% Text title            : vishveshalaharI
% File name             : vishveshalaharI.itx
% Category              : laharI, shiva
% Location              : doc\_shiva
% Author                : khaNDarAjadIkShita
% Proofread by          : PSA Easwaran
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : February 28, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vishveshalaharI ..}##
\itxtitle{.. vishveshalaharI ..}##\endtitles ##
shrIgaNeshAya namaH ||
siddhibuddhipatiM vande shrIgaNAdhIshvaraM mudA |
tasya yo vandanaM kuryAt sa dhInAM yogaminvati || 1||
vande kAshIpatiM kAshI jAtA yatkR^ipayA purI |
prakAshanArthaM bhaktAnAM hotAraM ratnadhAtamam || 2||
bhaktAvanaM karomIti mA garvaM vaha sha~Nkara |
tebhyaH svapUjAgrahaNAttavetatsatyama~NgiraH || 3||
mudhA lakShmIM kAmayante cha~nchalAM sakalA janAH |
kAshIrUpAM kAmaye.ahaM lakShmImanapagAminIm || 4||
prApnuvantu janA lakShmIM madAndhanR^ipasevanAt |
labhe vishveshasevAto gAmashvaM puruShAnaham || 5||
na matkuTumbarakShArthamAhUyAmi shriyaM budhAH |
vishveshvarArAdhanArthaM shriyaM devImupAhvaye || 6||
ApAtaramaNIyeyaM shrIrmadAndhakarI chalA |
asArasaMsR^itau kAshIM sA hi shrIramR^itA satAm || 7||
kAshI ga~NgAnnapUrNA cha vishveshAdyAshcha devatAH |
avantu bAlamaj~naM mAmushatIriva mAtaraH || 8||
sadaiva duHkhakAriNIM na saMsR^itiM hi kAmaye
     shivapriyAM sukhapradAM parAM purIM hi kAmaye |
svabhaktaduHkhahArakaM manorathaprapUrakaM
     shivaM sadA mudA bhaje maheraNAya chakShase || 9||
svasevakasutAdInAM pAlanaM kurvate nR^ipAH |
pAsyevAsmAMstu vishvesha gIrvANaH pAhi naH sutAn || 10||
niShevya kAshikAM purIM sadAshivaM prapUjya vai
     gurormukhAravindataH sadAdirUpamadvayam |
vichArya rUpamAtmano niShedhya nashvaraM jaDaM
     chidAtmanA tamobhidaM dhanena hanmi vR^ichChikam || 11||
he bhAgIrathi he kAshi he vishveshvara te sadA |
kalayAmi stavaM shreShThameSha rArantu te hR^idi || 12||
vishvanAtha sadA kAshyAM dehyasmabhyaM dhanaM param |
purA yuddheShu daityAnAM vidmahe tvAM dhana~njayam || 13||
avinAshi purA dattaM bhaktebhyo draviNaM tvayA |
kAshivishvesha ga~Nge tvAmatha te stumnamImahe || 14||
saMsAradAvavahnau mAM patitaM duHkhitaM tava |
vishvesha pAhi ga~NgAdyairAgatya vR^iShabhiH sutam || 15||
kAshIM prati vayaM yAma dayayA vishvanAtha te |
tatraiva vAsaM kuryAma vR^ikShe na vasatiM vayaH || 16||
he sarasvati he ga~Nge he kAlindi sadA vayam |
bhajAmAmR^itarUpaM taM yo vaH shivatamo rasaH || 17||
vishvanAthedameva tvAM yAchAma satataM vayam |
sthitvA kAshyAmadhvare tvAM haviShmanto jarAmahe || 18||
sarvAsu somasaMsthAsu kAshyAmindrasvarUpiNe |
he vishveshvara te nityaM somaM chodAmi pItaye || 19||
kAshyAM raudreShu chAnyeShu yajAma tvAM makheShu vai |
he vishveshvara devaistvaM rArandhi savaneShu naH || 20||
mAM mohAdyA durjanAshcha bAdhante niShprayojanam |
vishveshvara tato me tvAM varUtrIM dhiShaNAM vaha || 21||
