% Text title            : shivastutiH 9 narAyaNapaNDitavirachitA
% File name             : shivastutinArAyaNapaNDita.itx
% Category              : shiva, stotra
% Location              : doc\_shiva
% Transliterated by     : Kaushal S. Kaloo kaushalskaloo at gmail.com
% Proofread by          : Kaushal S. Kaloo kaushalskaloo at gmail.com
% Latest update         : April 17, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivastuti Narayanapanditakrita ..}##
\itxtitle{.. shrIshivastutI nArAyaNapaNDitakR^ita ..}##\endtitles ##
shrIgaNeshAya namaH ||
sphuTaM sphaTikasaprabhaM sphaTitahArakashrIjaTaM
     shashA~NkadalashekharaM kapilaphullanetratrayam |
tarakShuvarakR^ittimadbhujagabhUShaNaM bhUtimat\-
     kadA nu shitikaNTha te vapuravekShate vIkShaNam || 1||
trilochana vilochane lasati te lalAmAyite 
     smaro niyamaghasmaro niyaminAmabhUdbhasmasAt |
svabhaktilatayA vashIkR^itavatIsatIyaM satI
     svabhaktavashato bhavAnapi vashI prasIda prabho || 2||
mahesha mahito.asi tatpuruSha pUruShAgryo bhavAn\-
     aghoraripughora te.anavama vAmadevA~njaliH |
namaH sapadi jAta te tvamiti pa~ncharUpochita\-
     prapa~nchachayapa~nchavR^inmama manastamastADaya || 3||
rasAghanarasAnalAnilaviyadvivasvadvidhu\-
     prayaShTR^iShu niviShTamityaja bhajAmi mUrtyaShTakam |
prashAntamuta bhIShaNaM bhuvanamohanaM chetyaho
     vapUMShi guNapUShite.ahamahamAtmano.ahaMbhide || 4||
vimuktiparamAdhvanAM tava paDadhvanAmAspadaM
     padaM nigamavedino jagati vAmadevAdayaH |
katha~nchidupashikShitA bhagavataiva saMvidrate 
     vayaM tu viralAntarAH kathamumesha tanmanmahe || 5||
kaThoritakuThArayA lalitashUlayA vAhayA 
     raNaDDamaruNA sphuraddhariNayA sakhaTvA~NgayA |
chalAbhirachalAbhirapyagaNitAbhirunnR^ityatash\-
     chaturdasha jaganti te jayajayetyayurvismayam || 6||
purA tripurarandhanaM vividhadaityavidhvaMsanaM 
     parAkramaparamparA api parA na te vismayaH |
amarShibalaharShitakShubhitavR^ittanetrojjvalaj\-
     jvalajjvalanahelayA shalabhitaM hi lokatrayam || 7||
sahasranayano guhaH sahasahasrarashmirvidhur\-
     bR^ihaspatirutAppatiH sasurasiddhavidyAdharAH |
bhavatpadaparAyaNAH shriyamimAM yayuH prArthitAM
     bhavAn suratarurbhR^ishaM shiva shivAM shivAvallabha || 8||
tava priyatamAdatipriyatamaM sadaivAntaraM
     payasyupahitaM bhR^itaM svayamiva shriyo vallabham |
vibudhya laghubuddhayaH svaparapakShalakShyAyitaM 
     paThanti hi luThanti te shaThahR^idaH shuchA shuNThitAH  || 9||
nivAsanilayAchitA tava shirastatirmAlikA 
     kapAlamapi te kare tvamashivosyanantardhiyAm |
tathApi bhavataH padaM shivashivetyado jalpatAM
     aki~nchana na ki~nchana vR^ijinamasti bhasmIbhavet || 10||
tvameva kila kAmadhuk sakalakAmamApUrayan
     sadA trinayano bhavAnvahati chArchinetrodbhavam |
viShaM viShadharAndadhatpibasi tena chAnandavAn
     viruddhacharitochitA jagadadhIsha te bhikShutA || 11||
namaH shivashivAshivAshivashivArthaM kR^intAshivaM 
     namo haraharAharAharaharAntarIM me dR^isham |
namo bhavabhavAbhavaprabhavabhUtaye me bhavAn
     namo mR^iDa namo namo nama umesha tubhyaM namaH || 12||
satAM shravaNapaddhatiM saratu sannatoktetyasau 
     shivasya karuNA~NkurAtpratikR^itAtsadA sochitA |
iti prathitamAnaso vyadhita nAma nArAyaNaH 
     shivastutimimAM shivaM likuchisUrisUnuH sudhIH || 13||

iti shrImallikuchisUrisUnunArAyaNapaNDitAchAryavirachitA
     shivastutiH sampUrNA ||
##
Encoded and proofread by Kaushal S. Kaloo kaushalskaloo at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}