% Text title            : shrIshivasuvarNamAlAstavaH
% File name             : shivasuvarNamAlAstavaH.itx
% Category              : shiva, sachchidAnanda-shivAbhinava-nRisiMhabhAratI
% Location              : doc\_shiva
% Author                : sachchidAnanda-shivAbhinava-nRisiMhabhAratI
% Proofread by          : PSA Easwaran
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Latest update         : November 7, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIshivasuvarNamAlAstavaH ..}##
\itxtitle{.. shrIshivasuvarNamAlAstavaH ..}##\endtitles ##

shrIgaNeshAya namaH ||
anekakoTibrahmANDajananInAyakaprabho |
anekapramukhaskandaparisevita pAhi mAm || 1||
AkArApAranirvyAjakaruNAyAH satIpate |
AshAbhipUrakAnamravitateH pAhi sha~Nkara || 2||
ibhAshvamukhasampattidAnadakShakR^ipAlava |
iShTaprAleyashailendraputryAH pAhi girIsha mAm || 3||
IhAshUnyajanAvApya natAnandAbdhichandramaH |
IshAna sarvavidyAnAminduchUDa sadA.ava mAm || 4||
uragAdhipasaMrAjatpadapa~Nkeruhadvaya |
uDurAjakR^itottaMsa girijAsakha mAmava || 5||
UrIkR^itavinamreShTapUgasampUraNavrata |
akhilAmarakoTIranighR^iShTapada pAhi mAm || 6||
R^iddhidAmbhojavAsAyAH kAmamAshu namattateH |
shailendratanayA.a.ashliShTa sharva mAM pAhi sarvadA || 7||
R^isvarAkhyeyarUpAya bhUtidAyAdarAddutam |
ShaNmukhebhAsyapUjyAya namashchandrArdhamaulaye || 8||
lR^ikArAkhyAya lakShmIshadruhiNAdyarchitA~Nghraye |
apArakaruNAjanmabhUmaye shambhave namaH || 9||
lRRIsvarUpa lalATAkSha lAkinyAdiniShevita |
lAvaNyAkara kAruNyavAridhe pAhimAM prabho || 10||
eNA~NkachUDa kANAdashAstrapraj~nApradAyaka |
shoNAdhara namasyAmi tvatpAdAmburuhadvayam || 11||
aihikAmuShmike puMsAM sulabhe yatpadArchanAt |
chandrArdhavilasanmauliM namAmi tamumApatim || 12||
omityAkhyAM yasya vedA vedAntAshcha jagurmuhuH |
o~NkArajapatuShTaM taM naumi chandrArdhashekharam || 13||
audAsInyaM samasteShu viShayeShu prakurvatAm |
sulabhaM jagadIshAnaM pArvatIpatimAshraye || 14||
a~NgashobhAparAbhUtakoTirAkAnishAkaram |
antakAntakakAmAdigarvahAriNamAshraye || 15||
ashcha ushcha makArashcha yannAmAvayavAkSharAH |
asheShashubhadAtAraM taM naumi shashishekharam || 16||
kavitA vR^iNute ratIshatulyaM patimAsthAsahiteva mAninI |
tarasA puruShaM yada~NghrinamraM tamahaM naumi shashA~NkabAlachUDam || 17||
khaNDena chAndreNa kirITagena virAjamAnaM vR^iShabhAdhirUDha |
khavAyutejo.ambudharAdirUpaM namAmi shailendrasutAsametam || 18||
gadyAni padyAni cha shIghrameva mUkasya vaktrAdapi niHsaranti |
yadIyakAruNyalavAttamIshaM namAmi chandrArdhakabhAsimaulim || 19||
ghaTodbhavAdyA munayo yada~NghrisamarchanAto mahatIM prapannAH |
siddhiM tamAnamrajaneShTadAnanibaddhadIkShaM praNamAmi shambhum || 20||
nakAravAchyAya namajjanaughavidyApradAnapravaNAya shIghram |
vaTAgamUlaikaniketanAya shrIdakShiNAsyAya namaH shivAya || 21||
chayena bhAsAM vapuShashchakorabandhuM jayantaM jitapuShpachApam |
prAleyashailendrasutAmano.abjabhAnuM bhaje ka~nchana devavaryam || 22||
ChatraM cha vAlavyajane manoj~ne samudrakA~nchIM pR^ithivIM cha lokAH |
javAdbhajante.apyatikimpachAnA yada~NghinamrAstamumeshamIDe || 23||
janmasvanekeShu vidhAya dharmAnsvavarNayogyAnmanujo.atibhaktyA |
jij~nAsate yatpadamAdareNa taM naumi sachchitsukharUpamIsham || 24||
jharIM dadhAnaM diviShattaTinyA jhaTityayogyAnapi bhaktipUrNAn |
punAnamardhendulasatkirITaM yuvAnamIshaM kalayAmi chitte || 25||
nakArarUpAya ravInduvahninetrAya nAnAvidharUpadhartre |
lokAvanAyAtimanoharAya shailendrakanyApataye namo.astu || 26||
TavarNavAchyAya taDitprabhAya yamAdiyogA~NgavidarchitAya |
shamAdisampatsahitApyapAdapadmAya gaurIpataye namo.astu || 27||
ThapuktrivarNapratipAditAya harAya niHsheShaviShAghahartre |
shrInIlakaNThAya yamipravIradhyeyAya kurmaH praNatiM pramodAt || 28||
DAmarapramukhaduHkhasamUhadhvaMsadakShacharaNasmaraNasya |
shailajAhR^idayapa~NkajabhAnoH sha~Nkarasya charaNau praNato.asmi || 29||
DhakkAkhyavAdyashravaNotyukAya prauDhAya kandarpasharaprabhede |
shivAya chandrArdhalasajjaTAya kurmaH pramodAtpraNateH sahasram || 30||
NAntadAdiharidutsukhamUrte nAkanAthaparisevitapAda |
vAsalola vaTavR^ikShatale mAM vArANasyAmiva pAhi dayAlo || 31||
taptAH saMsR^itivahninA bhuvi narAH samprApya saddeshikaM 
tasyAsyAchChrutishIrShavAkyanichayaM shrutvArthayuktaM muhuH |
yuktyA shrutyaviruddhayA tadanusa~nchintyArthamAdyoditaM 
dhyAtvA.ajasramavApnuvanti yamahaM taM naumi gaurIpatim || 32||
thAyaiyeti samastadevavanitA nR^ityaM yadagre.anvahaM 
kurvantyambujasambhavaprabhR^itayaH stunvanti vedaishcha yam |
indrANIsharamAdhavAdimasurA yasyArchanAM kurvate 
kalpAgaprabhavaiH sumaistamanishaM naumyAdijAvallabham || 33||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitaH shrIshivasuvarNamAlAstavaH sampUrNaH |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}