%@@1
% File name            : Ishaa_bhaashhya_Raghavendra.itx
%--------------------------------------------------------------------------
% Text title           : yAj~nIyamantropanishhad.h khaNDArtha
% Author               : Sri Raghavendra Swami
% Language             : Sanskrit
% Subject              : A comm. on the IshAvAsya upanishhad.h
% Date                 : 07/31/2000
% Description/Comments : This is a commentary upon the well-known Up.
%                        belonging to the White Yajur Veda.
% Transliterated by    : Shrisha Rao <shrao@dvaita.org>
% Proofread by         : "Meera Tadipatri" <mtadipatri@dvaita.net>
% Latest update        : 04/26/2001
% Send corrections to  : shrao@dvaita.org, or info@dvaita.net
% Special Instructions : 
% Site access          : http://www.dvaita.net
%----------------------------------------------------------
% The text is to be used for personal studies and research only.
% Any use for commercial purposes is prohibited.
%@@2

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Ishopanishad with Shri Raghavendra Swami's commentary ..}##
\itxtitle{.. IshAvAsyopanishhadi shrIrAghavendrayativirachitaH khaNDArthaH..}##\endtitles ##
%\centerline{\Largedvng shrIrAghavendrayativirachitaH} %\centerline{\LARGEdvng shrImadIshAvAsyopanishhatkhaNDArthaH}
   OM ||  shrIprANapatimAnamya pUrNabodhAdideshikAn.h  |
          IshAvAsyopanishhadaH karishhyAmyarthasaN^graham.h  ||
asyA upanishhadaH svAyambhuvo manu R^ishhiH |  yaj~nanAmA harirdevatA |  anushhTubAdi
yathAyogyaM chhando j~neyam.h |  \ldq anejad.h\rdq ityAdinA tattvaM vivaxurupadishhTaM
tattvaM adhikAriNa eva hi hR^idyavatishhThate, nAnyasya, iti etadupanishhadadhikArasiddhyarthaM
vichchhinnavishhayatR^ishhNatvaM tAvadAdyena mantreNa sayuktikaM vidhatte \-
%\ldq IshA\rdq iti  ||

   {\Largedvng OM IshAvAsyamida{\m+} sarvaM yatkiJNcha jagatyAM jagat.h  |}
   {\Largedvng tena tyaktena bhuJNjIthA mA gR^idhaH kasyasviddhanam.h  || 1||}
\ldq yatkiJNcha\rdq jagadidaM tatsarvaM pravR^ittyarthaM Atmani \ldq IshAvAsyam.h\rdq |
AvAsamarhati, iti AvAsyam.h |  Ishasya AvAsyaM \ldq IshAvAsyaM\rdq, \lsq IshAnupravishhTam.h\rsq
ityarthaH |  \ldq tadevAnuprAvishad.h\rdq ityAdeH |  \lsq ato.asvatantram.h\rsq iti bhAvaH |
kiJNcha \ldq jagatyAM\rdq prakR^itAvidaM sarvamAshritam.h |  sA cha IshAyattA.ato.api
asvatantram.h |  Isha eva svatantraH |  tena kAraNena \ldq tena\rdq IshvareNa \ldq tyaktena\rdq
dattena vittena |  \lsq yadR^ichchhAlabdhena\rsq, iti yAvat.h |  \ldq bhuJNjIthAH\rdq bhogaM kuryAH |
\ldq kasyasvit.h\rdq kasyApi rAjAdeH sakAshAt.h \ldq dhanaM\rdq \ldq mA gR^idha\rdq, nA.akAN^xethAH |
\lsq IshAdanyasyAsvAtantryeNa tasya dAne sAmarthyAbhAvAd.h, Ishadattenaiva varteta\rsq
\- iti bhAvaH  || 1||

\lsq tR^ishhNAvichchhedavat.h, svochitakarmAnushhThAnamapi j~nAnArthinAM Avashyakam.h\rsq,
ityAha \-

