% Text title            : Vyasadiproktam Shivarahasyamahetihasamahimavarnanam
% File name             : vyAsAdiproktaMshivarahasyamahetihAsamahimavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 50 | vAvRittashlokAH ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vyasadiproktam Shivarahasyamahetihasamahimavarnanam ..}##
\itxtitle{.. vyAsAdiproktaM shivarahasyamahetihAsamahimavarNanam ..}##\endtitles ##
vyAsaH \-
iyaM shivakathAsudhAmuhurumAmanohAriNI
shivena kathitA purA tripuravairiNA sAdaram |
apArasukR^itArNavaiH paramavApa bhUmaNDalaM
mahAghalayakAraNaM karaNamAshu mukteH param || 151||
rahasyametadrahasi shrutaM purA purArivaktrAmburuheNa gauryA |
anekakalpAvadhisAvadhAnamAtreDitaM sAdhu sudhArasena || 152||
tataH kadAchidgaNanAyakena shrutaM shivAvaktrasaroruheNa |
skandena tasmAt shrutamAdareNa shrInandikeshena tataH shrutaM cha || 153||
tataH surairetadatiprayatnaiH prAptaM rahasyaM munayo mayedam |
nArAyaNenoktamatiprayatnAt ArAdhitenaiva muhurmayApi || 154||
idaM rahasyaM khalu gopanIyaM ratnasvarUpaM khalu ratnaratnam |
bhaktAya deyaM khalu shAmbhavAya j~nAtvA svarUpaM punarAdareNa || 155||
etadyathA karNapathaM prayAti shaivaM rahasyaM paramaM pavitram |
karoti tAvat sakalAghanAshaM saMsAraghorAdbhutarAshinAsham || 156||
pishAchAH \-
etatpustakamAdareNa likhitaM yaH pUjayet santataM
tatsantAnasamR^iddhirakShayasukhAvAptirmahAghakShayaH |
syAdeveti shivaprasAdadamidaM shaivaM rahasyaM paraM
shrotavyaM shivapUjanAdararasairmAheshvarairanvaham || 185||
dhanyaM bhAlatalaM vibhUtilalitaM rudrAkShamAlA~NkitaM
dhanyaM karNatalaM cha netrayugalaM dhanyaM shivAlokanaiH |
dhanyaM shrotrayugaM cha sha~NkarakathApIyUShadhArAvR^itaM
dhanyaM mAnasamambikApatipadadhyAnAnuraktaM sadA || 188||
dhanyaM mandiramindushekharapadAchArAdarAtyAdara\-
vyAhAravyavahAradhIraruchiravyApAradArAkaram |
hArApArakumAravIrasukarAsAraprasArAchiraM
prAkArapravaraM paraM paramidaM kiM dhanyamanyadbhavet || 189||
shrIkAlakAlamahilAbalakAlakAlahAlAhalAmalagalAmalajAlabhAla |
kallolalolakamalAmalapatrajAlamUlatrishUlamamalaM kalaye.anuvelam || 190||
shrIgaurIramaNaprabhAvakathanAnandena manmAnasaM vyAptaM
prAptamataH paraM shivapadAmbhojArchanAnAM phalam |
skandAnandadametadeva paramaM shaivaM rahayaM muhuH
mohAgnipralayAmbuvAha iti me vR^iddhiH pravR^iddhA mude || 191||
R^iShayaH \-
ye vA~nChanti shivaM shivAmitakathArUpasphuratsvardhunI
nirdhUtAkhilapAtakAtmakamalAH shIlAH sushIlAH kalau |
te sarve vayameva santatamumAkAntaprasAdAt paraM
samprApyAtra shiva~NkaraM shivamiti dhyAtvA shivaM yAntyapi || 199||
aj~nAnorutarAndhakAralaharIpUrAruNaH kopyayaM
vij~nAnAmR^itasAgaraH shivakathArUpo virUpaM param |
sarvaM sharvarUpameva kurute muktAnamuktAnaho
