% Text title : Vamadevakritopanishatstutinirupanam % File name : vAmadevakRRitopaniShatstutinirUpaNam.itx % Category : shiva, shivarahasya, stuti, upanishhat % Location : doc\_shiva % Proofread by : Ruma Dewan % Description/comments : shrIshivarahasyam | bhargAkhyaH panchamAMshaH | adhyAyaH 26|| % Latest update : June 18, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Vamadevakritopanishatstutinirupanam ..}## \itxtitle{.. vAmadevakR^itopaniShatstutinirUpaNam ..}##\endtitles ## ahaM vishvAdhIsho manurahamaho sUrya iti va ahaM vishvaM sarvaM sugnamakhilaM tvachChrutibalAt | utAhosvichChambho nikhilamarutAM nAyaka vibho bhavatpAdAmbhojodbhavabhajanapuNyAkaramatiH || 3|| pUrNaM pUrNamadastvadIyamahasA sampUrNametajjagata tvAM pUrNaM samupaiti tUrNamatha vai sampUrNakAmo.adhunA | pUrNAtpUrNamahArNavapratinidhiM tUrNaM hR^idAkAshagaM tvAM (matvA) tArNaM jagadeva tasya hR^idaye sampUrNamAtiShThate || 4|| IshAvAsyamidaM cha sarvamadhunA tvadbhAnabhAtaM satA\- mekaM dvandvavihInamadbhutamaho nehAsti nAnA jagat | AtmaivedamidamumAhvayamidaM brahmedamAlokyatAM vedAntairgurubodhavAkyajanitAnandaistvamAtmA vibhuH || 5|| lokadvAramapAvR^itaM munigaNaprApyaM durApaM sadA duShTAnAM tu hiraNyapAtrapihitaM satyasya tadvai mukham | tatpashyema bhavatkaTAkShalaharIpAtheyapAnthAH sadA samrADadichaturthalokagatayaH shambho tvadIyArchanAt || 6|| eSha brahmaiva shakraH shrutiriyamadhunA sarvametadvichitraM praj~nAnetramitIrayatyapi vibho brahmedamAtmetyapi | shArIrAdiShaDUrmikR^ityarahito devastvamIshAnadR^ik dR^ishyaM bhUtabhavadbhaviShyamukharaM tvayyeva vidyotate || 7|| svAmAnandanidhi tvadIyasahajAnandotthasachChIkarAH brahmAdyA munayastathA yamigaNA jIvanti no mAtrayA | AkAshAdisharIramadvayaghanaM buddhayAdibodhapradaM brahmApnoti paraM tvadIyakR^ipayA jAnAsi tvaM tvAmanu || 8|| bhIShaivodeti bhAnuH sakalagrahagaNaiH saptavipraishcha yakShaiH vahnIndrAvapi sUrasUnuratha vai shambho tvadIyAj~nayA | niHshvAso.api bhavatkR^ito hi bhagavana sAmnAmR^ichAM yAjuShAM AtharvANagaNAstada~NgamakhilaM tvatto vibho niHsR^itam || 9|| yato vAchAM gumbhaH saha parikarairastamayate manovAkshambho tajjaDamakhilachApalyajanakam | asthUlopyanaNustathApyaviduShAma~NguShThamAtro.antarA nIvArodbhavashukasammitavibho pItAkR^itirmAsi vai || 10|| tvamA kAshakoshasya chaitanyadAtA mahAkAshametajjagadvyApya tiShThet | kuto jAtamAkAshamaprANamitthaM na chAnandaleshaM samApnoti kashchit || 11|| tvamAtmA viyadvAyuvahnirjalaM kShmA tavauShadhyajAlaM (tatauShadhyajAlaM) tadannaM tu (pU) varShaH | pramodo.atha modastathaivAsya pakShau tvamIshAna Ananda AtmA turIyaH || 12|| tvAM sarvAntaragaM tathApi vivashA mohAdiya vai shruti\- shchAtmanyAvasathA dakalpanamidaM dvau vA suparNetyapi | ekastatphalamatti sAkShigatiko dvitvaM kathaM tvadgataM (sAkShikatayA dvitvaM kathaM bhAvaye) ekaM tvAM tamasA paraM sukR^itino jAnanti bodhairhR^idA || 13|| astaM dvitvanivR^ittabhAvabhavuke svAtmanyakhaNDAtmake nAnAkAramabudabuddhijanakaM bhrAntyA bhayaM jAyate | j~nAte rajjuni sarpabhUtkR^itibhayaM tyaktvA jano modate udvat tvayyakhilAtmake shivatare j~nAte bhayaM nAsti hi || 14|| AdhAramAnandamakhaNDabodhaM yasmina layaM yAti puratrayaM prabho | tasminmanaH prANagatIndriyANi bhUtAni pashchApi cha tvAM na vidyuH || 15|| yatra tvamAtmA bhagavanshrutishrutaH tatkena kiM pashya maho guNArthAn | nadyo yathA saramANAH samudre tathendriyArthastvayi nAshameti || 16|| j~nAte tathAtmanyakhilaM saMvidaH shrutirnavAbhyAsaparA vadatyathArtham | vAchA samArambhaNameva yuktyA ekena mR^itpiNDamayena sarvam || 17|| bhUmAtveva sukhaM tvadIyakR^ipayA nAlpe sukhaM saMsR^itau nAnyadyatra vipashyati priyataraM nAnyadvijAnAtyapi | bhUmyantargatameva hATakanidhiM naivApnuvante janA UrdhvaM sa~ncharato.apyaho.apyaharahastvAmIsha mohAtsadA || 18|| AdityasomadahaneShu tathaiva vAchi anyonyanAshamupalakShya jayAdikeShu | tvaM jyotiShAM jyotiranuttamo.asi AtmAsi vishvamakhilaM tvayi sannidhatte || 19|| antaryAmitayA tvameva bhagavanjADyaM jagatsargajaM vAritvaM pR^ithivIndriyANi cha manaH sarvaM niyamyAkhilam | tvAmetena vidanti bAhyagatayaH sUkShmAdidR^ishyaM shivaM taM tvAmantikasaMsthitaM muhuraho devApi muhyanti vai || 20|| tvAM dR^iShTvA hR^idayAbjagaM munigaNAH shokaM tarante.akhilaM teShAM tvaM tamaso gaNaM bhidyanti cha granthayaH | sarvAkShishrutihastapAdavadanaH sarveShu bhUtAshrayaH sarvaM vishvamidaM vichitrajanakaM chAvR^itya santiShThase || 21|| tvaM chakShuShAM chakShurasi shrutIDhyaH shruteH shrutiH prANagaNasya prANaH | tvaM vai manasyApi (?) mano mahesha sa~NgiShvasa~NgastvasharIrako.asi || 22|| apANipAdo manaso davIyaH pashyasyachakShuH sa shR^iNoShyakarNaH | tvaM vetsi sarvaM na vidanti hi tvAM tvAmAhuragryaM puruShaM purANam || 23|| manaH paro.asi prakR^iteH paro.asi buddhe paro.asi mahataH paro.asi | avyaktavyaktAtpuruShAtparo.asi kAShThA gatirbrahma puchChaM svamIsha || 24|| asharIrastvamasi prasiddhakarmA sharIriNAM nAshagatikriyAsu | tasmAdavasthArahitaM cha shambhuM tvAM yo vijAnAti na shochate punaH || 25|| sR^iShTAni khAni paramesha vimohanAya tvayyeva deva jagatIShvatha eka eva | tasmAtparaM pashyati vishvamUrternAtmAnamichChanti bahirmukhA janAH || 26|| vishvaM dR^ishyamidaM vibhAti sakalaM tvayyeva vidyotate jAgratsvapnasuShuptiShu pralayakR^itkoshAdihInaH sadA | tvAmAtmAnamakhaNDamindriyagaNairaprApyamAshA mukhaM nityaM vA~nChati brahma taddhR^idi sadA chAnandalabdhaM sukham || 27|| chaturthasturIyaH shivo.adeta AtmA mahAbhUtadeheShvasa~NgaH purANaH | sa satyeva tannAmarUpairguNairvA shivaH puruShaH kevalaH koshahInaH || 28|| amedyo hyadAhyastathA ChedyahInastavAdyAsti vAkpANidehAdibandhaH | svatantro vibhurnityashuddho vibhAsasvamAsA jagajjAlametadvimAsi || 29|| yato vA mahAbhUtasa~NghAni jAtAnyasa~NkhyeyakarmANi bhinnAni