% Text title            : Skandaproktam Vedarahasyakathanam
% File name             : vedarahasyakathanamskandaproktaM.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 47 - vedarahasyakathanam | 19.2-48||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Vedarahasyakathanam ..}##
\itxtitle{.. skandaproktaM vedarahasyakathanam ..}##\endtitles ##
kAlakAlo mahAdevaH kAlAvachChedavarjitaH || 19||
kAlAvachChedayuktAnAM brahmaviShNuharAtmanAm |
indrAdInAmmunInA~ncha grahANA~nchaR^iShestathA || 20||
saptarShiNA~nchasiddhAnAM pitR^iNA~ncha sanAtanaH |
bhUtAnA~nchabhaviShyANAM sAmpratAnA~ncha sha~NkaraH || 21||
karotisR^iShTinnAsha~nchasthiti~NkAlasyakalpanAm |
mAyAbhirmohitAnA~ncha brahmaviShNuharAtmanAm || 22||
sharIrANipravishyaivakarotIda~ncharAcharam |
sa eva sarvabhUtAnAM prANAnAdAyodeti cha || 23||
sa eva sarvabhUtAnAM prANAnAdAyAstameti cha |
sttryannapAnopabhogaishcha tattaddeheShu sarvadA || 24||
parAM prItiM vitanute jaDeShvajaDa IshvaraH |
sa eva jAgradAdyAsu hyavasthAsvapi sha~NkaraH || 25||
avasthArahitashchAyaM sarveShvantargatasthitiH |
sa eva jAgradbhUteShu svapityeko maheshvaraH || 26||
sa evAnandamUrtihi tasyAnandaikaleshataH |
priyAtmakaM jagajjAlaM kurute duHkhadAyakam || 27||
asatyametachchajaDaM svasatyAtsatyavatsthitaH |
karoti cha jaDaM sarvaM chetanAnAM sachetanaH || 28||
asa~Ngo.api sadA bhAti jagatsveteShu sha~NkaraH |
samavAnapi vishveshashshivassarvAntara~NgataH || 29||
(sa~NgavAniva vishvesho.asa~NgassarvAntara~NgakaH) || 29||
buddherbodhayitA mantA manasashcha gatAgatiH |
aprANaH prANarUpeNa hyAkAshAdapi chottaraH || 30||
brahma brahmamayo bhAti shiva evaM sanAtanaH |
na tasya karaNaM kAryaM na kriyA paramArthataH || 31||
shIrNeShu dehajAleShu hyashIrNassarvadA sthitaH |
vikArabhUte jagati nirvikAratayA sthitaH || 32||
na nashyanna cha sIdAno shiva eva hi kevalaH |
(nasandR^ishe rUpamasya shiva eveti kevalaH |)
guhAhito nirichChohi sadA bhedavivarjitaH || 33||
kAraNaM kAraNAnA~ncha mahAnhi tamasaH paraH |
yasmAdbrahmendraviShNavAdyA rudrAssarve marudgaNAH || 34||
samprasUtA mahAdevAnna tato.astyadhikaH paraH |
yasya nishvasitaM vedA nAnAshAkhAvibhUShitAH || 35||
yasya j~nAnena sarveShAM muktayassarvato dvijAH |
sa santarati saMsAramasAraM bhayadAyakam || 36||
saraso.ayaM yadrasena jagadrasamayaM bhavet |
sa eva jyotiShA~njayotissa chakShussa tapo mahat || 37||
sa bhUmA kevalAnandassa bodhaH kevalaM shivaH |
sa eva sthUlamanaNU rudro vishvArtinAshakaH || 38||
nirindriyashchendriyANAM gatishshAstA maheshvaraH |
nirAbhAso nirAsa~Ngo vishvabhAsapravartakaH || 39||
sarvaM tasminmahAdeve jagadbrahmaNi lIyate |
(sarvaM tasminmahAdeve jagadbrahmapipIlikam |)
vibhAti mAyayA sAkShAttasmin j~nAne munIshvarAH || 40||
sarvaM shivatayA bhAti prasAdena maheshituH |
sa ShoDashAtmA puruSho neha nAnAsti ki~nchana || 41||
vikArametatsarva hi avikAre vikAritam |
tasyaiva tapasA dhyAnAttali~NgArchanatodvija || 42||
sarvaM shokaM taratyeva nAtrakAryA vichAraNA |
bhidyante granthayassarvA ekatvenAnupashyataH || 43||
tamAtmAnaM mahAdevaM vishvAkAratayA sthitam |
vahnirvAyurjalaM kShmA cha vidyate tanmaheshvaraH || 44||
(vahnirvAyurjalaM kShmA cha viyadetadmaheshvaraH) || 44||
eteShAmAnulomyena prAtilomyena sR^iShTayaH |
sa~njAtA atra lInAshcha tasminneva maheshvare || 45||
tasmAdbhUtAni jAtAni tatra jIvanti tAnyapi |
tasminnetravalayaMyAnti IshasaMstha~ncharAcharam || 46||
IshAvAsyamidaM sarvaM tasmintsarvaM pravartate |
(IshAvAsyamidaM dR^ishyaM yasminsarvaM pravartate |)
evaM yo vedavedAntaiH prasAdAtparameshvarAt || 47||
guroshcha (gurUktya) shraddhayA chaiva sarvaj~nassa cha shAmbhavaH |
samunissashivashchApi sa shivaj~nAnavittamaH || 48||

|| iti shivarahasyAntargate mAheshvarAkhye skandaproktaM vedarahasyakathanam ||

\- || shrIshivarahasyam | mAheshvarAkhyaH prathamAMshaH | adhyAyaH 47 \- vedarahasyakathanam | 19\.2\-48||
##
- .. shrIshivarahasyam . mAheshvarAkhyaH prathamAMshaH . adhyAyaH 47 - vedarahasyakathanam . 19.2-48..

Notes:
Skanda ##skanda ## narrates the Essence of Śivatattva ##shivatattva ## as in the Mystery of Veda-s (Vedarahasyam ##vedarahasyam##), that was enunciated by Mahādeva ##mahAdeva ## to Devī ##devI##.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}