tadbindusphuradindirAkarakaraM kartuM samarthaH shrutaH || 200||
yogAbhyAsaratA bhavantu bahavaH tIrthATanAdyudyatAH
tIrthAvAsaratAshcha niShThuragiridvArAndhakArAdarAH |
tatrAsthA mama mAstvahaM shivarahasyApAravarNasphura\-
nnishreNIshikhareNa sha~NkarakulAlambI shivaM prArthaye || 201||
kaNThe tiShThati yasya vA shivarahasyAnantachintAmaNiH
nityaM tadvashatAM prayAnti vibudhAH kAlAnvitAH svAnvitAH |
tadgehA~NgaNametya tiShThati ramA vANIshachIsaMyutA
tadbhAgyAvadhimindukhaNDavilasanmauliH paraM vettyaho || 202||
AruhyAmahaM muhuH shivarahasyAnandadaM syandanaM
R^igvedAdikavedachakraghaTitaM vyAsAdikaishchAshritam |
hArApAkharadhvajaM shivakathAshayyAvitAnAnvitaM
sharvAdhiShThitamantarAyarahitavyApAramAnandaye || 203||
pashyAmaH shatashaH shiva~NkarashivAkAntAtikAntA\-
mitAnantAnandakathAsudhAkarakaravyApArasArAkaram |
hArashrIkaratArakaM shivarahasyAnandamatyadbhutaM
hArAchArachirAchiradyutiharavyAhAraga~NgAvR^itam || 204||
atyalpaM phalamindirAramaNatArUpaM vidhitvAtmakaM
trailokyAdhipatitvamapyagasutAkAntArchakasyetyataH |
anyat tAvadabhUtapUrvamamarAprApyaM kimapyambikA\-
kAntAnandakathotsukasya cha paraM kalpyaM phalaM tadvidheH || 205||
shrutvApi prayato dvijaH shivarahasyArdhArdhabhAgAkSharA
pArashrIkaradhIravIravamapyastAghakoTirbhavet |
mukto.apIti shapAmi sha~NkarapadAmbhoje bhujAvunnatau
kR^itvA devagaNastutAM shivakathAM matvApi natvA shivau || 206||
satyaM tAvadihochyate shivarahasyAnandamandAkinI
kallolAnilapotapUtahR^idayAmbhojeShu mR^ityu~njayaH |
nR^ityatyambikayA sahAmR^itarasaiH kailAsavAsena vA
kR^ityaM neti muhurmuhuH shivarahasyAnandakandAdaraH || 207||
shrutyantAH pramathAdhinAyakakathApUtAstatastatkathA\-
madhyasthAkShararUpamapyaghagiripradhvaMsavajrAyudham |
tatpAdAmbudhivADavo.apyadhakulApArAndhakArA\-
mitAnabhrArkAmR^itarAshimaNDalakulaM kiM vA sudhAsAgaraH ||
kastUrIkhalyabilvashvamiva sukarApAraratnAkaroru
(kastUrIsvalpakhilyamiva sukR^itakarApAra)
shrIyuktAnantamuktAphalamiva vimalaM shaivametadrahasyam |
dhR^itvA bhAvo.api bhAti prabhuvi jagatAM shambhubhaktaprabhAvo
bhAvo bhAgyAmburAshiH shivapadakamalArAdhakaH ko.api loke || 209||
kiM tasyAvabhR^ithAplavaiH surasaridrevAditIrthAplavaiH
kiM gokoTitulAdidAnanikaraiH kiM divyatIrthATanaiH |
bhaktishchedgirishArchane shivarahasyAnandasindhuraphura\-
ddhIrApAratara~Ngama~NgalakathAbhAgArdhabhAgo.api vA || 210||
saMsArAdbhutasAgaraM shivarahasyotkR^iShTalokAshritaH
shrIvishveshvarakarNadhArakR^ipayA tIrtvAdya nakrairbhayam |
tyaktvA tatparapArarUpaparamAnandasvarUpAmbikA
kAntAnandadapAdapadmapulinAsIno na sIdAmyaho || 211||
pAyAdanvahameva vaH shivarahasyAmbhoruhaM kandati
skando nAlati tanmanaHshivapadAmbhojaprabhA koshati |
patrantIshaguNAH shivA~NghrikamalaM tatkarNikArUpati
