% Text title            : Shri Siddhalingamahashivayogi Nakshatramalika Stotram
% File name             : siddhalingamahAshivayoginakShatramAlikAstotram.itx
% Category              : shiva, stotra
% Location              : doc\_shiva
% Author                : basavarAjashAstri
% Proofread by          : Vani V.
% Latest update         : October 31, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Siddhalingamahashivayogi Nakshatramalika Stotram ..}##
\itxtitle{.. shrIsiddhali~NgamahAshivayoginakShatramAlikAstotram ..}##\endtitles ##
(paNDita shrI basavarAjashAstrivirachitam)
vibhrAjatsujaTAdhivAsa vibhajadga~NgAvilAsAvR^itam
      rArAjadrajatAdrivAsa vilasadgarI bhujAla~NkR^itam |
chandrAdityadhana~njayAkhyanayanaM santyajya nirmAyikam
      sachchidrUpamanAdidevamatulaM shrI siddhali~NgaM bhaje || 1||
AvirbhUya cha bhUtale sumahasA shrI gosaleshaM charam
      saMsevyAmR^itasechanena jvalanaM dIpasyakR^itvA mudA |
tenAvApya suja~NgamAdhikaraNaM sa~nchAryalokecharaiH
      bhaktoddhAraparaM samAdhinirataM shrI siddhali~NgaM bhaje || 2||
vairAgyapUrNaM varakAmitArtham
      dAtAramAnandaparaM dayAlum |
santoSharatnAkara pUrNachandram
      vande mahAntaM gurusiddhali~Ngam || 3||
saMsevya channabasavesha mahesha pAdau
      sampUrya shambaramaho gurudIpapAtre |
samprApya ja~NgamapadaM gurudeva hastAt
      yAche kR^ipAM gatirataM gurusiddhali~Ngam || 4||
muktAnAM sR^ijamAnishIthasamaye pa~nchAvalInAM mudA
      shoNAdreradhinAtha hastakamalAtsamprApya tatrasthitam |
dR^iShTvA yogivaraM tadarchanaparAH sa~Nkrudhya rAj~ne.abruvan
      bhUpAlena parIkshya vanditapadaM shrI siddhali~NgaM bhaje || 5||
shrI tryambakeshavadanena maheshvarAya
      deyaM prasAdamiti ja~Ngamabhukta sheSham |
sambodhyaja~Ngamapadodbhava tIrthasekam
      jetAramAtmani bhaje gurusiddhali~Ngam || 6||
kaH saMsAra vimochako? guruvaraH ko.ayaM guruH? shrI mahA
      siddhesho eDeyUravAsanirato magnassamAdau sadA |
yatpAdAmbujasa~Ngamena mahatIga~NgA samudbhAvitA
      sahyAdristha mahAbalesha shirasastaM siddhali~NgaM bhaje || 7||
shrI mAheshavratayutaM varasiddhanAtham
      vAdaprasaktamanishaM vimukhaM cha kR^itvA |
uttu~NgayoginamalaM parirakShitAram
      yogIshvaraM khalu bhaje guru siddhali~Ngam || 8||
kShetrevasAnamuLavIti mahAprasiddhe
      durvAdasakta hR^idayasya janArdanasya |
vAgbandhanaM vidadhataM shruti shAstravAkyaiH
      siddhendrayoginamahaM satataM namAmi || 9||
durvAdasthAn jinamatajanAn vAda bhUmau nitAntam
      shrutyAdhArairvijayinamalaM bhUridR^iShTAntapUrvam |
nAnArItyA sarasavachanairbha~NgayantaM mahAntam
      siddhendrAkhyaM yatikula guruM chandrachUDaM namAmi || 10||
kandarpadarpaharamAnatarakShitAram
      vAtsalyapUrNahR^idayaM karuNAsamudram |
shrImallinAtha varaja~Ngama satkR^itaM cha
      yogIshvaraM hR^idi bhaje gurusiddhali~Ngam || 11||
girishaja~NgamapUjitamAdarAt
      sarasabhAShaNa toShita mAnasam |
varasamAdhirataM charapu~Ngavam
      hR^idi bhaje gurusiddhayatIshvaram || 12||
valmIkasthitayogirAjamanaghaM nambeNNa bhaktasya vai
      godohena vibodhya sAdhu janatA kShIreNasaMlIyatam |
kumbheShveva shateShu sa~nchitavatA shAntaM mahAntaM yatim
