%@@1
% File name             : akshi.itx
%--------------------------------------------
% Text title            : Akshi Upanishad
% Author                : Vedic tradition
% Language              : Sanskrit
% Subject               : philosophy/hinduism
% Description/comments  : # 72 / 108; Krishna Yajurveda - Samanya upanishad
% Transliterated by     : Sunder Hattangadi (sunderh@hotmail.com)
% Proofread by          : Sunder Hattangadi (sunderh@hotmail.com)
% Latest update         : Mar. 24, 2000
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% ftp://jaguar.cs.utah.edu/sanskrit/sanskrit.html
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------


\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=50pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. Akshi Upanishad ..}##
\itxtitle{.. akshyupanishhat.h ..}##\endtitles##
yatsaptabhuumikaavidyaavedyaanandakalevaram.h .
vikalevarakaivalya.n raamachandrapadaM bhaje ..
AUM saha naavavatu saha nau bhunaktu
saha viirya.n karavaavahai .
tejasvinaavadhiitamastu maa vidvishhaavahai ..
AUM shaantiH shaantiH shaantiH ..
hariH AUM ..
atha ha saa.nkR^itirbhagavaanaadityaloka.n jagaama .
tamaaditya.n natvaa chaakshushhmatiividyayaa 
tamastuvat.h . AUM namo bhagavate shriisuuryaa\-
yaakshitejase namaH . AUM khecharaaya namaH .
AUM mahaasenaaya namaH . AUM tamase namaH . 
AUM rajase namaH . AUM sattvaaya namaH . 
AUM asato maa sadgamaya . tamaso maa jyotirgamaya .
mR^ityormaa.amR^ita.n gamaya . ha.nso bhagavaa\-
~nchhuchiruupaH pratiruupaH . vishvaruupa.n ghR^iNina.n 
jaatavedasa.n hiraNmaya.n jyotiiruupa.n tapantam.h .
sahasrarashmiH shatadhaa vartamaanaH purushhaH 
prajaanaamudayatyeshha suuryaH . AUM namo
bhagavate shriisuuryaayaadityaayaakshitejase.ahovaahini
vaahini svaaheti . eva.n chaakshushhmatiividyayaa stutaH
shriisuuryanaaraayaNaH supriito.abraviichchaakshushhmatii\-
vidyaaM braahmaNo yo nityamadhiite na tasyaakshirogo 
bhavati . na tasya kule.andho bhavati . ashhTau 
braahmaNaangraahayitvaatha vidyaasiddhirbhavati . 
ya eva.n veda sa mahaanbhavati .. 1..
atha ha saa.nkR^itiraadityaM paprachchha bhagavan\-
brahmavidyaaM me bruuhiiti . tamaadityo hovaacha .
saa.nkR^ite shR^iNu vakshyaami tattvaj~naana.n sudurlabham.h . 
yena vij~naatamaatreNa jiivanmukto bhavishhyasi ..1..
sarvamekamaja.n shaantamananta.n dhruvamavyayam.h .
pashyanbhuutaarthachidruupa.n shaanta aasva yathaasukham.h .. 2..
avedana.n viduryoga.n chittakshayamakR^itrimam.h .
yogasthaH kuru karmaaNi niiraso vaatha maa kuru .. 3..
viraagamupayaatyantarvaasanaasvanuvaasaram.h .
kriyaasuudaararuupaasu kramate modate.anvaham.h .. 4..
graamyaasu jaDacheshhTaasu satata.n vichikitsate .
nodaaharati marmaaNi puNyakarmaaNi sevate .. 5..
ananyodvegakaariiNi mR^idukarmaaNi sevate .
paapaadbibheti satata.n na cha bhogamapekshate .. 6..
snehapraNayagarbhaaNi peshalaanyuchitaani cha .
deshakaalopapannaani vachanaanyabhibhaashhate .. 7..
manasaa karmaNaa vaachaa sajjanaanupasevate .
yataH kutashchidaaniiya nitya.n shaastraaNyavekshate .. 8..
tadaasau prathamaamekaaM praapto bhavati bhuumikaam.h .
eva.n vichaaravaanyaH syaatsa.nsaarottaraNaM prati .. 9..
sa bhuumikaavaanityuktaH sheshhastvaarya iti smR^itaH .
vichaaranaamniimitaraamaagato yogabhuumikaam.h .. 10.. 
shrutismR^itisadaachaaradhaaraNaadhyaanakarmaNaH .
mukhyayaa vyaakhyayaakhyaataa~nchhrayati shreshhThapaNDitaan.h .. 11..
padaarthapravibhaagaj~naH kaaryaakaaryavinirNayam.h .
jaanaatyadhigatashchaanyo gR^iha.n gR^ihapatiryathaa .. 12..
madaabhimaanamaatsaryalobhamohaatishaayitaam.h .
bahirapyaasthitaamiishhatyajatyahiriva tvacham.h .. 13..
itthaMbhuutamatiH shaastragurusajjanasevayaa .
sarahasyamasheshheNa yathaavadadhigachchhati .. 14..
asa.nsargaabhidhaamanyaa.n tR^itiiyaa.n yogabhuumikaam.h .
tataH patatyasau kaantaH pushhpashayyaamivaamalaam.h .. 15..
yathaavachchhaastravaakyaarthe matimaadhaaya nishchalaam.h .
taapasaashramavishraantairadhyaatmakathanakramaiH .
