% Text title            : shivastutiH 12 laNkeshvaravirachitA
% File name             : shivastutilankeshvara.itx
% Category              : shiva, stotra
% Location              : doc\_shiva
% Transliterated by     : Kaushal S. Kaloo kaushalskaloo at gmail.com
% Proofread by          : Kaushal S. Kaloo kaushalskaloo at gmail.com
% Latest update         : April 7, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivastuti by Lankeshvara Ravana ..}##
\itxtitle{.. shrIshivastutI la~NkeshvarakR^ita ..}##\endtitles ##
shrIgaNeshAya namaH |
gale kalitakAlimaH prakaTitendubhAlasthale vinATitajaTotkaraM ruchirapANipAthoruhe |
uda~nchitakapAlakaM jaghanasImni sandarshitadvipAjinamanukShaNaM kimapi dhAma vandAmahe || 1|| 
vR^iShopari parisphuraddhavaladhAmadhAmashriyAM kuberagirigaurimaprabhavagarvanirvAsi tat |
kvachitpunarumAkuchopachitaku~Nkumai ra~njitaM gajAjinavirAjitaM vR^ijinabha~NgabIjaM bhaje || 2||
uditvaravilochanatrayavisR^itvarajyotiShA kalAkarakalAkaravyatikareNa chAharnisham |
vikAsitajaTATavIviharaNotsavaprollasattarAmaratara~NgiNItaralachUDamIDe mR^iDam || 3||
vihAya kamalAlayAvilasitAni vidyunnaTIviDambanapaTUni me viharaNaM vidhattAM manaH |
kapardini kumudvatIramaNakhaNDachUDAmaNau kaTItaTapaTIbhavatkaraTicharmaNi brahmaNi || 4||
bhavadbhavanadehalIvikaTatuNDadaNDAhatitruTanmukuTakoTibhirmaghavadAdibhirbhUyate |
vrajema bhavadantikaM prakR^itimetya paishAchikIM kimityamarasampadaH pramathanAtha nAthAmahe || 5||
tvadarchanaparAyaNapramathakanyakAluNThitaprasUnasaphaladrumaM kamapi shailamAshAsmahe |
alaM taTavitardikAshayitasiddhisImantinIprakIrNasumanomanoramaNameruNAmeruNA || 6||
na jAtu hara yAtu me viShayadurvilAsaM manomanobhavakathAstu me na cha manorathAtithyabhUH |
sphuratsuratara~NgiNItaTakuTIrakoTau vasannaye shiva divAnishaM tava bhavAni pUjAparaH || 7||
vibhUShaNasurApagAshuchitarAlavAlAvalIvaladvahalasIkaraprakarasekasaMvardhitA |
maheshvarasuradrumasphuritasajjaTAma~njarI namajjanaphalapradA mama nu hanta bhUyAdiyam || 8||
bahirviShayasa~NgatipratinivartitAkShAvaleH samAdhikalitAtmanaH pashupaterasheShAtmanaH |
shiraHsurasarittaTIkuTilakalpakalpadrumaM nishAkarakalAmahaM baTuvimR^ishyamAnAM bhaje || 9||
tvadIyasuravAhinIvimalavAridhArAvalajjaTAgahanagAhinI matiriyaM mama krAmatu |
upottamasarittaTIviTapitATavI prollasattapasvipariShattulAmamalamallikAbha prabho || 10||

iti shrIla~NkeshvaravirachitA shivastutiH samAptA ||
##
Encoded and proofread by Kaushal S. Kaloo kaushalskaloo at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}