% Text title : shivotkarShamanjarI by nIlkaNThadIkShita % File name : shivotkarShamanjarI.itx % Category : shiva, nIlakaNThadIkShita % Location : doc\_shiva % Author : Nilakantha Dikshitar % Proofread by : Rajani Arjun Shankar % Latest update : March 19, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shivotkarshamanjari ..}## \itxtitle{.. shivotkarShama~njarI ..}##\endtitles ## yA lakShmIstrijagachCharaNya\-charaNA tasyAH patiryachCharo yaddeyaM nikhilairvadAnya\-nivahaistadyasya jIrNaM dhanuH | yA saMvichChrutiShu smR^itA rahasi sA yatpAda\-saMsevinI sa svAmI mama daivataM taditaro nAmnApi nAmnAyate || 1|| archAmIti dhiyA yadeva kusumaM kShiptvA jano muchyate vidhyAmIti dhiyA tadeva vikiran bhasmIkR^ito manmathaH | ityAbhyantara\-vR^ittimAtra\-rasiko bAhyAnapekShashcha yaH sa svAmI mama daivataM taditaro nAmnApi nAmnAyate || 2|| yatkeshAgra\-vilagnamambu jagatAM tIrthaM paraM pAvanaM yadvIryaM bhuvi dakShiNeti vihitaM yaj~neShu sarveShvapi | shvAno yasya tapasvinAM cha mahatAM kAmapradA dhenavaH sa svAmI mama daivataM taditaro nAmnApi nAmnAyate || 3|| vaktrAbjeShu pitAmahasya jagatAM vakShaHsthale shrIpateH sarvA~NgeShu shatakratorapi dR^iDhAnuchChritya jaitra\-dhvajAn | sa.nprApto madano.api yasya niTilajyotiHpata~NgAyitaH sa svAmI mama daivataM taditaro nAmnApi nAmnAyate || 4|| yaddAtuM kR^italobha eva paramaM dhAma svabhaktAn purA kAkutstho.apyatisandadhe sa bhuvanAnyanyAni sR^iShTvA tadA | Avedho\-mashakaM tadeva tR^iNavaddatte.avimukte tu yaH sa svAmI mama daivataM taditaro nAmnApi nAmnAyate || 5|| setuM yatra nibad.hdhya yatra vasudhAmuddhR^itya magnAM purA vikhyAto madhusUdanaH sa jaladhiH yatsrotasA pUritaH | sA jAhnavyapi yajjaTA\-tanushikhA\-lambAmbu\-leshAyitA sa svAmI mama daivataM taditaro nAmnApi nAmnAyate || 6|| dAtavyastridivaH pratikShaNa\-parikShINaH samastaiH suraiH taddAnAya cha te kiyatkiyadiva vyApArayante janAn | akShayyaM padamApyamatra cha sakR^idyatkIrtanaM sAdhanaM sa svAmI mama daivataM taditaro nAmnApi nAmnAyate || 7|| mantre vA kvachidarthavAda\-shakale diShTayA gR^ihIte sakR^it\- sve nAgni tridashA vahanti mahatIM kIrtiM yadIyoktiShu | shvAnaste nigamA yadIya\-bhavanadvAre charanti svataH sa svAmI mama daivataM taditaro nAmnApi nAmnAyate || 8|| yaH sAntAnika\-lokadastanubhR^itAM yaH sarva\-lokeshvaraH so.apyAhUyata martyabhAva\-bhajanAt kAle na kAlena kim | tAdR^ikSho.api sa kasyachid\-dvija\-vaTostrANAya yenAhataH sa svAmI mama daivataM taditaro nAmnApi nAmnAyate || 9|| kasmaichid\-dvijabandhave kiyadapi kShIraM purA yAchate datto yena dayArasaika\-vapuShA dugdhoda evArNavaH | shrIshrIvallabha\-kalpapAdapa\-sudhA\-chintAmaNIbhiH samaM sa svAmI mama daivataM taditaro nAmnApi nAmnAyate || 10|| kenAsmAnatisherate divicharAH shrutyA gR^ihItA hi te kiM nAsmAn shrutirAha tAn paratayA brUte kimasmAn svakAn | sarve chetpashavo vayaM kimitaraiH sarvasya yo mochakaH sa svAmI mama daivataM taditaro nAmnApi nAmnAyate || 11|| bANo yasya na bANakarma sahate chakre cha ye dve tayoH ekaM chakrakula\-pratIpamitarachchakrAnukUla\-kriyam | jyA tu jyAM shirasA bibharti bhuvane sUto na sUtaH kvachit\- sa svAmI mama daivataM taditaro nAmnApi nAmnAyate || 12|| kratvAtmA puruShaH kratuH kratubhujo vaktA kratUnAM kratoH AdhAraH kratukAla\-kalpanaparau sarve.apyamI saMhatAH | yasyAtikramataH saha kratukR^itA bhraShTAshcha naShTAH kShaNAt\- sa svAmI mama daivataM taditaro nAmnApi nAmnAyate || 13|| AroDhuM varamaupavAhyamapahartuM sundarIH kanyakA bhoktuM bhojyamupasthitaM sukhamala~NkartuM cha ratnaistanum | sannahyantyamR^itAndhaso hi shamite yenaiva hAlAhale sa svAmI mama daivataM taditaro nAmnApi nAmnAyate || 14|| svaM vAso dashadhA vibhajya vitarannekaika\-khaNDaM purA yashchakre dasha pAkashAsana\-hutAshAdIn dishAmIshvarAn | yadbhikShAshana\-bhAgabhAk trijagatAmanna\-pradAtrI shivA sa svAmI mama daivataM taditaro nAmnApi nAmnAyate || 15|| svachChandaM charato hi yasya charaNA~NguShThAgra\-sampAditA rekhA kAchana hetirAja\-padavIM prAptA jagadvishrutAm | labdhA daityabhidA tapobhirupadIkR^itya svakaM lochanaM sa svAmI mama daivataM taditaro nAmnApi nAmnAyate || 16|| bANaM kAchana bANakoNamitarA bANasya mUlaM parA yantAraM katichidrathA~NgamitarA shiShTAH punaH svAminam | itthaM saMstuvate chirantana\-giraH sAkShAt praNAlyApi yaM sa svAmI mama daivataM taditaro nAmnApi nAmnAyate || 17|| prAchInetyadhunAtaneti bhuvane vA~NnAma yA yAvatI tAH sarvAH paritaH parItya charaNe yasyAyatI vishramam | shR^iNvanna~NgadatAM gataH phaNipatiH shabdAgamaM vyAkarot\- sa svAmI mama daivataM taditaro nAmnApi nAmnAyate || 18|| gAndharvAgama\-deshikau tanubhR^itAM yatkarNayoH kuNDale yatpAdA~Ngada\-nirmitaM pada\-mahAbhAShyaM bhuvi styAyati | puNyaM pApamiti vyavasthitiriyaM yadvAha\-heShAkR^itA sa svAmI mama daivataM taditaro nAmnApi nAmnAyate || 19|| dhyAtvA varShagaNAn bahUnvirachitaM yatnena yadvedhasA yachChaurirbibharAmbabhUva bahudhA bhUtvA cha mR^itvA svayam | talloka\-trayamIShadullasita\-yachchakShuHsphuli~Nge hutaM sa svAmI mama daivataM taditaro nAmnApi nAmnAyate || 20|| saumyAgneyatayA kSharAkSharatayA shabdArtha\-bhAvena vA jIva\-brahmatayA jaDAjaDatayA strIpuMsa\-bhAvena vA | dvedhA bhinnamidaM hi yasya vapuShI savyApasavye viduH sa svAmI mama daivataM taditaro nAmnApi nAmnAyate || 21|| yallAbhAya purA kiyadbhiramaraiH sindhau kiyadvyApR^itaM lebhe yatpariveShaNena kiyatIM kIrtiM ramAvallabhaH | yachchUDA\-kusuma\-kSharanmadhurasa\-srotaHkaNaH sA sudhA sa svAmI mama daivataM taditaro nAmnApi nAmnAyate || 22|| yaH sraShTA jagatAM yato.ayamabhavat tadyasya nAbherabhUt\- shete yatra sa taM cha yashchulukayA~nchakre sahAnyaiH kShaNAt | tAdR^ikShAH shatashaH purANa\-munayo yachChiShya\-varge sthitAH sa svAmI mama daivataM taditaro nAmnApi nAmnAyate || 23|| nirvyApAra\-dashaiva yasya jagatI\-nirvAha\-dhaurandharI mandasmera\-mukhAbjataiva paramo yasya dviShAM nigrahaH | nityaM yasya cha maunameva nikhilaM Chinte satAM saMshayaM sa svAmI mama daivataM taditaro nAmnApi nAmnAyate || 24|| dattA shrIriShave sisAdhayiShave vAso gR^ihItaM suraiH sUtAya vyayitA girashcha kimito dAtAsmyahaM kevalaH | ityAlochya dayAnidhirdishati yaH kaivalyamevArthinAM sa svAmI mama daivataM taditaro nAmnApi nAmnAyate || 25|| shArIraH pR^ithivI ravIndudahanA vAyurviyattoyami\- tyaShTAbhishchidachidgaNaiH pariNataM vishvaM tanussveti yaH | vishvaM