% Text title : Virakti Ratnavali % File name : viraktiratnAvaliH.itx % Category : shiva % Location : doc\_shiva % Proofread by : Sivakumar Thyagarajan Iyer % Description/comments : 38 in Stotrasamuchchaya 1, Edited by Pandit K. Parameshwara Aithal % Latest update : September 23, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Virakti Ratnavali ..}## \itxtitle{.. viraktiratnAvaliH ..}##\endtitles ## OM shrIgaNeshAya namaH | praNamya guruchiddhanaM natatamastatidhvaMsanaM sukhAmburasavR^iShTidaM sukR^itinAM hR^idabje sadAm | karomi chitivR^iddhaye janivimuktaye j~nAninAM trayIhR^idayasAgarodbhavaviraktiratnAvalim || 1|| apArabhavasAgaraM chaturashItilakShodbhava\- sthalormichalitaM satIsutasutAdinakrAchitam | maheshvarapadAmbujapraNayakarNadhAreritaM na tartumalamanyato dR^iDhaviraktipotaM vinA || 2|| na rajyati tu dhAvakAn malinamIShadapyambaraM tathA sakalavAsanAmalinamAnasaM saMvidA | na tiShThati yathA rajaH paramasUkShmasUchyagrake sarAgahR^idaye nR^iNAM shivasukhAbdhibindoH kaNaH || 3|| vinAshayati shambaraM nijakaNAMshasaMsparshato vipakvakalashaM sakR^ichChravaNato.api bodhastathA | sakAmapuruShaM paraM vigatakAmachitte sadA tathA naTati chetanA surasarovare haMsikA || 4|| viraktahR^idayaM tathA vishati saMvidambho yathA sunimnatarabhUtalaM galitavAsanA dhIrnR^iNAm | vipakShavihago yathA vasati vR^ikShanIDe nije tathA shivasuradrume paramasaukhyasAmrAjyade || 5|| mahAvibudhasa~NginAmamR^italAlasAnAM sadA\- shivA~NghrikamalArchane niyatamAnasAnAM sadA | yathA vimalachandrikA himakarasya rAkAtithau tathA sukR^itashAlinAM kila viraktirutpadyate || 6|| tR^iNIkR^itapitAmahatridashanAthasampachchayA sadA sphurati mAnase sakalasampadA pUrite | punashcha viShaye spR^ihA bhavati naiva pAte yathA viraktiriti varNyate munivaraishcha sA saukhyadA || 7|| jaDAjaDamaye jagatyasahanIyaduHkhAspade yathopalamarusthale na labhate payaHshIkaram | kirAtahR^idaye dayAM madhurasaM kirAte jana\- stathA sukhakaNaM vR^ithAbhramaNamAtrameva dhruvam || 8|| ana~NgaparadampatImathanajAtashuklArtave yute bhavata ekadhA vishati tatra garbhAshaye | tadaiva naradehabhAk sukR^itaduHkhabhogAya vai svakarmavashago rajodravavivR^iddhapeshIgataH || 9|| tadAshayagataM kramAt kalalabhUtaretorajo jarAyupariveShTitaM malajalAlayAntrAntaram | na mAtR^ijaTharAnalaH pachati shAlibIjAdivat tato.a~NgamabhijAyate vihitabhojyashIlaiH striyAH || 10|| shironayananAsikAshravaNabAhuvakShaHsthalaM hyadhomukhahR^idambujaM bhavati garbhapiNDasya cha | svamAtR^irasadhAtugaprakR^itivarNatejobalA\- nyadhomukhavilAsavadvimaladarpaNe pashyataH || 11|| svapApaphalabhogabhAg badhiramUkapa~NgvAdikAM sa tu pralabhate marudvikR^itavaktranetrAdikAm | svapAkaparipAkikAvimalamR^ittikAsphoTaka\- pradIrNasuShirAnvitAM ghaTatanuM tathA pUruShaH || 12|| svamAtR^ijaTharasthitaH kaphagale parodhAchChishu\- rna roditi sukhaM tathA na labhate.agnitApAnmalam | vimu~nchati na kumbhakAdvahati vegajAlaM cha no bhajannarakayAtanAM kR^imirivAtra madhyasthitaH || 13|| chasAkaphaparipluto jananamArgato.adhomukhaH