% Text title : Vyaghralayesha Shatakam 06 33 % File name : vyAghrAlayeshashatakam.itx % Category : shiva, shataka % Location : doc\_shiva % Proofread by : Gopalakrishnan % Description/comments : From stotrArNavaH 06-33 % Latest update : September 10, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIvyAghrAlayeshashatakam ..}## \itxtitle{.. shrIvyAghrAlayeshashatakam ..}##\endtitles ## chitraM kAlasya shaktyA prashithilabhuvanaishcharyabhUmnA samindhe\- yatra trailokyanAthaH pathi pathikajanArAdhanArthaM kapAlI | putraH shrIShaNmukhashchottarabhuvi bhagavAn vAsudevashcha shaivaM satraM kiM varNyate tachchivashiva shivalokAyate vyagradeshaH || 1|| sa~Nkete yojanAbhistisR^ibhirabhimite sha~Nkarasya prasiddhe santyadyApi pratiShThAH shatamakhaharamaShTottaraM devatAnAm | sa~NkhyA nAsti dvijAnAM sadanamiha sahastrAdhikaM yatra sarve santuShyantyAshu taM drAgakhilabhayaharaM vyAghradeshaM prapadye || 2|| AstA~nchorArirAjagrahaparibhavabhIrantakasyApyasha~NakaM shAstA yatrAsti saMvatsarabhajanamR^ite maNDalenApi chitram | bhaktAnAM bhuktimuktI vitarati bhagavAnAshutoShyastametaM bhaktyA vaiyAghradeshaM vayamapi sharaNaM prApnumo vA~nChitAptyai || 3|| shiShTA yaM yAnti dishyaH digbhyaH svayamapi cha yato hanta dhAvanti diShTayA duShTAH sarve.api tasmAdabhayadamanishaM vyAghradeshaM sharaNyam | puShTaM samprApya shambhuM sharaNamupagato.asmIshvarasya prasAdAt kaShTe kAle.apyakasmAt kalayati karuNAM keShuchit kAmavairI || 4|| vande varNAnasheShAn paratarabhagavad grAmagAnAshramAn vA vandhAna bhaktAnabhaktAnajamR^igagajagopakShisarpAdijantUn | puNyAnapyagrahArAnakhilamaThagaNAnApaNAn vR^ikShapa~NktiM tR^iNyAM cha vyAghragehatrinayanakR^itasAnnidhyasa~NketarUDhAm || 5|| mA bhR^inme janmabhUmau mama yadi maraNAnantaraM vyAghradeshe shobhAtotatriloke bhavatu bhagavato dhAmni mAnuShyamAstAm | jIvo.ayaM ja~Ngamatve.apyanatiratiriha sthAvaratve.api jananmI devairapyarchyate tadvidurajaviduravyAsavAlmIkimukhyAH || 6|| paShyAmyantaH pavitraM paramapashupatisthAnamAnanda bhUmnA vishvaM vismR^itya lIye vimalataraparabrahmasAyujyasaukhye | nashyattrAye samAdhau nagavaratanayAvallabhe bhaktimaitrI\- vishvAsAn prArthaye prA~njalirahamanishaM vyAghragehesha Ishe || 7|| yatra trailokyanAthatrinayanabhagavannityasAnnidhyayogAt satraM sAndraM samastAssurasuramunayo mAnuShIbhUya yAtvA | dhanyaiH sarvairmanushyaiH sahacharabhajanaM kurvate sarvalokAH manye yAntIshvarasyodara iva satataM vyAghragehe cha chitram || 8|| brahmaNyAstikyasatyArjavavinayadayaudAryadAkShiNyabhAjAM sAmyonasthAnamAnasvajanadhanavatAM vyAghradeshadvijAnAm | yogo yogye.atra pAtre kalayatu karuNAmarthine nIvR^idanta\- rbhAge bhAgyaikalabhye dishatu cha sharaNaM nIlakaNThopakaNThe || 9|| yoge yaH sajjanAnAM trijagati mahatAM vyAghradeshadvijAnAM yoge yaH samyagindhe rajanikara iva vyomadeshadvijAnAm | bhAgenesho yadAtmA bhavati sa bhagavatkAryakartaihikAn me bhogAn puShNAtu shoNAchalanilayamahAdevadeshadvijanmA || 10|| bhasmavyAliptabhaktAvaliparikalitasnAnapAnAdipUte yasmin snAtA naraughA yamapuragamanaM yAtanAdyaM cha hitvA | sevante vyAghragehAdhipaparamashivaM prApya sArUpyavanto devante tatra nityaM bhavatu bhavataTAkottame majjanaM me || 11|| vishvavyAptaM virishchAdibhirapi vichitaM tattvamatyantashuddhaM shashvachChAntaM