%@@1
% File name             : aatmabodha_upan.itx
%--------------------------------------------
% Text title            : Atmabodha Upanishad
% Author                : Vedic Tradition
% Language              : Sanskrit
% Subject               : philosophy/religion/hinduism
% Description/comments  : #42/108; RigVeda, Samanya Upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : September 25, 1999
% Send corrections to   : sanskrit@cheerful.com
%
% Special Instructions  : i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access           : http://sanskrit.gde.to
%                         http://sanskritdocuments.org
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's' agreement.
%@@2
%
% Please ignore the following commands upto #indian and others with \ mark,
% which are needed for devanaagarii output and formatting.
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Atmabodha Upanishad ..}##
\itxtitle{.. aatmabodhopanishhat.h ..}##\endtitles##
.. aatmabodhopanishhat.h ..    ##42##
shriimannaaraayaNaakaaramashhTaakSharamahaashayam.h .
svamaatraanubhavaatsiddhamaatmabodha.n hariM bhaje ..
AUM vaa~Nme manasiiti shaantiH ..
AUM pratyagaanandaM brahmapurushhaM praNavasvaruupaM akaara ukaara
makaara iti tryakSharaM praNava.n tadetadomiti . yamuktvaa muchyate
yogii janmasa.nsaarabandhanaat.h . AUM namo naaraayaNaaya
sha~Nkhachakragadaadharaaya tasmaat.h AUM namo naaraayaNaayeti
mantropaasako vaikuNThabhavana.n gamishhyati . atha yadidaM
brahmapuraM puNDariika.n tasmaattaDitaabhamaatra.n
diipavatprakaasham.h ..
brahmaNyo devakiiputro brahmaNyo madhusuudanaH .
brahmaNyaH puNDariikaakSho brahmaNyo vishhNurachyutaH ..
sarvabhuutasthameka.n naaraayaNa.n kaaraNapurushhamakaaraNaM paraM
brahmom.h . shokamohavinirmukto vishhNu.n dhyaayanna siidati .
dvaitaadvaitamabhayaM bhavati . mR^ityoH sa mR^ityumaapnoti ya iha
naaneva pashyati . hR^itpadmamadhye sarva.n yattatpraj~naane
pratishhThitam.h . praj~naanetro lokaH praj~naa pratishhThaa
praj~naanaM brahma . sa etena
praj~nenaatmanaasmaallokaadutkramyaamushhminsvarge loke
sarvaankaamaanaaptvaa.amR^itaH samabhavadamR^itaH samabhavat.h .
yatra jyotirajasra.n yasmi.nlloke.abhyarhitam.h . tasminmaa.n dehi
svamaanamR^ite loke akShate achyute loke akShate amR^itatva.n cha
gachchhatyoM namaH .. 1..
pragalitanijamaayo.aha.n nistuladR^ishiruupavastumaatro.aham.h .
astamitaahanto.ahaM pragalitajagadiishajiivabhedo.aham.h .. 1..
pratyagabhinnaparo.aha.n vidhvastaasheshhavidhinishhedho.aham.h .
samudastaashramito.ahaM pravitatasukhapuurNasa.nvidevaaham.h .. 2..
saakShyahamanapekSho.aha.n nijamahimni sa.nsthito.ahamachalo.aham.h .
ajaro.ahamavyayo.ahaM pakShavipakShaadibhedavidhuro.aham.h .. 3..
avabodhaikaraso.ahaM mokShaanandaikasindhurevaaham.h .
suukShmo.ahamakSharo.aha.n vigalitaguNajaalakevalaatmaa.aham.h .. 4..
nistraiguNyapado.aha.n kukShisthaanekalokakalano.aham.h .
kuuTasthachetano.aha.n nishhkriyadhaamaahamapratarkyo.aham.h .. 5..
eko.ahamavikalo.aha.n nirmalanirvaaNamuurtirevaaham.h .
niravayo.ahamajo.aha.n kevalasanmaatrasaarabhuuto.aham.h .. 6..
niravadhinijabodho.aha.n shubhatarabhaavo.ahamaprabhedyo.aham.h .
vibhurahamanavadyo.aha.n niravadhiniHsiimatattvamaatro.aham.h .. 7..
vedyo.ahamagamaastairaaraadhyo.aha.n sakalabhuvanahR^idyo.aham.h .