prasUtisamaye shishuH patati vAyunA daivataH | tadA kushalakAminI nijakareNa pAdau shishoH pragR^ihya kurute tataH kaphavishodhanaM dhUnvatI || 14|| kaTShNarasasevanAd vasanakambalAchChAdanAt purIShajalalolanAnuchitagandhasaMsevanAt | kShudhAdiparipIDanAdavashamAnasAdIndriya\- stataH shishudashAM kathaM paramapUruShaH kA~NkShati || 15|| mamedamiti vAsanAgR^ihasharIratAtaprasU\- janadraviNabhUShaNAmbaradharAdipashvAdikam | na chAsti kulagotrasUtranarajAtivarNAshramAH shishoH ka iha vetti nAhamiti vR^ittishUnyo yathA || 16|| payodharapayaH shishuH pibati rauti vakShoruhe nijAnanagate tataH karapadaM dhunAtya~njasA | adhaH patati ma~nchakAd vamati taM kaphaM khAdati pramUDhahR^idayaH sukhaM viShayajaM na vindatyaho || 17|| paribhramati vakShasA pashuvadarbhako mandire kvachit khalati roditi kva nu gateti mAtA bhR^isham | kR^imiM dharati pANinA chalati jAnunA chAsakR^i\- jjalaM pibati tADyate gadabhayena mAtrA tadA || 18|| dvijodbhavagadAt tadA shravaNavedhato.abhya~Ngato bhR^ishoShNajalasechanAduragapUtanApIDanAt | atitvaritagarbhabhR^itkujananIstanAsparshanAd vyathA bhavati tAM punaH smarati kaH pumAn hA shishoH || 19|| priyaiH satatakhelane praharati svamAtA gR^ihe bahiH priyajanaiH sadA balaparIkShayA mardyate | guruH paThanamandire.akSharavidhau paraM shikShate prapa~nchahR^idayaM vaTuM pitR^ijanAshcha kaumArake || 20|| aho jagati yauvanaM nayati dehinaM sarvadA sakarNavachanekShaNaM badhiramUkajanmAndhatAm | shrutishravaNasha~NkarasmaraNamUrtisandarshane bhavArNavasutAraNaplavapadAbjabhR^iddeshike || 21|| prabhuH paramayauvanaM viShayayAchakebhyo yato hR^iShIkadhanasa~Nghamarpayati karNabhUpo yathA | vivekaripuma~njasA dahati kopashastrAgninA sadAghakaramAdarAdviTapateshcha gR^ihNAtyaho || 22|| abhUchChatamakhaH svayaM samaDhyauvanaM yoShitaH sharIravaravedikAkalitayonikuNDe bhR^isham | juhoti narashuklakaM vadananandane krIDati priyAdharasudhAM sadA pibati kAmayAno.anisham || 23|| na yauvanavane chara prabalamArabhillAshraye sa kAmahatakaH striyAH sunishitaiH kaTAkSheShubhiH | prahR^itya karalAghavAt tvaritamavraNaM prakShipet kuchAdriyugalAntare tvamapi tR^iShNayA muhyasi || 24|| na yauvanasurAM piba draviNabhItilajjApahAM svajAtikulashIlavismaraNakAriNIM mohinIm | parasvayuvatIsatIgativivekahAnipradAM kumArgagatidAyinIM nigamamArgasarodhinIm || 25|| parasparamatipriyaM paramayauvane yaddavyo\- rvirUpamapi mohataH kila sharIramAsIt purA | tadapriyamaho bhavatyatha sharIriNoH pashyatoH surUpamapi vArdhake vimalachelabhUShAnvitam || 26|| jarAshithiladehino bhuvi sukhaM kuto vidyate pramuDhahR^idayendriyo bhavati tantra sarvA spR^ihA | padaM skhalati vai gatau kaTitaTaM na tat pUrvava\- chChirashchalati vepate karayugaM mano bhrAmyati || 27|| svaputraramaNIsutA viShamavAkyashUlena taM kutastava dhanaM vada kva nu cha karma sampAditam | iti priyajanAH sadA paritudanti vR^iddhaM tadA \- pyaho sa parikhinnadhIH shivashiveti nAkroshati || 28|| prayAntamapi mandirAt paruShavAkyanirbhatsitaM kuchelamativArdhakaM vidhR^itadaNDahastaM naram | kva tAta