shashA~NkA~NkitamatidhavalaM dR^iShTavAnyasya mUle | vishvAmitraprabhAvaH shiva shiva bhagavAn vyAghrapAdaH sa bhAsvaH nashvattho.asmAkamaMho haratu hariharabrahmamukhyAmarAtmA || 12|| yachChAyA pAdabhAjAM harati bhavaparItApamadhvashramAntaM tuchCho vR^ikShastuShAro marudapi kurute yasya vediM pavitrAm | achChAmAruhya lokastyajati paramadhaHpAtasha~NkAM sa muktyA\- michChAmIshasya shAkhI dishatu mama mahAn vyAghragehAntagAhI || 13|| mUlaM pAtAlaloke munibhirapi nutaM satyaloke kilAgraM bhUloke madhyamAtraM maNikaTakadR^iDhaM dR^ishyate yasya pInam | sevArohAvarohAnasurasurajanA yena tanvanti manye devasya vyAghragehe bahirUpanihitaM chintayantaM dhvajendram || 14|| sthUlaM tu~Nga gabhIraM parikalitamahAvedimUlaM patAkA\- mAlAbhiH ki~NkiNIbhirmaNimayakaTakaiH ka~NkaNaishchollasantam | tAlAkAraM kaThoraM vR^iShabhaparivR^iDhenA~NkitaM kA~NkaTIkaM vyAlokyaM vyAghragehe bahirupanihitaM bhAvaye ketudaNDam || 15|| shiShTAniShTAtiduShTAsurarudhirajharI tundilA tu~NgadaMShTrA tuShTA ruShTATTahAsatruTitavidhikaTAhodarodAravIryA | tiShThantI tindukAdhobhuvi bhujadhR^itanAnAyudhA bhadrakAlI (tindukaH kashchit vR^ikShavisheShaH) kaShTaM tIvraM kaliM naH shamayatu vishadaM vyAghradesheshakanyA || 16|| bhadrAn bhargasya bhaktAna bhasitasitajaTAbhasmarudrAkShamAlA jAlAla~NkArakAntAnabhinavaparidhAnottarIyAbhirAmAn | dantashrIbhirdigantAnapi dhavalayataH santataM vyAghrapuryA\- mantarbhUtAnanantAnahamanukalaye pAvanAn pApashAntyai || 17|| prAdakShiNyAnishAmreDibhiratinibiDarja~NgamAnekapa~Nkti prAkArabhrAntirIshA~NgaNabhuvi miShatAM tanyate yairjanAnAm | prAtaH prArabhya shashvatpraguNitabhagavannAmasa~NkIrtanAdyAn prAj~nAn vyAghrAlayAdhIshvarabhajanajanAn prA~njalIn bhAvaye tAn || 18|| divyA dIpA yadIyA divi bhuvi bhuvane bhoginAM chAndhakAraM pravyAptaM drAvayanti prabalatamamalaM bAhyamAbhyantaraM cha | navyA nAnAshmaklR^iptA nayanapathanabhonAkalokAtigA sA bhavyAya vyAghragehAmbaravarasahajA vedikA no.astu nityam || 19|| kAlAreH kAryakArAH shiva shiva karadA vAvanIndrAshcha kAle kAle nityAnnadAnotsavaniyamavidheH sarvasambhArajAtam | bhUlokAt kR^itsnato.asmAdanavadhimanujairAharantIha yasyAM sthUlAkArAtulA sA lasatu mama hR^idi vyAghragehApagrashAlA || 20|| rAj~nAM kai~NkaryamAstAmamaraparivR^iDhA sha~NkarAj~nAkaratvAt prApya prAyo yatante yajanasadanatashchAtipUte yadante | shakraH sarva~NkaSho.agniH pachati paTutaraM vAti vAyuryatheShTaM pAthaH sUte.ambupAlo lasatu mana hR^idi vyAghragehAyashAlA || 21|| anyeShAM saktirAstAmatirajatagirInannashailAnasa~NkhathA nahnAyaivopadaMshAnapi virachayato yastha vahnayAdyapekShA | manye martyatvasiddhathai bhavatu bhagavato vyAghragehAgrashAlA dhanyA yatpAdadhUlyA dharaNirapi namo bhUmidevAya tasmai || 22|| yAtAyAtatrilokIjanajanitajagatkuDyakuTTAkaghuShTayA prAtaH sAyaM sadApi prabalabahulakolAhalairyatra nityam | madhyAhNe mAnyavarNArNavamaNimakuTAnyanyavarNArNavebhyo vardhante vyAghragehAmbaravaramanishaM nastadantaH samindhAm || 23|| viprAH katyastasa~NkhyA api bhuvi vibudhAshchAvatIrya dvijatvaM bibhrANA yatra sha~Nke saha sakalamahIdevasa~Nghena bhuktvA | bhuktIchChAbhUmanityakShatanijayajanAMshAmR^itechChA bhavanti\- vyaktaM vaiyAghragehAmbaravaramanishaM nastadantaH samindhAm || 24|| bhaktaH shrIbilvamA~Ngalyaka yaiti bhagavAn