% Text title            : Sanandanaproktam Shivavidyamahimavarnanam 1
% File name             : shivavidyAmahimAvarNanam1.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 29 | 5-20 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sanandanaproktam Shivavidyamahimavarnanam ..}##
\itxtitle{.. sanandanaproktaM shivavidyAmahimAvarNanam ..}##\endtitles ##
satyavrataH \-
sanandanApUrvamidaM prapashya jyotiH kadAchinna vilokitaM cha |
na vA shritaM ki~nchididaM vadAshu lokasya tattvaM viditaM tvayA tu || 5||
sanandanaH \-
shrIpa~nchAkSharavidyayA sthiramatirnityaM shivArAdhako
bhasmoddhUlitavigrahaH shrutilasadbhUtitripuNDrA~NkitaH |
tyaktvA devamumAsahAyacharaNadhyAnAtipUto.adhunA
gaurInAthapadAravindabhajanaM kartuM prayAti dhruvam || 6||
ayaM puNyapu~njasvarUpopyapApo vighUtAdhitApo visheSheNa dR^iShTaH |
adR^iShTaM samudbhUtamevAdya satyaM kimetAdR^ishAlokane shokashUkam || 7||
apAraravimaNDalaprakaramAlikAsannibhaM
prayAti shivamandiraM sakalalokashokApaham |
vilokaya vilokaya smaraharoruvidyAnidhiM
punarnayanagocharaH kimayamadya bhUyo nR^ipa || 8||
vibhAti shivavidyayA taraNimaNDalasyApyayaM
nirodhakatayA mitopyamitabhAnumAlAyitaH |
idaM khalu mahattaraM bhavati bhAgyamIshArchanA\-
dayaM bhavati sha~NkarapravaNamAnasaH sarvadA || 9||
shivArchanaphalaM paraM bhavati tAvadetAdR^ishaM
prabhUtabahupuNyavAnayamumAsahAyArchakaH |
ayaM gururiti shrutaH shivaparAyaNAnAM paraM
pradarshanamayaM karotyanaghashaivamArgasya kim || 10||
mahAn khalu shivArchako bhuvanamaNDalAkhaNDalaH
prachaNDatarapAtakaprachalaparvatAnAM paviH |
kimevamidamadbhutaM shivapadAmbujArAdhanaM
mahAghavanapAvakaM sakalalokasantoShadam || 11||
sa yAti shivamandiraM shivapadAmbujArAdhanA\-
dihaitadavalokanAdbhavati puNyarAshiH sthitA |
sukhAmbunidhirutthitaH shivajaneShTachandrodayA\-
daho bhavati dehinAM shivapadArchanaM puNyataH || 12||
sa kiM mama sakhA pitA kimuta sodaro vA hita\-
stvayApi shivapUjakaH sakR^idavekShito vA bhR^isham |
prayachChati kathaM surapravarasha~NkarArAdhakaH
kadambavanabhUruho bhavati durlabho durlabhaH || 13||
anena jananottaraM shivapadAmbujArAdhanA\-
davAptamatulaM jagadbhavati bhAgyamAnandadam |
prayachChati kathaM surapravarasha~NkarArAdhakaH
sa tena shivapUjanaM punarapArabhAgyapradam || 14||
shivavratarataH sadA shivakathAvichAre rataH
shivapravaNamAnasaH shivakathAnumodapriyaH |
shivaM vadati santataM shivashiveti nAma smaran
shivaM bhavati bhAvitaM sukR^itarAshibhiH kevalam || 15||
shivaM sukhakaraM paraM vadati sAdhu vIreshvaraM
shivaM bhavati chetasA kamalakundabilvIdalaiH |
samarchayati sAdaraM girikumArikAvallabhaM
paraM svakuladaivataM satatameva mene mudA || 16||
shR^iNoti shivavidyayA paramudArakIrtiM haraM
maheshvaramaheshvaretyamarasArvabhaumaM hR^idi |
vichintya punarAdarAt kanakaketakIchampakaiH
karoti vikaTArchanaM samabhipUjya vIreshvaram || 17||
apArajaladhArayA shirasi chaikavIreshvaraM
chakAra sumukhaM muhuH sa khalu kAlakAlArchane |
chakAra karaNaM vayo virata eva saMsArato
yuvApi yuvatIM vadhUmapi vihAya tanmAtari || 18||
yadeva dhanamArjitaM vividhashAstravidyAtmakaM
tadapyagasutApatismaraNakAraNaM kevalam |
mano.api shivavidyayA paramapAvanaM tasya vai
prayAti shivamandiraM surakR^itAryaDiNDIravaiH || 19||
na tena sukhasAdhanaM shivapadAmbujArAdhanAt
vibhinnamapi nirmitaM niyamato.athavA nishchitam |
tadeva sakalArthadaM paramamuktidAnakShamaM
na hAtumapi vA~nChita prabalasa~NkaTe.api dhruvam || 20||

|| iti shivarahasyAntargate sanandanaproktaM shivavidyAmahimAvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 29| 5\-20||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 29. 5-20..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}