% Text title            : Ganganirgamane Prayagagayayodhya Mahima Varnanm and Sudheshvara Shiva Stuti by Ishvara
% File name             : sudheshvarashivastutiHgangAnirgamaneprayAgagayAyodhyAmahimavarNanaivaMIshvaraproktA.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 30|| -
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prayagagayayodhya Mahima Varnanm and Sudheshvara Shiva Stuti ..}##
\itxtitle{.. prayAgagayAyodhyAmahimavarNanaivamIshvaraproktA sudheshvarashivastutiH ..}##\endtitles ##
##Ganganirgamane Prayagagayayodhya Mahima Varnanm and Sudheshvara Shiva Stuti by Ishvara##
ga~NgAnirgamane prayAgagayAyodhyAmahimavarNanaivamIshvaraproktA sudheshvarashivastutiH
(shivarahasyAntargate shivagaurIsaMvAde)
devI \-
kAni tIrthAni puNyAni sA ga~NgAplAvayachChivA |
tanme vada mahAdeva nahi tR^iptAsmi sha~Nkara || 1||
sUtaH \-
taddevyA vachanaM shrutvA mahAdevo maheshvaraH |
prAha gambhIravAkyAni tadA.aparNAM praharShayan || 2||
IshvaraH \-
matpAdamUlato devi yadA ga~NgA vinirgatA |
haridvArAttadA puNyA vibudhaishchaiva saMyutA || 3||
kurukShetraM gatA ga~NgA tasmAchchApi vinirgitA |
kurukShetraM gatA ga~NgA snAnAtpApavinAshinI || 4||
pratipede madhuvanaM tatra tIrthe manorame |
munibhiH saMstutA snAtA dR^iShTA pItAghahAriNI || 5||
prayAgavanamAsAdya yatra pUrvaM pitAmahaH |
ayajaddhayamedhena mAM medhapatimIshvaram || 6||
tatrAsItsaridutkR^iShTA yatra prAchI sarasvatI |
tatAvabhR^ithamAsAdya brahmA prAha sarasvatIm || 7||
\-\-\-
brahmA \-
sarasvati mahAbhAge sarvadA sarvapAvanI |
sarasaH pAvanAjjAtA puNyAnmAnasanAmakAt || 8||
merau devAsuraiH pUrva prArthitAsi manorame |
asmindeshavare puNye sarasastvaM vinirgatA || 9||
tasmAtsarasvatItyAkhyAM gamiShyasi mahItale |
ekAMshena vasAtraiva ekAMshena vasermayi || 10||
itthaM sA brahmaNo vAkyaM praNamyAha sarasvatI ||
sarasvatI \-
nAhaM vasAmi bhUloke tvanmakhAtpAvanAya hi |
samAnItAhamamalA tvayA yAsye pitAmaha || 11||
brahmalokaM cha sAvitryA nivasAmi tvayA saha |
\-\-\-
IshvaraH \-
sarasvatyAshcha vachanAdbrahmA krodhAchChashApa tAm || 12||
yasmAnmadvAkyanirghAtaH kR^ito devi tvayA.adhunA |
adR^ishyA chAsi bhUloke pAtAlatalavAhinI || 13||
bhava tvaM shApitA mattaH sa itthaM shaptavA~nshive |
itthaM shaptA tadA brahmNA prayAge.abhUtsarasvatI || 14||
yamunA.api tathaivAgAnnIlanIratara~NgiNI |
ga~NgAyamunayormadhye antarbaddhA.abhavat tadA || 15||
brahmaNaH sA maheshAnI prayAgamabhitaH shubhe |
sitAsite te saritau devi yatraiva sa~Ngate || 16||
tatrAplutA janAH sarve brahmalokaparAyaNAH |
tanuM yastyajate tatra sa mukto bhavati priye || 17||
tatrAkShayavaTo nAma viTapairbahubhirvR^itaH |
tatpratIchyA mahAdevi prayAgesho.ahamAsthitaH || 18||
viShNunArAdhitashchAhaM tena tuShTasstutasthA |
prayAgamAdhavenAhaM pUjitastatra sha~Nkari || 19||
sampUjya mAM bilvapatraiH tuShTAva parameshvaram ||
