% Text title            : Shri Siddhalingamahashivayogi Suprabhatam
% File name             : siddhalingamahAshivayogisuprabhAtam.itx
% Category              : shiva, suprabhAta
% Location              : doc\_shiva
% Author                : basavarAjashAstri
% Proofread by          : Vani V.
% Latest update         : October 31, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Siddhalingamahashivayogi Suprabhatam ..}##
\itxtitle{.. shrIsiddhali~NgamahAshivayogisuprabhAtam ..}##\endtitles ##
(paNDita shrI basavarAjashAstrivirachitam)
shrI siddhali~Ngesha mahesha shambho chottiShTha yogIsha mahAprakAsha |
shAntesha dAntesha bhavAshu deva lokAnurodhena bahirmukho hi || 1||
uttiShTha nirmAya nira~njanesha nirdvandva nistandra nirastaklesha |
nirbhAva nishchinta nirAkuLAlaM nirmoha nairguNya nirAvalamba || 2||
nivAsa gulmeShu patitrirAva mayUravANIkalahaMsanAdaiH |
prashAntavAtena sutoShadAyI prabhAtamAvirbhavatIha kAle || 3||
devAlaye vAdyaninAdaghoShaH dashA~Nga dhUpAtta sugandhavAsaH |
karpUra nIrAjana dIpakAntiH ghaNTAravastairjanatAprabuddhA || 4||
sharIradharmeNa suShuptinAmmA nirliptadevesha samAdhivAsa |
samAdhikAryaM tavanaijameva tattvasvarUpasya mahAmahimnaH || 5||
tathApi lokoddharaNAya shambho samAdhikAryAdvimukho bhavAshu |
tvatpAdapadmaM paridraShTukAmAH brahmAdidevAH samupAgatA hi || 6||
siddhA munIndrAH pramathAshcha rudrAH yakShAdhipA dAnavamAnavAshcha |
bAlAshchavR^iddhAH pramadAssushIlAH tvatpAdasevAmabhikA~NkShamANAH || 7||
bhaktAnurAgin bhavatApahArin li~NgAnusa~Ngin viShayevirAgin
kaivalyadAyin paramAvatArin kandarpanAshin shivayogatoShin || 8||
anantajanmArjita puNyasheShairmAnuShyadehaM parigR^ihyajAtAn |
tvatpAdasa~Ngena vishuddha dehAn bhaktyAsadAchAraparAn vidhAtum || 9||
dehatraye vai varali~Ngasa~NgaM kartuM nitAntaM sthalaShaTka bodham |
a~NgIyadharmAn parilIyali~Nge li~NgIyadharmArjana bodhanAya || 10||
li~NgA~NgasambandhavibodhanArthaM kR^ipAM kuruShvAshu dayAnidhe tvam |
naijaM samAdhiM parimuchyayogin vAkyAmR^itenAshu vibodhayaitAn || 11||
tvadvaktra padmAtprasR^itAM saMvANIM saMsAratapteShu sudhAM kSharantIm |
janmAntarIyAdbahu puNyasheShAllabhyAM nikAmaM parishrotu mAyan || 12||
saukhyena li~NgA~Nga susAmarasya sampAdanemUlanidAnabhUtam |
saMsAratApAdvinivartamAnaM svAtmA~NgamaShTAvaraNaM pravaktum || 13||
vaichitryayuktaM kila vishvametad vyaktaM kathaM syadvividhA~NgarUpaiH |
sachchitsvarUpaM kathameti chAnte tanmArgabodhAya tvarasvadeva || 14||
sachchitsvarUpaM paripUrNanityaM tattvaM svashaktyAshchalanena bhinnam |
vishvasvarUpaM kathameti sarvaM vaktuM svakAryAdvirato bhavAshu || 15||
shrIsiddhali~Nge sadayAntara~Nge sadbhaktibhAvena vivartamAnaH |
prabhAtakAle paThate ya enaM prApnoti saukhyaM sutasampadAdim || 16||
shrImannira~njana jagadguru sArvabhauma
      shrI siddhali~NgayatirAT paratatvarUpa |
chandrArkavahni nayanA.amaravR^indavandya
      saMrakSha bho basavarAjabudhaM mudaiva || 17||
shrIrAyachUru varamaNDala madhyadeshe |
      shrIsindhanUriti vibhAga shiromaNau cha |
shobhAnvite pagaDadinni sunAmagrAme |
      medhAyuto basavarAja sudhIH kavIndraH || 18||
muktakaM
pAyAchChrImadanAdi bhaktabasava svAntAmbujAnte sphura\-
ddhaMso yogimanonishAnta vimalaj~nAna pradIpo vibhuH ||
bhaktAdisthalaShaTkanirNayapathaM saMsthApayan bhUtale |
siddheshaH karuNAmayaH paratara shrI toNTadAryAhvayaH ||

iti shrIbasavarAjashAstrivirachitaM shrImadaviraLapara~njyoti\-
jagadguru\-sArvabhauma\-eDeyUra\-toNTada shrIsiddhali~NgamahAshivayoginAM
suprabhAtaM sampUrNam |

##
Proofread by Vani V. 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}