   {\Largedvng kurvanneveha karmANi jijIvishhechchhata{\m+} samAH  |}
   {\Largedvng evaM tvayi nAnyatheto.asti na karma lipyate nare  || 2||}
\ldq shataM samAH\rdq, shataM varshhANi |  \ldq kAlAdhvanoratyantasaMyoge\rdq
(ashhTA\. 2\.3\.5) iti dvitIyA |  iha mAnushhAdijanmani yAvaj.h \ldq jijIvishhet.h\rdq
jIvitumichchhet.h tAvat.h \ldq karmANi\rdq \ldq kurvanneva\rdq \- \lsq AmaraNaM bhagavatpUjAtmakAni
asaN^kalpitaphalAni svochitAni karmANi sarvathA kuryAd.h\rsq iti yAvat.h |

kutaH\?  evaM karmANi kurvati nare manushhyamAtre.api tvayi karma pApaM na lipyate |
svochitena asaN^kalpitaphalena karmaNA bhagavatpUjAM kurvantaM alpAdhikAriNAmapi na
prAguttarANi pApAni bAdhante |  \lsq tatashcha j~nAnAdhikArI sa bhavati\rsq iti yAvat.h |
itaHkarmakaraNAt.h \lsq anyathA akaraNe karma pApaM na lipyata\rsq iti nAsti |
\lsq bhagavatpUjAmakurvantaM pApAni bAdhanta eva |  tatashchAsau j~nAne na adhikriyate |
atashcha karmANi kuryAd.h\rsq \- iti |

purushhArthanaye, \ldq niyamAchcha\rdq (bra\.sU\. 3\.4\.7) iti sUtrabhAshhyAdau
\ldq nare j~nAninyapi tvayi karma na lipyata iti nAsti\rdq iti \lsq aparoxaj~nAnino.api
karmAkaraNe muktau AnandahrAsarUpa pApakarmalepo astyeva\rsq, iti j~nAniparatayA
mantro vyAkhyAtaH  || 2||

evaM prAptAdhikAraM prati paramAtmatattvabubhutsAjananAya viparItaj~nAnino nindAyAM
Aha \-

   {\Largedvng asuryA nAma te lokA andhena tamasA.a.avR^itAH  |}
   {\Largedvng tA{\m+}ste pretyAbhigachchhanti ye ke chAtmahano janAH  || 3||}
sushhThu ramaNaM suryam.h |  supUrvasya ramatarD.hyapratyayaH tadviruddhaM
asuryaM mahAduHkham.h |  asuryameshhu astItyasuryAH |  arsha Adyach.h pratyayAnto.ayam.h |
mahAduHkhavattvAd.h \ldq asuryAH\rdq |  asuraprApyatvAd.h vA \ldq asuryAH\rdq |

\ldq andhena tamasAH\rdq andhayatIti vyutpattyA, nibiDAndhakAreNa ityarthaH |
\lsq AvR^itAste prasiddhA yaH\rsq iti sheshhaH |  lokAstAn.h \ldq pretya\rdq mR^itvA
\ldq abhigachchhanti\rdq |

\lsq te ka\?\rsq ityata uktaM, \ldq ya\rdq iti |  \ldq AtmahanaH\rdq \- \lsq yathAvad.h
AtmAnamaj~nAtvA vaiparItyena jAnanto, ye kechana vartante te sarve.api
abhigachchhanti\rsq, iti |  \ldq nAma\rdq \- \lsq nishchitametad.h\rsq, ityarthaH  || 3||

   {\Largedvng anejadekaM manaso javIyo nainaddevA ApnuvanpUrvamarshhat.h  |}
   {\Largedvng taddhAvato.anyAnatyeti tishhThattasminnapo mAtarishvA dadhAti  || 4||}
idAnIM paramAtmatattvamupadishati, \ldq anejad.h\rdq ityAdimantradvayena |
tatparamAtmasvarUpaM anejat.h |  \ldq ejR^i kampane\rdq |  \lsq akampamAnaM nirbhayatvAd.h\rsq,
iti bhAvaH |  \ldq ekaM\rdq pradhAnam.h |  \ldq manaso\rdq{}.api \ldq javIyaH\rdq vegavattaram.h |
\ldq enat.h\rdq parabrahmasvarUpaM \ldq devAH\rdq na \ldq Apnuvat.h\rdq sAkalyena na vyajAnan.h |
\lsq brahma tu \ldq pUrvaM\rdq anAdikAlaM svabhAvataM\rsq, iti yAvat.h |  \ldq arshhat.h\rdq,
\ldq R^ishha j~nAne\rdq sarvaM vyajAnat.h |  ADAgamAbhAvachchhAndasaH (ADAgamAbhAvashchhandasaH) |
\ldq tad.h\rdq brahma \ldq tishhThat.h\rdq vidyamAnameva (vidyamAneva) sad.h \ldq dhAvato\rdq,
vegena gachchhato \ldq .anyAn.h\rdq janAn.h \ldq atyeti\rdq atikramya vartate |
\lsq achintyashaktitvAt.h, sarvagatatvAchcha\rsq, iti bhAvaH |  \ldq tasmin.h\rdq harau
\ldq mAtarishvA\rdq mukhyavAyuH AsamantAt.h pAlayantIti vyutpattyA apaH karmANi |
\lsq svapreraNayA prANibhiH kriyamANAni puNyakarmANi \ldq dadhAti\rdq samarpayati\rsq
\- iti  || 4||