rudrAkShabhasmadhArI tvAM kAshyAM staumIsha saMstavaiH |
tvatpAdAmbujabhR^i~NgaM mAM na stotAraM nidekaraH || 22||
vihAya cha~nchalaM vadhUsutAdikaM hi duHkhadaM
tvadIyakAmasaMyutA bhavema kAshikApurI |
svasevakArtinAshaka prakR^iShTasaMvidarpaka
bhavaiva deva santataM hyutatvabhasmayurvaso || 23||
vishvesha kAshyAM ga~NgAyAM snAtvA tvAM ramyavastubhiH |
pUjayAma vayaM bhaktyA kushikAso avasyavaH || 24||
vishvesha nityamasmabhyaM bhayamutpAdayanti ye |
teShAM vidhAyopamardaM tato no abhayaM kR^idhi || 25||
rAkShasAnAM svabhAvo.ayaM bAdhyA vishvesha jIvakAH |
bhaktAnukampayA shambho sarvaM rakSho nibarhaya || 26||
vishveshvara sadA bhItaH saMsArArNavAjjanAt |
mAM pAlaya sadeti tvAM puruhUtamupabruve || 27||
idaM vimR^ishya nashvaraM jaDaM sadaiva duHkhadaM
samarchituM shivaM gatAH parAM purIM yato dvijAH |
tato.abhigamya tAM purIM samarchya vastubhiH paraiH
shivaM svabhaktamuktidaM tamilyakhitva Imahe || 28||
kAshyAM vayaM sadaiva tvAM yajAma sakalairmakhaiH |
vishveshvara tvaM samastairdevairAsatsi barhiShi || 29||
yakSheshvareNa rakShitaM shreShThaM dhanamakheShu te |
dehi vyayAma sha~Nkara hyasmabhyamapratiShkR^itaH || 30||
matpUrvajA mahAshaivA bhasmarudrAkShadhAriNaH |
vishveshvara sureShu tvAmadvashamiva yemire || 31||
shambhorvidhAya ye.archanaM tiShThanti tatparA yadA |
tAn sha~Nkaro gire drutaM yUthena vR^iShNirejati || 32||
tvAM pUjayAmIsha suraM mAnasairdivyavastubhiH |
he vishveshvara devaistvaM soma rArandhi no hR^idi || 33||
prAdurbhavasi sadyastvaM klesho bhaktajane yadA |
tato.ahaM kleshavAn kurve sadyojAtAya vai namaH || 34||
vAmadeveti manU ramyatAM yasya sa~njagau |
IshastasmAtkriyate vamadevAya te namaH || 35||
dayAsindho dInabandho yo.astIsha varadaH karaH |
asmAkaM varadAnena sa yuktaste.astu dakShiNaH || 36||
duShTabhItasya me nityaM karaste.abhayadAyakaH |
maheshAbhayadAne syAduta savyaH shatakrato || 37||
maheshvarIyapadapadmasevakaH purandarAdipadaniHspR^ihaH sadA |
jano.asti yaH satatadurgataH prabho pR^iNakShi vasunA bhavIyasA || 38||
rakShaNAya nAsti me tvAM vinesha sAdhanam |
nishchayena he shiva tvAmavasyurAchake || 39||
rogaiduHkhairvairigaNaishcha yuktAstvaddAsatvAchCha~Nkara tatsahasva |
ramyaM stotraM roShakaraM vacho vA yatki~nchAhaM tvAyuridaM vadAmi || 40||
dhyAyAma vastu sha~NkaraM yAchAma dhAma sha~Nkaram |
kuryAma karma sha~NkaraM vochema shantamaM hR^ide || 41||
mAtA tAtaH svAdiShThaM cha pauShTikaM manvAte vAkyaM bAlasya kutsitam |
yadvattadvAkyaM me.astu shambhave svAdoH svAdIyo rudrAya bandhanam || 42||
shivaM sugandhisaMyutaM svabhaktapuShTivardhanam |
sudInabhaktapAlakaM triyambakaM yajAmahe || 43||
deva deva girijAvallabha tvaM pAhi pAhi shiva shambho mahesha |
yadvadAmi satataM stotravAkyaM tajjuShasva kR^idhi mA devavantam || 44||
tyaktvA sadA niShphalakAryabhAraM dhR^itvA sadA sha~NkaranAmasAram |
