% Text title            : Vishnukritam Shiva Stotram
% File name             : viShNukRRitaMshivastotram1.itx
% Category              : shiva, stotra, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 10 | 518-556||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnukritam Shiva Stotram 1 ..}##
\itxtitle{.. viShNukR^itaM shivastotram 1 ..}##\endtitles ##
viShNuruvAcha \-
maheshAnantAghatriguNarahitAmeya vimala
svarAkArApArAmitaguNagaNAkAra girisha |
nirAdhArAdhArAmaravara nirAkAra parama
prabhApUrAkArAvarapara namo.avedya shiva te || 518||
namo vedAvedyAkhilajagadupAdAnaniyata
svatantrA sAmantA nava dhR^ita nikArAkAravirate |
nivartante vAchaH shivamajaramaprApya manasA
yato.ashaktAsstotuM sakR^idapi guNAtIta shiva te || 519||
tvadanyaM(d)vastvekaM na hi bhuvi samastaM na bhavato\-
vibhinnaM vishvAtman na cha paramamastvIsha bhavataH |
dhruvaM mAyAtItastvamasi satataM nAtra vishayaH
kR^itaM kR^ityaM ki~nchitkvachidapi namo vAstu shiva te || 520||
(tvamevardaMlo) tvamevedamloke nikhilamamalaM vyApya satataM
tathaivAnyaM lokaM sthimanagha devottama vibho |
tvayaivaitatsR^iShTaM jagadakhilamIshAna bhagavan
vilAso.ayaM kashchittava shiva namo.ameya shiva te || 521||
jagatsR^iShTaM pUrvaM shivayadidamumAkAnta satataM
tvayA lIlAmAtrAttadapi sakalaM rakShitamabhUt |
tadevAgre bhAlaprakaTanayanAgnyadbhutakaNaiH
svayaM dagdhvA sthAsyasyaja hara namo.avedya shiva te || 522||
vibhUtInAmanto bhava na bhavato bhUtivilasa\-
nnijAkAra shrIman na tava guNasImApyavagatA |
atadvayAvR^ittyAdya tvayi sakala vedAshcha chakitAH
bhavantyevAsAmaprakR^itiga namo varShya shiva te || 523||
virADrUpaM yatte sakalanigamAgocharabhabhU\-
ttadevaM rUpaM te bhavati kimidaM bhinnamathavA |
na jAne devesha triNayana surArAdhyacharaNa
tvamo~NkAro vedastvasmasi hi namo.aghora shiva te || 524||
yadantastvaj~nAnAnmunivaragaNA rUpamanaghaM
tadevaM sa~nchintya svamanasi sadA sa~NgavihitAH |
yayurdivyAnandaM tadidamathavA kintu na tathA
kimetajjAne.ahaM sharaNamagamaM sharva shiva te || 525||
yayA shaktyA sR^iShTvA jagadatha cha saMrakShya bahudhA
tataH saMhR^ityaitannivasasi tadAdhAramathavA |
idaM te kiM rUpaM nirupama na jAne hara vibho
nisargaH kovA te tamapi hi namo bhavya shiva te || 526||
tavAnantAnyAhuH shuchiparamarUpANi nigamA\-
stadantasthaM yattatsadasadaniruktaM sthiramapi |
niruktaM ChandobhirnilayanamidaM chA nilayanaM
na vij~nAtaM j~nAtaM sakR^idapi namo jyeShTha shiva te || 527||
tavAbhUtsatyatvAnR^itamapi cha satyaM kR^itamabhUt
R^itaM satyaM satyaM kR^itamubhayathArUpakamalam |
yataH satyaM satyaM samamapi samastaM tava vibho
ataH satyaM satyaM kR^itamapi namo rudra shiva te || 528||
tavAhAraM hAraM viditamapi hAraM viharase
navAhAraM hAraM harasi hara hAraM na harasi |
navAhAraM hAraM parataravihAraM parataraM
paraM pAraM jAne na hi nahi namo vishva shiva te || 529||
yadetattattvaM te sakalamapi tattvena viditaM