parigachChasItyapahasanti naptrAdayaH punashcha pariveShTitA apaharanti tasyAMshuke || 29|| kva me nagarakambalaM kva cha gataM kali~NgAMshukaM sumR^inmayaghaTaH priye mR^idulatArNashayyA parA | mahAnishi gR^iheshvari svapiShi chorakAle kathaM prajalpati jarAnvito na labhate.api nidrAsukham || 30|| chaturShvapi dashAntareShvahaha bhUpatirmAnavaH sukhaM na labhate sadA paravasho yataH sendriyaH | svamAtR^ipitR^ivarjito bhavati tatra bAlye.arbhakaH sadopajananIjanaiH sa paripoShyate sevakaiH || 31|| sadA vipadaho sukhaM kathamasajjano manyate nR^ipendratanayasya sambhavati yachcha kaumArake | gajAshvarathavAhanabhramaNachAlanArohaNe mahAstrasharachApashikShaNavidhau gadAyodhane || 32|| sadA nagarapAlane prakR^itira~njane dhvaMsane dviShAM kumatishikShaNe lukR^itilokasaMrakShaNe | sukIrtidhanapoShaNe nijasuhR^ijjanAlApane kuto nihitachetaso naramaNeH sukhaM yauvane || 33|| nR^ipo.ahamiti garvito vidhiniShedhavarjyo bhava\- tyamArgagamanAt sadA duritakaNTakAviddhapAt | shashA~NkamukhasundarIvaratarakShupa~NktayAM puna\- rna yAti hR^idayAMshukaM narapatervilagnaM param || 34|| bhayaM dvijakulodbhave bhavati sarvadA dehinaH shrutismR^itivichAraNe yajanayAjane pAThane | svarAkSharavilopato duravagAhavedArthato yathAvidhijapArchanAvratavilopataH kAlataH || 35|| vaNikkulajadehinaH kva sukhamarthakAmasya hA parArthachayarakShaNe kalitakAlahInako | mahIpatimahAbhaye parapaNIyalAbhakShaye sadA nihitachetasaH kR^iShiparishrame gokraye || 36|| trivarNajanasevakaH savinayaH padAdudbhavo vidherbhavati sarvadA paravashaH sa bhu~Nkte kadA | anekaparicharyayA shithilagAtrasarvendriyaH kadA svapiti mAnavaH kathamasau viraktiM bhajet || 37|| kutaH sukhamatha striyA bhavati tatra kaumArake svajAtikulashIlarUpamatitulyabhartA mayA | kadA kva kila labhyate sakalabhUShaNAla~NkR^itA bhavAmi kathamevamAdishatachintayAveShTite || 38|| sadA mR^idulabhAShaNe shvashurasevane yauvane svabhartR^iparitoShaNe gR^ihapadArthasaMrakShaNe | supAkakaraNe paraM supariveShaNe preraNe sadArpitadR^ishaH sukhaM patigR^ihe ramaNyAH kutaH || 39|| muhurbhayamaho striyAH pativirodhagarbhAchyuteH prajAsu bahulatvato jananataH sapatnyAH shishoH | mR^iteH prasavato dhavAtyayaviyogadAridrayataH snuShAtanayayogato.apyananukUlajAmAtR^itaH || 40|| virUpaviguNastriyA ramaNasamprasAdo na vai janAH satatama~NganAmabhilaShanti ramyA yadi | svamAtR^ibhavanasthitA parajanena sA nindyate sukhaM khalu kutaH striyAH kva bhuvi laukikaM chA mR^iteH || 41|| murAripadapa~NkajapravaNahastirAjo.api kiM sukhI paramabhUt purA kujaninakravaktrAhR^itaH | kShitIshavaravAhanasya kariNastu kA vA kathA niShAdidR^iDhashR^i~NkhalA~NkushaniyantraNAd bandhanAt || 42|| sukhaM shatamakhAshraye.apyahaha dabhramapyantato na chAbhramupateH svatashcharaNarodhanAd bandhanAt | purandaramanonugAM kalayato gatiM chottamAM munipravarashApato vasumatIgajatvAnvayAt || 43|| payodhimathanodbhavaH surapatipriyochchaiHshravAH sadA suraraNA~NkaNabhramaNadharmalAlAmukhaH | bhavatyaparasaindhavo narapateH kathaM prApnuyAt sukhaM shakaTakarShaNAt