   {\Largedvng tadejati tannaijati taddUre tadvantike  |}
   {\Largedvng tadantarasya sarvasya tadu sarvasya bAhyataH  || 5||}
\ldq tad.h\rdq{}iti paJNchamyarthe avyayam.h |  \lsq jagad.h\rsq iti sheshhaH |
tattasmAt.h prakR^itAd.h hareH jagad.h \ldq ejati\rdq bibheti \- tat.h brahma \ldq naijati\rdq
na bibheti, svatantratvAd.h, iti bhAvaH |  tadu tadeva brahma dUre |  \lsq tadu tadevAntike
samIpe cha, sarvagatatvAd.h\rsq, iti bhAvaH |  tat.h brahma asya pramitasya sarvasyAntaH |
\lsq tadu tadeva sarvasya bAhyataH, bahirapi sarvavyApitvAd.h\rsq, iti bhAvaH  || 5||

   {\Largedvng yastu sarvANi bhUtAnyAtmanyevAnupashyati  |}
   {\Largedvng sarvabhUteshhu chAtmAnaM tato na vijugupsate || 6||}
\ldq taddUra\rdq ityAdau hareH sarvabhUtAshrayatayA sarvabhUtagatatvamuktam.h |
tajj~nAnasya phalamAha \- \ldq yastu\rdq iti |  \ldq sarvANi bhUtAni\rdq chidachidAtmakaM
sarvaM jagat.h |  \ldq Atmanyeva\rdq paramAtmAshrayatvena eva astIti \ldq yastu\rdq \ldq anu\rdq
nissandehaM \ldq pashyati\rdq jAnAti |  yadvA AshritatvakramAnurodheneti \ldq anu\rdq{}shabdArthaH |
\ldq sarvabhUteshhu cha AtmAnaM\rdq \- \lsq sarvabhUteshhu niyantR^itayA sthitaM hariM yo
anupashyati\rsq, ityanvayaH |  tataH paramAtmasvarUpaj~nAnitvAt.h hetor.h \ldq na
vijugupsate\rdq |  \lsq svAtmAnaM goptuM nechchhati, bhayAbhAvAd.h\rsq, iti bhAvaH  || 6||

etamevArthaM vivR^iNoti \-

   {\Largedvng yasminsarvANi bhUtAnyAtmaivAbhUdvijAnataH  |}
   {\Largedvng tatra ko mohaH kaH shoka ekatvamanupashyataH  || 7||}
\lsq yasminnAtmani sarvANi bhUtAni tishhThanti\rdq iti sheshhaH |  sa
\ldq Atmaiva\rdq tatra sarvabhUteshhu \ldq abhUt.h\rdq, \lsq anAdito vartata\rsq ityarthaH |
\lsq evam.h\rsq iti sheshhaH |  evaM \ldq vijAnataH\rdq sarvAdhAratayA sarveshhu
bhUteshhu AtmAnaM visheshheNa jAnataH sarvatra sthitasya hareH \ldq ekatvaM\rdq
cha \ldq anupashyataH\rdq jAnataH, ko mohaH kaH shokaH\? \- na ko.api, ityarthaH  || 7||