na tattattvaM tattvaM viditamapi tattvena viditam |
na chaitattattvaM chenniyatamapi tattvaM kimu bhave\-
nna te tattvaM tattvaM paratara namo dhiShNya shiva te || 530||
idaM rUpaM rUpaM sadasadamalaM rUpamiti che\-
nna jAne rUpaM tattaratamavibhinnaM padataram |
yato nAnyadrUpaM niratamapi vedairnigaditaM
na jAne sarvAtman kvachidapi namo.ananna shiva te || 531||
mahatdbhUtaM bhUtaM yadapi cha bhUtaM tava vibho
sadA bhUtaM bhUtaM kimuta bhavato bhUtaviShayaiH |
yadA bhUtaM bhUtaM bhavati cha na bhUtaM cha bhavatu
prabhAbhUtaM bhUtaM bhavati hi namo yaShTa shiva te || 532||
vashIbhUtA bhUtAH satamapi bhUtAtmakatayA
na bhUtA bhUtAste tava yadapi bhUtA vibhutayA |
yato bhUtA bhUtAstava tu na hi bhUtAtmakatayA
na vA bhUtA bhUtA kvachidapi namo bhUta shiva te || 533||
na te mAyA mAyA satatamapi mAyAmayatayA
dhruvaM mAyA mayyA tvayi vara na mAyAmayamapi |
yadA mAyA mAyA na khalu\-sA mAyayatayA
na mAyA mAyA yA paramiyamataste shivamayA || 534||
yadantaH saMvedya viditamapi vedairna viditaM
na vedyaM vedyaM chenniyatamapi vedyaM na viditam |
tadevedaM vedyaM viditamapi vedAntanikaraiH
karAvedyaM vedyaM jita miti namo.atarkyaM shiva te || 535||
shivaM shaivaM bhAvaM shivamapi shivAkAramashivaM
na satyaM shaivaM tachChivamiti shivaM shaivama nisham |
shivaM shAntaM matvA shivaparamatattvaM shivamayaM
na jAne tattattvaM shivamiti namo.abhedya shiva te || 536||
yadaj~nAtvA tattvaM sakalamapi saMsArapatitaM
jagajjanmAvR^ittiM vahati satataM duHkhanilayama |
tadetajj~nAtvaivAvahati cha nivR^ittiM paratarAM
na jAne tattattvaM paramiti namo reShmya shiva te || 537||
tavedaM yadrUpaM nigamaviShayaM ma~NgalakaraM
na dR^iShTaM kenApi dhruvamiti vijAne shiva vibho |
tatashchitte shambho nahi mama vishade.atodyavikR^itiH
prayatnAllabhye.asminna kimapi namaH pUrNa shiva te || 538||
tavAkarNaM gUDhaM yadaparamachakShuH shrutiparaM
tadevApAdaM sannayanapadavIM nAva tanute |
(kadA) kadAchitki~nchidvA sphuratu kR^ipayA chetasi tava
sphuradrUpaM bhavyaM bhavahara namo nAdya shiva te || 539||
tvamindurbhAnustvaM hutabhugasi vAyushcha salilaM
tvamevAkAsho.asi kShitirasi tathAtmAsi bhagavan |
tataH sarvAkArastvamasi bhavato bhinnamaNu cha
na tatsatyaM satyaM triNayana namo.ananta shiva te || 540||
vidhuM dhattse nityaM shirasi mR^idu kaNThe.api garalaM
navaM nAgA hArA bhasitamamalaM bhAsuratanau |
kare shUlaM bhAle jvalanamanishaM tatkimiti te
na tattvaM jAne.ahaM bhavahara namaH kUpya shiva te || 541||
tavApA~Ngasyando yadi bhavati bhavyaH shubhakaraH
kadAchitkasmiMshchillaghutaranare.api prabhavati |
sa evaitallokAn virachitumalpo.api sa mahAn
kR^ipAdhArAyatto sukhakara namo.ananta shiva te || 542||
bhavantaM deveshaM shivamitaragIrvANasadR^ishaM
pramAdAdyaH kashchidyadi vadati chitte.api manute |
sa duHkhaM labdhvA.ante narakamapi yAti dhruvamidaM
dhruvaM daivArAdhyAmitaguNa namo.ananta shiva te || 543||
pradoShe ratnADhye mR^idulatarasihmAsanavare
