvaraH \- gIrvANairagR^itArthibhiH kila shive kShIrAbdhidhArArNave kR^itvA vAsukirajjumajjanavidhau manthAnamandrAchalam | tasmAdapyudabhUnmahAmaNigaNaM dhenUgaNaM pa~NkajA\- jjAtA choShadhinAyakassuratarussAra~NgatIra~Ngakau || 33|| dhUmotkIlitakAlakUTashabalajvAlAtigaM te tatAH kAndIshIkR^itadevadaityanivahaM dR^iShTvAhameko ghR^iNI | tatprAshyAkhiladevasa~Nghavinuto nIlAchChakaNTho.abhavam || 34|| akapaTapaTuvAkyamauligumphaistaTinIjAlakamaulirAgahAkhilAgraH | karaTitvakpaTabhUtabhUtaTopo kapaTitadUrahR^idabjanR^ittaTopaH || 35|| sandhyAtANDavaDambaravyasanino bhargasya chaNDabhrame pronnR^ityadbhujachaNDamaNDalabhuvo ja~njhAnilAH kevalam | yeShAmuchchalatAM javena jhaTiti vyUheShu bhUmIbhR^itA\- muDDIneShu biDaujasA punarasau dambholirAlokitaH || 36|| sarvadevAH \- tvalli~NgArchanato mahesha sharadAM jIvema shambhoshataM tvannAmAni sadA bruvAma cha vibho bhaktAnhi nandAma te | li~NgaM bilvadalottamA~NgamasakR^itpashyema puNyAH kathA\- shshR^iNvAmaH prativAsaraM cha vigatainaskA bhavAmo vayam || 37|| sheShaH \- vasudhAdharadhArakaM maheshaM vasudhArAdhipamitramitrasaMstham | himakarahimabheShajAkShiyugmaM himagirisutayAnato.asmi devamAdyam || 38|| IshvaraH \- pR^iShTeShTalamakamaThAkR^itilokanATyaM bhUdAradAritara mAtalato.atidUram | (pR^iShToShTalagnakamaThAkR^itilokanAthaM bhUdAradAritara mAtalato.atidUram)| brahmANDakharparamatItya gatordhvamauliM lokeshadR^iShTivirahAnmama li~Ngametat || 39|| talli~NgapUjanamume shrutimaulivAkyasiddhAntagarbhitapadaprapathena bhAvyam | tatkashchideva kurute mama cha prasAdAno vA surA bharitabhaktirasA hi kechit || 40|| chaNDAMshuprakaTapradIpitatamasstomaikasImA dishaH khadyotadyotaneva prabhavati bhavatAM devajAlaM samagram | kiM nimbAkatarussuradrumasamo bhUyAttato me shive hyaj~nAnaM kimu vedanena sadR^ishaM viShNvAdayaH kiM samAH || 41|| gaganAtigali~NgamaulimetadvarapAtAlatalAttamUlabhAgam | mahasAdhavalIkR^itAkhilAshaM bhavadAshAsyasamaM mameShTavAsam || 42|| gaganagatamapAratejaseddhaM janitAnandabhareNa devasa~NghAH | avanitalanivAsamastakAste paribaddhA~njalayo dadarshurIsham || 43|| sUtaH \- surakuvalayasomaM somadhAmottamA~NgaM madhurimaguNasImaM bhUmasAmAdigItam | sumasamamR^idukAyaM bhImamIshaM cha somaM kumatipathavidUraM kAmadaM kAmanAsham || 44|| kamalAmalanetrapUjyapAdaM kamalArAtijaTAtaTorubhUSham | kalitAlakagA~Ngatu~NgalIlaM kalashodbhUtamuniprapUjitA~Ngam || 45|| || iti shivarahasyAntargate mAheshvarAkhye shivaproktaM kShetrapUjanam || \- || shrIshivarahasyam | mAheshvarAkhyaH prathamAMshaH | adhyAyaH 57 \- sarvadevastutiH | 1\-45|| ## - .. shrIshivarahasyam . mAheshvarAkhyaH prathamAMshaH . adhyAyaH 57 - sarvadevastutiH . 1-45.. Notes: Śiva ##shiva ## narrates to Devī ##devI##, the eulogies offered by the various Devā-s ##devAH ## unto Him.## ## Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}