% Text title            : Skandakrita Shiva Stuti
% File name             : shivastutiHskandakRRitA.itx
% Category              : shiva, stuti, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 14| 8-28 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandakrita Shiva Stuti ..}##
\itxtitle{.. skandakR^itAshivastutiH ..}##\endtitles ##
yo.ayaM devaH sachchidAnandarUpI rUpAtIto vedavedAntavArtAH |
yasmAdasmAnnirgatA evaM satyaM tattvaM devaM tattvataH ko.api veda || 1||
yasmAdetajjAyate vishvamAdau yenaivedaM lakShitaM rakShaNArham |
ante tAvannAshameti prabhUtaM tattvaM vande devatAsArvabhaumam || 2||
yatpAdAbjaM mR^igyamAsInmunInAM tattvaj~nAnApArasArAkarANAm |
tatpAdAbjaM durlabhaM durlabhaM me devAshAsyaM sarvathA durlabhaM cha || 3||
yatpAdAbjaM kAmakAmAH surAdyAH sarve tAvat draShTumichChanti bhaktyA |
tatpAdAbjaM durlabhaM vedagItaM tanmachchittaM santataM sAvadhAnam || 4||
yAgairyogaiH sAdhanairyanna dR^iShTaM pAdAmbhojaM vishvanAthasya tanme |
nityaM tAvad durlabhaM durlabhAnAM madhye tAvat durlabhaM tatpadAbjam || 5||
tvatpAdAbjaM draShTumadyApi dhanyAH yogAbhyAsaM kartumapyudyatAste |
kR^itvA kR^itvA taM punaH shrAntachittAH tatpAdAbjaM draShTumardhendumaule || 6||
ghorAkArApArasaMsArasindhuH yatpAdAbjAlokanena pravR^iddhaH |
taM tvAM somaM devatAsArvabhauma vande devaM sundarAnandakandam || 7|| (vande vande)

nityAnandAnandasandohabIjaM yatpAdAbjaM sarvavij~nAnabIjam |
pAdAmbhojaM taM namAmi praNAmaH tvatpAdAbje durlabhaH sarvadA me || 8|| (prapannaH tvatpAdAbje durlabhaM me)

surApArakoTIrakoTiprabhAbhiH bhavatpAdukAkAntikAntAbhirIsha |
prashAnto vidhurbhAnumAnindumaule kalA ShoDashI vA na tasyAstu tAsAm || 9||
bhavatpAdapadmaprabhAmaNDalena prabhUto.api mANDa ityeva manye |
jaganmaNDalaM bhAsayatyambikesha prakAshastavAyaM prakAshAya kasya || 10||
tavAyaM prabhAvaH prabhUtaH prabhAti prabhAmaNDalasyAsya kAryaM na vidmaH |
sphuli~Ngena naShTe.api gADhAndhakAre kva sUryAdyapekShA.api lokeShu dR^iShTA || 11||
taDitkoTisa~NghAtajAtaprakAshaM tiraskR^itya tejastavedaM pravR^ittam |
sphuratpAdapadmasya tasya sphuli~NgA ravirvahnirinduH grahAstArakAshcha || 12||
achintyaprabhAvo manogocharo vA na vedAntavAggocharo vA nivR^ittAH |
yato vAcha eveti manye nivR^ittAH pravR^ittiH kathaM tatra mAnAntarasya || 13|| (svato vAcha eveti manye sachittAH) (sachittAH)

anantAni pApAni nAshaM prayAnti svatastatpadAmbhoruhAnugraheNa |
kimugrAstyashakyaM tavAnugrahasyApyayaM te mamAnugrahoyaM mahesha || 14||
maheshAdya yAche bhavatpAdapadme dR^iDhAM bhaktimekAM tvadanyaM na yAche |
tvamevAsi mAtA pitA.asi tvameva tvameva prabhurme tvamevAsi bandhuH || 15||
anAthaikanAtha prabho vishvanAtha prabho mAmanAthaM sanAthaM kuru tvam |
ananyAvanaM te kathaM vA na dharmaH tvamevAsi dharmasvarUpaH smarAre || 16||
smarAmi smarAmi smarAre bhavantaM vipaddhvAntasaMhArahetu prashAntam |
jagaddhetumekaM bhavantaM smarAmi smarAre sharaNyo na ko.apyasti loke || 17||
kva vA te padAbjaM kva vA vA mano me manovR^ittirasminkathaM tvatpadAbje |
sthirA jAyatAmindumaule dayAlo dayApAtramasmi trinetrAhamekaH || 18||
ahaM sarvadA tvatpadAmbhojabhR^i~NgaH bhavAmyeva shambho bhavatpAdapadmam |
manaHsadma tanme manaH padmayA.api prabho mohakAle.api na krIDatIti || 19||
bhavatpAdapadmashriyA sAkametatmanaH krIDatIti pramodo mamAsau |
tatastAvatA hAnirIshAna kA te tavAhaM tavAhaM tavAhaM tavAham || 20||
na loke mamAnyatkimAshAsyamastItyavashyaM tvayA sha~NkanIyaM mahesha |
ito nAdhikaM kvApi lokeShu shambho na chAtyalpamAshAsyamastIti vimaH || 21||

|| iti shivarahasyAntargate skandakR^itAshivastutiH sampUrNA ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 14| 8\-28 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 14. 8-28 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}