% Text title            : Skandakrita Shiva Stuti
% File name             : skandakRRitAshivastutiH4.itx
% Category              : shiva, stuti, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 1 | 204-234||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandakrita Shiva Stuti ..}##
\itxtitle{.. skandakR^itA shivastutiH ..}##\endtitles ##
devadeva jagannAtha devadevottama prabho |
vedavedAntavedyesha jagajjanmaikakAraNa || 204||
nirAmaya nirAdhAra nirdvandva nirupAdhika |
niShkala~Nka nirAkAra vikArarahitAnagha || 205||
mahAdevAmarAdhIsha vR^iShA~Nka vR^iShavAhana |
vR^iShabhadhvaja vighnesha tripurAntaka sha~Nkara || 206||
kAlakAla kR^ipAsindho shitikaNTha shivApriya |
trikAgnikAla kAlAtman kAlAdhAra pravartaka || 207||
manonmanAmalAnanta vyomakesha jagatpate |
bhUtesha bhUtasa~NghAtman bhUtaikanilayAmala || 208||
vibhUtibhUShaNa shrIman bhasmoddhUlitavigraha |
kailAsashikharAvAsa kR^ittivAsa maheshvara || 209||
kapAlamAlAbharaNa jarAmaraNavarjita |
yogivR^indaikamandAra vR^indArakagaNArchita || 210||
yogihR^itpa~NkajArUDhanirUDhanijavigraha |
gaNDamaNDalavibhrAjanmaNikuNDamaNDita || 211||
ananta chaNDamArtANDamaNDalAdhikasuprabha |
hiraNyabAho vishvAtman saMsArArNavatAraka || 212||
vishvatomukha sAmAtman vishvatashcharaNAjara |
vishvatolochanAnanta vyomakesha sadAshiva || 213||
jyeShTha shreShTha samastAtman vyApakAnantavigraha |
trishUlapANe khaTvA~Ngin niHsa~Nga nigamAvyaya || 214||
nirAshrayAkhilAdhAra parabrahmamayAvyaya |
brahmAnandaikanilaya mayaskara nirIshvara || 215||
sattvapradhAna sattvAtmannAnandamaya sarvaga |
mahAshmashAnanilaya mahApretAsanasthira || 216||
pinAkapANe.aduShTAtman shiShTalokaikajIvana |
shArdUlacharmavasana bhUdhareshasharAsana || 217||
svechChAkR^itAvanIdhAja(chakra) dagdhatripurakAnana |
vAsIkR^itAnandavana somasUryAgnilochana || 21 8||
munichittAsanAsIna kAlakUTaviShAdana |
kandarpadarpadamana vR^iShAdhIshaikavAhana || 219||
duShTArisa~Nghashamana durla~NghyadR^iDhashAsana |
apradhR^iShyAtirokShyA(hyA)chChatejaHpu~nja nira~njana || 220||
mahodara mahAvIra mahAshUra sureshvara |
mahAdhArAdbhutAkAra sarvaMlokaprabhAkara || 221||
namaste namaste mahAdeva shambho namaste namaste prapannaikabandho |
namaste namaste dayAsArasindho namaste namaste namaste mahesha || 222||
namaste namaste mahAmR^ityuhArin namaste namaste mahAduHkhahArin |
namaste namaste mahApApahArin namaste namaste namaste mahesha || 223||
namaste namaste sadAchandramaule namaste namaste sadAshUlapANe |
namaste namaste sadomaikajAne namaste namaste namaste mahesha || 224||
yasya svarUpaM na viduH surAsurA yasya svarUpaM na vidurmunIshvarAH |
yasya svarUpaM na viduryameshvarAstasyaiva nityaM shivarUpamIDe || 225||
yasya svarUpaM nigamairagamyaM tasyaiva nityaM shivarUpamIDe || 226||
saMsAradAvAnalashAmakAya mR^ityu~njayAyAmitavikramAya |
surAsuraughArchitapAdukAya shivAsametAya namaH shivAya || 227||
ghorA.a.adhipApaughanivArakAya svargApavargAdiphalapradAya |
nirAmayAyAndhakasUdanAya shivAsametAya namaH shivAya || 228||
kundedusha~NkhasphaTikopamAya maheshvarAyAshritavatsalAya |
shrInIlakaNThAya yamAntakAya shivAsametAya namaH shivAya || 229||
bhuja~NgachakrAdhipabhUShaNAya nAnAmaNibhrAjitakuNDalAya |
karpUragaurAya surottamAya shivAsametAya namaH shivAya || 230||
trikAgnikAlAya manonmanAya triyambakAya tripurAntakAya |
kAlAgnirudrAya jaganmayAya shivAsametAya namaH shivAya || 231||
dayAsamudrAya nidhIshvarAya dhaneshamitrAya sudhAmayAya |
kAruNyarUpAya mayaskarAya shivAsametAya namaH shivAya || 232||
brahmendraviShNvIshasurArchitAya devAdhidevAya digambarAya |
anantakalyANaguNArNavAya shivAsametAya namaH shivAya || 233||
vedAntavedyAya mahAdayAya kailAsavAsAya shivAdhavAya |
shivasvarUpAya sadAshivAya shivAsametAya namaH shivAya || 234||

|| iti shivarahasyAntargate skandakR^itA shivastutiH sampUrNA ||

\- || shrIshivarahasyam | ugrAkhyaH saptamAMshaH | adhyAyaH 1 | 204\-234||
##
- .. shrIshivarahasyam . ugrAkhyaH saptamAMshaH . adhyAyaH 1 . 204-234..##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}