% Text title            : Svarnakarshanabhairava Stotram
% File name             : svarNAkarShaNabhairavastotraM.itx
% Category              : shiva, stotra
% Location              : doc\_shiva
% Proofread by          : Aruna Narayanan
% Description/comments  : From shrInaTarAjastavamanjarI
% Latest update         : July 10, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Svarnakarshanabhairava Stotram ..}##
\itxtitle{.. svarNAkarShaNabhairavastotram ..}##\endtitles ##
kalpAnte shamitatrivikramamahAka~NkAlabaddhasphurat
      sheShasyUtanR^isiMhapANinakhara protAdi kolAmiShaH |
vishvaikArNavatAvihAramuditau yau matsyakUrmAvubhau
      karShandhIvaratAM gato.asyatu sa no mohaM mahAbhairavaH || 1||
nIlaruchi vedakaravahni nayanaM sat
      shUlakakapAlaDamaruM cha sahapAsham |
nagnashunavAhanasaki~NkiNivibhUShaM
      prochchagati keshadharasarpavarahAram || 2||
pashchimAbhimukhaM raudraM kShetrapAlaM samarchayet |
bhairavaM bhairavIyuktaM anyaishcha nijaki~NkaraiH || 3||
kalpavR^ikShasya mUle tu ratnamaNTapamadhyame |
maNisiMhAsanAsInaM nAnAbharaNabhUShitam || 4||
taruNAdityasa~NkAshaM raktamAlyAmbarojjvalam |
udyatpi~NgajaTAbaddha chAruchandrakalAdharam || 5||
kamalaM svarNapAtraM cha varaM chAbhayameva cha |
sha~NkhaM pIyUShakumbhaM cha bibhrANaM karapa~NkajaiH || 6||
devyA champakavarNA~NgyA samAli~Ngitavigraham |
svapAdapadmabhaktAnAM varShantaM svarNadhArayA || 7||
karuNAsAgaraM devaM svarNAkarShaNabhairavam |
siddhavidyAdharairnityaM stUyamAnaM samAshraye || 8||
svarNapradaH svarNavarShI svarNAkarShaNabhairavaH |
bhaktapriyo bhaktavashyo bhaktAbhIShTaphalapradaH || 9||
siddhidaH karuNAmUrtiH praNatAbhIShTapUrakaH |
nidhisiddhipradaH svarNasiddhido rasasiddhidaH || 10||
etaiH padaiH shubhairdivyairyo.archayetsvarNabhairavam |
svarNasiddhimavAproti bhairavasya prasAdataH || 11||
gA~NgeyapAtraM DamaruM trishUlaM pAshaM karaiH sandadhataM triNetram |
devyA yutaM shvAnavarAshritaM taM svarNAbhidhaM bhairavamAshraye.aham || 12||
brahmA yasya manormuniH nigaditastriShThup cha ChandaH svayaM
      svarNAkarShaNabhairavo harihara brahmAtmako devatA |
AM bIjaM saha shaktirityabhihitastasyaiva sUtrAtmanaH
      stotradhyAnapurassaraM manuvaraM vakShyAmi sampratyaham || 13||
mandAradrumamUlabhAji mahite mANikyasiMhAsane
      divye ratnamaye suchampakaruchA devyA samAli~NgitaH |
bhaktebhyo vararatnapAtrabharitaM svarNaM dadhAno.anishaM
      svarNAkarShaNa bhairavo vijayate svargApavargaikabhUH || 14||
OM aiM klAM klIM klUM iti vyAharadbhyo
      bhikShAM haimIM yaH svayaM samprayachChan |
kAruNyAbdhiH kalpamUlAdhivAsaH
      svarNAkarSho bhairavo no.astu bhUtyai || 15||
OM hrAM hrIM hUM ityanvahaM jApakAnAM
      varShantaM drAk svarNavR^iShTiM samagrAm |
nityaM svachChaM sUryakoTiprakAshaM
      svarNAkarShaM bhairavaM bhAvayAmi || 16||
marakatamaNipAtre sambhR^itaM svarNapUraM
      svamanumananakR^idbhyaH sAdaraM sampradAtre |
kuru hR^idaya saparyA sevyamAnAya nityaM
      suravarabhujagendrairApaduddhAraNAya || 17||
namo.ajAmalabaddhAya kalpamUlanivAsine |
svarNAkarShaNashIlAya sAdhakAnAM hitAtmane || 18||
lokeshvarAyAmburuhAsanAdyaiH barhirmukhairarchitapAdukAya |
dAridryanirmUlanakarmaThAya kAruNyavArAM nidhaye namaste || 19||
dInAnAthavipannarakShaNaratairAj~nApratIkShAkaraiH
      siddhaiH sAdhyanR^ikinnaroragasuraiH nityaM parItAtmane |
sAnandAya samullasadvaramaNipradyotatejojuShe
      svarNAkarShaNabhairavAya satataM kurmo namasyAM vayam || 20||
svarNAkarShiNyA svadevyA.a.ashritAya svairArAvodArasiMhAsanAya |
kurmo nityaM sharmadAtre namasyAM maddAridrya dveShiNe bhairavAya || 21||
svarNapradAnAdhvaradIkShitAya svatejasAkrAntadigantarAya |
saubhAgyasampatsadanAya nityaM shrIM hrIM mahAbhairava te namo.astu || 22||
chintAmaNi svajanakalpitapArijAta\-
      mandAra vItamaNimaNTapamadhyagAya |
svarNapradAnaniratAya sadA saparyAM
      kurmo vayaM trikaraNairvarabhairavAya || 23||
mUle kalpataroH prabhAmaNikR^ite bhadrAsane saMsthito
      hastAmbhoruha ratnapAtrabharitaiH kArtasvarairbhAsuraiH |
arthIn vidrutadurgatIn virachayannudyaddineshadyutiH
      svarNAkarShaNa bhairavo bhavatu me dAridryavidrAvakaH || 24||
kanaka maNivirAjad bhUShaNairbhUShitA~NgaM
      sakalamunijanAnAM svarNadAtAramIsham |
nigama shunakavAhaM bhairavaM shUlapANiM
      vipulavarajaTAlaM santataM bhAvaye.aham || 25||
svarNAkarShaNa bhairava mantramayaM stotramanvahaM japatAm |
nidhisiddhirasasvarNasiddhayashcha jhaDiti jAyate puMsAm || 26||

iti shrIvijayAsArAvalItAntargataM svarNAkarShaNabhairavastotraM sampUrNam |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}