bhaktisAkShAtkR^itashrI\- kR^iShNaH kR^itsnaH pradeshaM shivashivajaTilaM vIkShya dehena geham | gatvA gaurIshamashnu dvijajanavanagaM yatra dR^iShTavA sajagdhiM chakre vaiyAghragehAmbaravaramanishaM nastadantaH samindhAm || 25|| brahmakShatrAryashUdrAdyanavadhijanatAbhuktabhUyiShThabhissA shiShTochChiShTAnnasambhAvitasakalacharasthAvarAtmaprapa~ncham | brahmajyotiHsvarUpaM yadakhilamanaghaM shuddhayashuddhI na yasminn samyagvaiyAghragehAmbaravaramanishaM nastadantaH samindhAm || 26|| indrAdyA lokapAlA pratidishamadhikArAspadabhraMshabhItyA tandrAM tyaktvA tapasyAM vidadhati himavAtAtapAsArasAhAH | chandrApIDasya viShvagbahulabalishilAtmanA yatra nityaM rUpatAM prApya yatra sandraShTavyaM tadAbhyantaramajiramaved vyAghrageheshiturmAm || 27|| stambhaugaiH shAtakaumbhaiH shamanajidabhiShekAmbukumbhairasa~NkhyaiH shumbhantaM shambhubhaktairvigatabhavabhayairvItaDambhairvibhAntam | phumbhinyAdhAramambhodharasaraNirudhaM sambhR^itAbhogayogaM gambhIraM vyAghragehAtripuraharamahAmaNDapaM gantumIhe || 28|| shrImadrAmAyaNa bhAgavatamapi mahAbhArataM setihAsaM dhImatsa~NghaiH purANaM sakalamapi sadA paThyate yatra nityam | sAmAdyAmnAyamantravrajajapabhagavannAmagAnAdimantaM sAmodaM vyAghragehatripuraharamahAmaNDapaM chintaye tam || 29|| bhATTaprAbhAkaravyAkaraNavidhibhirvedavedAntachintA bhAmbhirbhaTTArakaughairamitamakhishataiH shAstribhaTTaishcha bhAntam | preShTuM ShTaM sAShTA~NgayogAbhyasanakR^itadhiyAM prauDhayogIshvarANAM premNA vaiyAghragehatripuraharamahAmaNDapaM bhAvaye.aham || 30|| kailAsaM kAshikA dustyajamasurapatergopuraM bhUyasA kiM lokyAntargatAnyasthalakulamakhilaM projya ~njhapa sarvAtmanAyam | shailApatyasya bhartA bhajati savirago brahmaghoSheNa manye shaivo.ahaM vyAghragehatripuraharamahAmaNDapaM bhAvaye tam || 31|| vinyastAshvatthadIpadvitayavilasitaM vItamAyAvirodhaM\- sa.nnyAsistomasAndraM sanakamukhamunivrAtasa~nchintyamAnam | manye vaiyAghragehatripurahamahAmaNDapaM maNDapAnAM dhanyaM dharmArthakAmAdyaviralapuruShArthapradaM pUjaye.aham || 32|| dhAmno dhAvalyavR^iddhayA dhavalitabhuvanaM sthUlatAtu~NgatAbhyAM sthemnA chANUkR^itAdrIshvaramatulakakutpuchChashaR^i~NgAsyanAsam | bhUmnA daiyAghragehatripuraharamahAmaNDape bhAsamAnaM nAmnA nandIti gItaM nayanasukhakaraM vR^iddhamIDe vR^iShendram || 33|| rudraM yadrUpadhArI vahati harirasheShANDamANDaikadhuryaM kShudrairanyairadhAryaM haramupari kathaM kuryurairAvatAdyAH | shaktaH siMho.api gaurIM sharaNamupayayAveva kiM bhUyasA taM vyaktaM vyAghrAlayAdhIshvaravR^iShavapuShaM bhAvaye vAsudevam || 34|| yAsyaikasyaiva hIha trijagati sumahatyagrapUjA tadAstA\- masminvaiyAghragehe nikhilajanamahAtR^iptikR^ityannavR^iShTyAm | dasyuShvapyatra bhAvAdanudinamadhikaM shiShyayattadannam | yasindhuM yAti manye satatamapi namo vighnarAjAya tasmai || 35|| manthAgraM dadhyamatrAdiva kanakamayaM yasya rUpI varAgraM hanta brahmANDabhANDAt bahirupari mudA dR^ishyate muktabhaktaiH | mantavyo madhyabhAgaH suranarasukhado mR^iladesho.asuraughaM hanti shrIvyAghragehodaragR^ihamanishaM nastadantaH samindhAm || 36|| niShThApAtyujjvalAShTApadamayamakhilaM bhAti yadyasya divyo diShTayAsyAM viShTapANDodarabhuvi ghaTadIpAyate dIptibhUmA | mR^iShTAnAM yanmaShInAM dyutitatibhirino yAti khadyotabhAvaM draShTavyaM vyAghragehodaragR^ihamanishaM