% Text title : Shivastutishlokasannayanam 2 Collection of shivastutishloka-s % File name : shivastutishlokasaMnayanam2.itx % Category : shiva, shivarahasya, stuti % Location : doc\_shiva % Proofread by : Ruma Dewan % Description/comments : shrIshivarahasyam | shaNkarAkhyaH ShaShThAMshaH | various % Latest update : September 15, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shivastuti Shloka Sannayanam from Ribhugita ..}## \itxtitle{.. R^ibhugItAntargate shivastutishlokasa.nnayanam ..}##\endtitles ## (shivarahasye ShaShThAMshe) piNDANDasambhavajagadgatakhaNDanodyadvetaNDashuNDanibhapIvarabAhudaNDa | brahmorumuNDakalitANDajavAhabANa kodaNDabhUdharadharaM bhajatAmakhaNDam || 7\.51|| vishvAtmanyadvitIye bhagavati girijAnAyake kAsharUpe nIrUpe vishvarUpe gataduritadhiyaH prApnuvantyAtmabhAvam | anye bhedadhiyaH shrutiprakathitairvarNAshramotthashramaiH tAntAH shAntivivarjitA viShayiNo duHkhaM bhajantyanvaham || 7\.52|| \- \- vedAntairapi chandrashekharapadAmbhojAnurAgAdarA\- dArodArakumAradAranikaraiH prANairvanairujjhitaH | tyAgAdyo manasA sakR^itshivapadadhyAnena yatprApyate tannaivApyati shabdatarkanivahaiH shAntaM manastadbhavet || 8\.84|| \- \- nityAnandamayaH sa eva paramAnandodayaH shAshvato yasmAnnAnyadato.anyadArtamakhilaM tajjaM jagatsarvadaH | yo vAchA manasA tathendriyagaNairdeho.api vedyo na che\- dachChedyo bhavavaidya Isha iti yA sA dhIH paraM muktaye || 9\.64|| \- \- yasminsa~ncha vichaiti vishvamakhilaM dyotanti sUryendavo vidyudvahnimarudgaNAH savaruNA bhItA bhajantIshvaram | bhUta~nchApi bhavatyadR^ishyamakhilaM shambhoH sukhAMshaM jaga\- jjAtaM chApi janiShyati pratibhavaM devAsurairniryapi (devAsurairItitaM)| tannehAsti na ki~nchidatra bhagavad.hdhyAnAnna ki~nchitpriyam || 10\.55|| yaH prANApAnabhedairmananadhiyA dhAraNApa~nchakAdyaiH madhye vishvajanasya sannapi shivo no dR^ishyate sUkShmayA | buddhayAdadhyAtayApi shrutivachanashatairdeshikoktyaikasUktyA yogairbhaktisamanvitaiH shivataro dR^ishyo na chAnyattathA || 10\.56|| \- \- ye vedavAdavidhikalpitabhedabud.hdhyA puNyAbhisandhitadhiyA parikarshayantaH | dehaM svakIyamatiduHkhaparaM parAbhisteShAM sukhAya na tu jAtu tavesha pAdAt || 11\.65|| kaH santareta bhavasAgarametadudyattara~NgasadR^ishaM janimR^ityurUpam | IshArchanAvidhisubodhitabhedahInaj~nAnoDupena prataredbhavabhAvayuktaH || 11\.66|| \- \- anAtha nAtha te padaM bhajAmyumAsanAtha sa\- nnishIthanAtha maulisaMsphuTallalATasa~Ngaja\- sphuli~NgadagdhamanmathaM pramathanAtha pAhi mAm || 12\.61|| vibhUtibhUShagAtra te trinetramitratAmiyAtmanaH\- saroruhaM kShaNaM tathekShaNena me sadA | prabandhasaMsR^itibhramadbhramajjanaughasantatau na veda vedamaulirapyapAstaduHkhasantatim || 12\.62|| \- \- svatantrashaktirbhagavAnumAdhavo vichitrakAyAtmakajAgratasya | sukAraNaM kAryaparamparAbhiH sa eva mAyAvitato.avyayAtmA || 13\.61|| \- \- pUrNaM satyaM maheshaM bhaja niyatahR^idA yo.antarAyairvihInaH so nityo nirvikalpo bhavati bhuvi sadA brahmabhUto R^itAtmA (yatAtmA) | vichChinnagranthirIshe shivavimalapade vidyate bhAsate.antaH ArAmo.antarbhavati niyataM vishvabhUto mR^itashcha || 14\.60|| \- \- bhuvanagaganamadhyadhyAnayogA~Ngasa~Nge yamaniyamavisheShairbhasmarAgA~Ngasa~NgaiH | sukhamukhabharitAshAH koshapAshAdvihInA hR^idi muditaparAshAH shAmbhavAH shambhuvachcha || 17\.46|| \- \- vananagabhuvanaM yachCha~NkarAnnAnyadasti jagadidamasurAdyaM devadevaH sa eva | tanumanagamanAdyaiH koshakAshAvakAshe sa khalu parashivAtmA dR^ishyate sUkShmabud.hdhyA || 18\.56|| chakShuHshrotramano.asavashcha hR^idi khAdudbhAsitadhyAntarA\- ttasminneva vilIyate gatiparaM yadvAsanA vAsinI | chittaM chetayate hR^idindriyagaNaM vAchAM manodUragaM taM brahmAmR^itametadeva girijAkAntAtmanA sa.nj~nitam || 18\.57|| \- \- shAntidAntiparamA bhavatAntAH svAntabhAntamanishaM shashikAntam | antakAntakamaho kalayanto vedamaulivachanaiH kila shAntAH || 20\.58|| \- \- mAyA sA triguNA gaNAdhipaguroreNA~NkachUDAmaNeH pAdAmbhojasamarchanena vilayaM yAtyeva nAstyanyathA | vidyA hR^idyatamA suvidyudiva sA bhAtyeva hR^itpa~Nkaje yasyAnalpatapobhirugrakaraNAdR^iktasya muktiH sthirA || 21\.55|| \- \- taM vedAdivachobhirIDitamahAyAgaishcha bhogairvratai\- rdAnaishchAnashanairyamAdiniyamaistaM vidviShante dvijAH | tasyAna~NgariporatIva sumahAhR^idyaM hi li~NgArchanaM tenaivAshu vinAshya mohamakhilaM j~nAnaM dadAtIshvaraH || 22\.58|| \- \- somApIDapadAmbujArchanaphalairbhuktyai bhavAnmAnasaM nAnyadyogapathA shrutishravaNataH kiM karmabhirbhUyate | yuktyA shikShitamAnasAnubhavato.apyashmApyasa~Ngo vachAM kiM grAhyaM bhavatIndriyArtharahitAnandaikasAndraH shivaH || 23\.56|| \- \- bhaktyA padmadalAkShapUjitapadadhyAnAnuvR^ittyA manaH svAntAnantapathaprachAravidhuraM muktyai bhavenmAnasam | sa~NkalpojjhitametadalpasumahAshIlo dayAmbhonidhau kashchitsyAchChivabhaktadhuryasumahAshAntaH shivapremataH || 24\.53|| \- \- ArtaM yachChivapAdato.anyaditaraM tajjAdishabdAtmakaM chetovR^ittiparaM parApramuditaM ShaDbhAvasiddhaM jagat | bhUtAkShAdimanovachobhiranaghe sAndre maheshe ghane sindhau saindhavakhaNDavajjagadidaM lIyeta vR^ittyujjhitam || 25\.52|| \- \- ekatvaM na bahutvamapyaNumahatkAryaM na vai kAraNaM vishvaM vishvapatitvamapyarasakaM no gandharUpaM sadA | baddhaM muktamanuttamottamamahAnandaikamodaM sadA bhUmAnandasadAshivaM janijarArogAdyasa~NgaM mahaH || 26\.53|| \- \- shAkhAdibhishcha shrutayo hyanantAstvAmekameva bhagavanbahudhA vadanti | viShNvindradhAtR^iravisUnvanalAnilAdi bhUtAtmanAtha gaNanAthalalAma shambho || 28\.27|| \- \- a~NgAvabaddhAbhirupAsanAbhirvadanti vedAH kila tvAmasa~Ngam | samastahR^itkoshavisheShasa~NgaM bhUmAnamAtmAnamakhaNDarUpam || 29\.70|| \- \- sandehasandehakaro.aryakAsvakaiH karAdisandohajagadvikAribhiH | yo vItamohaM na karoti durhR^idaM videhamuktiM shivadR^ikprabhAvataH || 30\.56|| \- \- bhavodbhavamukhodbhavaM bhavaharAdyahR^idyaM bhuvi prakR^iShTarasabhAvataH prathitabodhabuddhaM bhava | bhajanti bhasitA~NgakA bharitamodabhArAdarA bhuja~NgavarabhUShaNaM bhuvanamadhyavR^indAvanam || 31\.59|| \- \- kva bhedabhAvadarshanaM na chaiva shokamohahR^i\- tprapashyatAM shrute shikhAvisheShamaikyabhAvanAt | yato bhavejjagAda taM mahesha yena jIvitaM yadantarA.avishatsadA yathorNanAbhatantuvat || 32\.52|| \- \- yastvantakAntakamaheshvarapAdapadma\- lolambasaprabhahR^idA parishIlakashcha | vR^indAravR^indavinatAmaladivyapAdo bhAvo bhavodbhavakR^ipAvashato bhavechcha || 33\.51|| \- \- manovachovidUragaM tvarUpagandhavarjitaM hR^idarbhakokasantataM vijAnatAM mude sadA | sadAprakAshadujvalaprabhAvikAsasadyuti prakAshadaM maheshvara tvadIyapAdapa~Nkajam || 34\.34|| \- \- viri~nchiva~nchanAtataprapa~nchapa~nchabANabhi\- tsukA~nchanAdridhAriNaM kulu~nchanAM patiM bhaje | aki~nchane.api si~nchake jalena li~Ngamastake vimu~nchati kShaNAdaghaM na ki~nchidatra shiShyate || 