% Text title            : skandalakShmIdurgAsuprabhAtastutiH
% File name             : skandalakShmIdurgAsuprabhAtastutiH.itx
% Category              : subrahmanya, suprabhAta, devii, durgA, lakShmI
% Location              : doc\_subrahmanya
% Transliterated by     : Aruna Narayanan narayanan.aruna at gmail.com
% Proofread by          : Aruna Narayanan, PSA Easwaran psaeaswaran at gmail.com
% Latest update         : June 30, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Skanda Lakshmi Durga Suprabhata Stuti ..}##
\itxtitle{.. shrIskandalakShmIdurgA suprabhAtastutiH ..}##\endtitles ##
shrIskandaguru bhuja~NgastotraM cha ## shrIskandaguru bhuja~NgastotraM ##
shrImatskandanagAvAsa shrIvidhAyaka ShaNmukha |
uttiShTha karuNAmUrte shAntAnandavidhAyaka || 1||
shrImatskandanagAvAse sarvasattvamayIshvari |
uttiShThAShTAdashabhuje lakShmIdurge namo.astu te || 2||
jyotiShA mahatA sarvalokAj~nAnavinAshaka |
uttiShTha skanda lokesha praNavArthopadeshaka || 3||
sarvalokaikamAtastvaM shumbhAsuranibarhiNi |
uttiShTha lokakShemAya lakShmIdurge mahAdyute || 4||
tAraM dhvajAgralasito varatAmrachUDaH
     UrdhvaM vidhAya nijamastakamAttamodaH |
tvannAma kIrtanamayaM kurute pavitraM
     skandAchalesha girijAsuta suprabhAtam || 5||
kalyANakAriNi karAmbujashobhi pAshe
     kAruNyapUrNahR^idaye kamanIyakAnte |
kAmAdi vairiharaNe kushale.astu lakShmI\-
     durge.atidInajanapAlini suprabhAtam || 6||
shrIkannimArabhidha sundara pUtakulyA\-
     tIrastha shAkhinilayA vividhA viha~NgAH |
kUjanti karNamadhuraM vividhaiH svaraistat
     skandAchalesha girijAsuta suprabhAtam || 7||
vAmAgrabhAgavilasanmahiShottamA~Nge
     devyagrabhAgaparishobhita dharmasiMhe |
kAruNyavarShikamanIyamukhe.adya lakShmI\-
     durge namo.astu natapAlini suprabhAtam || 8||
ete trishuddhix sahitA mahitA dvijendrAH
     vedAgamAdix nipuNA viditAkhilArthAH |
bhaktyochcharanti madhuraM nigamasya mantraM
     shrIdaNDashobhikara sundara suprabhAtam || 9||
mAMsaM surAmapi baliM parivarjayeti
     yA vyAharat sakalajIvadayAparItA |
sA tvaM samastajagatAM kuruShe.ati bhadraM
     durge.ambike.astu bhuvaneshvari suprabhAtam || 10||
agre tavAdya madhurasvarakR^iShTachittAH
     tAlAbhira~njitakarA varagAyakAshcha |
gAyanti te guNagaNAnitarAnavApyAn
     madhyArpitaikakara sundara suprabhAtam || 11||
mAtastvadIya padapa~NkajabhaktibhAjAM
     kurvanti vajradharavAyumukhAssusevAm |
vaktuM prabhAvamakhilaM tava konu shaktaH
     durge namo.astu tava sa.nprati suprabhAtam || 12||
tiShThatyasau cha janatAshruparItanetrAH
     dhR^itvA sugandhayutabandhurapuShpamAlAH |
jyotirnirIkShitumudArapadAravinda
     skandAchalesha karuNAkara suprabhAtam || 13||
putraM purA kila viyuktamatiprakopAt
     skandaM nirIkShitumatIva samutsukA tvam |
skandAdrimAgatavatI sahasaiva lakShmI\-
     durge namo.astu natapAlini suprabhAtam || 14||
shrIskandAchalashobhinaM suranatAM ramyAnanaM sundarIM
     bhaktAnAmabhayapradaM kalimaladhvaMsaikabaddhAdarAm |
kAruNyAmbunidhiM sushaktisahitAM sarvArthadAnakShamaM
     durgAlakShmyabhidhAM namema jananIM shrIdaNDapANi~ncha tam || 15||
AraktasundaranakhenduruchAnuliptau
     ma~njIrama~njulaninAdamanobhirAmau |
yogIndramUrdhavinatau sakaleShTadau te
     skandAchaleshacharaNau sharaNaM prapadye || 16||
sUryastvadAptavaradIdhitiramba sarvAn
     lokAn prabodhayitumeSha udeti ramyaH |
tva~nchApi pashya karuNAnvitalochanAbhyAM
     durge tavAdya charaNau sharaNaM prapadye || 17||
yassa~NkaTaM gurumavApya sakR^idguheti
     bhaktyA vadatyanupamaM tava nAma taM hi |
yau rakShatassapaditAvaravindatulyau
     skandAchaleshacharaNau sharaNaM prapadye || 18||
shumbhaM nishumbhamapi lokahitaiShiNi tvaM
     hatvA shubhaM vyarachayaH karuNAmburAshe |
mAtasvadIyakaruNA vachasAmatItA
     skandAdrige.adya charaNau sharaNaM prapadye || 19||
