% Text title            : Vireshvara Stuti - 1
% File name             : vIreshvarastutiH1.itx
% Category              : shiva, stuti, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 47| 19-39||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vireshvara Stuti - 1 ..}##
\itxtitle{.. vIreshvarastutiH \- 1 ..}##\endtitles ##
|| vIreshvarastutiH \- 1 \- gaurImanoramaNabhajanastotram ||
manmAnasaM bhava bhavachcharaNArchanAya tAvatprasUnamidamastu sharIramasya |
dhUpAya nityamasavo.apyupahArayogyAH chakShUMShi dIpakalikAphalatAM prayAntu || 1||
yadyanmadIyamanaghaM vasu chandramaule tattattavaiva padapUjanayogyamastu |
svAmin trinetra mama gAtramidaM pavitraM li~NgArchanAya bhagavannanukUlamastu || 2||
dhIraissahArasukumArakumAradAraiH sAkaM nirAkulamumAramaNArchanena |
kAlaM nayAmi vimalaiH kamalAvilAsaiH shrIkAlakAla sakalaiH sakalairalaM me || 3||
janmAni santu shatasho.atha sahasrasho vA kiM tAvatA.api yadi bhaktirumAsahAye |
dhanyAni tAni sakalAni tadeti manye dhanyaM trilochanakR^ipaikavidhAnabhUtam || 4||
matprArthanIyamidameva bhavatpadAbjabhaktirbhavatpAdasaroruhapUjanAya |
tenaiva me sakalasiddhiparamparA syAt etAvadeva mama deyamapi tvayApi || 5||
bhaktirbhave pratibhave.api viraktirarthe shaktirgirIshanagamane.anuraktiH |
li~NgArchane ratirana~Ngahare pravR^ittiH bilvArchane matirumeshakathAsu me syAt || 6||
adyAvadhi pralayakAlamahAvasAnaparyantamantakariputripurAntakAkhyA |
nR^ityaM karotu rasanAruchirA~NgaNe me shrIshUlapANicharaNe karavANi vANIm || 7||
yAgairalaM sakalayogakulairalaM me dAnairalaM parimalaiH kamalAvilAsaiH |
anyaishcha dharmanikaraiH sukarairapAre gaurImanoramaNa te charaNau bhajAmi || 8||
bhAgyairalaM bahuvidhairnidhikoTibhirvA mAta~NgakoTibhiralaM kamalAvilAsaiH |
gokoTikoTibhiralaM mahiShIkulairvA gaurImanoramaNa te charaNau bhajAmi || 9||
garbhe.arbhakatvasamaye.api vivekashUnyaH tvatpAdapadmavimukhaH kumukhaH kaThoraH |
tattAvadIshakR^ipayA na punarmamAstu gaurImanoramaNa te charaNau bhajAmi || 10||
paugaNDamaNDitatanuvyasanapraharShavarShAbhiyogamabhibhogamapi prapadya |
bhaktyA smR^ito.api bhagavan na mayA jaDena gaurImanoramaNa te charaNau bhajAmi || 11||
sonmAdayauvanavanopahatena tena nArAdhito.asi na manAgapi kIrtito.asi |
tattAvadIshvara punarna mamAstu mAstu gaurImanoramaNa te charaNau bhajAmi || 12||
nArImanoharavihAraparAbhibhUtachittena tAvadasakR^inna namaskR^ito.asi |
tanmAstu mAstu hara mAstu kadApi mAstu gaurImanoramaNa te charaNau bhajAmi || 13||
vittArjanAya bahudeshavinAshadoShavyApArapUritatanurna tadA kadA.api |
abhyarchito.api hi mayA tadapAsyameva gaurImanoramaNa te charaNau bhajAmi || 14||
dAroruhAraparihAravihArakArakArAnukArakaraNena vayo.api nItam |
tenAlameva harahArabhayApahAraM gaurImanoramaNa te charaNau bhajAmi || 15||
hArapravIraparamAdarato harAraM hAraM sahAramanuvAramapi smarAmi |
nAdyApi hArachirasa~NgatirAvirAsIt gaurImanoramaNa te charaNau bhajAmi || 16||
mAropakArakasharapravaraprahArasaMhArabhIrudaruNIcharaNopaghAtaiH |
nItaM dinaM pratidinaM shamanaM na mene gaurImanoramaNa te charaNau bhajAmi || 17||
saMsArasAgaravichAravidUragarte vR^ittirna vR^ittirapi hAramanohareShu |
hAropahArakaraNe.api na me pravR^ittiH gaurImanoramaNa te charaNau bhajAmi || 18||
mandArakundanavabilvadalapravAlavallIdalairapi na li~NgasamarchanAya |
yatnaH kR^itaH kratushatAdikadharmajAlaiH gaurImanoharaNa te charaNau bhajAmi || 19||
a~NgArasAgarasharIravikArabhAra saMhAra mArahara hAravichArahInaH |
dainandinapralayasaMharaNapravINa gaurImanoharaNa te charaNau bhajAmi || 20||
mAmeva mAmakadhiyA paripashya pashyakA tAvatApi tava tAta vatAtihAniH |
tvaM dInabandhuriti kiM shrutiShu shruto.api gaurImanoharaNa te charaNau bhajAmi || 21||

|| iti shivarahasyAntargate vIreshvarastutiH \- 1 \- gaurImanoramaNabhajanastotraM sampUrNam ||
bR^ihaspatishatAnandasaMvAde vIreshvarastutivarNanaM
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 47| 19\-39||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 47. 19-39..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}