35\.39|| \- \- savyAsavyatayAdyavaj~nahR^idayA gopodahAryaH sriyaH pashyantyambujamitramaNDalagataM shambhuM hiraNyAtmakam | sarvatra prasR^itaiH karairjagadidaM puShNAti muShNandhanaiH ghR^iShTaM chauShadhijAlamambunikarairvishvotthadhUtaM haraH || 37\.57|| \- \- lokAlokajagatsthitipravilayaprodbhAvasattAtmikA bhItiH sha~NkaranAmarUpamaskR^idvyAkurvate kevalam | satyAsatyanira~NkushashrutivachovIchIbhirAmR^ishyate yastvetatsaditIva tattvavachanairmImAMsyate.ayaM shivaH || 38\.53|| \- \- asa~NkalitakApilairmadhuharAkShipUjyAmbuja\- prabhA~Nghrijanimottamo pariShichedyadinduprabham | taM DiNDIranibhottamottama mahAkhaNDAjyadadhnA paraM kShIrAdyairabhiShichya muktiparamAnandaM labhe shAmbhavam || 40\.30|| \- \- kiM chaNDabhAnukaramaNDaladaNDitAni kAShThAmukheShu galitAni namastatIti | yAdR^ikcha tAdR^igatha sha~Nkarali~Ngasa~Ngabha~NgIni pApakalashailakulAni sadyaH | shrImR^ityu~njaya ra~njaya tribhuvanAdhyakSha prabho pAhi naH || 41\.46|| \- \- yatpAdAmbujapUjayA harirabhUdarchyo yada~NghryarchanA\- darchyA.abhUt kamalA vidhiprabhR^itayo hyarchyA yadAj~nAvashAt | taM kAlAntakamantakAntakamumAkAntaM muhuH santataM santaH svAntasarojarAjacharaNAmbhojaM bhajantyAdarAt || 42\.19|| kiM vA dharmashatAyutArjitamahAsaukhyaikasImAyutaM nAkaM pAtamahograduHkhanikaraM deveShu tuShTipradam | tasmAchCha~Nkarali~NgapUjanamumAkAntapriyaM muktidaM bhUmAnandaghanaikamuktiparamAnandaikamodaM mahaH || 42\.20|| ye shAmbhavAH shivaratAH shivanAmamAtra\- shabdAkSharaj~nahR^idayA bhasitatripuNDrAH | yAM prApnuvanti gatimIshapadAmbujodyad.h\- dhyAnAnuraktahR^idayA na hi yogasA~NkhyaiH || 42\.21|| \- \- agAdha(bodha)vedavAkyato na chAdhibheShajaM bhavedumAdhavA~Nghripa~NkajasmR^itiH prabodhamokShadA | prabuddhabhedavAsanAniruddhahR^ittamobhide mahArujAghavaidyamIshvaraM hR^idambuje bhaje || 43\.40|| dyatatpradagdhakAmadeha dugdhasannibhaM pramugdhasAmi | somadhAriNaM shrutIDyagadyasaMstutaM tvabhedyamekasha~Nkaram || 43\.41|| varaH ka~NkaH kAko bhavadubhayajAteShu niyataM mahAsha~NkAta~NkairvidhivihitashAntena manasA | yadi svairaM dhyAyannagapatisutAnAyakapadaM sa evAyaM dhuryo bhavati munijAteShu niyatam || 43\.42|| kaH kAlAntakapAdapadmabhajanAdanyaddhR^idA kaShTadAM dharmAbhAsaparamparAM prathayate mUrkho kharIM tauragIm | kartuM yatnashatairashakyakaraNairvindeta duHkhAdikaM (duHkhAdhikaM) tadvatsAmbapadAmbujArchanaratiM tyaktvA vR^ithA duHkhabhAk || 43\.43|| \- \- yaH ko.api prasabhaM pradoShasamaye bilvIdalAla~NkR^itaM li~NgaM tu~NgamapArapuNyavibhavaiH pashyedathArcheta vA | prAptaM rAjyamavApya kAmahR^idayastuShyedakAmo yadi muktidvAramapAvR^itaM sa tu labhechshambhoH kaTAkShA~NkuraiH || 48\.29|| achalAtularAjakanyakAkuchalIlAmalabAhujAlamIsham | bhajatAmanalAkShipAdapadmaM bhavalIlaM na bhaveta chittabAlam || 48\.30|| \- \- || iti R^ibhugItAntargate shivastutishlokasa.nnayanaM sampUrNam || \- || shrIshivarahasyam | sha~NkarAkhyaH ShaShThAMshaH | saMnayanam | || ## - .. shrIshivarahasyam . shankarAkhyaH ShaShThAMshaH . various . .. Selected Shiva Stuti Shlokas collated from various Adhyaya-s of SR Amsa06 Notes : Shiva Rahasyam Amsa-06 consists of the 50 Adhyaya-s that comprise the Ribhu Gita. The shlokas composed or spoken by Ribhu, Skanda, Suta et al for eulogizing Shiva; that eventuate sporadically in various Adhyaya-s of Shiva Rahasyam Amsa-06, are collated on this page.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}