\lsq bhagavajj~nAnamAtreNa kuto mohAdyabhAva\?\rsq ityata Aha \-

   {\Largedvng sa paryagAchchhukramakAyamavraNamasnAvira{\m+} shuddhamapApaviddham.h |}
   {\Largedvng kavirmanIshhI paribhUH svayambhUryAthAtathyato.arthAn.h vyadadhAchchhAshvatIbhyaH }
   {\Largedvng samAbhyaH  || 8||}
\lsq sa j~nAnI paryagAt.h prApto.abhUt.h brahmA\rsq iti sheshhaH |  \lsq tAvatA kathaM
shokAdyabhAva\?\rsq ityataH tadvishinashhTi, \ldq shukram.h\rdq ityAdinA |  \lsq shuchaM shokaM
rahati tyajati\rsq, iti shukraM shokarahitam.h |  \ldq akAyaM\rdq liN^gadeharahitam.h |
\ldq avraNaM\rdq, \ldq vraNa saJNchUrNana\rdq ityataH stoko vraNaH |  kAlena astokatvAdavraNaM
nityam.h |  guNairastokatvAd.h \ldq avraNam.h\rdq \- pUrNamityarthaH |  \ldq asnAviram.h\rdq
snAvopalaxitasaptadhAtumayasthUladeharahitam.h |  \ldq shuddhaM\rdq pAvitryahetuM, shuddhatvAdeva
\ldq apApaviddham.h\rdq |  tata eva hetoH pApamUlasthUlasUxmasharIrahInam.h |  tata eva
\lsq dehanimittashokAdishUnyam.h\rsq, iti \ldq shukram.h\rdq ityuchyate |  evambhUtaM hariM
\ldq paryagAd.h\rdq yato.ataH kAraNAchchhokAdyabhAvaH |  \lsq evambhUtaharisArUpyalaxaNAM
tadgatiM gatasya shokAdyabhAvo yukta\rsq, iti bhAvaH |

\lsq nanu evamasharIrashchet.h, jagatsrashhTA neti prAptam.h |  loke sadehasyaiva
srashhTR^itAdarshanAd.h\rsq ityAshaN^kAM nirAha \- \ldq kavir.h\rdq iti |  kaviH sarvaj~naH |
\ldq manIshhI\rdq prakR^ityAdisarvamanasAM IshitR^itvAd.h manIshhI |  etena
\lsq j~nAnAvinAbhUtadehavAn.h\rsq iti labhyate |  sa cha aprAkR^ita eva, iti prAguktaH |
tannimittashokAdyabhAvo yuktaH |  prAkR^itasyaiva taddhetutvAt.h |  \lsq paribhavati sarvaM
vashIkaroti\rsq iti \ldq paribhUH\rdq |  \lsq sarvato vara\rsq ityarthaH |  \lsq svayameva
paramanapexya bhavati\rsq iti \ldq svayambhUH\rdq |  sadA.ananyAshrayaH \ldq shAshvatIbhyaH samAbhya\rdq
iti paJNchamI saptamyarthe |  anAdyanantasaMvatsareshhu \ldq yAthAtathyato\rdq yAthArthyena
vartamAnAnarthAn.h \ldq vyadadhAn.h\rdq nirmime |  yAthAtathyata ityuktyA \lsq brahmavivartatvAdarthAnAM
na tatsR^ishhTau dehAdyapexA\rsq iti chodyaM nirastam.h |  \ldq shAshvatIbhyaH samAbhya\rdq
ityuktyA \lsq sadA dehahInasyApi sR^ishhTisamaye dehopAdAnenAstu sR^ishhTiH\rsq iti chodyaM
nirastaM dhyeyam.h |  \lsq sR^ishhT.hyAdipravAhasya anAdyanantakAlInatvAd.h\rsq iti  || 8||

   {\Largedvng andhaM tamaH pravishanti ye.avidyAmupAsate  |}
   {\Largedvng tato bhUya iva te tamo ya u vidyAyA{\m+} ratAH  || 9||}
\ldq vijAnato\rdq{}\ldq .anupashyata\rdq ityatra \lsq yathAvatparamAtmaj~nAnaM
muktihetuH\rsq ityuktam.h |  \lsq tajj~nAnaM mithyAj~nAnanindAsamuchchitameva
muktihetuH, na kevalam.h\rsq, ityAha \- \ldq andhaM tama\rdq ityAdimantratrayeNa |
tatra tAvadyathAvajj~nAnasyeva anyathAj~nAnanindanasya AvashyakatvopapAdanAya
anyathAj~nAnasya prAguktamasuryalokasAdhanatvamanUdya anyathAj~nAnAnindanasya
tato.adhikAnarthahetutvamAdyena mantreNochyate |  atra \ldq avidyA\rdq{}shabdena
vidyAvirodhimithyAj~nAnavAchinA tadvishhayo anyathAprakAro grAhyaH |  tathA cha
avidyAM yathAvadAkArAdanyathAkAraM \ldq upAsate\rdq dhyAyanti ye, te \ldq andhaM tamaH
pravishanti\rdq \- ityuktAnuvAdaH |  \ldq ye\rdq \ldq vidyAyAM\rdq \ldq u\rdq tattvaj~nAna
eva \ldq ratAH\rdq mithyAj~nAnanindakA ityevakArArthaH |  te tato mithyAj~nAniprApya
tamaso \ldq bhUya\rdq adhikaM tamaH |  \ldq iva\rdq{}shabdasya \ldq vyaktam.h\rdq ityarthaH |
\lsq asaMshayam.h\rsq iti yAvat.h |  \ldq pravishanti\rdq ityanvayaH  || 9||

