%@@1
% File name             : adhyatmaupan.itx
%--------------------------------------------
% Text title            : Adhyatma Upanishad
% Author                : Vedic tradition
% Language              : Sanskrit
% Subject               : philosophy/hinduism/
% Description/comments  : # 73 / 108; Shukla Yajurveda - Samanya upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : August  11, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------------------------
\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Adhyatma Upanishad ..}##
\itxtitle{.. adhyaatmopanishhat.h ..}##\endtitles##
yatraantaryaamyaadibhedastattvato na hi yujyate .
nirbhedaM paramaadvaita.n svamaatramavashishhyate ..
AUM puurNamadaH puurNamidaM puurNaatpuurNamudachyate .
puurNasya puurNamaadaaya puurNamevaavashishhyate .. 
AUM shaantiH shaantiH shaantiH ..
hariH AUM .. antaHshariire nihito guhaayaamaja eko nityamasya
pR^ithivii shariira.n yaH pR^ithiviimantare sa.ncharanyaM pR^ithivii na veda .
yasyaapaHshariira.n yo apo.antare sa.ncharanyamaapo na viduH .
yasya tejaH shariira.n yastejo.antare sa.ncharanya.n tejo na veda .
yasya vaayuH shariira.n yo vaayumantare sa.ncharanya.n vaayurna veda .
yasyaakaashaH shariira.n ya aakaashamantare sa.ncharanyamaakaasho na veda .
yasya manaH shariira.n yo mano.antare sa.ncharanyaM mano na veda .
yasya buddhiH shariira.n yo buddhimantare sa.ncharanyaM buddhirna veda .
yasyaaha.nkaaraH shariira.n yo.aha.nkaaramantare sa.ncharanyamaha.nkaaro na veda .
yasya chitta.n shariira.n yashchittamantare sa.ncharanya.n chitta.n na veda .
yasyaavyakta.n shariira.n yo.avyaktamantare sa.ncharanyamavyakta.n na veda .
yasyaakshara.n shariira.n yo.aksharamantare sa.ncharanyamkshara.n na veda .
yasya mR^iyuH shariira.n yo mR^ityumantare sa.ncharanyaM mR^ityurna veda .
sa eshha sarvabhuutaantaraatmaapahatapaapmaa divyo deva eko naaraayaNaH .
ahaM mameti yo bhaavo dehaakshaadaavanaatmani . adhyaaso.aya.n nirastavyo
vidushhaa brahmanishhThayaa .. 1..
j~naatvaa svaM pratyagaatmaanaM buddhitadvR^ittisaakshiNam.h .
so.ahamityeva tadvR^ittyaa svaanyatraatmyamaatmanaH .. 2..
lokaanuvartana.n tyaktvaa tyaktvaa dehaanuvartanam.h .
shaastraanuvartana.n tyaktvaa svaadhyaasaapanaya.n kuru .. 3..
svaatmanyeva sadaa sthityaa mano nashyati yoginaH .
yuktyaa shrutyaa svaanubhuutyaa j~naatvaa saarvaatmyamaatmanaH .. 4..
nidraayaa lokavaartaayaaH shabdaaderaatmavismR^iteH .
kvachinnavasara.n dattvaa chintayaatmaanamaatmani .. 5..
maataapitrormalodbhuuta.n malamaa.nsamaya.n vapuH .
tyaktvaa chaNDaalavadduuraM brahmabhuuya kR^itii bhava .. 6..
ghaTaakaashaM mahaakaasha ivaatmaanaM paraatmani .
vilaapyaakhaNDabhaavena tuushhNiiM bhava sadaa mune .. 7..
svaprakaashamadhishhThaana.n svayaMbhuuya sadaatmanaa .
brahmaaNDamapi piNDaaNDa.n tyajyataaM malabhaaNDavat.h .. 8..
chidaatmani sadaanande deharuuDhaamaha.ndhiyam.h .
niveshya li~NgamutsR^ijya kevalo bhava sarvadaa .. 9..
yatraishha jagadaabhaaso darpaNaantaHpura.n yathaa .
tadbrahmaahamiti j~naatvaa kR^itakR^ityo bhavaanagha .. 10..
aha.nkaaragrahaanmuktaH svaruupamupapadyate .
chandravadvimalaH puurNaH sadaanandaH svayaMprabhaH .. 11..
kriyaanaashaadbhavechchintaanaasho.asmaadvaasanaakshayaH .
vaasanaaprakshayo mokshaH saa jiivanmuktirishhyate .. 12..
sarvatra sarvataH sarvabrahmamaatraavalokanam.h .
sadbhaavabhaavaanaadaaDhyaadvaasanaalayamashnute .. 13..
pramaado brahmanishhThaayaa.n na kartavyaJ kadaachana .
pramaado mR^ityurityaahurvidyaayaaM brahmavaadinaH .. 14..
yathaapakR^ishhTa.n shaivaala.n kshaNamaatra.n na tishhThati .
