% Text title            : Shivaproktam Suropadeshah
% File name             : suropadeshaHshivaproktaM.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 50 - suropadeshaH | 5-55||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Suropadeshah ..}##
\itxtitle{.. shivaproktaM suropadeshaH ..}##\endtitles ##
manmAyAmohitA yUyamabhijAtAsstha sattamAH |
bhavantaH pashavassarve chAbrahmastambhapUrvakAH || 5||
ahaM mAyAmayaiH pAshairIShaNAbhissurAsurAn |
vadhvA krIDAmi devyA cha jagatyasmiMshcharAchare || 6||
ahameva surAntsarvAnmochako bhaktibhAvitaH |
mama rUpamavij~nAya bhavanto vigrahaM mama || 7||
dR^iShTaivva cheShTAM vividhAM guNabhUtAM guNAtigAH |
viShayeShvanuraktaM mAM j~nAtvA mohaM paraM gatAH || 8||
tadadyaivApaneShyAmi shR^iNudhvaM paramaM mama |
gopyAdgopyataraM j~nAnamatharvashirasi sthitam || 9||
sarvashrutishirodbhUtaM sAkShAdaj~nAnanAshanam |
ahameko nirAdhAro vartAmyAkAshavatsadA || 10||
naiva lepo.asti manaso mama kAryendriyaissadA |
na mahAbhUtasa~Nghaishcha na kAlena dishA surAH || 11||
vastuto hyapariChinnohyasa~Ngo.asminirAmayaH |
avyaktaH paramAtmAhaM sarveShAmantarAsthitaH || 12||
ahamAdishva madhya~nchApyahamantassanAtanaH |
jagajjanmAdinAshottha~NkriyAbhirnAhamIshvaraH || 13||
matta evAkhilaM vishvaM mayyevedaM sthitaM surAH |
brahmaviShNavIshvaredrendrA bhavanto matta eva hi || 14||
nirgatAsstha bhavanto vai jagajjAlamidaM surAH |
somo.ahaM janitA devAssarveShAM bhavatAM surAH || 15||
bhavadbhissaha mayyeva vidyate tachcharAcharam |
na matto.asti pR^ithakki~nchinneha nAnAsti ki~nchana || 16||
mAM vij~nAyedamakhilaM jAnantyekaM sanAtanam |
mamaikatvaparij~nAnAtko moho.atra nilimpakAH || 17||
mAM viditvaiva paramA shAntisteShAM sadaiva hi |
granthibhirnAbhibhUyante kAmyakarmamayaissurAH || 18||
vadhyante.atra bhavanto hi vivashA (pashavaH) mama mAyayA |
vAkyairguNamayairdevAstatphalaM prApyate divi || 19||
ye yathA mAM prapadyante nAnopAsanayA surAH |
tAMstathaivAhamevAdya tadbhAvAnAM prapUrakaH || 20||
tathaiva prerayAmyadya so.aha~NkAraparo bhavet |
mAM prerakamavij~nAya kartAhamiti manyate || 21||
sarvendriyaguNAbhAsaM sarvendriyavivarjitam |
sarvasya prabhumIshAnaM sarvasya sharaNaM surAH || 22||
(sarvasya prabhumIshAnaM surassarvasyakAraNam) || 22||
apANipAdo.ajavanaH pashyAmyahamatandritaH |
achakShushshrotrahIno.asmi manaHprANAtigo.asmyaham || 23||
mayAvAsyamidaM sarve mAM vij~nAya vimuchyate |
ahaM sarvasharIreShu vijAnAmIdamevahi || 24||
na vetti mAM surAH ko.api yogayukto.api kashchana (muktaye) |
sarvAshrayo.ahaM hi sadA sarvAdhArashcha sattamaH || 25||
pa~nchakoshavihInashcha pa~nchabhUtAtigo.asmyaham |
pa~nchaprANAtigashchAhaM kvedaM dehendriyaM surAH || 26||
apakShapAtasahitassarvabhUteShu sarvadA |
lokotthasukhaduHkhashcha ShaDUrmibhirapi drutam || 27||
naiva lipto.asmi deheShu hyashIrShNohamavasthitaH |
sUryo yathA sarvalokaM pravartayati karmabhiH || 28||
lokakAryavihInashcha tadvatsAkShirahaM sthitaH |
kAyaprANamanodharmairnAnAha~NkArasambhavaiH || 29||
dharmairvA pApajAlairvA naiva lepo.asti me surAH |
kAShTAhaM paramashchAhaM bhAsako.ahaM jaDeShvapi || 30||
bhIpAsmAdanilo vAti bhIShodeti gabhastimAn |
bhIShaiva chandrayamakA bhIShaivedaM sthita~njagat || 31||
