% Text title            : Yajnavalkyaproktam Shivaradhanamahimanuvarnanam 2
% File name             : yAjnavalkyaproktaMshivArAdhanamahimAnuvarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 38 | 34-56 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yajnavalkyaproktam Shivaradhanamahimanuvarnanam ..}##
\itxtitle{.. yAj~navalkyaproktaM shivArAdhanamahimAnuvarNanam ..}##\endtitles ##
mahAdevaH paro devo mahAdevaH parAtparaH |
mahAdevaH paraM j~nAnaM mahAdevo mahAnataH || 34||
mahAdevaratastAvanmahAtmA mahatAmapi |
sevanIyaH prayatnena mahAdevamanoharaH || 35||
mahAdevavihArANAM sthalaM shAmbhavamAnasam |
ataH sa pUjyaH satataM shAmbhavaH shivatatparaH || 36||
shivAbhimAnasthalamekameva tadetadekAntashivArchakasya |
shivArchakAdapyadhi ko.asti loke yataH sa evApratimaprabhAvaH || 37||
taM bhAvamevApratimaprabhAvaM manye surANAmapi sevanIyam |
sa eva mR^ityuNa~njayapUjanena dhanyo.api mAnyo.api mahAnubhAvaH || 38||
yo yastiShThati shA~Nkaro bhuvi sa me pUjyaH sa pUjArhatAM
prAptaH sha~NkarapUjayA suragaNAstatpUjanaiH pAvanAH |
tatpAdapraNatAstada~NghrijarajoleshaprasAdaM paraM
vA~nChatyeva sudhAM sudhAmapi muhustyaktvA vR^ithetyAdarAt || 39||
kAlAdbhItiH kAlakAlArchanena nAbhUdbhItaH pratyutAsmAdyamo.api |
tasmAt ko vA kAlakAlAnyadevaM mohAddhAtuM pUjituM vA pramattaH || 40||
pravR^ittirIshAnyasurArchaneShu na syAchChivArAdhanatatparANAm |
yasmAchChivAnyAmararUpabuddhiH hAnAya tAvadbhavatIti manye || 41||
asadvastuhAnAya te vastubuddhiH pravR^iddhApi tatkAryahetuH svataH syAt |
upAdAnamapyasti saddAnavR^iddhayA sadityeva buddhiH shivabrahmaNIti || 42||
yadbrahma tattAvadumAsahAyasvarUpamAsAdya hR^idi praviShTam |
kaShTAni duShTAni nirAkaroti tatkaShTanAshAya yataH pravR^ittam || 43||
ashivArchanabhAvanAnivR^ittiryadi jAtA bahupuNyasa~njayaiH |
shiva eva sadA vichintanIyo manasaH sR^iShTirapIsha pUjanIyA || 44||
mano maheshena yadA prakR^iShTaM sR^iShTaM tadA tasya shivArchanena |
gatA bhavatyeva sa kAlavArtA kiM kAlakAlapravaNasya tasya || 45||
kAlAntakArAdhakapAdukArchacharchApi varchashchiramAtanoti |
tenaiva pApaughalayo.api tena svargo.api muktishcha bhavatyavashyam || 46||
aho vadanti pramathAdhinAthAH kR^itvA katha~nchidgirishArchanAni |
dhanyAH paraM sha~NkarapUjanena nayanti tAvaddivasAnapIti || 47||
idaM paraM bhAgyamiti smarantaH saMsAravArtAmapi vismarantaH |
maheshanAmAni sadA japantaH shivAlayeShu pracharanti santaH || 48||
santastAvatsantataM sAmbamIshaM smR^itvA smR^itvA devadevaM cha matvA |
datvA chittaM sha~Nkare sAdhu natvA kR^itvA pUjAM yAnti sAmbaM mahesham || 49||
aparNAsmaNaM matvA kR^ipArNavamanAmayam |
mahAmR^ityu~njayaM shaivAH pUjayanti prayatnataH || 50||
kaH shAmbhavena sadR^ishastatvaj~no na bhaviShyati |
tena tatvaM yathA j~nAtaM tathA.anyena na buddhayate || 51||
shivaM shiva~Nkaratvena j~nAtvA kevalamavyayam |
sarvamanyatparityajya nirAta~Nko.adhitiShThati || 52||
mahadbhAgyamiti j~nAtaM shAmbhavaM janma kevalam |
janmanAmuttamaM janma shAmbhavaM tatkilottamam || 53||
shAmbhavaM janma samprApya shambhupUjAM karoti yaH |
sa eva dhanyaH shreShThashcha variShTho.api visheShataH || 54||
sarvakaShTavinAshAya shipiviShTArchane ratAH |
bhavanti bahavo loke muktAste sarvathA dhruvam || 55||
shivasmaraNamAtreNa jIvanmukto bhavennaraH |
shivashabdochchAraNena devapUjyo bhaviShyati || 56||

|| iti shivarahasyAntargate yAj~navalkyaproktaM shivArAdhanamahimAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 38| 34\-56 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 38. 34-56 ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}