\-\-\-
mAdhavaH \-
duradR^iShTavinAshakaM maheshaM janinAshaM pratibaddhakaShTajAlam |
kaniShThaM variShThaM tathA jyeShThamIshaM vasiShThAdivandyaM natosmIShTasid.hdhyai || 20||
shrImatprayAgavanasundaranIlakaNTha pAhIsha pApagiridAraNashUlaTa~Nka |
bhakteShvakuNThadaya kuNThitavedavAkya vaikuNThapUjitapadAgasutopakaNTha || 21||
\-\-\-
IshvaraH \-
itthaM stuto.asmi tenaiva tatsthAneshaH kR^ito mayA |
taduttare.ahaM someshaH pUjitaH surasattamaiH || 22||
bilvairmandArakusumaiH stuto{}.ahaM vibudhairapi ||
\-\-\-
devAH \-
purAre bhavAre yamAre prasIda prasIdAdhunA devadevasha shambho |
charitraM pavitraM vichitraM tavAdya trinetrAdhunA pApajAlaikahAri || 23||
\-\-\-
itthaM stuto.ahamamarairnivasAmi girIndraje |
ga~NAyamunayoH sandhau li~NgaM ma~NgaladaM mama || 24||
yaH prayAge mahAtIrthe mAghe makarage ravau |
tatra snAtvA mAsamekaM vimuktaH sarvakilviShaiH || 25||
tIrthAdhidevo mAM bhaktyAprayogeshaM samarchayan |
tatApa paramaM devi tapa ugraM samAsthitaH || 26||
mAM tuShTAvAmbike tatra tIrtharAjatvasiddhaye ||
\-\-\-
tIrtharAjaH \-
shiva shaivajanAvane dhurINa shrutigaNakAraNa kAraNAdyakarNa |
phaNiraNitapadAbjaka~NkaNa mama pApAdyakhilAghashoShaNa || 27||
\-\-\-
tIrthAdhidevo mAM stutvA mattastIrthavaro.abhavat |
yaH prayAgaM samAsAdya trirAtraM samupoShitaH || 28||
shatajanmotthapApebhyo muchyate nAtra saMshayaH |
prayAgeshvaramabhyarchya dR^iShTaA natvA maheshvaram || 29||
snAnadAnArchanAtsiddhiH tasya syAnnAtra saMshayaH |
triveNIsa~Ngamo yatra tatra pApabhayaM kutaH || 30||
tatrAvasatsadA viShNurveNImAdhavasa~nj~nitaH |
mAM dhyAyansarvadA devi snAtR^INAM phaladAyakaH || 31||
ga~NgA cha yamunA chaiva yatra guptA sarasvatI |
pravahatyanishaM devi yasyAnto naiva vidyate || 32||
antarvedyAM brahmaNo.api kR^itaM puNyamanantakam |
ye snAtvA.atha prayAgeshaM pashyanti cha gaNottamAH || 33||
sampUjya bilvapatraishcha mukta eva na saMshayaH |
prayAgamanyatIrtheShu yaH smaransnAti bhaktimAn || 34||
sa ga~NgAyamunodbhede snAti nityaM maheshvari |
prayAge makare bhAnau mAghe snAtvA inodaye || 35||
sa sarvapApasa~Nghebhyo mukto muktiM parAM vrajet |
tasmAdvinirgatA puNyA devi ga~NgA sarasvatI || 36||
yamunA cha mahAdevi brahmAraNyaM sushobhanam |
avimuktaM tadA prApya chakratIrthaM saridvarA || 37||
maNikarNIbhavannAmnA khyAtA ga~NgA cha pAvanI |
tasmAdayodhyAM vipulA agamatsurasaMyutA || 38||
ga~NgAsarayvoryaH sandhau snAtvA santarpya vai pitR^In |
gayAyAM chaiva puNyAtmA dharmAraNyAdikeShu cha || 39||
phalgurnAma nadI tatra snAnataH pApanAshinI |
bhagIrathAshramaM prApya pitR^InsantArayet sutaH || 40||
gayA kIkaTadeshasthA pitR^INAM tR^iptidAyinI |
piNDaM tR^iptipradaM devi tatra dattamathAkShayam || 41||
gayAsurashiraHsthAne matpAdaM prakaTIkR^itam |
IshAnasa~nj~naM tatpAdaM surANAM chAtha vaibhavam || 42||
matpAde piNDadAnena yamaloke maheshvari |