paramaanandaghano.aham paramaanandaikabhuumaruupo.aham.h .. 8..
shuddho.ahamadvayo.aha.n santatabhaavo.ahamaadishuunyo.aham.h .
shamitaantatritayo.ahaM baddho mukto.ahamadbhutaatmaaham.h .. 9..
shuddho.ahamaantaro.aha.n shaashvatavij~naanasamarasaatmaaham.h .
shodhitaparatattvo.ahaM bodhaanandaikamuurtirevaaham.h .. 10..
vivekayuktibuddhyaaha.n jaanaamyaatmaanamadvayam.h .
tathaapi bandhamokShaadivyavahaaraH pratiiyate .. 11..
nivR^itto.api prapa~ncho me satyavadbhaati sarvadaa .
sarpaadau rajjusatteva brahmasattaiva kevalam.h .
prapa~nchaadhaararuupeNa vartate.ato jaganna hi .. 12..
yathekShurasasa.nvyaaptaa sharkaraa vartate tathaa .
advayabrahmaruupeNa vyaapto.aha.n vai jagattrayam.h .. 13..
brahmaadikiiTaparyantaaH praaNino mayi kalpitaaH .
budbudaadivikaaraantastara~NgaH saagare yathaa .. 14..
tara~Ngastha.n drava.n sindhurna vaa~nchhati yathaa tathaa .
vishhayaanandavaa~nchhaa me maa bhuudaanandaruupataH .. 15..
daaridryaashaa yathaa naasti saMpannasya tathaa mama .
brahmaanande nimagnasya vishhayaashaa na tadbhavet.h .. 16..
vishha.n dR^ishhTvaa.amR^ita.n dR^ishhTvaa vishha.n tyajati
buddhimaan.h .
aatmaanamapi dR^ishhTvaahamanaatmaana.n tyajaamyaham.h .. 17..
ghaTaavabhaasako bhaanurghaTanaashe na nashyati .
dehaavabhaasakaH saakShii dehanaashe na nashyati .. 18..
na me bandho na me muktirna me shaastra.n na me guruH .
maayaamaatravikaasatvaanmaayaatiito.ahamadvayaH .. 19..
praaNaashchalantu taddharmaiH kaamairvaa hanyataaM manaH .
aanandabuddhipuurNasya mama duHkha.n kathaM bhavet.h .. 20..
aatmaanama~njasaa vedmi kvaapyaj~naanaM palaayitam.h .
kartR^itvamadya me nashhTa.n kartavya.n vaapi na kvachit.h .. 21..
braahmaNya.n kulagotre cha naamasaundaryajaatayaH .
sthuuladehagataa ete sthuulaadbhinnasya me nahi .. 22..
kShutpipaasaandhyabaadhiryakaamakrodhaadayo.akhilaaH .
li~Ngadehagataa ete hyali~Ngasya na santi hi .. 23..
jaDatvapriyamodatvadharmaaH kaaraNadehagaaH .
na santi mama nityasya nirvikaarasvaruupiNaH .. 24..
uluukasya yathaa bhaanurandhakaaraH pratiiyate .
svaprakaashe paraanande tamo muuDhasya jaayate .. 25..
chakShurdR^ishhTinirodhe.abhraiH suuryo naastiiti manyate .
tathaa.aj~naanaavR^ito dehii brahma naastiiti manyate .. 26..
yathaamR^ita.n vishhaadbhinna.n vishhadoshhairna lipyate .
na spR^ishaami jaDaadbhinno jaDadoshhaanprakaashataH .. 27..
svalpaapi diipakaNikaa bahula.n naashayettamaH .
svalpo.api bodho nibiDe bahula.n naashayettamaH .. 28..
kaalatraye yathaa sarpo rajjau naasti tathaa mayi .
aha~Nkaaraadidehaanta.n jagannaastyahamadvayaH .. 29..
chidruupatvaanna me jaaDya.n satyatvaannaanR^itaM mama .
aanandatvaanna me duHkhamaj~naanaadbhaati satyavat.h .. 30..
aatmaprabodhopanishhadaM muhuurtamupaasitvaa na sa punaraavartate na
sa punaraavartata ityupanishhat.h ..
AUM vaa~Nme manasiiti shaantiH ..
iti aatmabodhopanishhatsamaaptaa ..
##
Encoded by Sunder Hattangadi (sunderh@hotmail.com)
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}