% Text title            : shrii subrahmaNyabhujaNgaprayaatastotraM 2
% File name             : subrabhujanga2.itx
% Category              : subrahmanya, bhujanga
% Location              : doc\_subrahmanya
% Transliterated by     : Antaratma antaratma at Safe-mail.net
% Proofread by          : Antaratma, PSA Easwaran, Sreenivasa Rao Bhagavatula
% Description-comments  : From stotrArNavaH 07-04
% Latest update         : March 15, 2006, December 31, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrI subrahmaNyabhuja~NgaprayAtastotraM 2 ..}##
\itxtitle{.. shrIsubrahmaNyabhuja~NgaprayAtastotram 2 ..}##\endtitles ##
bhaje.ahaM kumAraM bhavAnI kumAraM
    galollAsihAraM namaskR^idvihAram |
ripustomasAraM nR^isiMhAvatAraM
    sadAnirvikAraM guhaM nirvichAram || 1||
namAmIshaputraM japAshoNa gAtraM
    surArAtishatruM ravIndvagninetram |
mahAbarhipatraM shivAsyAbjamitraM
    prabhAsatkaLatraM purANaM pavitram || 2||
anekArkakoTi prabhAvajvalantaM
    manohAri mANikya bhUShojvalantam |
shritAnAmabhIShTaM sushAntaM nitAntaM
    bhaje ShaNmukhaMtaM sharachchandrakAntam || 3||
kR^ipAvAri kallolabhAsvatkaTAkShaM
    virAjan manohAri shoNAMbujAkSham |
prayogapradAnapravAhaikadakShaM
    bhaje kAntikAntAmbarastomarakSham || 4||
sukastUrikAbindubhAsvallalATaM
    dayApUrNachittaM mahAdevaputram |
ravIndUllasadratnarAjatkirITaM
    bhaje krIDitAkAsha ga~NgAsukUTam || 5||
sukundaprasUnAvalIshobhitAntaM
    sharatpUrNachandrasya ShaTkAntikAntam |
shirIShaprasUnAbhirAmaM bhavantaM
    bhaje devasenApatiM vallabhaM tam || 6||
sulAvaNyasatsUryakoTiprakAshaM
    prabhuM tArakAriM dviShaDbAhumIsham |
nijArkaprabhAdIpyamAnAkhilAshaM
    bhaje pArvatIprANaputraM sukesham || 7||
ajaM sarvalokapriyaM lokanAthaM
    guhaM shUrapatmAdidaMbholidhAram |
subAhuM sunAsApuTaM sachcharitraM
    bhaje kArtikeyaM sadA bAhuleyam || 8||
sharAraNyasaMbhUtamindrAdivandyaM
    dviShaDbAhusaMkhyAyudhashreNiramyam |
marutsArathiM kukkuTeshaM suketuM
    bhaje yogihR^itpadmamadhyAdhivAsam || 9||
viri~nchIndravallIshadeveshamukhyaM
    prashastAmarastomasaMstUyamAnam |
disha tvaM dayAlo shriyaM nishchalAM me
    vinA tvAM gatiH kA prabho me prasIda || 10||
padAMbhojasevA samAyAtavR^indA
    rakashreNikoTIrabhAsvallalATam |
kalatrollasatpArshvayugmaM vareNyaM
    bhaje devamAdyaM tvahInaprabhAvam || 11||
bhavAMbhodhimadhye tara~Nge patantaM
    prabho mAM sadA pUrNadR^iShTyA samIkShya |
bhavatbhaktinAvoddhara tvaM dayAlo
    sugatyantaraM nAsti deva prasIda || 12||
gale ratnabhUShaM tanau ma~njuveShaM
    kare j~nAnashaktiM darasmeramAsye |
kaTinyastapANiM shikisthaM kumAraM
    bhaje.ahaM guhAdanyadevaM na manye || 13||
dayAhInachittaM paradrohapAtraM
    sadA pApashIlaM gurorbhaktihInam |
ananyAvalambaM bhavannetrapAtraM
    kR^ipAshIla mAM bho pavitraM kuru tvam || 14||
mahAsena gA~Ngeya vallIsahAya
    prabho tArakAre ShaDAsyAmaresha |
sadA pAyasAnnapradAtarguheti
    smariShyAmi bhaktyA sadAhaM vibho tvAm || 15||
pratApasya bAho namadvIrabAho
    prabho kArtikeyeShTakAmapradeti |
yadA ye paThante bhavantaM tadaiva
    prasannastu teShAM bahushrIM dadAsi || 16||
apAre.atidAridryapAthodhimadhye
    bhramantaM janigrAhapUrNe nitAntam |
mahAsena mAmuddhara tvaM kaTAkShA\-
    valokena ki~nchitprasIda prasIda || 17||
sthirAM dehi bhaktiM bhavatpAdapadme
    shriyaM nishchalAM dehi mahyaM kumAra |
guhaM chandratAraM svavaMshAbhivR^iddhiM
    kuru tvaM prabho me manaH kalpasAla || 18||
namaste namaste mahAshaktipANe
    namste namaste lasadvajrapANe |
namaste namaste kaTinyastapANe
    namaste namaste sadAbhIShTapANe || 19||
namaste namaste mahAshaktidhArin
    namaste surANAM mahAsaukhyadAyin |
namaste sadA kukkuTeshAkhyaka tvaM
    samastAparAdhaM vibho me kShamasva || 20||
ya eko munInAM hR^idabjAdhivAsaH
    shivA~NgaM samAruhya satpIThakalpam |
viri~nchAya mantropadeshaM chakAra
    pramodena so.ayaM tanotu shriyaM me || 21||
yamAhuH paraM veda shUreShu mukhyaM
    sadA yasya shaktyA jagatbhItabhItam |
yamAlokya devAH sthiraM svargapAlAH
    sado~NkArarUpaM chidAnandamIDe || 22||
guhastotrametat kR^itAntArisUnoH
    bhuja~NgaprayAtena padyena kAntam |
janA ye paThante sadA te mahAnto
    manovA~nChitAn sarvakAmAn labhante || 23||

|| iti shrIsubrahmaNyabhuja~NgaprayAtastotraM sampUrNam ||
##

Encoded and proofread by antaratma at Safe-mail.net
Proofread by antaratma, PSA Easwaran, Sreenivasa Rao Bhagavatula

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}