% Text title            : Tryambakeshvarashivaradhana Varnanam by Gautama Rishi
% File name             : tryambakeshvarashivArAdhanavarNanamRRiShigautamakRRitam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 21||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tryambakeshvarashivaradhana Varnanam Rishi Gautama ..}##
\itxtitle{.. R^iShigautamena tryambakeshvarashivArAdhanavarNanam ..}##\endtitles ##
IshvaraH \-
shrR^iNu devi purA vipro gautamo nAma shA~NkaraH |
mama bhaktavaro.atyantaM sadA malli~NgapUjakaH || 16||
ahalyAM tAM purA tyaktvA sutrAmNA cha pradharShitAm |
tadviyogena duHkhArtaH shaptvA tAM supriyAM priyAm || 17||
shivakShetrANi puNyAni bhramaMstadduHkhakarshitaH |
kokAmukhaM cha kedAramo~NkArAmarakaNTakam || 18||
kurukShetraM prabhAsaM cha puShkaraM virajaM tathA |
kAla~njaraM cha badarIM gayAM chaiva prayAgakam || 19||
haridvAramayodhyAM cha puNyaM piNDArakaM tathA |
shrIga~NgAsAgaraM devi halasa~NgaM maheshvari || 20||
tatratyapuNyatIrtheShu pUjya li~NgAni bhaktitaH |
vArANasImapi prApya tatra no naShTAkilbiShaH || 21||
shrIvishvanAthaM tuShTAva snAtvA cha maNikarNikAm |
bilvapatraiH samabhyarchya snApya ga~NgAmbhasA shivam || 22||
\-\-\-
gautamaH \-
ratnesha vIresha trilochanesha kedArasa~Nghesha sumadhyamesha |
shrIkR^ittivAseshvara shUlaTa~Nka shrIvR^iddhakAleshvara ma~Ngalesha || 23||
mANDIshvareshAnakabhArabhUta kapardishambho harinnAdesha |
kShemeshvareshAna suma~Ngalesha vyAsesha dakSheshvara daivikesha || 24||
sarvesha vishveshvarA pAhi dInaM mAM gautamaM duHkhashatAbhiviShTam || 25||
AtAmrAruNatvajjaTorupaTalIlIlAviha~NgAyitA
      ga~NgAvyomapathaprachAranikarairdevaistarAM saMstutA |
svAtmauddhatyapatadbhuja~Ngakuhare nAnAvaradrAviNI
      jahnoryaj~nasadaHprachArashamanI tAn nAgaraplAvinI || 26||
\-\-\-
IshvaraH \-
itthaM sa gautamo devi mAM vishveshaM praNamya cha |
mayA chAj~nApito vipra tryambakaM gachCha suvrata || 27||
tatra godAvarIsnAnaM siMhayuktaM bR^ihaspatau |
ashvamedhashatAtpuNyaM prApsyase.ati madarchanAt || 28||
matto vishveshvarAdgauri labdhAnuj~naH sa gautamaH |
triyambakaM giriM prapaya tryambakeshaM samarchayan || 29||
bilvapatrairmahAdevi mAM tadA li~NgarUpiNam |
bhasmoddhUlitasarvA~Ngo rudrAkShakR^itabhUShaNaH || 30||
pa~nchAgnimadhyanirataH saMsArAdviratastadA |
mAM dhyAyanravibimbasthaM tryambakeshaM sa bhaktitaH || 31||
svamAnasavarodbodhaM dashashlokairudAharat || 32||
\-\-\-
gautamaH \-

