% Text title            : ChagaleyopaniShad
% File name             : ChAgaleyopaniShat.itx
% Category              : upanishhat, vedanta
% Location              : doc\_upanishhat
% Proofread by          : Sunder Hattangadi Radim Navyan radimnavyan at gmail.com
% Description-comments  : aprakAshitA upaniShadaH
% Latest update         : November 3, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ChAgaleyopaniShat ..}##
\itxtitle{.. ChAgaleyopaniShat ..}##\endtitles ##
OM R^iShayo vai sarasvatyAM satramAsata | te.atha kavaShamailUShaM dAsyAH
putra iti dIkShAyA AchChidan | te hochuH | apa vA etadR^igyajuShAdapa
sAmna iti | sa hovAcha | bhagavanto yadidaM satramAdhvai
yadR^icho.adhIdhvai yadyajUMShi yatsAmAni kasyAyaM mahimeti | te
hochurbrAhmaNA vAva smasteShAmevamiti ||
sa hovAcha | yadidamichChAchidichChAchidIkShadhvai kiM tadyena
brAhmaNa iti | te hochuryadidamR^igyajuShairevopavatvanno
juhuvuryadvainamupAghrAsiShuryadupAneShataitad.hvAhmaNA iti | sa
hAvidUra eva shavashayitamAtreyamachChAvadamupadarshayannuvAcha |
yadidamR^igyajuShairupavatvaM juhopAghrAsIdathopAneShTa naitadatyagAditi |
kiM taditi hochuH ||
sa hovAcha | naimiShe.amI shunakAH satramAsata | teShAmAtreyo.achChAvadaH
sarvANyevAvartayadyadyAjyA yadanuvAkyA yatprAtaranuvAko
yatpra{}ugaM yadAjyaM yanmarutvatIyamityatha yanmahAvIrasambharaNAni
yadagnerabhivartanAni yadrAjAbhikrayaNAni yadabhiShAvitrANi yadaupayAmAni
yadupamantraNAnyatha yattrivR^itpa~nchadashaH saptadasha ekaviMsha iti |
kvAsya tadagAditi | tehAmuhan | athaite sarva evopasametyochurupa no
nayasvema eva ta iti | sa ha smayamAna uvAcha | sampashyadhvA eva mA
pramadata | na hottamAnadhama upaneteti | te hochurmaiva smopanathA
gatistu tvamiditi ||
sa hovAcha | kurukShetraM evopasametya ye bAlishAstAnupAdhvai | te va
idaM pravakShyantIti | te ha tata evopasametya kurukShetramupajagmuH |
te ha bAlishAnevopAsadan | tAnima upasIdata eva vidA~nchakruriti
kAmukA iti | te hochuryatkimiva bAlishAnupAsadata mahAshAlA vai
mahAshrotriyA varShIyAMsaH santaH yanmahAshAlA mahAshrotriyA varShIyAMsaH
kurukShetramadhyAsata iti | te hAnyonyasyAbhisamIkShAmAsuH | te
hApashyanna hAsmAnmithuchidevAsAvavochadbAlishAneva chaitAnvichakShateti |
te hochurnamasyAnatIva vacho rechayiShyatha yadantarno.asAviha
prAhaiyAt | yathaiva tu smopasannA athAnasUyavo yathopashraddhina iti ||
te hochuH | kiM vA asmatpratIchChatheti | te hochuH |
naimiShe.amI shunakAH satramAsata | teShAmAtreyo.achChAvadaH
sarvANyevAvartayat | yadyAjyA yadanuvAkyA yatprAtaranuvAko
yatpra{}ugaM yadAjyaM yanmarutvatIyamityatha yanmahAvIrasambharaNAni
yadagnerabhivartanAni yadrAjAbhikrayaNAni yadabhiShAvitrANi yadaupayAmAni
yadupamantraNAnyatha yattrivR^itpa~nchadashaH saptadasha ekaviMsha iti |
kvAsya tadagAdyadayaM shavashayitamashayiShTeti |
te hochurnahAsaMvatsaravAsinAmanubrUyAditi khalu naH pUrve.anvashiShan |
yatsaMvatsaraM vatsyathAtha vediShyatheti | te ha saMvatsaramUShuH ||
tato ha bAlishA UchuravAtta vA saMvatsaramime brAhmaNAH |
hantaiShAmanubravAmeti | te ha gR^ihItvaivainAn patho.abhisamIyuH |
te ha sa~NkrIData eva kUbariNo rathakaTyAmavindan | te hochuH
sampashyadhvamiti | kiM hIti | kUbariNameva saumyA iti | tatheti |
kathamiveti | yathaivopasR^itvaro vArdhistiryagullalantIbhiriva
vIchibhiH shaphAbhirevopaskandannutplavedevaM haivaiShobhisR^itvarANAmeva
dhuryANAM chakramatAmarINAmutplavatIti | yathaivAsau
pratisR^itvareNa samaH sameva krIDedevaM haiSha sa~NkrIDatIti |
yathaivAsAvitashcheto.amutashchAmutashcha sampradravata ivopashupyata
ivopaskandamabhimR^idgAtyabhipAtayedevaM haiSha itashchetashchAmutashcha
sampradravata ivopashupyata ivopaskandamabhimR^idgAtyabhipAtayati |
yathaivAsau rAjAnaM vA rAjapuruShaM vA nilayanaM prAyedevaM haivaiSha
yantA nilayanaM prApayatIti | te hochurapIdaM sAdhIya iti | sAdhIya
iti hochuH | te ha tasyaiva panthAnamanuprAtiShThannantaM ha
sAyAhanyevopasampAdayAmAsuH ||
taM yadAvasAyAshvAMstakShApohyApAgAdatha bAlishA
vyaliShTa | ahIdR^ishat | kathamiveti | te hochuryathaitaM
kAShThabhAramAnaddhamanupashyAmastathaivAvasho bhUsthaH
spandate | ne~Ngate na vivartate na cha vIta iti | te ha
bAlishA UchuryadayamIdR^igabhUt kimasyApAgAditi | takShaiveti |
tathaivaitat saumyA iti | AtmA vA asya prachodayitA karaNAnyashvAH
shirA naddhayo.asthInyupagrahA asR^igA~njanaM karma pratodo vAkyaM
kvANanaM tvagupAnaha iti | sa yathA prachodayitrApojjhito ne~Ngenna
ruruvItaivaM haiSha prAj~nenAtmanApojjhito na brUte na chaityapi na
shvasatyapi pUyatyapi shvAna upadhAvantyapi kAkAH patantyapi gR^idhrA
Askandannapi shivA jighatsanniti | te tata eva drAgiva vyaj~nAsiShuH |
te ha pAdayorevAbhimarshya bAlishAnUchuH | na ha vAva nastadyena niShkurma
imamevetya~njaliM kR^itvopAsthiShatetyAha
bhagavAn ChAgaleyasta ime shlokAH\-
yathaitatkUbarastakShNApojjhito ne~Ngate manAk |
parityakto.ayamAtmA nastadvaddeho virochate || 1||
yadasya pradhayashchakrA yugamakSho varatrikA |
pratodashcharmakIla\.\.\.\.\. || 2|| etAvAnevopalabdhaH

(sAmAnyavedAnta\-upaniShadaH)

iti ChAgalayopaniShat samAptA |
##
Proofread by Sunder Hattangadi,
Radim Navyan radimnavyan at gmail.com,  Kasturi navya sahiti

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}