vishvavilakShaNaH prabhavitA vishvasya vishvAdhikaH sa svAmI mama daivataM taditaro nAmnApi nAmnAyate || 26|| shabda\-grAma\-mayI yadIya\-gR^ihiNI khyAtA yadIyaM vapuH trailokyaM jaDa\-chetanAShTaka\-mayaM yadbANa\-guptaM jagat | sarvAsAM dayito girAM sakala\-lokAtmA cha sarveshvaraH sa svAmI mama daivataM taditaro nAmnApi nAmnAyate || 27|| yajjAtIya\-kaNA~NkitAnanamahiM jIrNaM kamapyAvasan pArshva\-sthApita\-pannagAshana\-patirjAgarti nityaM hariH | yatkaNThAbharaNAyitastrijagatI\-bhImaH sa hAlAhalaH sa svAmI mama daivataM taditaro nAmnApi nAmnAyate || 28|| anyonya\-shvasitAshanaiH phaNadharairAvishya sattvAnbahiH bhu~njAnaiH parichArakaistR^iNakaNairAnandinA nandinA | bhikShAnnopachitaishcha dAra\-tanayaiH puShNAti vishvAni yaH sa svAmI mama daivataM taditaro nAmnApi nAmnAyate || 29|| keyUrA~Ngada\-hAra\-kuNDala\-kaTIsUtropavItIbhava\- dbhogIndrodbhaTa\-phUtkR^iti\-vyatikaronmR^iShTA~NgarAgo muhuH | saMvartopachitaistriloka\-bhasitairbhUyo.api yo lipyate sa svAmI mama daivataM taditaro nAmnApi nAmnAyate || 30|| sarvashchetanavarga eSha pashutAmasyAnumene svayaM teShAmeSha patiH prabhurniyamane nirmochane cha svataH | ityAmnAya\-giraH stuvanti bahushaH shAkhAsu shAkhAsu yaM sa svAmI mama daivataM taditaro nAmnApi nAmnAyate || 31|| yachChUlaM gatasAramityupadade chakraM jighR^ikShurhariH tatkhaNDo nihitastu yena danuje tenApi durnigrahaH | nirjetuM lavaNaM pratIkShya\-virahaH shaktyA.abhavat sarvadhA sa svAmI mama daivataM taditaro nAmnApi nAmnAyate || 32|| mAM nAmnA shrutiragrahIditi surAH khyAtiM labhante parAM mAM vedAhamiti shrutiH kathayatItyutsichyate mAdhavaH | tA yaddoriShu\-dhanva\-manyuShu namovAkAnvahante shataM sa svAmI mama daivataM taditaro nAmnApi nAmnAyate || 33|| sargashcha pratisa~ncharashcha jagatAM yatpakShmaNI saMshritau shAstrANi shrutayo.api vA yadadhara\-spandaM pratIkShyAsate | bandho mokSha iti dvayaM tanubhR^itAM yasyAkShi\-koNe sthitaM sa svAmI mama daivataM taditaro nAmnApi nAmnAyate || 34|| shaktyardhaM viniveshayAmi parigR^ihNItetyupachChanditAH sambhUyApi vayaM tadardha\-vahane na smaH samarthA iti | jagmuH prAgamarAH sharAdi\-vidhayA yasya svayaM sheShatAM sa svAmI mama devataM taditaro nAmnApi nAmnAyate || 35|| yAnabdhau vinimajjya mInavapuShA shaurishchirAyAvahat\- yatsandhAraNamekameva mahatAM mAhAtmyamudghuShyate | yAnadyApi vidhirbibharti vadanaiste yaM vahantyAgamAH sa svAmI mama daivataM taditaro nAmnApi nAmnAyate || 36|| jetuM trINi purANi yena sahasArUDhe dharitrI\-rathe vedAshveShu vibhugna\-jAnuShu vR^iSho bhUtvA prayasyanhariH | voDhuM taM na rathaM shashAka vidhR^itaM sheShAtmanApi svayaM sa svAmI mama daivataM taditaro nAmnApi nAmnAyate || 37|| ambA yadgR^iha\-medhinI trijagatAM shabdAntarANyantarA santyajyopapadaM vadanti cha janA ekaM yameveshvaram | muktvA cha pratiyoginaM vadati yatsUnuM kumAraM shrutiH sa svAmI mama daivataM taditaro nAmnApi nAmnAyate || 38|| vishvaM mu~ncha badhAna veti hi parAshaktiryadAj~nApitA j~nAnechChAkR^iti\-shaktiShu svayamimaM vinyasya sarvaM bharam | Aste.anuttara\-sAmarasya\-paramAnandAnusandhAyinI sa svAmI mama daivataM taditaro nAmnApi nAmnAyate || 39|| unmIlachchaturagra\-viMshati\-shata\-dvandvAtmanA