re re mAnasa mu~ncha laulyamanishaM nashyatsu vittAdiShu
      tannaisargikamadhyamIShu padayoH preteshasaMhantriNaH |
kAmAsukShapaNaikadIkShitalalATekShe kuruShvAsti
      chedbhIrAsechana ke jaTendushakale shambhorgale chAsite || 33||
kiM yaj~nena bahuj~nakartR^isulabhenAyAsavittAdibhiH
      sAdhyenepsitabhogadAnanipuNenAj~nAnanAshyena cha |
shambhostANDavasundaraM padayugaM bhaktyAbhigachCheta
      sakR^inmuktiH syAtsukharUpiNI tadavaraM sarvaM sukhaM mAnasa || 34||
chetaH saMsR^itilolamAnavashuchaM tatrApi saMsAryasi
      shambhoH pAdasaroruhaM sadanamastyasti svasA bhaktikA |
shraddhA te gR^ihiNI sa pUjanavidhiH putro.asta subhrAtR^itA
      shAntyakrodhadayAshamAdiShu sukhaM bhu~NkShvAkShayaM shAshvatam || 35||
shAThyeyarShyAmadalobhamohakaraNaiH kiM vA.adhikArairghanaiH
      kiM dariH svasukhaikasAdhanatayA shushrUShamANaiH patIn |
ChAyAmAtraphalairagAravalayaiH kiM bhUruhApekShayA
      sarvaM bhrAntivijR^imbhitaM hR^idaya me muktvA shivaM bhAvaya || 36||
vittaM riktajanaikadurlabhatamaM kR^ichChreNa labdhaM yadi
      bhoktuM na prasureSha durguNagaNairAlipyate kevalam |
mR^ityAvApatati kShaNAdaviditaM tadvaMshajarjIyate
      ki tenAsti bhajasva shambhucharaNAviShTArthadAne chaNau || 37||
chetastvaM kuru chintanaM tyaja shuchaM sAmpArikIM kiM tayA
      brAhmaNyena saha sthitasya tava yat sAdhyaM tadevAchara |
yattattvArthanibodhanaM shrutigirAM tAsAmanuShThAnataH
      sAphalyodyamamIshvarArpaNadhiyA niHsa~NgatAmAvaha || 38||
chetastvaM sakalapramANapadavIdUre.alpasAre punaH
      saMsAre ramase tvadekaviditaM sAraM samAlambya chai |
etAdR^igyadi shambhumeva majase tatraiva rAgo bhavet
      sauvarNadvyaNukena toShamayataH prAptaH sumeruryadi || 39||
cheto yatparichintyate cha bhavatA tava pauruShaM chedbalaM
      vighnastatra kiyAMstathApyadhigataM kiM vA sukhaikottaram |
yatsAdhyaM shrutichoditaM vyavasitaM nityashatadyakShataM (?) (nityeSha vihyakShataM )
      taddhetau yadi yatnamadya kuruShe tachChAlAghanIyaM bhavet || 40||
bodhAdityakaraprasAravirahAdamlAnarAgachChadai sachChAyAM
      viShayAkhyakandajanitAM premAmbupurArdritAm |
svasthityA mR^itidAyinImapi phalamrAntyAj~nasammAnitAM
      AshAkhyAM viShavallarIM tyaja manaH tanmuktibIjaM tava || 41||
re re mAnasarAjahaMsa nitarAM shambhoH padAbdhestaTe
      bhaktyA cha~nchupuTena sAdhuvilasanmuktAvalI gR^ihyatAm |
tena tvaM bhavitA jarAdirahito rogAdihInaH sukhaM
      gachChoDDIya divAnishaM dvijakulairjuShTaM maheshAlayam || 42||
\-\-\-
sUtaH \-
sa itthaM chetasodbodhaM kR^itvA pallakanandanaH |
gautamaH pUjayAmAsa bilvairgodAvarIjalaiH || 43||
tataH kAlena mahatA taddR^iShTipathamAgataH || 44||
raikkAdyairmunibhirvR^itaH sa bhagavAnAruhya sachChAkkaraM
      hikkArogagaNAnvitAntakaharastatrAyayau gautamam |
dR^iShTyA sAdhu sudhArdrayA karuNayA pashyaMstadIyaM
      vapurbhasmAkShAdisamanvitaM cha tapasA kArshyaM gataH sha~NkaraH || 45||
IshvaraH \-
dR^iShTvA mAmambikAyuktaM nIlakaNThaM trishUlinam |
santuShTAvAShTamUrtiM mAM gautamo hR^iShTadhIstadA || 46||
\-\-\-
gautamaH \-
karadhR^itamR^igabAlaM bhaktachittAnukUlaM shritajanasurasAlaM hastavaryaikashUlam |
galalasadahimAlaM netrasaMshobhibhAlaM shritasuratarumUlaM taM bhaje kAlakAlam || 47||
shreyAMsi sandishati pApamapAkaroti buddhiM prasAdayati saukhyatatiM tanoti |
duHkhaM vinAshayati sha~NkarapAdapadmasampUjanaM janamimaM saphalIkaroti || 48||
vinihatanarasiMha charmachelAjakapAloddhR^ita viShNuraktapAnalola |
dhR^itachandrakalAnalAkShiphAla kR^itahAlAhala pAnato galendranIla || 49||
kura~NgellAsatpANi padmAmalA~NgamphuradbhogimAlAvR^itAshAdichela |
mahAshUlahastAkhilANDAdilola balAklR^iptasvAbhya~NgabAlaikapAla || 50||

|| iti shivarahasyAntargate shivagaurIsaMvAde R^iShigautamena tryambakeshvarashivArAdhanam ||

\- || shrIshivarahasyam | bhargAkhyaH pa~nchamAMshaH | adhyAyaH 21||
##
- .. shrIshivarahasyam . bhargAkhyaH panchamAMshaH . adhyAyaH 21..
Notes:
Shiva narrates to Gauri, the story of Rishi Gautam, who worshipped Him at several Shiva Kshetra-s including some of the Jyotirlingas in order to find relief from the distress that he underwent after cursing  his wife Ahalya. At Varanasi, where he worshipped Vishwanatha, Shiva advised him to go to Tryambakeshwara and worship Him at Tryambaka Giri. Rishi Gautama follows Shiva's advise and does the needful.

The shloka numbers are maintained per the source text.

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}