% Text title            : Shambhavaproktam Shri Shailadilingani Mahimavarnanam
% File name             : shrIshailAdilingAnimahimAvarNanaMshAmbhavaproktam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 32| 70-105 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shambhavaproktam Shri Shailadilingani Mahimavarnanam ..}##
\itxtitle{.. shAmbhavaproktaM shrIshailAdili~NgAnimahimAvarNanam ..}##\endtitles ##
li~NgAni bahudhA santi bhuktimuktipradAnyApi |
teShu sarveShu li~NgeShu nArmadaM li~Ngamuttamam || 1||
yad dattaM nArmade li~Nge jalaM kusumameva vA |
phalaM bilvadalaM vApi tadAnandAmbudhipradam || 2||
durlabhaM nArmadaM li~NgaM durlabhA bilvama~njarI |
dulabhA shAmbhavI vidyA durlabhaH shA~NkaraH kalau || 3||
shA~NkaratvaM samAsAdya revAli~Nge manohare |
bilvAdhairarchanaM kR^itvA mukto bhavati mAnavaH || 4||
atrApi santi li~NgAni shrIshaile sha~NkarAlaye |
parvatArAdhitaM li~Nga tripurAntakasa.nj~nitam || 5||
talli~NgapUjanAdeva muktaH syAdaghasAgarAt |
tasya darshanamAtreNa muktaH syAdaghasAgarAt || 6||
tripurAsurasaMhAraM kR^itvA bhAlavilochanaH |
li~NgAkAraM samAsAdya sthitaH shrIparvate khalu || 7||
bhUmaNDaleShu tIrthAni yAni tAni visheShataH |
shrIshaile mUrtimAsAdya tiShThatyeva na saMshayaH || 8||
talli~NgArchanajaM puNyaM sampanmuktikaraM param |
tatra yenArpitaM dravyaM tadanantaphalapradam || 9||
dUrvA~NkurairbilvapatraiH nIrairvA tripurAntakam |
yaH pUjayati puShpeNa sa mukto bhavati dhruvam || 10||
tatra gokShIrakalashaM yo dadyAbhaktipUrvakam |
shAmbhavAya sa puNyAtmA sudhAsAgararAD bhavet || 11||
shrIparvate shAmbhavAya yo dadyAdannamAdarAt |
sa tAvadannarAshInAmadhipo bhavati dhruvam || 12||
tatra ratnAni yo dadyAt bhaktyA shivaparAyaNaH |
sa ratnakoshAdhipatiH bhavatyeva na saMshayaH || 13||
tripurAntakamuddishya yaH suvarNa prayachChati |
sa suvarNapatirbhUtvA mukto bhavati mAnavaH || 14||
shivachintanashIlaM chedasR^itaM chittamantataH |
vittesho yAti pattitvaM patipatterapi svataH (?)|| 15||
shivachintanashIlAnAM yo dadyAdvittamantataH |
so.api vitteshatAM yAti R^iShivaryairapi stutaH || 16||
ghaNTAkarNeshvaraM nAma li~Ngamastyekamuttamam |
tatpUjanena pApAni vinashyanti na saMshayaH || 17||
tatrApi kuNDamastyekaM sudhAkuNDamiti shrutam |
tatra snAtvA naraH sadyaH shuddho bhavati sarvathA || 18||
tatkuNDajalamadhyastho ghaNTAkarNeshvaraM smatat |
sarvapApavinAshAnAM hetureva prajAyate || 19||
ghaNTAkarNeshvaraM natvA sampUjaya kusumAdibhiH |
tatpuShpasa~NkhyayA tatra sampat (?) prApnoti mAnavaH || 20||
sAra~NgeshvarAlokya tatra snAtvA.atipAvane |
tatparojalapAnena mukto bhavati mAnavaH || 21||
puNyakoTisamAkrAntaH shikhareshvarapUjanam |
karoti puNyakAleShu bilvadUrvAdibhirmudA || 22||
vibhUtikuNDamastyekaM tattu pAvanapAvanam |
tasmin kuNDe praviShTAni tIrthAni vimalAnyapi || 23||
tatkuNDajalayogena tIrthAnAM tIrthA matA |
tataH sarvANi tIrthAni tatra yAnti dine dine || 24||
shrIshailo durlabho loke bhasmakuNDaM cha durlabham |
tripurAntakali~NgaM cha durlabhaM jagatItale || 25||
shikhareshvaramAlokya vimuktaH pApapa~njarAt |
pashchAnmukto bhavatyeva yatra kutrApi vA mR^itaH || 26||
tatrAsti hATakeshAkhyaM li~NgaM hATakanirmitam |
tatrAsti hATakaM kuNDaM tAlaM pApanAshanam || 27||
tatra snAtvA prayatnena talli~NgaM bhaktipUrvakam |
bilvapatraiH samabhyarchya mukto bhavati mAnavaH || 28||
shrIshailabhramarAmbAyAH kR^itvA darshanamAdarAt |
sarvapApavinirmuktaH sampannAtho bhaviShyati || 29||
bhramarAmbApadAmbhojaM komalairbilvapatrakaiH |
samabhyarchya prayatnena sarvarAShTrAdhipo bhavet || 30||
bhramarAmbAM samabhyarchya yastu rAtrau pradakShiNam |
karoti tatkarasthA sAt sarvasampadvarA~NganA || 31||
tasya syAnmahadaishvaryaM santatistasya vardhate |
yachchittaM bhramarAmbAyAshcharaNAmburuhArchane || 32||
tasya tAvadvipattiH syAt yAvannArAdhitA shivA |
ArAdhitAyAM tasyAM tu sampavR^iddhirdine dine || 33||
tatra sampatpradAnAya dIkShitA bhramarAmbikA |
tatpAdAmburuhotpannAH sarvadA sarvasampadaH || 34||
sampatkhaniriti khyAtA shrIshaile bhramarAmbikA |
tasyAH prabhAvo vedairvA na j~nAtaH sarvathA khalu || 35||
alamalamabhilApairindumauleH prasAdAta sakalabhuvananAtho jAyate mAnavo.api |
iti manasi vichintyAnugramugraM viditvA bhaja bhaja bhagavantaM pArvatIkAntamekam || 36||

|| iti shivarahasyAntargate shAmbhavaproktaM shrIshailAdili~NgAnimahimAvarNanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 32| 70\-105 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 32. 70-105 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}