svAntaM me bhramaratyumApatikathA tatkesaranti svataH || 212||
pAyAda~NkagatAmbikA~Nkavilasatparya~NkalIlAlatA\-
pArAnandadasindurAnanasudhAdAnAkaraH shA~NkaraH |
skandAlokanasAdaro girisutAsmerAdharAsvAda\-
nAnandAlolitavigraho muhurumAdivyA~Ngasa~NgapriyaH || 213||
pAyAdavyayabhavyabhUrivibhavo bhUbhR^itkumArIkarA\-
pArashrIkaratArahAraruchirAla~NkArasha~NkAkaraH |
kiM gaurIkarajAjirAtiruchirashrIH padmarAgAdharA\-
dhArashrIriyamityumAparivR^iDho gADhaM shivAli~NgitaH || 214||
pAyAdardhendumauliH shrutikathitakathA kalpavR^ikSho.atidakSho
dikShu vyAptaH kShaNaM vA bhavabhavabhavajApAratApApahAraH |
smR^ityArUDho.api yoShitparivR^iDhagirijArakShito vedashAkhaH
nandIshAdiprasUno munijanamadhupo mokShalakShmIphalADhyaH || 215||
pAyAdardhA~NgagaurIkarakamalakathAratnasindhuryato.abhUt
tatvaj~nAnAmR^itAMshuH shivabhajanasudhAshaivakalpadrumo.api |
sha~NgashrIli~NgapUjAvrataniyamamaNirbhaktibhUkAmadhenuH
vairAgyairAvR^ito.api trinayanacharaNadhyAnarUpApi lakShmIH || 216||
pAyAdardhashashA~NkashekharakathAshrIkAmadhenuryayA
li~NgArAdhanapuNyalakShaNamabhUt kShIraM tadapyakSharam |
AmikShApi vilakShaNA shivayashorUpA shivAdhikyatA
dhIrUpaM dadhi sha~NkarA~NghrikamalasnehAvR^itaM taddhR^itam || 217||
kartavyA naganimnagAbdhisikatAnIrAMshabhUbhR^idbhavA
pArAMshAMshadhanAMshabhAgagaNanA kAlena kAlena vA |
brahmAdyairapi sAdaraiH shivarahasyoktAkSharArdhAkShara
vyaktAkarNanapuNyashailagaNanA kartuM na shakyA dvijAH || 218||
svastyastu priyamastu shaM shivarahasyAkarNane santataM
vishvAso.astu shivArchane shivajane bhUtitripuNDre shive |
rudrAkShAbharaNe shivArchanaratAH putrAH pavitrAstataH
pautrAdyA api santu shobhanakulAnyAkalpamAyushcha vaH || 219||
bho bho bhavAdbhutadavAnalajAlamAlA\-
santApabhIH shivarahasyakathAbhivR^iShTyA |
shAntAH prashAntahR^idayAH sadayA bhavantaH
svAtmanyumAramaNapAdarajo bhajadhvam || 220|
saMsAroruvasantasUrakiraNavyApAratApAturApAraM
shrAntivinAshinIM shivarahasyAbhUtapUrvaprapAm |
ko vA nechChati vA~nChitaM yadi bhavediShTaM paraM jIvanaM
tyaktvA svAtmavighAtakaM kalimalAkrAntaM kalau kevalam || 221||
skandaH \-
AchandrArkamidaM rahasyamanishaM shaivaM shivArthe mudA
shrotavyaM sukhasantatipradamumAkAntapriyaM sAdaram |
etatpustakadAnamapyaghaharaM puNyAmburAshipradaM
sarvAbhIShTadamapyataH shivarataiH shrAvyaM shrutivyAhR^itam || 227||

|| iti shivarahasyAntargate vyAsAdiproktaM shivarahasyamahetihAsamahimavarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 50| vAvR^ittashlokAH ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 50. vAvRRittashlokAH ..

Notes:
Vyāsa ##vyAsa## et al speak about the merits of reading, listening to, and/or donating the book ŚivaRahasyaM ##shivarahasyam##.##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}