sR^iShTisthitipralayakAraka dInabandho
     krau~nchAdribhedaka viri~nchimukhAmareDya |
bhakteShTadAyaka dashadvibhujAkShishobhin
     skandAchalesha charaNau sharaNaM prapadye || 20||
mohaM vyapohaya matiM kuru pAvanAM me
     sanmArgasa~ncharaNalolupatAM prayachCha |
chittaM kuruShva padapa~NkajayugmalagnaM
     mAtastvAdyacharaNau sharaNaM prapadye || 21||
bhaktaikavashya parichintya bibhemi nAhaM
     bhogyA bhavedyamapure.adhikayAtaneti |
bhaktyA muhurmuhurimau bhayahAriNau te
     skandAchalesha charaNau sharaNaM prapadye || 22||
vAchAlamamba kuruShe sadaye.atimUkaM
     dInaM karoShi sahasaiva dhanAdhinAtham |
aj~nAninaM pratibhayA sahitaM karoShi
     mAtustavAdya charaNau sharaNaM prapadye || 23||
skandeti kukkuTayuteti guheti yastvAM
     vAchAhvayatyadhikabhaktiyutA sakR^idvA |
tasmai prayachChasi samIhitamarthamAshu
     skandAchalesha charaNau sharaNaM prapadye || 24||
shAntAntara~NgayativanditapAdapadme
     tvAmarchayanti vanitA yadi bhaktipUrNAH |
saubhAgyamApya sakala~ncha mudaM labhante
     durge.ambike.adya charaNau sharaNaM prapadye || 25||
surasainyapate.asurasainyaripo
     karashobhitadaNDamahANDakara |
kharatArakamAraka tAraka me
     maraNAdi bhayaM hara vIravara || 26||
jagatAM jananIM rajanIshamukhIM
     namanIyapadAM kamanIyaruchim |
mahiShAsuramardanalolapadAM
     bhajatAM bhajatAM bhavabhItiharAm || 27||
anaghaM jagatAM janakaM dhanadaM
     varadaM sharadindusamAnamukham |
varanIrajalochanamArtiharaM
     karadaNDadharaM praNamAmi guham || 28||
aruNAM karuNAlasadakShiyugAM
     gurunAthasutAM taruNArkavibhAm |
surarAjanutAM darahAsayutAM
     namatAM namatAM sakalArthakarIm || 29||
girivAsarataM girijAtmabhavaM
     harijAramaNaM hariNA~Nkamukham |
karivaktrasahodaramAdarato
     duritakShataye dhuri bhAtu mahaH || 30||
purataH sphuradAtmaja ramyamukhA\-
     mbujalochana lolanijAkShiyugAm |
sulabhAM sukhadAM varadAM karadAM
     bhaja lakShmyabhidhAM jananIM jagatAm || 31||
sharachchandratulyaM mukhaM shAradAmbho\-
     ruhaspardhipAdadvaya~nchAkShiyugmam |
dShitkAladaNDojjavalaM pANipadmaM
     sadA mAnase bhAtu me tArakAre || 32||
kR^ipAsrAvyapA~NgAdR^itAnantabhaktA
     dashAShTAbhirAshobhitA bAhubhiryA |
varaskandagiryAshrayA sA mahAbhA
     sadA bhAtu devI madIyAntara~Nge || 33||
na rUpaM mano mohakaM nApi vANI
     mano hAriNI skandashailAdhivAsa |
na vidvatvamapyasti gA~Ngeya bhaktiM
     madIyAmavekShya prasIda prasIda || 34||
sadAchAralolaM manassatyavAchaM
     sadAnyopakAre ratatvaM mahatvam |
punarjanmahInatvamAptuM pramodaM
     mahAlakShmyabhIShTapradA~NghrI bhaje.aham || 35||
tvayA tulya eko na chAste na chAste
     kShamaudAryashIlo maheshasya sUno |
naro matsamo nAsti pApaikalobhI
     kShamasva kShamasva prabho me.aparAdhAn || 36||
tvamevAmba mAtA madIyA bhavAnyAM
     punarmAtaraM mA kuru skandamAtaH |
kShamasvAparAdhAn mahendrAdivandye
     prasIda prasIdAnukampA guNADhye || 37||
shAntAnanda mahAyogin hR^idayAnandadAyaka |
skandAchalashirashshobhin kuru sarvasya ma~Ngalam || 38||
skandAdrishikharAvAsA kAmitArthapradAyinI |
lakShmIdurgAsvarUpA sA karotu mama ma~Ngalam || 39||
mayUrapriyavAhAya kukkuTadhvajashobhine |
pANinA dhR^itadaNDAya bAlaskandAya ma~Ngalam || 40||
aShTAdashabhujairyuktA shiShTAvanadhurandharA |
iShTAniShTavihInA sA karotu bhuvi ma~Ngalam || 41||
aruNAmbujapAdAya karuNArasavArdhaye |
taruNAya sadA tubhyaM gurunAthAya ma~Ngalam || 42||
vandyamAnajanAj~nAnadhvaMsakAripadAmbuje |
lakShmIdurge kR^ipApA~NgaiH kuru sarvatra ma~Ngalam || 43||

iti shrIskandalakShmIdurgA suprabhAtastutiH
       shrIskandaguru bhuja~NgastotraM sampUrNam |
##
Encoded by Aruna Narayanan narayanan.aruna at gmail.com
Proofread by Aruna Narayanan, PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}