he jIva janmAntakanAshakAraM yakShyAmahe saumanasAya rudram || 45||
sthitvA kAshyAM nirmalaga~NgAtoye snAtvA sampUjya tridasheshvaraM vai |
tasya stotraM pApaharaistu deva bhadraM karNebhiH shR^iNuyAma devAH || 46||
vArANasyAM sha~NkaraM surADhyaM sapUjyeshaM vasubhiH sukAntaiH |
agre nR^ityantaH shivasya rUpaM bhadra pashyemAkShabhiryajatrAH || 47||
ichChAmastvAM pUjayituM vayaM vishvesha santatam |
prayachCha no dhanaM shreShThaM yashasaM vIravattamam || 48||
kAshyAmuShitvA ga~NgAyAM snAtvA sampUjya sha~Nkaram |
dhyAtvA tachcharaNau nityamalakShmIrnAshayAmyaham || 49||
asatpadaM svaharShadaM na chAnyaharShadAyakaM
sadA mudA prasUryathA shR^iNoti bhAShitaM shishoH |
shivApagAshivAbalAshivAlayAsamanvitastathA
shivesha naH surairgirAmupashrutiM chara || 50||
sagarasyAtmajA ga~Nge matAH santAritAstvayA |
agarasyAtmajA tasmAt kiM na tArayasi dhruvam || 51||
prAyiko.ayaM pravAdo.astu taranti tava sannidhau |
tArakaM nAma te ga~Nge sannidheH kiM prayojanam || 52||
mInairAyatalochane vasumukhIvAbjena romAvalIyukto
rAjavatIva padmamukulaiH shaivAlavallyA yutaiH |
udbhAsvajjaghanena vAlapulinairudyadbhujevormibhi\-
rgartenojjvalanAbhikeva vilasasyeShA paraM jAhnavI || 53||
shR^i~NgAritAM jalacharaiH shivasundarA~Nga\-
     sa~NgAM sadApahR^itavishvadhavAntara~NgAm |
bhR^i~NgAkulAmbujagalanmakarandatunda\-
     bhR^i~NgAvalIvilasitAM kalaye.atha ga~NgAm || 54||
vishvesho.asi dhanAdhipapriyasakhA kiM chAnnapUrNApati\-
rjAmAtA dharaNIbhR^ito nirupamAShTaishvaryayuktaH svayam |
chatvAryeva tathApi dAsyasi phalAnyAtmAshrayAnte chiraM
tebhyo.ato bata yujyate pashupate labdhAvatArastava || 55||
doShAkaraM vahasi mUrdhni kala~NkavantaM
     kaNThe dvijihvamativakragatiM sughoram |
pApItyayaM mayi kuto na kR^ipAM karoShi
     yuktaiva te viShamadR^iShTirato mahesha || 56||
asti trinetramuDurAjakalA mameti
     garvAyate hyatitarAM bata vishvanAtha |
tvadvAsino jananakAshishashA~NkachUDA\-
     bhAlekShaNAshcha na bhavanti janAH kiyantaH || 57||
kAmaM santyaja nashvare.atra viShaye vAmaM padaM mA visha
kShemaM chAtmana Achara tvamadayaM kAmaM smarasvAntakam |
bhImaM daNDadharasya yogihR^idayArAmaM shiraprollasatsomaM
bhAvaya vishvanAthamanishaM somaM sakhe mAnase || 58||
sampUjya tridashavaraM sadAshivaM yo vishveshastutilaharIM sadA paThedvai |
kailAse shivapadapa~NkajarAjahaMsa AkalpaM sa hi nivasechChivasvarUpaH || 59||
anena prIyatAM devo bhagavAn kAshikApatiH |
shrIvishvanAthaH pUrveShAmasmAkaM kuladaivatam || 60||
iyaM vishveshalaharI rachitA khaNDayajvanA |
vishveshatuShTidA nityaM vasatAM hR^idaye satAm || 61||
nAmnA guNaishchApi shivaiva mAtA tAtaH shivastryambakayajvanAmA |
mallAridevaH kuladaivataM me shrIkaushikasyAsti kule cha janma || 62||

iti shrIgaNeshadIkShitAtmajatryambakadIkShitatanUjakhaNDarAjadIkShitavirachitA
vishveshalaharI sampUrNA ||
##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}