\lsq na kevalaM vipaxe anarthaprAptereva samyagj~nAnAsamyagj~nAnanindanayoH
kAryatvaM, kintu moxaphalasyAMshataH ubhayasAdhyatvAdapi dvayoH kAryatvam.h\rsq,
ityAhuH \-

   {\Largedvng anyadevAhurvidyayA.anyadAhuravidyayA  |}
   {\Largedvng iti shushruma dhIrANAM ye nastadvichachaxire  || 10||}
\ldq vidyayA\rdq tattvaj~nAnena \ldq anyadeva\rdq moxaikadesharUpaM phalaM prApyamAhuH
vR^iddhAH |  \ldq avidyayA\rdq \- \lsq anyathAj~nAnanindayA cha\rsq, iti yAvat.h |
\ldq anyadeva\rdq moxaikadeshalaxaNaM phalaM prApyamAhuH vR^iddhAH |  \ldq iti\rdq
ityevaM vR^iddhavachanasammatiyuktaM vachanaM dhIrANAM dhImatAM (shrImatAM) sakAshAt.h
\ldq shushruma\rdq shrutavantaH sma |  \ldq ye\rdq \ldq dhIrA\rdq \ldq no\rdq{}.asmAkaM moxasAdhanaM
\ldq vichachaxire\rdq vyAchachaxire |  \lsq ato dvayamapi Avashyakam.h\rsq iti bhAvaH  || 10||

etanmantrArthameva vyaktamAha \-

   {\Largedvng vidyAM chAvidyAM cha yastadvedobhaya{\m+} saha  |}
   {\Largedvng avidyayA mR^ityuM tIrtvA vidyayA.amR^itamashnute  || 11||}
\ldq vidyAm.h\rdq vishhNuyAthAtmyaj~nAnam.h |  \ldq avidyAm.h\rdq mithyAj~nAnanindanam.h |
\ldq cha\rdq{}shabdAvitaretarayoge |  \lsq saha ekapurushhArthahetutvena tadubhayaM
yo veda, sa\rsq iti sheshhaH |  \ldq avidyayA\rdq anyathAj~nAnanindayA \ldq mR^ityuM\rdq
duHkhAj~nAnAdyanishhTaM \ldq tIrtvA\rdq, \ldq vidyayA\rdq vishhNuyAthAtmyaj~nAnena
\ldq amR^itaM\rdq AnandAnubhavalaxaNaM moxaikadeshaM, \ldq ashnute\rdq prApnoti |
\lsq anishhTanivR^ittermithyAj~nAnanindanasAmarthyalabhyatvAt.h AnandAnubhavasya
cha tattvaj~nAnasAmarthyalabhyatvAt.h daladvayayuktamoxaprAptaye, dvayamapi Avashyakameva\rsq,
ityuktaM bhavati  || 11||

   {\Largedvng andhaM tamaH pravishanti ye.asambhUtimupAsate  |}
   {\Largedvng tato bhUya iva te tamo ya u sambhUtyA{\m+} ratAH  || 12||}
\lsq mithyAj~nAnamanarthahetuH tattvaj~nAnameva muktihetuH\rsq, iti prAguktasya
vivaraNaM \ldq andhaM tamaH\rdq ityuttaramantratrayeNa kriyate |  tatrAdyasya
ayamarthaH |  \ldq asambhUtiM\rdq jagatsR^ishhTerakartAraM \lsq sR^ishhTikartA na\rsq ityupAsate,
ityarthaH |  \ldq sambhUtyAm.h\rdq \- \ldq u\rdq{}shabda evArtho anenAnveti |  \ldq sambhUtyAm.h\rdq
\ldq u\rdq sR^ishhTikartR^itva eva ratAH |  \lsq bhagavAn.h sR^ishhTikartaiva, na saMhArakartA\rsq,
ityupAsata ityarthaH |  prAgvadeva avashishhTasyArtho dhyeyaH (j~neyaH)  || 12||