nityam | yenaiva jIvanti vibhAnti dehervidehAni nAnyatra sanviShThate.ante || 30|| tadetattrinetraM vichitraM pavitramumAshliShTamAtrArdhachandrArdhachUDam | vijij~nAsya tadbrahma nIrUparUpaM mahArUpamekaM jagatpAlanAya || 31|| svamAtmA tvaM brahma tvamasi bhagavanghoramakhilaM tvayA bhedaM jAnAtyavikaladhiyA yastu yamirAT | ajAnanyashchetthaM tvamasi cha parAdAtsa tamanu || 32|| eke tvayyadvitIye jagadidamakhilaM neha nAnAsti ki~nchit shrutyA yuktyA gurUktyA mananayutadhiyA tatvavAkyAt tapoktyA | dvitva bhItimahesha tvayi bhayajananI dvAsuparNAdivAkyaiH mandAnsambodhayatsA shrutiriyamadhunA sAkShiNaM tvAM phalAdam || 33|| eSho.antarAdityagato mahesho hiraNyarUpaH sa hiraNyakeshaH | hiraNyaretAshcha tathAmbikApatiH dhyAnaikagamyastamasaH parastAt || 34|| eSho.antaryAmyamR^itaH purANaH kavistathA prANabhR^itprANahetuH | tvAM brahmamanvAsa upAsate chiraM muktyai dhR^itAtmAna uto mahesham || 35|| tvaM ShoDashAtmA puruShaH purIshayo na lokaduHkhaistvamasa~Nga ekaH | na sajjase tadguNabhAvavR^ittiShu sthito.asi dUre cha tadantiko.asi || 36|| apANirAdo guNakarmahIno guhAhito niShkalastvaM turIyaH | satyaM tathA.a.anandamayastvamAtmA j~nAnaM sukhaM saMviditi krameNa || 37|| yadA tamastvaM na divA nishApi vA na sanna chAsachChiva eva kevalaH | tvamakSharaM tatsaviturvareNyaM praj~nA tvadAj~nAvashato viniHsR^itA || 38|| koshAtItamakhaNDamekamarasaM gandhAdihInaM tadA nashyaddehakadambakeShu nitarAM nAshAdihInaM vibhum | svAtmAnaM priyadehajAlarahitaM tatsAkShiNaM sarvadA dR^ishyaM darshanadigbhramAdirahitaM jAnannaro muchyate || kvachi~njAtaM vishvaM kvachidapi vilInaM suragaNaiH kvachitstabdhaM dInaM kvachidapi cha nAdaikavivasham | ShaDUrmiprAviddhaM tvayi tu bhagavannabdhi vilasattara~NgA dyotante na hi tu cha bhavAMstadgataguNaH (bhagavAnstadgataguNaH) || 40|| svAtmAnamAnandamakhaNDabodhamIshAnamAdyaM jagatastasthuShashcha | sarvendriyAnantaguNairvihInaM tatsatyamAnandamajaM maheshvaram || 41|| tvayyevAntaH pravishati jagannAmarUpairvichitraM gatopAdhidvandvaM pavanarahitAbdhipratinime | yathA nadyaH sarvAn sharaNagatayaH sAgaramaho tathA nAmnA rUpaiH paramapuruShe tvayyakhilade || 42|| yathorNanAmiH sR^ijate tantujAlaM jagadvichitraM sR^ijasi tvamIsha | aNoraNustvaM mahato mahIyAn athApi cha kShatramatho nadante || 43|| vedAhametaM puruShaM mahAntamAdityavarNa tamasaH parastAt | R^itaM satyamamR^itaM paraM brahma dhAma j~nAnAnnAnyadastIha panthAH || 44|| R^itaM satyaM paraM brahma puruShaM kR^iShNapi~Ngalam | UrdhvaretaM virUpAkShaM vishvarUpaM namAmyaham || 45|| ye tvA jagajjagatyAhitaM padaM yadetadviduramR^itAste bhavanti | tvadaj~nAnAdiha jAtyAdidharmaiH nibandhate janA duHkhitAH sadA || 46|| R^icho akShare parame tvA maheshamali~NgamAkAshasadharmakaM vibhum | tvAM yo na veda kimR^ichA kariShyati sAmnA.athavA yajuShAtharvaNairvA || 47|| hR^idA pashyanti manasA manIShiNo jAnanti tvAM