kushalasAdipAdAhateH || 44|| jito hariritIha pakShipatirApa darpaM tato hareH kila varArthinaH pravarapatratAmAvahat | sukhaM na patageshitushcha parapakShiNaH syAt kathaM kirAtajanabhojanasya tarukoTarAvAsinaH || 45|| trimUrtitanurUpakastarushiromaNiH puNyabhAk prajAvividhakAmanAsatatapUraNAyAstadhIH | sukhI bhavati kiM tato.aparataruH kathaM prApnuyAt sukhaM bhavanaputtalIparikarAdihetuH param || 46|| sadA tripathagAminI paramapAvanI sApyaho sukhaM na labhate nR^iNAM duritavargasa~NkShAlanAt | tanUmalaparikShayAchChivakapardasaMrodhanA\- nnadI vipinagAminI kimayate sukhaM jADyabhAk || 47|| sukhaM kimu saritpateshchulukanAnmunermanthanA\- dahIndratanurajjunA satatabADabagrAsataH | ravupravarabandhanAnniyatamAkulIbhAvato nije hi bhavane sadA svatanujApatervAsanAt || 48|| samudrajalapAnato gaganamArgasa~nchArataH prachaNDapavanAhaterashanitADanAd vajriNaH | akAlanijakAlayorapi cha bhUtale varShaNAt kuto jaDamayasya hA bhavati dhUmayoneH sukham || 49|| vanaspatipatiH svayaM sa khalu rAjayakShmAkulaH sudhAkarasharIrabhR^id bhavati rAhuNA pIDitaH | malimluchasaroruhapravarakAmukadveShiNo vichitramamaratvametadavalokayendoH param || 50|| maheshvarabhayAd ravirbhramati kA~nchanAdriM sadA prajAghashubhakarmaNAM bhavati kiM cha sAkShI bhR^isham | vihInadashanAnanashcharuhaviH samashnAtyaho kuto.asya sukhamAtmanaH paramanUrumatsAratheH || 51|| shubhAshubhamakhe hutaM vahati bhUsurairAnane tadarpayati havyavAD yajanadevatAbhyo haviH | pachatyapi cha ShaD rasAn nR^ijaThare tathA mandire kuto.asya sukhamasti hA niyatadIpabhAvAnnishi || 52|| sahasrabhagavAn hariH kathamasau sukhaM pramutrA\- nna chaikasubhagAnvito.api cha narastriloke sukhI | sharIracharuyAjinAM raNadhana~njaye prItaye svabhojyagaNikA~NganAvrajaniyojakashchAnisham || 53|| sukhI bhavati kiM vidhirvividhasR^iShTisa~NkalpavAn jitendriyayatIshvarAdaraNachittavR^ittiH sadA | svapUrvachaturAnanaprachuramuNDamAlyaM paraM maheshagalamaNDanaM manasi chintayan buddhimAn || 54|| sukhI kathamadhokShajo rakhukulAvataMsaH paraM dashAnanavadhotsuko naraharirmahAvAmanaH | phaNIndrashayanaH payonidhiniketanaH shrIpati\- rdharAdharadharaH pumAn bahulaveShadhArI yathA || 55|| mahApitR^ivanAlayo narakaroTimAlAdharaH pishAchagaNasaMvR^itaH karaTicharmavAsodharaH | chitAbhasitalepano viShadharendrabhUSho haro virUpanayanaH sukhI bhavati kiM cha bhikShATanaH || 56|| vidhipramukhadaivatairmanasi kA~NkShaNIyaM muhu\- nindAnamamR^itasya yat sakaladevatAMshAtmakam | nR^ijanma bhuvi dehinAM paramadurlabhaM hATakaM karoti kumatirvR^ithA bhuvi yathA hyapAtre vyadhAt || 57|| dvijatvamapi durlabhaM varakulodbhavatvaM nR^iNAM trayIvihitakarmakR^ittvamapi shAmbhavatvaM tataH | vishuddhamatisa~Ngamo vimalabuddhimattvaM paraM tvidaM bhavati yasya vai sukR^itashAlinAM so.agraNIH || 58|| gataM na labhate janaH kShaNalavAMshamapyAyuShaH sadA viShayavAsanAkShapitakAlavR^itterbata | labheta sikatAgataM jalamapi prayatnAnna tat tataH kuru tadaishvaraM saphalamAtmasaMyojanAt || 59|| nara smara na tAM vR^ithA viShalatAmimAM sundarIM