nastadantaH samindhAm || 37|| shraddhAlUnAM nR^iNAM yachChravaNamananasandarshanAdyairaghaughaM dagdhvAshUtpAdya bhaktiM bhavamapi hR^idaye bhAvayitvAtmasAmyam | datte devAlayoghairavanitalagatairarchanIyaM janAnAM smartavyaM vyAghragehodaragR^ihamanishaM nastadantaH samindhAm || 38|| dvIpatvaM divyasevAravaratabhagavadbhaktapAthodhimadhye dIpatvaM bhaktibhAjAM manasi cha bhajate bhAvanIyaM yadaisham | gopAnasyAtiguptaM guruguNasujanaM krAntasopAnamantaM tApAnAM vyAghragehodaragR^ihamanishaM nastadantaH samindhAm || 39|| pAraM pashyAmi nAhaM paramashivApadAbhyantarAgAraratna dvAre sopAnapArshvadvitayamitavatAM bhaktapArAvarANAm | dArUrmyAdhmAtaghaNTAghaNaghaNaraNitAghoShapuShyeShu teShAM pUre vaiyAghragehAdhipapurukR^ipayA vindubhAvaM vaheyam || 40|| pInAvichChinnaghaNTAghaNaraNitAmreDanAjelyabhikhyA gAnAnando da yAbhyuchcharitajayanamonAdavAnAnyaghauShaiH | nAnAbhaTTAdibhaktairaviratanibiDaM nIlakaNThAlayAgra\- sthAnaM vaiyAghragehodaragatamanishaM mAnase naH samindhAm || 41|| nR^ittairgI taishcha vAdyadhvanibhirapi jaganmohanairdehino ye nityaM vyAghrAlayeshaM shamanaripumahorAtramArAdhayante | teShAM tauryatrikaM naH shamayatu shamalaM shashvadantarmahAntaM toShaM puShNAtu choparyupari puruparabrahmasammodakalpam || 42|| samyagvaiyAghragehAdhipapadamakhilaM shodhayantIha bhaktyA sammArjanyambugoviTprabhR^itibhirapi ye karma yeShAmakAmam | sanmAnuShyaikasAdhyaM munibhirapi muhuH shlAdhyate muktimUlaM sanmArgasthAnahantAnadhashatashamanAyAnahantAnupAsye || 43|| nirmAyaM vyAghragehodaragatabhagavadgarbhagehaM gabhIraM brahmAdyairapyagamyaM bahumatamiha ye sampravishyAnuvelam | nirmAlyaughaM nirasya svayamamalajalaiH shodhayante vayaM tAn | brahmaprAyAn prayAmaH sharaNamasharaNAshchandrachUDadvijendrAn || 44|| mAlyaM puShpaM cha pUtaM purupuraripave dIyate yairamUlyaM kAlyAdiShvatra kAleShvanudinamatulaM yeShu daivAnukUlyam | pAlyA vaiyAghragehAdhipaparamashivodayAnavATIha yaistAn bAlyAdArabhya bhaktyA kR^itabahusukR^itAn mAlikAn mAnaye tAn || 45|| bhaktyA bhargAdavAptaM shabalatulasikAsha~Nkhaga~NgApagAmbho bhasmAdivyAjabhAjaM bhavabhayabhiduraM bhAsuraM bhUsurA ye | bhaktaughebhyaH prasAdaM dadati bhagavato vyAghramehasthagaurI\- bharturgarbhAlayasthAn bhavahR^idayavido devalAn bhAvaye tAn || 46|| santvanye devalA ye bhuvi bhuvanabharAH kevalaM svArthatantraiH kiM taiH kAryaM janAnAM jagadupakR^itaye yatsvarUpeNa diShTayA | hanta shrIsha~Nkaro.avAtaradiha kR^ipayA sha~NkarAkhyo.anukampA\- sindhuH sa vyAghragehAdhipa iva dayate devalAdyo.atithInAm || 47|| sthUlaM vaiyAghragedyutitatitataye nAlametattrilokaM bhUloke tachcha divyAmbaravaramanalaM garbhagehAMshubhUmne | garbhAgAraM tadantargatamaNimahasAM garvitAnAM prakAshaM garbhe dhatte katha~nchit shiva shiva bhagavatprAbhavaprauDhibhUmA || 48|| sandhyA rAtriH prabhAtaM dinamapi sakalaM yatra sAmyaM bhajante vandhyAH kAlasya bhedAvaramaNimayatA va~nchitoda~nchitAbhAH | sandhyAdAnena dIpA vidadhati vividhA yatra ratnAtapauShNyaM taM dhyeyaM vyAghrageheshituranukalaye garbhagehasya garbham || 49|| kiM dIpaiH kiM maNIndraiH kiraNibhiriha kiM ki~NkarIbhUtavadbhiH kiM dA glA nairindusUryAdibhirapi suShamAkandalIsundarA~Ngam | sandIptaM tulyakAloditatuhinakararAdityakoTiprakAshaM mandIkuryAnmaho.asmanmatitimirabharaM