\lsq na kevalaM vipaxe anarthasattvAdeva sR^ishhTisaMhArayoH kartR^itvaM harerj~neyaM,
kintu daladvayayuktamoxopayogitvAdapi\rsq, ityAha \-

   {\Largedvng anyadevAhuH sambhavAdanyadAhurasambhavAt.h  |}
   {\Largedvng iti shushruma dhIrANAM ye nastadvichachaxire  || 13||}
\ldq sambhavAt.h\rdq hareH sR^ishhTikartR^itvaj~nAnAt.h, \ldq asambhavAt.h\rdq
saMhArakartR^itvaj~nAnat.h, ityarthaH |  shishhTaM prAgvat.h j~neyam.h  || 13||

etanmantrArthameva vyaktamAha \-

   {\Largedvng sambhUtiM cha vinAshaM cha yastadvedobhaya{\m+} saha  |}
   {\Largedvng vinAshena mR^ityuM tIrtvA sambhUtyA.amR^itamashnute  || 14|| 1||}
\ldq sambhUtim.h\rdq sR^ishhTikartR^itvaM, \ldq vinAshaM\rdq jagatsaMhArakartR^itvaM,
shishhTaM prAgvat.h |  \lsq sR^ishhTi upalaxitAnantaguNAtmakatvaj~nAnAdAnandAnubhavaH
vinAshakartR^itvaj~nAnAt.h akhilakleshanivR^ittiriti ubhayarUpamoxAya
ubhayaj~nAnamAvashyakam.h\rsq, iti bhAvaH  || 14|| 1||

   {\Largedvng hiraNmayena pAtreNa satyasyApihitaM mukham.h  |}
   {\Largedvng tat.h tvaM pUshhannapAvR^iNu satyadharmAya dR^ishhTaye || 15||}
evamAdyamantradvayenoktadishA prAptAdhikAraM shishhyaM prati \ldq anejadekam.h\rdq
ityAdinA bhagavatsvarUpaM nirUpya, \ldq yastu sarvANi\rdq ityAdisArdhamantradvayena
tatsAxAtkAro moxaheturityuktam.h |  \lsq sa cha sAxAtkAro na shravaNAdimAtreNa,
kintu IshvaraprasAdena bhavatItyato anushhThitashravaNAdikenApi tatsAxAtkArArthaM
bhagavatprArthanaM kAryam.h\rsq, iti bhAvena prArthanAprakAramAha \- \ldq hiraNmayena\rdq
ityAdinA \ldq smara\rdq ityantena granthena |

hiraNmayamiva \ldq hiraNmayam.h\rdq jyotirmayam.h |  \lsq pibati rasAn.h trAyate jagad.h\rsq
iti cha \ldq pAtram.h\rdq |  tena \ldq hiraNmayena pAtreNa\rdq sUryamaNDalena \ldq satyasya\rdq
sad.hguNapUrNasya sUryamaNDalasthasya tava \ldq mukham.h\rdq |  upalaxaNaM chaitat.h |  vapuH
sarvadA \ldq apihitaM\rdq asti |  he \ldq pUshhan.h\rdq pUrNa, \ldq pushha pushhTau\rdq iti dhAtoH |
tadvapuH \ldq tvaM\rdq \ldq satyadharmAya\rdq \lsq satyaM bhagavantaM hR^idaye dhArayati\rsq iti
vyutpattyA tvad.hdhyAnAdimate bhaktAya mahyaM \ldq dR^ishhTaye\rdq mama tvaddarshanArthaM
\ldq apAvR^iNu\rdq, apagatAvaraNaM kuru  || 15||

