% Text title            : vIreshvarAbhilAShAShTakam
% File name             : vIreshvarAbhilAShAShTakam.itx
% Category              : aShTaka, shiva, vedanta
% Location              : doc\_shiva
% Transliterated by     : anonymous456an at gmail.com
% Proofread by          : anonymous456an at gmail.com
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vIreshvarAbhilAShAShTakam or vishveshvarastotram ..}##
\itxtitle{.. vIreshvarAbhilAShAShTakam athavA vishveshvarastotram ..}##\endtitles ##

|| shrIgaNeshAya namaH ||

vishvAnara uvAcha |
ekaM brahmaivAdvitIyaM samastaM satyaM satyaM neha nAnA.asti kiM tu |
eko rudro na dvitIyo.avatasthe tasmAdekaM tattvAM prapadye mahesham || 1||

ekaH kartA tvaM hi sarvasya shambho nAnArUpeShvekarUpo.apyarUpaH |
yadvatpratyagdharma eko.apyanekastasmAnnAnyaM tvAM vineshaM prapadye || 2||

rajjau sarpaH shuktikAyAM cha raupyaM nairaH pUrastanmR^igAkhye marIchau |
yadyattadvadviShvageShaH prapa~ncho yasmin j~nAte tvAM prapadye mahesham || 3||

toye shaityaM dAhakatvaM cha vahnau tApo bhAnau shItabhAnau prasAdaH |
puShpe gandho dugdhamadhye.api sarpiryattachChambho tvaM tatastvAM prapadye || 4||

shabdaM gR^ihNAsyashravAstvaM hi jighreraghrANastvaM vya~NghrirAyAsi dUrAt |
vyakShaH pashyestvaM rasaj~no.apyajihvaH kastvAM samyagvettyatastvAM prapadye || 5||

no vedastvAmIsha sAkShAdvivedo no vA viShNurno vidhAtA.akhilasya |
no yogIndrA nendramukhyAshcha devA bhakto vedastvAmatastvAM prapadye || 6||

no te gotraM nApi janmApi nAkhyA no vA rUpaM naiva shIlaM na tejaH |
itthaM bhUto.apIshvarastvaM trilokyAH sarvAnkAmAnpUrayestvaM bhaje tvAm || 7||

tvattatsarvaM tvaM hi sarvaM smarAre tvaM gaurIshastvaM cha nagno.atishAntaH |
tvaM vai vR^iddhastvaM yuvA tvaM cha bAlastatkiM yattvaM nAsyatastvAM nato.aham || 8||

stutveti bhUmau nipapAta vipraH sa daNDavadyAvadatIva hR^iShTaH |
tAvatsa bAlo.akhilavR^iddhavR^iddhaH provAcha bhUdeva varaM vR^iNIhi ||
tata utthAya hR^iShTAtmA munirvishvAnaraH kR^itI |
pratyabravItkimaj~nAtaM sarvaj~nasya tava prabho ||
sarvAntarAtmA bhagavAnsarvaH sarvaprado bhavAn |
yAtrApratiniyukte mAM kimIsho dainyakAriNIm |
iti shrutvA vachastasya devo vishvAnarasya ha |
shuchiH shuchivratasyAtha shuchismitvAbravIchChishuH ||
bAla uvAcha |
tvayA shuche shuchiShmatyAM yo.abhilAShaH kR^ito hR^idi |
achireNaiva kAlena sa bhaviShyatyasaMshayaH ||
tava putratvameShyAmi shuchiShmatyAM mahAmate |
khyAto gR^ihapatirnAmnA shuchiH sarvAmarapriyaH ||
abhilAShAShTakaM puNyaM stotrametattvayeritam |
abdaM trikAlapaThanAtkAmadaM shivasannidhau ||
etatstotrasya paThanaM putrapautradhanapradam |
sarvashAntikaraM chApi sarvApatparinAshanam ||
svargApavargasampattikArakaM nAtra saMshayaH |
prAtarutthAya susnAto li~Ngamabhyarchya shAmbhavam ||
varShaM japamidaM stotramaputraH putravAnbhavet |
vaishAkhe kArtike mAghe visheShaniyamairyutaH ||
yaH paThetsnAnasamaye labhate sakalaM phalam |
kArtikasya tu mAsasya prasAdAdahamavyayaH ||
tava putratvameShyAmi yastvanyastatpaThiShyati |
abhilAShAShTakamidaM na deyaM yasya kasyachit ||
gopanIyaM prayatnena mahAvandhyAprasUtikR^it |
striyA vA puruSheNApi niyamAlli~Ngasannidhau ||
abdaM japamidaM stotraM putradaM nAtra saMshayaH |
ityuktvAntardadhe bAlaH so.api vipro gR^ihaM gataH ||

|| iti shrIskandapurANe kAshIkhaNDe vIreshvarastotraM sampUrNam ||
##
Alternative names vishveshvarastotram, vIreshvarastotram,
vIreshvarAbhilAShAShTakam
Encoded and proofread by anonymous456an at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}