vyAghragehasthamaisham || 50|| kiM bhUmnA bhAratInAM bhavatu bhagavato vyAghrageheshituH shrI\- shambhoH pAdAravindadvitayatalayuge bhaktirasmAkamagrayA | sambhAvyaM bhAvyate.ambhoruhanayanamukhairIshvarairantara~Nge gambhIre yadgabhastipratihatagaruDabhrAtR^ikoTiprakAsham || 51|| lIyante yatra muktA muhurahaha mudA yatra lInA na bhUyo jAyante yatsitAnapyaruNayati nakhAnAtmarAmAbhivR^iddhayA | vyaktaiH shrIsha~NkhachakrA~NkushakalashasarojAdirekhAsahasrai ryuktaM tadvyAghragehAdhipapadatalayoryugmamavyAt sadAsmAn || 52|| indropendrAdivR^indArakanikarakirITAgraratnAruNAnA\- minduprAyatvadA ye natiShu suShamayA sundarAste mamAndhyam | sandrAvya vyAghrageheshvaracharaNanakhAH santataM bhAntu bhAsAM sandohena pradIpA iva hR^idi mahitasnehayogena hR^idye || 53|| dhanyairdhAyaM dhiyaikaM prapadamahivarAdhArabhUtAdikUrmaM manye pAdAgramanyanmahadatisubhagaM mandaroddhArakUrmam | hanyete yanna muktiH kathamupari na chettad dvayI jahnubhUbhUt\- kanyADhyaM vishvabhArairadhitamiha bibhR^iyAvdyAghrageheshadeham || 54|| sha~Nke vaiyAghragehaprabhavituratule sha~NkarasyAbhijAte\- ja~Nghepa~NkeruheShoriShudhiyugakR^itau mAtR^ike prAgabhUtAm | nyA~NkAdahnAya bhasmIkR^itavati bhagavatya~NgajaM bhagnavA~nChA\- | sa~NghAya~NkAdhirUDhA bhajati bhavamumA yadvayAptasmarArtyA || 55|| jAne.ahaM vyAghra~Ngeheshituralamatule jAnunI jahnukanyA jAnerAnandamUrterakhilamunimanomauktikAnAM samudgau | pInAva~Nkau cha chInAMshukaparipihitau naumi tatrApi mAnya\- sthAnaM vande bhavAnyAH paramamanupamaM vAmama~Nka visheShAt || 56|| nagnaM kechitkilAhuH kanakavasaninaM kechanAnye.adrikanyA\- magnaM shArdUlacharmAmbaramapare danticharmAntarIyam | bhagnAriM vyAghrageheshvaramabhidadhate bhAShaNaM bhaktibhAjA magnIndvAdityanetro vitathamapi vibhurbhUShaNaM vetti manye || 57|| kAruNyAbhIShTapaTTAmbaraparikalitasvarNakA~nchya~nchitaM vA kAruNyopAttakAkarkoTakakalitakaritvagvarAla~NkR^itaM vA | sArodArorusarpAntaradR^iDhaghaTitavyAghracharmAmbaraM vA sArogyaM vyAghragehAdhipatikaTitaTaM chintaye chittashuddhayai || 58|| antaHsthAnantakoTitribhuvanakR^itayA kArshyavishleShabhItyA sandhyarthaM dhAryate yaH sadudaranahanavyAjabhAjA hi bhartrA | hanta shrInAbhiromAvalivalivilasan vishvavohA DhA pi yo vA vandhyAputrAyate taM smaratu mama matirvyAghrageheshamadhyam || 59|| hAraM hArAhimAlAparivR^itavanamAlAsthimAlAdimAlA\- dhAraM dhArAdhikAktaM vilasitabhasitoddhUlitaM dhUsarAbham | vAraM vAraM varoraHsthalamakhilamahApApapAthodhipotaM smAraM smAraM smarAriM bhajatu mama matirvyAghrageheshitAram || 60|| gauryA gADhA~NkapAlIpishunamatishubhaM bhasma yasmAdavAptaM gaurAbhaM ku~NkumA~Nke kaThinakuchataTe tArahArAdiramye | divyebhyo bhUShaNebhyo.apyatishayasubhagaM bhAvyate mAM punItA\- mavyAjaM vyAghragehatripuraharamahoraHsthalaM tadvishAlam || 61|| sthUlasthUNarddhikUla~NkaShaghanasuShamAnAyatAnAttashumbha\- chChUlashreShThAsiTa~NkAbhayavaramR^igarudrAkShabhikShAkapAlAn | lolA.NllokaikapAlAnahikaTakadharAnAkR^itAsthya~NgulIyAn vyAloke.antarbaliShThAn vyayajitabahudAn vyAghrageheshabAhUn || 62|| kShIrAbdheH sarvadevAsuravaramathitAdutthitAnyadbhutAni strIratnAdIni taistairahamahamikayA svIkR^itAni trilokIm | bhasmIkartuM samarthaM sarabhasamuditaM kShvelamadyApi devo yasmin dhR^itvAvatIdaM jagadavatu sa mAM