   {\Largedvng pUshhannekarshhe yama sUrya prAjApatya vyUha rashmIn.h  |}
   {\Largedvng samUha tejaH yat.h te rUpaM kalyANatamaM tat.h te pashyAmi  || 16||}
he \ldq pUshhan.h\rdq, pUrNa, \ldq ekarshhe\rdq sarvavishhayakatvAdinA pradhAnaj~nAnavattvahetunA
\ldq ekarshhi\rdq{}shabdavAchyaH san.h ekarshhyAkhyamunistha |  \ldq yama\rdq sarvaniyAmakatayA
\ldq yama\rdq{}shabdavAchyaH san.h yamAntargata |  sUribhiH prApyatvahetunA, \ldq sUrya\rdq{}shabdavAchyaH
san.h sUryAntargata |  \ldq prAjApatya\rdq prajApateH hiraNyagarbhasya visheshheNa prApyatayA
\ldq prAjApatya\rdq{}shabdavAchya |  \ldq rashmIn.h\rdq madIyaM svarUpaj~nAnaM \ldq vyUha\rdq vistAraya |
\ldq tejo\rdq bAhyaj~nAnaM cha \ldq samUha\rdq vistAraya \- ityarthaH | \ldq teja\rdq iti
svarUpaj~nAnam.h |  \ldq rashmIn.h\rdq iti bAhyaj~nAnaM vA |

tathA cha \ldq yatte rUpaM kalyANatamaM\rdq tadrUpaM te prasAdAdahaM \ldq pashyAmi\rdq, iti
AdityarashmyAdInAM apagamanAdinA tadantargatapratItyasambhavAt.h AdityarashmyAdivishhayaM
vyAkhyAnamayuktam.h  || 16||

\lsq sarvajIvottamamukhyavAyurUpapratIkasthityAdij~nAnaM Avashyakam.h\rsq, iti
bhAvena tat.h sthityAdikamAha \-

   {\Largedvng yo.asAvasau purushhaH so.ahamasmi  || 17||}
\ldq yo.asau\rdq \- \lsq prasiddho.asau mukhyaprANe sthita\rsq iti sheshhaH |
\lsq so.aheyatvAt.h \ldq aham.h\rdq{}ityuktaH sadA.astitvena meyatvahetunA
\ldq asmi\rdq{}iti tiN^.hpratirUpakAvyayapadavAchyaH taM pashyAmi\rsq \- ityarthaH |

yadvA \ldq asAvasau\rdq iti dvayamapi prathamAntameva |  vIpsAyAM dviruktiH |  pUrvaM
pUshhAdishabdairupalaxaNatayA prANAdyanekapratIkasthatvaM vishhNoruktam.h |  tatra
bhedashaN^kAyAM \ldq yo.asau\rdq iti vAkyamuchyate |  \ldq yo.asAvasau purushhaH\rdq
prANAdyaneka(pUshhAdyaneka)pratIkeshhu sthitaH \ldq so.ahamasmi\rdq \- madantaryAmitayA
asti, ityarthaH |  \lsq sarvapratIkeshhu mayi cha sthita eka eva\rsq, iti phalito.arthaH  |

\ldq ahaM\rdq{}padasya pratyagAtmaM jIvAntaryAmiNi mukhyatayA tatsamabhivyAhArAd.h
\ldq asmi\rdq iti uttamapurushhaprayogo.api sAdhureva, iti j~neyam.h  || 17||

\lsq nanu parameshvarasya yatkalyANarUpatvamuktaM yachcha \ldq so.ahamasmi\rdq iti
jIvAntargatasya nityAstitvamuktaM, tanna yuktam.h |  dehanAshasya pratyaxAdisiddhatayA,
tadantargatasya jIvasyeva maraNAdyavashyambhAvAd.h\rsq, ityAshaN^kAM kaimutyena nirAha \-

   {\Largedvng vAyuranilamamR^itamathedaM bhasmA.nta{\m+} sharIram.h  || 18|| }
yadyapi \ldq idaM\rdq \ldq sharIraM\rdq \ldq bhasmAntaM\rdq, tathApi tadantargatasya hareH na
maraNAdidoshhaprasaktiH |  kutaH\?  \ldq anilam.h\rdq \- \lsq aH brahmaiva nilaM
nilayanaM Ashrayo yasya so.anilaH\rsq |  \lsq parameshvarAshrito vAyurapi
yadA.amR^itaH nityaH, atha tadA parameshvaro.amR^ita iti kimu vaktavyam.h\?\rsq
\- ityarthaH |  \ldq anila\rdq{}\ldq amR^ita\rdq{}padayoH liN^gavyatyayo j~neyaH |
vAyoramR^itatvaM nityaj~nAnatvena j~neyam.h, \ldq atirohitavij~nAnAd.h vAyurapi
amR^itaH smR^itaH\rdq ityukteH |  \ldq etena mAtarishvA vyAkhyAtaH\rdq
(bra\.sU\. 2\.3\.8) ityatra bhAshhyAdau tathA nirNayAchcha \- iti  || 18||