      samprApyAti tutoSha taM guruvaraM vande sadA saukhyadam || 13||
siddhendraM varakaggerIyajanatAsaMsevyamAnaM mudA
      sandashyAshu mR^itaM karAlabhujagaM sa~njIvayantaM yatim |
bhUtAbhyAM varamuktidaM hi sahasA nambeNNabhaktasya vai
      dAsIdattamaho pibantamanaghaM kShIraM sadA prArthaye || 14||
li~NgaNNAryAtparamakuTilAt dhUrtabhAvenaprAptam
      jAnan yogI paramadayayA tasya daurjanyabhAvam |
AmUlAgrannirasanadhiyA kShveDarUpAttamannam
      svikR^ityAlaM vimalamanasA vartamAnaM bhajeham || 15||
bhUtiM mudA spaTikali~Ngamaho vidhAtA
      vR^iShTiM cha droNakusumairmahatIM vitanvan |
kAsAranIrachalitaM ghaTamAnayan mAmam
      pAyAtsadA yativaro gurusiddhali~NgaH || 16||
rAtraudvAraM vighaTanaparaM kallinAthena prItyA
      mAyAdevI rachitayajanaM sAdaraM mAnayantam |
dvandvAtItaM tridashanamitaM siddhali~NgaM yatIndram
      vande bhAktyAnatasurataruM kAlakAlaM mahesham || 17||
jambAlajAtAmbaka netrayukta
      pAdAravindaM shamanAntakaM tam |
adhvanyamAshaM paripUrNanadyAm
      bhaje.ahametaM gurusiddhali~Ngum || 18||
kAmadhvaMsI karaNavijayI kAmitArthapradAyI
      sauvarNAdriM tripuravijaye kArmukaM saMvidhAnaH |
dvandvAtIto nigamavachanaistUyamAno ya IshaH
      taM vande.ahaM yatikulapatiM li~NgapUjAnimagnam || 19||
tattvaM shaktivilAsamadvayamamuM ShadbhAga saMshobhitam
      li~NgA~NgAbhidhabheda bhinnamatulaM chaikottarAvAntaram |
shrutyAdipratipAdyamAnamanaghaM shrIboLadevaM prati
      bodhaM taM gurusiddhali~NgamanishaM samprArthaye bhaktaye || 20||
tattvaM ShaTsthalamArgayuktamanaghaM shrIvIrashaivAnugam
      saMsR^iShTirjagataH kramaM cha nikhilaM vedAgamairAdR^itam |
jij~nAsuM nitarAM hi boLabasavaM sambodhayantaM mudA
      vande.ahaM satataM shilAmaThagataM shrI siddhali~Ngeshvaram || 21||
li~NgaM vai varavIrashaivasamaye saMsAra santArakam
      ShaTsthAnunugamaM hi boLabasavaM sambodhayantaM mudA |
siddhendraM varashailamaNTapagataM chAnandapUrNaM sadA
      sadbhaktyAsatataM namAmi paramaM vAtsalyapUrNaM shivam || 22||
bhaktasthalaM chAnyavibhAgapUrNaM
      hyAchArali~Ngena sushraddhAyA cha |
shrI boLadevaM prati bodhayantaM
      shrI siddhali~NgaM sahitaM bhaje.aham || 23||
niShThAbhaktisamanvitaM varagurorli~NgAshrayaM santatam
      sanmAheshvaranAmakaM sthalamidaM shrI boLadevaM prati |
bodhaM taM shivali~NgayuktamavadhAna bhakti saMshobhitaM
      prAsAdisthalamAtmabhedasahitaM shrI siddhali~NgaM bhaje || 24||
shrI boLadevaM hyanubhAvabhaktayA
      saMshobhitaM ja~Ngamali~Ngakena |
sambhodhayantaM varaprANali~NgisthalaM
      bhaje.ahaM gurusiddhali~Ngam || 25||
shrI siddhali~Ngayati pa~nchaprasAdali~NgA\-
      nandAkhya bhaktisahitaM sharaNasthalaM hi |
aikyaM cha sAmarasabhakti, mahAtmali~NgaM
      sambodhayantamanishaM basavAryamIDe || 26||
shrI siddhali~NgaM yativR^indavandyaM
      bhaktAnurAgAbdhi sudhAkaraM tam |
lIlAmasa~NkhyAM virachayya bADhaM
      shAntaM mahAntaM satataM namAmi || 27||

iti shrIbasavarAjashAstrivirachitaM shrImadaviraLa\-para~njyoti\-
charakulachakravarti shrI jagadguru shrIsiddhali~Nga mahAshivayoginAM
nakShatramAlikAstotraM sampUrNam |

##
Proofread by Vani V. 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}