vyAghrageheshakaNThaH || 63|| hanta shrIkaNThakArShNyodayamadhikamadhaHkR^itya dhAvalyamagrayaM dantashrIsantatInAM tirayati nitarAM yo.aruNimnAM mahimnA | gandharvArchyAmbikA yadgatamamR^itarasaM samyagApIya ga~NgA\- gandhAyApyabhyasUyatyalamavatu sa mAM vyAghrageheshvaroShThaH || 64|| karNau satkuNDalibhyAM virachitavilasatkuNDalau kAntidAnaiH\- karNau kAnInato.anyau kapilasitakapolasthalAdarshabimbe | bibvokaM binbitatvAt kamapi vidadhatau kamrabimbAdharashrI\- sambandhAvyAghrageheshituratisubhagau santataM chintaye.aham || 65|| vyAsAdyaiH kAlidAsAdibhirapi kavibhirvarNitA karNapUra\- vyAsaktyAsannabhAsvatphaNiphaNamaNibhAmaNDalImaNDyamAnA | nAsArAyA yamArerapi sarati yayA prANavAyuH sadA sA nAsAsmAn vyAghrageheshituravatu chiraM chinmayasyAtichitrA || 66|| AdityAkAramAdyaM janayati divasaM chandrarUpaM dvitIyaM medinyAmatra rAtriM rachayati muhurapyagnirUpaM tR^itIyam | kAlaM sandhyAbhidhAnaM kalayati jagatAM bhUtaye yeShu tebhyaH kAlAre vyAghragehatripuravijayino vIkShaNebhyo namo.astu || 67|| brahmaNyaM bandhahInaM druhiNahariharAtItamAdyantashUnyaM brahma vyAghrAlayasthaM prakaTayati yayA svIyamaishvaryamasyai | dR^iShTitrayyai namo.astu tripuravijayinastrIkShaNasya trilokI sR^iShTisthityantakR^ittrIshvaraviShayajuShe vishvabhUtipradAtryai || 68|| chillIlIlAlavotthApitavilasadasatprAyamAyAprapa~nchaM mallIbANAdibhasmIkaraNachaNatR^itIyekShaNodbhAsamAnam | chillInasyAShTamUrteravatu chiramaraM vyAghrageheshituH shrI\- mallArIDyasya shambhoralikatalamalIkAkulaM mAmajasram || 69|| bhrUvallIlAsyara~NgaM bhuvanajanamanaH kShobhadaM bhUtidigdhaM dhAvalyAvalyagAraM tilakamiva talenAgninetraM dadhAnam | sAvarNyAtItavarNojjvalasajalajaTAjUTasa~njAtanAnA\- lAvaNyaikAlavAlaM smaratu mama matirvyAghrageheshaphAlam || 70|| prAgadbhirvishvamambhomayamidamakhilaM kartukAmeva vega\- prAgalbhyachyAvitochchAvachamakaramahAmatsyanakroragAbhrAt | bhAgIrathyAttapAtA mahitalamagatA mArgamadhye yadanta\- rbhAgagrastA jaTATavyavatu bhagavato vyAghageheshiturmAm || 71|| sArA sA divyasindhuryadudarasarasIbhAvamAptApi bhImAn\- sArAsAn sarvasindhuprachuritasalilAn saptasindhUnapImAn | sAra~NgAdyugrayAdomukharitajalabhUmnAtyadhaHkurvatIndhe | sAraM gurvI jaTATavyavatu bhagavato vyAgrageheshiturmAm || 72|| darpAndhAbandhasarpapravaranikarashUtkAravAtaughaghUrNa\- tkalpAntAmbhodhikalpadyusaridudakasa~NghoShasampUrNagarbham | koTishliShTAntarikShaM vividhavidhishiromuNDakoTIkuTIraM koTIraM vyAghrageheshituratiruchiraM chintayAmInduchihnam || 73|| garbhe gA~NgaM pragalbhaM pralayajalanidhiprAyamambhaH sashabdaM bibhrannIshechChayoparyaparipiTharavadbrahmamuNDAMshcha pInAn | baddhatvAt sarpasa~NghAn bahirapi mukuTe mugdhaminduM kapardo buddhivyAmohakArI bhavati shivashiva vyAghrageheshabhUmA (bhUmnA) || 74|| pre~NkhatprAchInamuNDaprakarasahacharAsa~Nkhyaga~NgAtara~Nga pre~NkhAkhelatkirITAmR^itakiraNamahomohiyAdaHkadambam | dR^iptairdavIrkarendrairdR^iDhaparikalitaM taptatAmrAbhamAbhA liptAshaM vyAghragehatripuraharasaTAbandhamantaH samIkShe || 75|| shrImanmugdhenduchUDaM jalamukharajaTAjUTajuShTaM trinetraM nAsAlakShmIvilAsojjvalamukhakamalashrIlasannIlakaNTham | bhUyo bhUyo bhuja~NgA~NgadabhujagamR^igAdya~nchitaM chintaye.ahaM hArIbhUtoragoraH sthalamudarakR^ishaM vyAghrageheshadeham || 76|| kR^ittArtiM