vAsaye svapitR^In bhaktyA punarAvR^ittivarjite || 43||
ayodhyA mathurA mAyA kAshI kA~nchI avantikA |
purI dvAravatI chaiva pitR^INAM tR^iptidAyikAH || 44||
ayodhyAyAM mamAstyekaM sudheshAkhyaM maheshvari |
li~NgaM ma~NgaladaM puNyaM dR^iShTvA raghuvarArchitam || 45||
bilvapatraistathA puShpaiH sarayUsambhavairjalaiH |
samabhyarchya praNamyeshaM stotrametat paThennaraH || 46||
pApasa~Nghairvimuchyeta nAtra kAryA vichAraNA || 47||
\-\-\-
(IshvaraproktA sudheshvarashivastutiH)
sudhAdhArakalAdhAraparipUrNottamA~Ngaka |
namaste.astu mahAdeva dInabandho prasIda me || 48||
namaste devadevesha rAghavaiH paripUjita |
bhavarogaharApArapAparAshivinAshaka || 49||
prasIda deva vishvesha parameshvara sha~Nkara |
shambho shAshvata sarvaj~na vishvAdhika jagatprabho || 50||
      namaste shiva kAmAre mayi deva kR^ipAM kuru |
\-\-\-
      iti stutvA mahAdevaM sudheshaparameshvaram || 51||
sarayvAM yaH sakR^itsnAtvA praNamyAtha sudheshvaram |
bilvaiH sampUjya bhaktayAtha rudrAdhyAyaM paThennaraH || 52||
mukta eva sa pApebhyo nAtrAsti vishayo.ambike ||
ga~NgAtu~Ngatara~Ngasa~NghavilasatphullaiH sarojotpalaiH
      nIlasvachChapata~NgaputrisahitA guptA cha vANyA tadA |
brahmAditridashairharIndrapavanairyAtA patiM sAgaraM
      tIrodbhAsimaharShisa~NghavanajApAraiH sumairarchitam || 53||
shukapikabakakAkakokaghUkairnibhR^itavinAditakekichakravAkaiH |
gahanavipinavR^ikShamastasaMsthaiH ghanapAShANakaNAshanAdituShTaiH || 54||

|| iti shivarahasyAntargate shivagaurIsaMvAde ga~NgAnirgamane prayAgagayAyodhyAmahimavarNanaivamIshvaraproktA sudheshvarashivastutiH sampUrNA ||

\- || shrIshivarahasyam | bhargAkhyaH pa~nchamAMshaH | adhyAyaH 30|| \-
##
- .. shrIshivarahasyam . bhargAkhyaH panchamAMshaH . adhyAyaH 30.. -
Notes:
Shiva describes to Devi, the glory and merits of worship at the various Shiva Tirtha Kshetra-s that are located along the path of River Ganga - that include Kurukshetra, Mathura, Prayaga (Prayagaraja, Tirtharaja), Ayodhya, Kashi, and Sagareshwara.
The story of Brahma's curse causing Saraswati to vanish is narrated. Saraswati reappears at the confluence of Ganga and Yamuna forming Triveni Sangam at Prayagaraja, that is abode to Prayagesha Shivalinga to the West of a Akshaya Vata (perennial Banyan tree). Vishnu resides there in form of Veni Madhava to worship Prayageshwara Shiva. The time periods of Magha (month) and Ravi (Sun) transit in Makara rashi (Capricorn) are highlighted, for bathing at Prayagaraja.
Rivers Saryu and Phalgu; respectively connect Ayodhya and Gaya, to River Ganga. Sagareshwara Shivalinga is located at the Ganga-Sagara-Sangamam, which is described in the subsequent chapter.
Shiva mentions about the Sudesha Shivalinga in Ayodhya, where Shri Rama worshipped Him as Sudheshwara.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}