stanadvayasuma~njarImadhurapallavAM mohinIm | bhavajvaravikAradAmasahanIyatR^iShNAvahAM striyaH khalu vichintabhAdapi vimohayantyadbhutam || 60|| asatyanilayaM paraM duritakR^iShNa varmendhanaM parArtikaraNakShamaM paruShamohagarvAlayam | acha~nchalasudhImanaHkulagirIndravajrAyudhaM kathaM hi ramaNIjanaM kamalasambhavo.ajIjanat || 61|| vashIkaraNamantramadbhutamapAravIryaM smaraH prayogakushalaH svayaM khalu japan sadA tryakSharam | prasiddhamabaleti taM tribhuvanasthajantuShvasau karoti saphalaM tataH smarahareti mantraM japa || 62|| gatAnugatikA janA dhruvamime jagatyAM sudhI\- rna ko.api suvichAravAn yadabaleti mattAH striyaH | vichitramiha tA balaprakR^itidharmatejastapo\- dhanAnyapaharanti yAH smaraNamAtrato jAgrati || 63|| sutena sugatiH pituH smR^itigireriteti dhruvaM tathaiva tapasA gatirna khalu putrahInasya kim | tadarthamabalAnale bahudhanendhanaprojjvale pata~Nga iva dIpake patati sattapobAdhake || 64|| vR^ithA bahudhanavyayairvrajapaiH prajotpAdanaM karoti vibudho.api kiM jagati dharmapatnyA mudA | sa chet kucharito bhaved bhavati puNyalokasthiteH pituH patanakAraNaM prakaTamaihike chAyashaH || 65| pitA bhavati retasA svayamihaiva putrAtmanA trayI vadati tattathA viditametadatyadbhutam | svakarmaparipAkato bhavati janma cheti shrutaM shruterhi vachanaM tadarthamavabudhyate no jaDaH || 66|| ajasya paramAtmano na khalu shuklamAhArajaM pitR^itvamiva vandhyapuMsa iha naiva sambhAvitam | ali~NgasukhachittanoH pariNatishcha no karmajA sadAdvayasadAtmanaH shrutividhishcha ko.apyasti no || 67|| dhanaM svasukhakAraNaM nimiShashastathA leshasho nareNa bahuvidyayA paramamArjana bhuvi | na nItivachanaM hi tat khalu jaDaM sukhasyAtmanaH kathaM bhavati kAraNaM bhuvi vichAravAn ko.api na || 68|| dhanaM madavivardhanaM patisatImanobhedanaM kunItijanabhUShaNaM naTanaTIsamAkarNanam | prapa~nchatarujIvanaM praNayatailasaMshoShaNaM kathaM hi viduSheShyate kumatibhiH prakopo yathA || 69|| \ldq{}nirantarasukhapradaM niTilalochanaM niShkalaM mamatvaparimochanaM madanavairiNaM taM prabhum | vihAya vibudho.api kiM vibhavasiddhaye kutsitaM naraM narakamAginaM satatamAshrayatyAtmahA || 70|| dhanArjanaparo bhava tvamiha sarvadA duHkhadhI\- stavAtra sukhamIShadasti kimu taddhanena dhruvam | svaputrasukalatramitrajanabhogayogyaM bhavet tadArjanasamuchchayeShu saragheva kiM klishyasi || 71|| trayIpaThanamAdarAt pitR^itithau hi bhoktuM dvijaH karoti gadituM kvachit smR^itivimarshanaM sUtakam | manU~njapati hiMsanAya paramArthato vedavi\- nna kashchidapi puNyadhIrbhuvi vichAravAnAtmani || 72|| idaM jagadasanmahanna khalu karma dehaH satI dhanaM nidhanamindrajAlamiti sarvamAtmIyakam | parAnupadishantyaho shrutishirAMsi loke svayaM dhanArjanaparAH sadA dhanigR^ihAshritAH paNDitAH || 73|| kutarkapaThanotsukAH kusumabANashAstrIyakAH prabandhakathanapriyAH prahasanaprashaMsAkarAH | kalAkushalabuddhayaH kaluShahUNabhAShAratA bhavanti bhuvi bhUsurA nigamasArachit ko.api na || 74|| ghanArjanaparo bhavAn bhavati yAvadeva priyA\- kumArapitR^isodarIduhitR^imAtR^ibandhusnuShAH | bhavanti