aavR^iNoti tathaa maayaa praaj~na.n vaapi paraa~Nmukham.h .. 15..
jiivato yasya kaivalya.n videho.api sa kevalaH .
samaadhinishhThataametya nirvikalpo bhavaanagha .. 16..
aj~naanahR^idayagrantherniHsheshhavilayastadaa .
samaadhinaa vikalpena yadaadvaitaatmadarshanam.h .. 17..
atraatmatva.n dR^iDhiikurvannahamaadishhu sa.ntyajan.h .
udaasiinatayaa teshhu tishhThedghaTapaTaadivat.h .. 18..
brahmaadistambaparyantaM mR^ishhaamaatraa upaadhayaH .
tataH puurNa.n svamaatmaanaM pashyedekaatmanaa sthitam.h .. 19..
svayaM brahmaa svaya.n vishhNuH svayamindraH svaya.n shivaH .
svaya.n vishvamida.n sarva.n svasmaadanyanna ki.nchana .. 20..
svaatmanyaaropitaa sheshhaabhaasavastuniraasataH .
svayameva paraMbrahma puurNamadvayamakriyam.h .. 21..
asatkalpo vikalpo.aya.n vishvamityekavastuni .
nirvikaare niraakaare nirvisheshhe bhidaa kutaH .. 22..
drashhTR^idarshanadR^ishyaadibhaavashuunye niraamaye .
kalpaarNava ivaatyantaM paripuurNe chidaatmani .. 23..
tejasiiva tamo yatra viliinaM bhraantikaaraNam.h .
advitiiye pare tattve nirvisheshhe bhidaa kutaH .. 24..
ekaatmake pare tattve bhedakartaa katha.n vaset.h .
sushhuptau sukhamaatraayaaM bhedaH kenaavalokitaH .. 25..
chittamuulo vikalpo.aya.n chittaabhaave na kashchana .
atashchitta.n samaadheyi pratyagruupe paraatmani .. 26..
akhaNDaanandamaatmaana.n vij~naaya svasvaruupataH .
bahirantaH sadaanandarasaasvaadanamaatmani .. 27..
vairaagyasya phalaM bodho bodhasyoparatiH phalam.h .
svaanandaanubhavachchhaantireshhaivoparateH phalam.h .. 28..
yadyuttarottaraabhaave puurvaruupa.n tu nishhphalam.h .
nivR^ittiH paramaa tR^iptiraanando.anupamaH svataH .. 29..
maayopaadhirjagadyoniH sarvaj~natvaadilakshaNaH .
paarokshyashabalaH satyaadyaatmakastatpadaabhidhaH .. 30..
aalambanatayaa bhaati yo.asmatpratyayashabdayoH .
antaHkaraNasaMbhinnabodhaH sa tvaMpadaabhidhaH .. 31..
maayaavidye vihaayaiva upaadhii parajiivayoH .
akhaNDa.n sachchidaanandaM paraM brahma vilakshyate .. 32..
ittha.n vaakyaistathaarthaanusandhaana.n shravaNaM bhavet.h .
yuktyaa saMbhaavitatvaanusandhaanaM manana.n tu tat.h .. 33..
taabhya.n nirvichikitse.arthe chetasaH sthaapitasya yat.h .
ekataanatvametaddhi nididhyaasanamuchyate .. 34..
dhyaatR^idhyaane parityajya kramaaddhyeyaikagocharam.h .
nivaatadiipavachchitta.n samaadhirabhidhiiyate .. 35..
vR^ittayastu tadaaniimapyaj~naataa aatmagocharaaH .
smaraNaadanumiiyante vyutthitasya samutthitaaH .. 36..
anaadaaviha sa.nsaare sa.nchitaaH karmakoTayaH .
anena vilaya.n yaanti  shuddho dharmo vivardhate .. 37..
dharmameghamimaM praahuH samaadhi.n yogavittamaaH .
varshhatyeshha yathaa dharmaamR^itadhaaraaH sahasrashaH .. 38..
amunaa vaasanaajaale niHsheshhaM pravilaapite  .
samuulonmuulite puNyapaapaakhye karmasa.nchaye .. 39..
vaakyamapratibaddha.n satpraakparokshaavabhaasite .
karaamalakamavadbodhaparokshaM prasuuyate .. 40..
vaasanaanudayo bhogye vairaagyasya tadaavadhiH .
ahaMbhaavodayaabhaavo bodhasya paramaavadhiH .. 41..
liinavR^itteranutpattirmaryaadoparatestu saa .
sthitapraj~no yatiraya.n yaH sadaanandamashnute .. 42..
brahmaNyeva viliinaatmaa nirvikaaro vinishhkriyaH .
brahmaatmanoH shodhitayorekabhaavaavagaahini .. 43..
nirvikalpaa cha chinmaatraa vR^ittiH praj~neti kathyate .
saa sarvadaa bhavedyasya sa jiivanmukta ishhyate .. 44..
dehendriyeshhvahaMbhaava idaMbhaavastadanyake .