bhavAnImArUDhAmasakR^idapi saMvIkShya bhavatA |
kR^itaM samya~N nATyaM prathitamiti vedo.api vadati
prabhAvaH ko vA.ayaM tava hara namo dIpya shiva te || 544||
shmashAne sa~nchArastava kila na te kvApi gamanaM
yato vishvaM vyApyAkhilamapi sadA tiShThati bhavAn |
vibhuM nityaM shuddhaM shivamayamato vyApakamiti
shrutiH sAkShAdvakti svayamapi namaH sUdya shiva te || 545||
dhanurmeruH sheSho.apyatha varaguNo yAnamavani\-
stavenendra chakre nigamanikarA vAjinikarAH |
puro lakShyaM yantA vidhiriShurahaM cheti nigamaH
kimevaM tvayyeSho nigadati namaH parNya shiva te || 546||
mR^iDaM sattvopetaM bhavamanatiriktaM cha rajasA
tamoyuktaM shuddhaM shivamapi shivaM niShkalamiti |
vadatyeSho (vaM) vedastvamasi tadupAsyaM dhruvamidaM
tvamo~NkArAkAro dhruvamiti namo.ananta shiva te || 547||
jagatsuptiM bodhaM vrajati bhavato nirgatamapi
pravR^ittiM vyApAraM punarapi suShuptiM cha sakalam |
tvadanyaM tvatprAyaM vrajati sharaNaM neti nigamo
vadatyaddhA sarvaM shivamiti nama stutya shiva te || 548||
tvameko lokAnAmadhipatirumAnAtha jagatAM
sharaNyaH prApyastvaM jalanidhirivAnantapayasAm |
tvadanyo nirvANaM na vitarati nirvANapatira\-
pyataH sarvotkR^iShTastvamasi hi namo nIpya shiva te || 549||
tavaivAMsho bhAnustapati vidhurapyeti pavanaH
pavatyeSho vahnirjvalati salilaM chApi vahati |
tvadAj~nAkAritvaM sakalasuravargasya satataM
tvamekaHsvAtantryaM vahasi hi namo.ananta shiva te || 550||
svatantro.ayaM somaH sakala bhuvanaikaprabhurayaM
niyantA devAnAmayamiha niyantA.asya na paraH |
shivaHsiddho.apAyAdrahita iti vedo.api vadati
svayaM tvAmAshAsyaM bhayahara namo rathya shiva te || 551||
namo rudrAnantAnagha hara namaH shrIdhara vibho
namo gaurInAtha triNayana sharaNyA~Nghrikamala |
namaH sharva shrImannanaghamahadaishvaryanilaya
smarAre pApAre jaya jaya namaH shochya shiva te || 552||
mahAdevAmeyAnaghaguNagaNagrAma satataM
namo bhUyoH bhUyaH punarapi namaste punarapi |
purArAte shambho punarapi namaste shiva shiva
namo bhUyobhUyaH shiva shiva namo.ananta shiva te || 553||
kadAchidgaNyante nibiDanipatadvR^iShTikaNikAH
kadAchinnakShatrANyapi sikataleshAH kushalibhiH |
anantairAkalpaM shivaguNagaNAMshchArurasanai\-
rnashakyante nUnaM gaNayitumuShitvApi satatama || 554||
mayA.avij~nAyeshAnishamapi kR^itA ye tu manasA
sakAmenAmeyAH satatamaparAdhA bahuvidhAH |
ta eva (tvayaiva) kShantavyAH kvachidapi sharIreNa vachasA
kR^itA naite nUnaM shiva shiva kR^ipAsAgara vibho || 555||
pramAdAdyekechidvitatamaparAdhA vidhihatA
kR^itAH sarve te.api prashamamupayAntu spuTataram |
shiva shrIman shambho shiva shiva mahesheti cha japan
kvachilli~NgAkAre shiva hara vasAmi sthirataram || 556||

|| iti shivarahasyAntargate viShNukR^itaM shivastotraM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 10 | 518\-556||
##
- .. shrIshivarahasyam . ugrAkhyaH saptamAMshaH . adhyAyaH 10 . 518-556..##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}