kR^ittichelAkalitakaTitaTaM sarpakA~nchIkalApaM chArUrUraM sujAnuM sujanajananabhitsundarAkAraja~Ngham | pAdAgrIdanabha~NgayashchitamamalanakhaM rAgaranyodarA~NghriM vande.ahaM dehamaishaM muhuratisubhagaM vyAghragehasthamAdyam || 77|| bhAsvadbhasmA~NgarAgAdhikadhavalitasarvA~Ngamaya~NghrimUle dossImasvoShThabimbe.apyaruNimakalitaM kaNThanAle.atikAlam | bhAsvatsomAgninetropari shirasi jaTAjUdalakShmyA lasantyA lAsyenAnandadaM me hR^idi muhurudiyAvdyAghrageheshagAtram || 78|| pAtAlA~NghriM varovIrvalayakaTitaTaM satyalokottamA~NgaM pAtAraM viShTapAnAM parikalitavirADAtmanA chAnuvelam | pAtivratyena chintA bhajatu mama mahApApApAkopajAtAt pAtityAttUrNasuttArayatu cha kR^ipayA vyAghrageheshvaro mAm || 79|| shaivaM pAdAdi keshAvadhi vapuratha keshAdipAdAvasAnaM chaivaM saMstUya bhUyo hR^idayabhuvi samAdhAya sa~nchintya bhaktyA | kaivalyaM prArthayAmo muhuramitadayaM vyAghragehasthamAdyaM daivaM drAk no.akUlaM bhavatu bhavabhayApAyadAnandarUpam || 80|| satsa~NkrAntyutsavAShTamyabhinavashivarAtrayAdikAleShu manye yatsAyujyaM prayAtAstribhuvanajanatAH samyagambhojajanmA | vatsasteyena kR^iShNAt punaradhigatayA puShTayA sR^iShTishaktyA chitsvachChAtmA charIkartyavatu sa bhagavAn vyAghrageheshvaro mAm || 81|| dharmArtho kAmamokShAvapi bhuvi puruShArthA hi teShvarthakAmau janmopekShyApi gR^ihNantyalamakhilajanA jIvitAdapyabhIShTau | dharmoM mokShashcha shva dhAtrayAmadhikamasharaNau NAH taddvayArthaM yatante samyagvyAghrAlayAdhIshvarakR^itakR^ipayA yatra tebhyo namo.astu || 82|| nityanyAyArjitA yairadhikatamamanaHshuddhipUrvaM vidheyo matyairdharmastadarthaM vidadhati vividhAdharmavR^indaM vR^ithAndhAH | pR^ithvayAM vyAghrAlayAdhIshvarapuraharamuddishya yairdishyate.annaM pathyaM bhaktyA yathAshaktyatithiShu hR^idi tAn kurmahe dharmashIlAn || 83|| mokShopAyeShu mukhyaM trayamiha bhagavatprApakaM prAkR^itAnAM sAkShAjj~nAnaM cha satkarma cha madanaripau puMsi bhaktishcha bhadrA | rAkShasyA shikShayA syAdanavadhijanibhirj~nAnamarthAdyashuddhayA rUkShaM karmApi bhAktirbhavatu mama bhR^ishaM vyAghragehAdhinAthe || 84|| tarkagranthAntarANAmatikaThinatayA durgamo j~nAnayogo niShkAmaH karmayogo bhagavati nihito duShkaraH ki~ncha tAbhyAm | bhUyAnnAnAbhavAnte trayasulabhatame bhaktiyoge.adhikAro bhUyAn sa vyAghragehatrinayanakaruNApA~NgapAtena me syAt || 85|| gItAdInAmagAdhAdatishayavishadaM yasya nArAyaNIye gItaM j~nAnAdiyogatrayaguNagaNane sAmyabhAjo.apyasAmyam | bhItAnAM mAdR^ishAnAM gatiriha yamR^ite nAsti taM bhaktiyogaM bhUtAnAmekabandhurvitaratu bhagavAna vyAghrageheshvaro me || 86|| bAhushrutyaM tapashcha vratakulamakhilaM brahmacharya cha vAchAM yAhulyenAlamaindraM sadanamapi viphalaM yAM vinA yAM prasiddhAm | (bAhulye) prAhuH premasvarUpAM trijagati munayo muktimAptAH purA yA\- mU hustAM bhaktimAshu pradishatu bhagavAn vyAghrageheshvaro me || 87|| jAyAdAyAdavittAdiShu vigatadayeShvatyadhaHpAtapAsha\- prAyA mAyAmayeShu svayamadayati yA saiva deve dayAbdhau | jAyeta vyAghrapuyAM vasativiShayabhedodbhavadbhaktisa.nj~nA sAyujyasyApi dogdhrI sapadi mama ratiH kApi sarvArthasiddhayai || 88|| bhaktiH premaiva hi prema cha subhagajaneShUchitaM durbhagastrI\- saktAstatsaubhagAbdhau bhagavati sukaraM strIShu kR^ichChreNa kR^itvA | bhukteshchAdhaHpatantIshvaravimukhatayA tAdR^isho mA