% Text title            : ArSheyopaniShat
% File name             : ArSheyopaniShat.itx
% Category              : upanishhat, vedanta
% Location              : doc\_upanishhat
% Proofread by          : Sunder Hattangadi Radim Navyan radimnavyan at gmail.com
% Description-comments  : aprakAshitA upaniShadaH
% Latest update         : October 20, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ArSheyopaniShat ..}##
\itxtitle{.. ArSheyopaniShat ..}##\endtitles ##
OM R^iShayo vai brahmodyamAhvayitavA UchuH parasparamivAnubruvANAH |
teShAM vishvAmitro vijitIyamiva manyamAna uvAcha | yadetadantare
dyAvApR^ithivI anashnuvadiva sarvamashnavadyadidamAkAshamivetashchetashcha
stanayanti vidyotamAnA ivAvasphUrjayamAnA iva tadbrahmeti |
tasyopavyAkhyAnam | yadidamagnibhirjvalayanti
poplUyayantyadbhirabhiShIvayanti vaddhrIbhirabhigrathnanti
varatrAbhirabhighnantyayoghanairvidhyanti sUchIbhiH nikhAnayanti
sha~NkubhirabhitR^indanti paDvIshikAbhirabhilimpanti mR^itsnayA
takShNuvanti vAsIbhiH kR^iShNanti phalibhirnahaiva shaknuvata iti
nAsyeshImahi nainamatIyImahi ||####
tadu ha jamadagnirnAnumene Artamiva vA eSha tanmene
yadidamantareNainadupayanti paryAsa ivaiSha divaspR^ithivyoriti |
sa hovAcha antarikShaM vA etadyadidamitthetthopavyAkhye iti |
mahimAnaM tvamuShyeha pashyAmIti yadidamasminnanvAyattamiti | sa
yadidametasminnanvAyattaM vedAtha tathopAste.anvAyatto haivAsmin bhavati |
tadetadavidvAnevAsminnanvAyattamupAste vIvapadyat ArtimR^ichChet |
tasmAdevamevopAsIta ||####
tamitaraH paprachCha | katamat tvamanArtaM manyasa iti | taM hovAcha |
yadidamiti dyAvApR^ithivyoranArambhamiva nopayanti nAbhichakShate
nAshnuvanti | tasyopavyAkhyAnam | yadidamitashchetashchANDakoshA udayanti
nApadyanta iva na visraMsanta iva na skhalantIva na paryAvartanta iva |
na ha vA enatkechidupadhAvanto vindanti nAbhipashyanti | yadidameka idapa (?)
evAhustama eke jyotireke.avakAshameke paramaM vyomaika AtmAnameka iti ||####
tadu ha bharadvAjo nAnumene | yadiha sarve vetthettheti dyUdire
nAsya tadrUpaM paryAptamiti | sa hovAcha | ArtamivedaM te vij~nAnamapi
svidenadrodasyoreva paryAyeNopavanvImahi yadidamitthetthopavyAkhyAsyAma
iti | mahimAnaM tvevAsyopAse | yadidamatrAnvAyattamiti | sa
yadidamatrAnvAyattaM vedAtha tathaivopAste.atraivAnvAyatto
bhavati | sa ya ihAnvAyattamidamavidvAnevaitadupAste pApIyAn
bhavatyArtimArchChatyavamriyate yadevametadanvAyattamupAste sarvamAyureti
vasIyAn bhavati | sa ya etadenamupAste ||####
tamitaraH paprachCha | katamat tvamanArtaM manyasa iti | sa hovAcha |
yadetasmin maNDale.archirdIpyate bambhramyamANamiva chAkashyamAnamiva
jAjvalyamAnamiva dedIpyamAnamiva lelihAnaM tadeva me brahma |
tasyopavyAkhyAnaM yadidamaddhaiva parAH parAvato.abhipadyante
sampannamevaitat sammitameva yathopayAtamAtmaivAbhichakShata
iti | ya etadabhipadyeva guhNIyAdatho visphurantIva
dhAvantIvotplavantIvopashlipyantIva na haivAbhipadyante | tadidamantike
davIyo nedIya iva dUrato na vA asya mahimAnaM kashchidetIti ||####
tadu ha na mene gautamo yadidamArtamiva stimitamiva paryAyeNa
pashyantIvemaM moghaM saMvidAnA iti |
ya ime puNDrAH suhmAH kulumbhA daradA barbarA iti |
na ha vA asaMvidAnA eva drAgivAbhi tatpadyanta iti |
mahimAnaM tvevAsyopAse | ya etadasminnantare hiraNmayaH puruSho
hiraNyavarNo hiraNyashmashrurAnakhAgrebhyo dIpyamAna iva | sa ya
evamenamupAste.atIva sarvabhUtAni tiShThanti sarvamAyureti vasIyAn
bhavati | na ha vA eSha paramatIvodeti | yastvenaM paramatIvodyantaM
pashyannupAste pApIyAn bhavati vIvapadyata ArtimR^ichChati | yastvenaM
paramanUdyantaM vedAtha tathopAste paraM jyotirupasampadyate sarvamAyureti
vasIyAn bhavati | sa ya evamenamupAste ||####
tamitaraH paprachCha | katamat tvamanArtaM manyasa iti | taM hovAcha |
visphurantIrevemA lelAyantIriva sa~njihAnA iva nedIyasitamA iva
davIyasitamA eva davIyasitamA iva nedIyasitamA eveti | yadapi
bahudhAchakShIranna ki~ncha pratipadyata iti tanme brahmeti ||####
tadu ha vasiShTho nAnumene | yadimA visphUrjayata evAbhipadyante
vIvayanti mithu cheti vichakShate.akANDa ivemA na ha vai
paramitthA kashchanAshnotyasaMvidAna iva | apa ye saMvidrate
tadetadantarvichakShata iti | mahimnaH pashyemA vijAna iti | sa ya evamimA
mahimna evAsya pashyannupAste mahimna evAshnoti sarvamAyureti vasIyAn
bhavati | yastvimA avayatIrevopAste na parA sampadyamAnA no eva pareti
pApIyAn bhavati vIvapadyate pramIyate | atha ya imAH parA sampadyamAnA
evopAste paraiva sampadyate sarvamAyureti vasIyAn bhavati ||####
tamitaraH paprachCha | katamat tvamanArtaM manyasa iti | mahAvij~nAnamiva
pratipadenAdhyavasAyamiva yatraitaditthetthetyabhipashyati | atha neti
netyetaditthettheti | sa vA ayamAtmA ananto.ajaro.apAro na vA are
bAhyo nAntaraH sarvavidbhArUpo vighasaH prasaraNo.antarjyotirvishvabhuk
sarvasya vashI sarvasyeshAnaH sarvamabhikShipanna tamashnoti kashchana ||####
parovarIyAMsamabhipraNutyamantarjuShANaM bhuvanAni vishvA |
yamashnavanna kushikAso agniM vaishvAnaramR^itajAtaM gamadhyayI || 1||####
bharebhareShu tamupahvayAma prasAsahiM yudhyamindraM vareNyam |
satrAsA ##[##ha##]## mavase janAnAM puruhUtamR^igmiNaM vishvavedasam || 2||####
ahighnaM tamarNave shayAnaM vAvR^ihANaM tavasA pareNa || 3||####
tadu ha pratipedire | te vAbhivAdyaivopasamIyuH | namo.agnaye | nama
indrAya | namaH prajApataye | namo brahmaNe | namo brahmaNe ||####
ityArSheyopaniShat samAptA |
##
Proofread by Sunder Hattangadi,
Radim Navyan radimnavyan at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}