jyotiShAM jyotirasmIha bimbAbimbAtigo.asmyaham |
ekatvaM vA tathA dvitvaM bahutvaM vA na ki~nchana || 32||
naiva muktirnaiva bandho mayi sarveshvare surAH |
sarvabhUmAtvahaM devAssAkShyasAkShivivarjitaH || 33||
na chANurna mahAMshchApi nirguNassaguNo.api vA |
na mAyA mAyi vA ki~nchinnaivAhamapi cheshvaraH || 34||
eSho.ahaM paramAnando raso.ahaM sarvavastugaH |
epa brahmAdissarvashchApyahameva sadA surAH || 35||
yUyamAdissarva eva sImA bhUmAhameva hi |
na vedavAdavedAntairna gurUktyA na chechChayA || 36||
(na vedavAdavedAntairna gurUktyA nachejyaya) || 36||
na karmaNA vA tapasA prApnotyeko.api vA surAH |
matprasAdenaiva devA vR^iNutambhaktameva hi || 37||
manniShThAM sarvabhAvena kashchijjAnAti vA na vA |
athAnyathA nayatyarthaM vedAntAnAM durAtmavAn || 38||
mAmavij~nAya duHkhaughAnnaiva mukto bhaviShyati |
vibhUtiM mama vakShyAmi shR^iNvantu paramAM surAH || 39||
yallAbhAnnAparo lAbho matprasAdena labhyate |
ye bhasmaniShTAssatataM teShAmeva prakAshayet || 40||
ye tripuNDralasadbhAlAstepAmetatprakAshyate |
ye rudrAkShamahAdehAsteShAmetatprakAshyate || 41||
ye rudrAdhyAyaniratAsteShAmetatprakAshyate |
ye malli~NgArAdhaneChAsteShAmetatprakAshyate || 42||
(ye malli~NgArAdhaneChAbilvapatrAdisAdhanai) || 42||
ye pa~nchAkSharasanmantrajapadhyAnaikamAnasAH |
teShAM shrutishirodbhUtaM j~nAnaM vipreShu jAyate || 43||
ye shivakShetraniratAsteShAmetatprakAshyate |
ananyabhAvAssatataM vedAnte mayi ye gurau || 44||
ananyabhAvA ye devAssadA kauTilyavarjitAH |
mannAmaniratA ye vai teShAmetatprakAshyate || 45||
sarvebhyo devasa~Nghebhyo variShThaM manvate hi ye |
madhyAnaniratA ye vai teShAmetatprakAshyate || 46||
madhyAnaM vedavedAntasAratAtparyachintanam |
teShvashakteShu madrUpachintanaM tatprabudhyate || 47||
chintayennIlakaNThaM mAM triNetraM chandrashekharam |
umArdhavigrahaM rUpaM svahR^itpadmasya sadmagam || 48||
bhAvayantsatataM yuktastajj~nAnaM prApnuyAtsurAH |
aparokShaM hi me j~nAnaM tasya jAyeta nishchitam || 49||
evaM sAdhanahInAnAM j~nAnaM taddurlabhaM surAH |
shR^iNvan gurumukhairbhAvairbuddhyA shabdArthavedanaiH || 50||
tannaiva tatprApnuyAjj~nAnaM koTikalpashatairapi |
matprasAdavihIno yo gR^ihI vAtha yatirvanI || 51||
tannaiva prApnuyAjj~nAnaM sAkShAtsaMsAramochakam || 52||
yasmin grAme pure vA satataparichitApArashaivaprachArA
rudrAdhyAyajapAdarAssitalamadbhasmatripuNDrAdarAH |
shambhorli~NgasamarchakAstu sutarAM te nAturaM naiva te
samprApyanti yamAdbhayaM janijarArogapraNAshena vA || 53||
j~nAnametadatidurlabhaM surA bhuktimuktijanakaM mama bhaktyA |
yuktiyuktagurusUktisudhAbdhau ruddhamAdyamanaghaM satata~ncha || 54||
labhyate kila pachelimapuNyaiH kasyachinmamakR^ipAvashato hi |
bandhahR^iddhR^idayabhedakaM surAhyanyathAsya na pathA na karmaNA || 55||

|| iti shivarahasyAntargate mAheshvarAkhye shivaproktaM suropadeshaH ||

\- || shrIshivarahasyam | mAheshvarAkhyaH prathamAMshaH | adhyAyaH 50 \- suropadeshaH | 5\-55||
##
- .. shrIshivarahasyam . mAheshvarAkhyaH prathamAMshaH . adhyAyaH 50 - suropadeshaH . 5-55..

Notes:
Śiva ##shiva ## delivers Upadeśa to Deva-s ##suropadesha ## whereby He outlines the methods and merits of worshipping Him.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}