yasya no bhavataH kvaapi sa jiivanmukta ishhyate .. 45..
na pratyagbrahmaNorbheda.n kadaapi brahmasargayoH .
praj~nayaa yo vijaanaati sa jiivanmukta ishhyate .. 46..
saadhubhiH puujyamaane.asminpiiDyamaane.api durjanaiH .
samabhaavo bhavedyasya sa jiivanmukta ishhyate .. 47..
vij~naatabrahmatattvasya yathaapuurva.n na sa.nsR^itiH .
asti chenna sa vij~naatabrahmabhaavo bahirmukhaH .. 48..
sukhaadyanubhavo yaavattaavatpraarabdhamishhyate .
phalodayaH kriyaapuurvo nishhkriyo nahi kutrachit.h .. 49..
ahaM brahmeti vij~naanaatkalpakoTishataarjitam.h .
sa.nchita.n vilaya.n yaati prabodhaatsvapnakarmavat.h .. 50..
svamasa~NgamudaasiinaM parij~naaya nabho yathaa .
na shlishhyate yatiH ki.nchitkadaachidbhaavikarmabhiH .. 51..
na nabho ghaTayogena suraagandhena lipyate .
tathaatmopaadhiyogena taddharme naiva lipyate .. 52..
j~naanodayaatpuraarabdha.n karma j~naanaanna nashyati .
adattvaa svaphala.n lakshyamuddishyotsR^ishhTabaaNavat.h .. 53..
vyaaghrabuddhyaa vinirmukto baaNaH pashchaattu gomatau .
na tishhThati bhinattyeva lakshya.n vegena nirbharam.h .. 54..
ajaro.asmyamaro.asmiiti ya aatmaanaM prapadyate .
tadaatmanaa tishhThato.asya kutaH praarabdhakalpanaa .. 55..
praarabdha.n siddhyati tadaa yadaa dehaatmanaa sthitiH .
dehaatmabhaavo naiveshhTaH praarabdha.n tyajyataamataH .. 56..
praarabdhakalpanaapyasya dehasya bhraantireva hi .. 57..
adhyastasya kutastattvamasatyasya kuto janiH .
ajaatasya kuto naashaH praarabdhamasataH kutaH .. 58..
j~naanenaaj~naanakaaryasya samuulasya layo yadi .
tishhThatyaya.n katha.n deha iti sha~Nkaavato jaDaan.h .
samaadhaatu.n baahyadR^ishhTyaa praarabdha.n vadati shrutiH .. 59..
na tu dehaadisatyatvabodhanaaya vipashchitaam.h .
paripuurNamanaadyantamaprameyamavikriyam.h .. 60..
sadghana.n chidghana.n nityamaanandaghanamavyayam.h .
pratyagekarasaM puurNamananta.n sarvatomukham.h .. 61..
aheyamanupaadeyamanaadheyamanaashrayam.h .
nirguNa.n nishhkriya.n suukshma.n nirvikalpa.n nira~njanam.h .. 62..
aniruupyasvaruupa.n yanmanovaachaamagocharam.h .
satsamR^iddha.n svataHsiddha.n shuddhaM buddhamanodR^isham.h .. 63..
svaanubhuutyaa svaya.n j~naatvaa svamaatmaanamakhaNDitam.h .
sa siddhaH susukha.n tishhTha nirvikalpaatmanaatmani .. 64..
kva gata.n kena vaa niita.n kutra liinamida.n jagat.h .
adhunaiva mayaa dR^ishhTa.n naasti kiM mahadadbhutam.h .. 65..
ki.n heya.n kimupaadeya.n kimanyatki.n vilakshaNam.h .
akhaNDaanandapiiyuushhapuurNabrahmamahaarNave .. 66..
na ki.nchidatra pashyaami na shR^iNomi na vedmyaham.h .
svaatmanaiva sadaanandaruupeNaasmi svalakshaNaH .. 67..
asa~Ngo.ahamana~Ngo.ahamali~Ngo.aha.n hariH .
prashaanto.ahamananto.ahaM paripuurNashchirantanaH .. 68..
akartaahamabhoktaahamavikaaro.ahamavyayaH .
shuddha bodhasvaruupo.aha.n kevalo.aha.n sadaashivaH .. 69..
etaa.n vidyaamapaantaratamaaya dadau . apaantaratamo brahmaNe dadau .
brahmaa ghoraa~Ngirase dadau . ghoraa~Ngiraa raikvaaya dadau . raikvo raamaaya dadau . 
raamaH sarvebhyo bhuutebhyo dadaavityetannirvaaNaanushaasana.n 
vedaanushaasana.n vedaanushaasanamityupanishhat.h ..
AUM puurNamadaH puurNamidaM puurNaatpuurNamudachyate .
puurNasya puurNamaadaaya puurNamevaavashishhyate .. 
AUM shaantiH shaantiH shaantiH .. hariH AUM tatsat.h ..
iti adhyaatmopanishhatsamaaptaa ..
##


\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}