atha praNavapratIkaM prArthayate \-

   {\Largedvng OM krato smara kR^ita{\m+} smara  |}
   {\Largedvng OM krato smara kR^ita{\m+} smara || 19||}
otatvAdiguNayuktatayA \ldq OM\rdq{}ityuchyamAna \ldq krato\rdq j~nAnarUpahare |
\lsq mAm.h\rsq iti sheshhaH |  \ldq smara\rdq anugR^ihANa |  \ldq kR^itaM\rdq madIyaM
dhyAnAdikaM karma \ldq smara\rdq |  \lsq dhyAnAdinA mayA kR^itena mayi anugrahonmukho
bhava\rsq, ityarthaH |  nityaj~naptisvarUpasya saMskArajanyasmaraNAyogAt.h |  abhyAsaH
tAtparyArthaH  || 19||

\lsq kR^itashravaNAdinA purushheNa sAxAtkArArthaM hareH prArthanaM kAryam.h\rsq,
ityataH tatprakAraM \ldq hiraNmayena\rdq ityAdinoktvA adhunA \lsq prAptasAxAttkAreNApi
puMsA moxArthaM bhagavadupAsanaM kAryam.h\rsq iti bhAvena agnipratIkastha
bhagavatprArthanAprakAramAha \-

   {\Largedvng agne naya supathA rAye asmAn.h vishvAni deva vayunAni vidvAn.h  |}
   {\Largedvng yuyodhyasmajjuhurANameno bhUyishhThAM te nama{}uktiM vidhema  || 20|| 2||}
\lsq aN^gaM dehaM guNabhUtaM jagadvA nayati prerayati\rsq iti vyutpattyA
\ldq agni\rdq{}padamukhyArthaH san.h agnau vidyamAnahare |  \ldq asmAn.h\rdq
\ldq supathA\rdq punarAvR^ittihInArchirAdimArgeNa \ldq rAye\rdq moxAkhyavittAya \ldq naya\rdq |

kutaH\?  \lsq he deva asmadanushhThitAni vishvAni sampUrNAni moxAya paryAptAni\rsq iti yAvat.h |
\ldq vayunAni\rdq j~nAnAni bhavAn.h \ldq vidvAn.h\rdq veda |  \lsq prArabdhakarmayuktasya kathaM moxa\?\rsq,
ityata uktaM, \ldq yuyodhi\rdq iti |  \ldq asmAn.h\rdq ityatrApi anushhajyate | \ldq asmAn.h\rdq
\ldq juhurANaM\rdq alpAn.h kurvatsaMsAre parivartayaditi yAvat.h |  \lsq enaH pApaM
anishhTaM karma\rsq iti yAvat.h |  \ldq asmat.h\rdq asmattaH \ldq yuyodhi\rdq viyojaya |
\ldq yuyu viyoge\rdq iti dhAtorlugvikaraNam.h |  vayaM tu \ldq te\rdq tubhyaM \ldq bhUyishhThAM\rdq
bhaktij~nAnopetAM \ldq nama uktiM\rdq nama ityuktiM \ldq vidhema\rdq kurmaH | \lsq na tu tat.h
pratikartuM shaknuma\rsq \- iti  || 20|| 2||

   samastaguNapUrNAya doshhadUrAya vishhNave  |
   namaH shrIprANanAthAya bhaktAbhIshhTapradAyine  ||
   IshhAvAsyopanishhado bhAshhyAdyuktArthasaN^grahaH  |
   rAghavendreNa yatinA kR^ito.ayaM shishhyayAJNchayA  ||
\centerline{iti shrIrAghavendrayativirachitaH shrImadIshAvAsyopanishhatkhaNDArthaH samAptaH}
\centerline{.. bhAratIramaNamukhyaprANAntargata shrIkR^ishhNArpaNamastu..}
## \smallskip\hrule\smallskip
Encoded by Shrisha Rao (shrao@dvaita.org).  See details on http://www.dvaita.net
Proofread by Meera Tadipatri (mtadipatri@dvaita.net)
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}