sma bhUvaM bhaktAnAM sa~Ngamo me bhavatu cha satataM vyAghrageheshabhAjAm || 89|| satsa~NgAvAptabhaktirbha ga vati hR^idayaM nyasya hR^idyaShTamUrte\- rutsa~NgArUDhagaurIkarakalitapariShva~Ngama~NgaM saga~Ngam | chitsvachChaM vyAghragehasthitamatimahitaM chintayan bhasmadhUlI\- bhR^itsvachChandaM chareyaM chiramiha shivarAmAdinAmAni gAyan || 90|| nAmnAM nAnAkathAnAmapi nishamanayA yoditAbhAgyabhAjA mAmnAyAchAryabodhAdapi paramatamantatvasUkShmaM prasUte | dhAmnA saMsAratApastrijagati paramAnandatAmeti yasyA bhUmnA kiM vyAghragehAdhipamupari tato bhaktito.anyaM na yAche || 91|| karmaj~nAnAdikakShyA duradhigamatamaM sammataM sAmyahInaM brahmaj~nAnaM prasUte bata bhuvi badhirasyApi yA pAtamAtre | dharmaj~nAnAM janAnAM janimR^itihanane jAgratIstA vR^iNe.ahaM brahmaghnAmapyaghaghnIM vyasananirasanIM vyAghrageheshabhaktim || 92|| yallAbhe bhAgyamAjAmahijagadavanIchakramekAtapatraM svalokashcha svayaM drAgahamahamikayA pAhi pAhItyabhIkShNam | saMllApaiH pAdamUle patati hi tarasA pArameShThyena sAkaM durlabhyAshaiva tasyai satatamapi namo vyAghrageheshabhaktyai || 93|| niHsvaH pApo.api nechChAmyahamavanimimAM nApi vasvaukasArAH na svarga nApavargaM na narakaharaNaM chArthaye chArthamekam | sasvAtatrnyo bhaveyaM pratibhavamitayA vyAghrageheshabhaktyA duHsvapnaprAyama~NgaM jagadapi sakalaM vismaranAsa~nchareyam || 94|| so.ahaM dehAtmabuddhidraDhimadamadanendhAnamAhAtmyamAyA\- mohAndho gehagehAdhikagahanatayA sAhasenAbhibhUye | drohavyUhAvagADhavyasanamakalayan vyAghrageheshabhaktyA so mo hApohaM susUkShmaM manasi bhagavatastattvamudbhAvayeyam || 95|| dAridraiyavaryAdhibhishchAdhibhirapi vividhaiH shatrabhishvAbhibhUye dAradravyAdhichauryechChabhiratipishunairdAmbhikaiH kAlashaktyA | kAruNyArdraiH suhR^idbhirgurubhirapi durAtmeti dUrIkriye.asyAM kArayAM vyAghragehatrinayanakaruNApAtakAlaM pratIkShe || 96|| bhAve bhAve bhavAnIpatibhajanamahAvAsanA me.astu mAtA devastAto gurushchAstviha mama suhR^idaH santu bhaktAH sahasram | bhaktirbhAryAstu putro bhavatu bhagavatastattvabodho bughaishcha tyakto mA bhUvamevaM vyasaninamavatAvdyAghrageheshvaro mAm || 97|| vyaktaM vyAmohadaM cha vyasanamitamidaM sAmprataM me chirAya tyaktaM yeneshvarArAdhanamatikaThinAnIshvarArAdhanArtham | dhik taM mAM straiNamandhaM mukharayati mudA yaH svabhaktyarthamitthaM bhaktaH syAM vyAghragehatripuravijayinastasya sarvAtmanAham || 98|| kalpAdyutpannametatribhuvanamakhilaM yaspadAmbhojadhUlI\- kalpaM manye mahattvaM madhuripurapi no veda sAkShAdhatI dI yam | svaHpAtAjo hariryaH svayamapi bhagavAn yatkalA yasya bhUmnaH svalpA devAshcha bhaktyA satatamapi bhaje vyAghrageheshvaraM tam || 99|| vede shAstre purANAdiShu cha bahuvidhaM varNyate vastu nAmnAM bhedenAbhinnamekaM yadiha hariharabrahmashakrAdayo.amI | ye devAste tadaMshAH kimu punarapare kR^iShNarAmArjunAdyA modAyodetu tattvaM manasi tadanishaM vyAghragehasthitaM me || 100|| gAtraM kailAsagotraprabhavamapi hR^itaM yasya shAstreNa netraM shrotraM vedena lUnaM rasanamapi purANena nUnaM ka so.aham | stotraM kvAho pavitraM paratarabhagavadbhaktimAhAtmyapAlI\- pAtraM vyAghrAlayAdhIshvarashatakamidaM kasya kAvyaM na jAne || 101|| || iti shrIvyAghrAlayeshashatakaM sampUrNam || ## Proofread by Gopalakrisnan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}