prathamaM kavInAm | brahmaiva tadbrahmaNa ujjabhAra svAvidyayA saMsarase cha muchyase || 48|| shuddhaM buddhamabuddhibodhajanakaM baddhaikamokShapradaM siddhaM sAdhyagaNAkhyavidvasharakamAtmaikyayodhe ratam | o~NkArAtmakakArmukaM nijasukhAmodaikamuShTiM dhruvaM taM brahmAkhilakoshakAshamanishaM shambhuM paraM dhImahi || 49|| shraddadhyAnna sa jAtu dhIrahR^idayo mAmantako mAraye\- dityuktyA guruvAkyabodhajanitAnandojjhitAha~NkR^itiH | AtmAnaM tamasaH paraM mR^igayatAM shIrNeShvashIrNaM sadA dehAkShAdiShu bhUtabhavyagaNanAkAle.api dR^ishye.api cha || 50|| udgIthaprANanAmairmadhudaharaparya~NkatapanaiH tathA vahnIndrAdyaiH shrutishikharavidyotthasupathA | ataH pAramparyakramamakR^itavAkyervidhiyutairmaheshA~NgAbaddhairna bhavati hi sAkShAt parAshavaH || 51|| chaturjAlaM koshaM tava cha vihitaM mR^ityurahitaM shirodharmaste.adya pratisurasharIro vidhihanuH | tava brahma kShatraM bhavati bhagavannodanabhidaM yamastupAdaMshaH ka iha vettA guNagaNam || 52|| AyurdAtA tvameva shrutishikharagatApAramAhAtmyajAla ekastvatto.abhijAtaM jagadidamakhilaM sraShTukAmo vidhishcha | vishvaM chApyeti chAnte tvayi tu bhagavannAyuShe.ahaM prapadye mR^ityorbhItaH sadA tvAM ghR^itamadhukR^itayA dhArayA tarpayAni || 53|| nAntaHpraj~namidaM tathA cha na bahiHpra~nj~naM na naivobhayaM na praj~nAnaghanaM visheShajanakaM chAnandabodhAtmakam | adR^ishyaM na grAhyaM shivamabhayabhAvAdirahitaM asAraM sAraM tajjanitabhavabhAvAdikaraNam || 54|| utphullAmalaraktapadmasamitaM koshAsanotthaprabhaM jyok pashyema vichitravarNamadhunA sauvarNamatyAdarAt | udyantaM bhagavantamAshu tamasAM nAshaikakAntiM sadA jIvema prativAsaraM draviNadaM tvAmAshritAH sarvadA || 55|| yato brahmaviShNavIsharudrendrapUrvA jagachchApi nityaM vibho samprasUtAH | aho dhyAyiteshAnamadhye hR^idantarmahApadmasadmo bhavavyomagaH shambhurIshaH || 56|| tamevaM vijAnIyamAtmAnamekaM kimanyAbhirvArtAbhirdustarkajAlaiH | nisargo visargo vibho duHkhavArtAM vimu~nchantu mu~nchantu duHkhaikatApam || 57|| dhyeyo maheshaH shrutijAtakIrtiH vishiShTaH shivaH sha~NkarashchAdikartA | samAptaM shikhAyAstathA vAkyajAlaM kimanyatra vAkyAdisha~NkAvakAshaH || 58|| na tatra sUryaH pratibhAti somo vahnirna R^ikShANi tathA hi vidyut | tvadbhAsanAdbhAti vichitrametat tvaM jyotiShAM jyotirasi prasiddhaH || 59|| vishvaM hi bhUtaM bhuvanaM vichitramanekadhA jAtamaho digIshvaraiH | na jAyamAnaM vidhibhirmahesha rudrastvamAtman bhagavan prasIda || 60|| IshAnamAhugmR^itasya viShpatiM tvattejaH pAdamidaM jagadgatam | (vishAM patistvaM tejasaH) yato viShNurmahimA sambabhUva tato virAT puruShashcha krameNa || 61|| na karmaNA na prajayA dhanena na vidyayA tapasA vA.api shambho | chittasya sa~NkalpavikalpajAlatyAgena tvAM saMshrayantyeva dhIrAH || 62|| vedAntavij~nAnasunishchitArthAH sanyAsayogAdyatayo bhaktibhAvAH | te brahmaNo lokamavApya dhIrAH tasyAntakAle pravishanti cha tvAm || 