vinayAnvitAH parisaranti bhaktyA paraM yadA bhavati nirdhano jagati te hi kupyanti cha || 75|| na ko.api cha sahAyako bhavati tatra vartmanyaho jano bahudayAparAstvayi hi ye shmashAnAvadhi | dhanArthamanuyAnti kechana budhA mudhA tajjane karoShi satataM priyaM tyaja mamatvapAshaM tataH || 76|| palAlamiha dhAnyadhIstyajati lokashAstrashrutI\- stathA tvamapi mokShadhIstvaritameva taM svIkuru | charAcharamayaM rasaM gurukaTAkShasaMsparshanAt payo.api jalamishritaM kalayatIha haMso yathA || 77|| imAmashuchikuNDikAM jaDamayIM tanuM shyAmalAM rasArtavasumR^inmayIM pitR^ikulAlasatkAraNAm | yatIndranavarandhrikAM subhagachakrasambhUtikAM na tAM spR^isha manorathashvapachadUShitAM sarvathA || 78|| aho paramaduHkhado jagati ko.asti dehAt pR^ithak paropakR^itivR^ittivismR^itiparashcha doShAkaraH | parArtinayanotsavaH paradhanakShayautsukyadhI\- stapojanaparA~NmukhastaralatAkaraH sanmateH || 79|| gajAbjavarachitrakAyakirigomR^igANAM yathA tvagasthinakharomarochanavarANi gaurIpateH | samarpaNavibhUShaNopakaraNAni jantostathA tavA~NgamashivArpaNaM bhavati kiM na bhUbhArakR^it || 80|| bhanonR^ipatima~njasA jahi vivekakhaDgena taM maheshvaraparA~NmukhaM viShayapa~nchamantryanvitam | shivA~NghrikamalArchanAniyatakAmayAnasthita\- stato hyamR^itasundarI pravR^iNuyAdbhavantaM sudhIH || 81|| manodashamukhAsuraM bhavasamudramadhyollasa\- chCharIrapuravAsinaM vimalabuddhisItAmuSham | jahi tvamabhirAmadhIH praNavachApachandreShuNA videhakuladIpikAM pralabhase punaH satvaram || 82|| manonmani jahi drutaM hR^idayachaNDabhaNDAsuraM parAtprakR^itimaNDitaM paramashAmbhavIbhAsite | mahendradhanuShA tviShA madanavairinetrAgninA sukhA mR^itatara~NgiNI bhavasi tena saMrAj~nikA || 83|| gurUktisudhayaiva hR^it samalamApnuyAchChuddhatAM tadA tava hi mokShadhohR^idayapuNDarIkAmbare | akhaNDamamR^itaM shivaM shashikalAvataMsaM sukhaM tatastvamiha pashyasi praNatalokakalpadrumam || 84|| kR^ipAbdhivaDavAnalaM sukR^itashailavajrAyudhaM vimarshasumama~njarIvanahutAshanaM nAshraya | sumaitraghanamArutaM sumatipadminIhastinIM krudhaM varatapo.ashaniM chitishashA~NkarAhuM nara || 85|| spR^ihA shunakabAliketi hi vadAmi bhojye tu sA svavAntamanaghA cha nAtiparipAlitAnnaM bhayAt | na gachChati dharAntaraM tata itaH kShaNaM dhAvati bravImi kimaho sudhIrjagati nAsti tR^iShNopamA || 86|| manorathapishAchikA sakaladhAtusaMshoShikA kudeshagamanotsukA galintabhItidurvR^ittikA | sadA chapalachittadA smaraNamAtrato nashyati dhruvaM shivapadAbjabhaktirasatR^iptisetorbhuvi || 87|| tvameva paramaH shivastvayi hi jAtametajjagat tvayi praramate punastvayi vilIyate sattayA | tvameva sakalaM jagajjalanidhau tara~NgAdivat tvameva paramoktivAnahamapIti na tvAM vinA || 88|| imAM paramapAvanIM hR^idi viraktiratnAvaliM sadA vahati yo naraH sa tu vivekachUDAmaNiH | bhajatyamalabuddhiShu pravaratAmapi shrIpure \- shvarasya kR^ipayAmR^itaM pralabhatAmanantaM shivam || 89|| iti shrIviraktiratnAvaliH samAptA | (38) ## Proofread by Sivakumar Thyagarajan Iyer \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}