sa~NkhyayA nirbhaktairbhuvanaiH sanetR^ibhirapi vyAptaM kalA\-pa~nchakam | yatkoTyaMsha\-parAkhya\-shakti\-kaNikA\-leshasya leshAyate sa svAmI mama daivataM taditaro nAmnApi nAmnAyate || 40|| yasyAnanda\-mahArNavasya kaNikA yA kApyavidyAnila\- vyAdhUtA shatadhA vibhidya bhuvanaM vyAptA shrutInAM gaNaiH | brahma tvaM tadasIti vAda\-mukharairadyApi chAnviShyate sa svAmI mama daivataM taditaro nAmnApi nAmnAyate || 41|| shreyaH saMsaratAM kimasti paramaM nAmApavargAchcha naH taddAnAdadhiko na kashchana guNo.astyasmaddhiyAM gocharaH | tadyad\-darpaNa\-sa.nprasAda\-sulabhaM nAlaM yadIya\-stutau sa svAmI mama daivataM taditaro nAmnApi nAmnAyate || 42|| pluShTe sthAvara\-ja~Ngame shatadhR^itau naShTe jagatsraShTari vyApte daityaripau hareNa viharatyasmin maheshAtmanA | antarbhAvayituM svayaM tamapi yasyeme gaNAH sAkShiNaH sa svAmI mama daivataM taditaro nAmnApi nAmnAyate || 43|| nAsha\-vyApyamama~NgalaM taditaraM mA~NgalyamevaM sthite nashyad\-daivata\-dhAritairalamala~NkArairabhavyairiti | nityairbhasmabhireva bhUShayati yaH svA~NgaM jaganma~NgalaM sa svAmI mama daivataM taditaro nAmnApi nAmnAyate || 44|| ga~NgAmbhaHparishoShaNaM smara\-madochChedo jagad\-dAha i\- tyAdyaM nigraha\-vaishasaM kalayate kaNThAduparyeva yaH | antaH santatamIhate tu shivamAkITaM jaganmAtrake sa svAmI mama daivataM taditaro nAmnApi nAmnAyate || 45|| abhyarchanti yamAmananti yamanudhyAyanti yaM santataM gIrvANAH phaNino narA iti kimityAshcharyamAchakShmahe | yo devaH svayamapyasau shivamanudhyAyan shivatvaM gataH sa svAmI mama daivataM taditaro nAmnApi nAmnAyate || 46|| yAsvapsu druhiNo.ajaniShTa dharaNau yatrAvatAro hareH lilye yatra hutAshane trijagatAM mAtA videhAtmajA | tadbhUta\-trayamapyabhUdachaturaM yattejaso dhAraNe sa svAmI mama daivataM taditaro nAmnApi nAmnAyate || 47|| yaddharmAnuchikIrShayA pravavR^ite bhikShAshramo.anuttamo yaddAsya\-vrata\-lA~nChanaM paramiti khyAtA vibhUtiH shrutau | yatsUkti\-shravaNechChayA sukR^itino mu~nchanti kAshyAmasUn sa svAmI mama daivataM taditaro nAmnApi nAmnAyate || 48|| yatsArathya\-padasthiteH shatadhR^iterAyuH parArdhAdhikaM shaureryaM prati mArgaNatvamayato jAgarti lakShmIH sthirA | yatpAdAshrayiNaH phaNAdhara\-patervAchaH prathantetarAM sa svAmI mama daivataM taditaro nAmnApi nAmnAyate || 49|| pAramye nigamAgamAH parama\-saulabhye pishAchAdayo vA~nChAtIta\-padArpaNe sa bhagavAn vaiyAghrapAdo muniH | sarvAgaHsahane.andhakashcha danujo yasya sthitAH sAkShiNaH sa svAmI mama daivataM taditaro nAmnApi nAmnAyate || 50|| sArAH shabda\-kulasya yena nigamA vAhA iti svIkR^itAH sArAvadriShu kArmukaM gR^ihamiti dvau hema\-rUpyau hR^itau | sArA vAriShu jAhnavIti vidhR^itA bhaktAnukampAchChalAt\- sa svAmI mama daivataM taditaro nAmnApi nAmnAyate || 51|| bhUmirbhrAmyati baddha eva maruti pratyagbhramo.atyadbhuto bhrAmyantyeva sahAshrayeNa cha divi jyotIMShi sarvANyapi | Avarto.ayamapAM bhramaH pariNato mUrtirharasyAShTamI yA.asAvappayadIkShito jayati sA tvekA nirastabhramA || 52|| iti shrInIlakaNThadIkShitavirachitA shivotkarShama~njarI samAptA | ## Proofread by Rajani Arjun Shankar \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}