63|| yasminnidaM sa~ncha vichaiti sarvaM yasmin devA adhivishve niSheduH | tadeva bhUtaM tadu bhavyamAhuH tadakSharaM tvAM shrutayo vadanti || 64|| tvayA vR^itaM khaM cha divaM mahIM cha tvayAdityastapati tejaseddhaH | antaH samudre kavayo nichikyuH tvAM durdarshaM gUDhamanupraviShTam || 65|| dR^iShTvAmbikotsa~NgagataM cha bAlaM shUlI bhavallolavilochanAntaiH | sa vajrajambhArikaraM mahesha saMstambhayadyo bhuvanAni sapta || 66|| dahanapavanashakrA yakSharUpaM maheshaM tR^iNamapi cha tadagre dagdhumAdAtumaichChan | nivR^ittabhAvA bhagavantamArAt umAprasAdena vidagdhamohAH || 67|| yA chomA bhagavaMstadekavasatiryasyAH kR^ipAleshato jAtaM vishvamidaM vichitrajanakaM yA sA svayaM mohayet | yAM devA munayo.apyamI stutishataiH stutvA tvadIyaM shubhaM vij~nAnaM samavApya muktakaraNA mukti prayAntyeva te || 68|| IshAnastvaM sarvavidyAdinAthastvaM vedAdau svara eko maheshaH | tasya tvaM vai prakR^itau sampralInaH prANo devaH praNavastvaM mahesha || 69|| sadaiva tvA santaM na vidugmarAH kevalamaho tvamAtmA shakrasya pratihataguNo deva shatadhA | charasyeko nADiShvamitaparamAnandamadhuro hR^idA pashyantIshaM yamitakaraNAste hi manasA || 70|| yo vai rudra iti shrutiH pratipadaM vakti tvadIyAMshakaM chandrendrAnalabhAskarA harividhiskandA gaNAnAM patiH | evaM tvanmayametadeva jagati tajjAdishabdaiH stutiH (shrutiH) nirvakti pramathAdhinAtha sutarAM tvAM devadevaM sadA || 71|| vedAhametaM puruShaM mahAntamAdityavarNaM tamasaH parastAt | sarvANi rUpANi sadaiva shambho kR^itvAdhitiShThasyatha padmajena || 72|| stuto.asi sR^iShThiprathanAya chAgre indreNa chAshAmadhipaishcha sarvadA | j~nAtvA pare tvAM bhavane vItashokAH nAnyaH panthA vidyate.ayanAya || 73|| tvanmanyave karajAtadhanuHsharaNAM hetiM tathaiva sharadhiM namasAM gaNaishcha | vakti shrutiH pramathanAtha tavorubhAvaM sarvAtmakaM bahumayAt kila vedavedya || 74|| hiraNyAdinAmaiH bhavAdyaishcha somaiH shivAyeti cha tvAM maheshaM nato.asmi | indraM mitraM varuNamanalaM pa~NkajAjjAtamekaM nAnArUpaM harimiti makhe tvAM hvayante.adhvaresham || 75|| teShAM tattachChrutibhiH paripibasi mahAsomamIshAna tuShTaH | sArdhaM kAmaishcha puShNAsyakhilabhavaharo brAhmaNAn somapUtAn || 76|| tvaM vedeShu prathito vipravaryo manuShyohaM brahmaNashchAptakAmaH | tasmAtsomo brAhmaNAnAM hi rAjA vedeShu tvaM prathitashchopavItI | tasmAchChreyastvatpadAbjaM mahesha || 77|| dvaidhIbhAvairanekaiH shrutashatavihitaiH pUrvapakShairaneka\- rnAnAdehaistvayIshe upavasanaparAH kalpayantyadvitIyam | dehairbhUtendriyotthairjanishatavitataiH karmasa~NkalpajAtaiH sarvairbhinnanastvamAtmA bhavasi shrutigatairnetinetyAdivAkyaiH || 78|| shukistvaM rajataM jagattvayi sadA bhAtIdamatyadbhutaM tvajj~nAne sani bhedabhAnamakhilaM tvayyeva saMlIMyate | yasmin j~nAte hi shrutyA mananaparigatA vAdayuktyA gurUktyA vedAntArthaikasaktyA tvamasi bhavashatochChedakaH sAdhakAnAm || 79|| praj~nAnaM