स्कन्दकृता शिवस्तुतिः
छद्मस्वर्गविनुतागमवर्य कर्कार्यागमदूर्वयार्चित ।
मेरुमौर्विकृतदर्विहस्तक पाहि मां भव महेश सर्वग ॥ ३५॥
विक्रमाक्रमितलोकचङ्क्रम पादमूलमपि नो त्रिविक्रम ।
प्राप्तकूपसदनः किमु भेकस्सागरोत्तरणहेतवे हर ॥ ३६॥
स्वर्णवर्णकृतलोचन कर्णापारहारक महार्णवसंस्था ।
वर्णितागम अपर्णयार्चित पर्णपत्ररथपूज्यपादाब्ज ॥ ३७॥
कर्णकुण्डलकृताहिवरेश पारयार्णवभवं सुकर्णधारक ।
गन्धबन्धुमधुपावलिभास्वद्राजराजशकलामलमौले ॥ ३८॥
देवलोकतटिनीगतपुल्लैर्नीलकैरवकुलैकमुपूज्य ।
वाहाजिह्वातिसङ्ख्याकृतनयनयुगं तल्पसङ्ख्यापि
तादृग्दशयुगलललामं देवमन्दारसालम् ॥ ३९॥
कौमार शङ्करगिरां मनसोऽतिदूर कर्पूरगौर सुशरीरधृतोरगेन्द्र ।
मारापहार पुरवर्गहराव्ययेश विश्वेश्वराव दयया तव बालमिष्टम् ॥ ४०॥
॥ इति शिवरहस्यान्तर्गते माहेश्वराख्ये स्कन्दकृता शिवस्तुतिः ॥
- ॥ श्रीशिवरहस्यम् । माहेश्वराख्यः प्रथमांशः । अध्यायः २३ - कैलासवर्णने स्कन्दकृतस्तुतिः । ३५-४०॥
- .. shrIshivarahasyam . mAheshvarAkhyaH prathamAMshaH . adhyAyaH 23 - kailAsavarNane skandakRRitastutiH . 35-40..
Notes:
Skanda स्कन्द eulogizes Śiva शिव, following the description given to Jaigīṣavya जैगीषव्य about His residence towards the Southern region of Mount Kailāsa कैलास शैल, that has predominance of Hessonite - viz. Gomedamaṇi गोमेदमणि.
Encoded and proofread by Ruma Dewan