brahma evAyamAtmA brahma puchChaM pratiShThe\- tyahaM brahmAsmIti shrutishikharagataistatvamasyAdivAkyaiH | tattvaMshabdArthabhedavyapagamaniyatA ye yatante yatIndrA\- steShAM koTIshateShu tvamasi bhavashatochChedakastvantarAtmA || 80|| tava j~nAnamekaM bhavachChedahetuH shrutishchAha nAnyaH pathetyAha satyam | bhavadbhaktilabhyaM hi tadj~nAnamiShTaM na tat shravaNenApi labhyaM kadAchit || 81|| yadvanmadyapapittachittamanishaM nA~NgAni saMvettyaho tadvaddehachatuShTayaM cha manasaH sa~Nkalpachitrotthitam | tvAmAnandaghanaM mahodadhimiva prApto yathA shIkaraH nAmnA rUpervinaShTaH sa tu vidhamanasA tadbrahma na brahmavit || 82|| tvAmAtmAnamakhaNDabodhasahajAnandaikavR^ittisphura\- chchintAvR^ittakathAM cha tatra tanute karpUramagniprabhA | dagdhvA nAshamupaiti tadvadadhunA chittaM mahAkAmadaM sA vR^ittiH paramArthadAna nipuNA tadbrahma na brahmavit || 83|| na muktirna bandho.adya IshAna shambho na chApAravedAntamArgaH kuto nA | na bhedo na chAdvaitagandhAdilesho nachAj~nAnavij~nAnasha~NkA kR^ito vA || 84|| ahaM vishvaM sarvaM bhuvanamadhunA vedavachasA gurUktyA tvadbhaktyA abhavamakhilAnandakuharaH | aho satyAratnipramitamatidehAdiShu mudhA ahaM mAnApanno bhavashatajasa~NkalpashagaH || 85|| shUnye vA vipine mahAgiritaTe sAmAni gAyannasau AhAvuhAvu iti trirunnatapadaM tatvampadairvarjitaH | jAtAnandabharaH sa eva tvamasi tadbrahma na brahmavit li~NgAnme sa vinR^ityati pratidinaM kautUhalairanvitaH || 86|| yadAkAshakoshaM jagachchakShuyuktaM vibhR^iDha yadA charmavadveShTayanti | tadA tvAM maheshaM hyavij~nAya duHkhairvimuktA bhaviShyanti satyaM trisatyam || 87|| evaM sadAtmAnamasaMshayena yo vetti dhIraH shrutitarkayuktyA | sa tvAmanu tvaM tamanupraviShTaH tasyaiva shAntirnetarasyA.a.aha vedaH || 88|| bhavatprasAdaleshataH sujAta vedavAkyataH bhavanti janmanirvR^itA na bodhataH paraM padam | na vedAntabodhairna chApAravAkyaiH gurUkatyAdisiddhAntarAddhAntavAkyaiH || 89|| shrutishrAvaNaiH shAstravArtAdigarteH mahAvartajAtaiH shirobhrAntibhUtaiH | agandhamasparshamarUpamadbhutamaNoraNuM tvAM mahato mahAntam || 90|| evaM tvamaj~nAtumashaktabhAvAH umAsahAyAdiguNairbhajanti | ali~Ngali~NgaM paramIshitAramAtmAnamAnandamagAdhabodham || 91|| tathApi li~NgeShu samarchayanti bilvIdalaiH komalapallavaistvAm || 92|| || iti shivarahasyAntargate vAmadevakR^itopaniShatstutinirUpaNam || \- || shrIshivarahasyam | bhargAkhyaH pa~nchamAMshaH | adhyAyaH 26|| ## - .. shrIshivarahasyam . bhargAkhyaH panchamAMshaH . adhyAyaH 26.. Notes: The composition addressed to Shiva by Rishi Vamadeva, is based on words and concepts from various Upanishads. Rishi Vamadeva is the son of Rishi Gautama. He is the seer of a large part RigVeda Mandala IV, and is also mentioned in the Upanishads. The shloka numbers have been maintained per the source text. Proofread by Ruma Dewan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}