shilaashayyaasanaasiino jarayatyaayuraatatam.h .. 16..
vanaavanivihaareNa chittopashamashobhinaa .
asa~Ngasukhasaukhyena kaala.n nayati niitimaan.h .. 17..
abhyaasaatsaadhushaastraaNaa.n karaNaatpuNyakarmaNaam.h .
jantoryathaavadeveya.n vastudR^ishhTiH prasiidati .. 18..
tR^itiiyaaM bhuumikaaM praapya buddho.anubhavati svayam.h .. 19..
dviprakaarasa.nsarga.n tasya bhedamima.n shruNu .
dvividho.ayamasa.nsargaH saamaanyaH shreshhTha eva cha .. 20..
naaha.n kartaa na bhoktaa cha na baadhyo na cha baadhakaH .
ityasa.njanamartheshhu saamaanyaasa~Nganaamakam.h .. 21..
praakkarmanirmita.n sarvamiishvaraadhiinameva vaa .
sukha.n vaa yadi vaa duHkha.n kaivaatra tava kartR^itaa .. 22..
bhogaabhogaa mahaarogaaH saMpadaH paramaapadaH .
viyogaayaiva sa.nyogaa aadhayo vyaadhayo dhiyaam.h .. 23..
kaalashcha kalanodyuktaH sarvabhaavaananaaratam.h .
anaasthayeti bhaavaanaa.n yadabhaavanamaantaram.h .
vaakyaarthalabdhamanasaH samaanyo.asaavasa~NgamaH .. 24..
anena kramayogena sa.nyogena mahaatmanaam.h .
naaha.n karteshvaraH kartaa karma vaa praaktanaM mama .. 25..
kR^itvaa duuratare nuunamiti shabdaarthabhaavanam.h .
yanmaunamaasana.n shaanta.n tachchhreshhThaasa~Nga uchyate .. 26..
santoshhaamodamadhuraa prathamodeti bhuumikaa .
bhuumiproditamaatro.antaramR^itaa~Nkurikeva saa .. 27..
eshhaa hi parimR^ishhTaantaH sa.nnyaasaa prasavaikabhuuH .
dvitiiyaa.n cha tR^itiiyaa.n cha bhuumikaaM praapnuyaattataH .. 28..
shreshhThaa sarvagataa hyeshhaa tR^itiiyaa bhuumikaatra hi .
bhavati projjhitaasheshhasa.nkalpakalanaH pumaan.h .. 29..
bhuumikaatritayaabhyaasaadaj~naane kshayamaagate .
sama.n sarvatra pashyanti chaturthiiM bhuumikaa.n gataaH .. 30..
advaite sthairyamaayaate dvaite cha prashama.n gate .
pashyanti svapnavalloka.n chaturthiiM bhuumikaa.n gataaH .. 31..
bhuumikaatritaya.n jaagrachchaturthii svapna uchyate .. 32..
chitta.n tu sharadabhraa.nshavilayaM praviliiyate .
sattvaavasheshha evaaste pa~nchamiiM bhuumikaa.n gataH .. 33..
jagadvikalpo nodeti chittasyaatra vilaapanaat.h .
pa~nchamiiM bhuumikaametya sushhuptapadanaamikaam.h .
shaantaasheshhavisheshhaa.nshastishhThatyadvaitamaatrakaH .. 34..
galitadvaitanirbhaaso mudito.ataHprabodhavaan.h .
sushhuptamana evaaste pa~nchamiiM bhuumikaa.n gataH .. 35..
antarmukhatayaatishhThanbahirvR^ittiparo.api san.h .
parishraantatayaa nitya.n nidraaluriva lakshyate .. 36..
kurvannabhyaasametasyaaM bhuumikaayaa.n vivaasanaH .
shhashhThii.n turyaabhidhaamanyaa.n kramaatpatati bhuumikaam.h .. 37..
yatra naasannasadruupo naaha.n naapyaha.nkR^itiH .
kevala.n kshiiNamananamaaste.advaite.atinirbhayaH .. 38..
nirgranthiH shaantasandeho jiivanmukto vibhaavanaH .
anirvaaNo.api nirvaaNashchitradiipa iva sthitaH .. 39..
shhashhThyaaM bhuumaavasau sthitvaa saptamiiM bhuumimaapnuyaat.h .. 40..
videhamuktataatroktaa saptamii yogabhuumikaa .
agamyaa vachasaa.n shaantaa saa siimaa sarvabhuumishhu .. 41..
lokaanuvartana.n tyaktvaa tyaktvaa dehaanuvartanam.h .
shaastraanuvartana.n tyaktvaa svaadhyaasaapanaya.n kuru .. 42..
o~Nkaaramaatramakhila.n vishvapraaj~naadilakshaNam.h .
vaachyavaachyakataabhedaabhedenaanupalabdhitaH .. 43..
akaaramaatra.n vishvaH syaadukaarataijasaH smR^itaH .
praaj~no makaara ityevaM paripashyetkrameNa tu .. 44..
samaadhikaalaatpraageva vichintyaatiprayatnataH .
sthulasuukshmakramaatsarva.n chidaatmani vilaapayet.h .. 45..
chidaatmaana.n nityashuddhabuddhamuktasadadvayaH .
paramaanandasandeho vaasudevo.ahaomiti .. 46..
aadimadhyaavasaaneshhu duHkha.n sarvamida.n yataH .
tasmaatsarvaM parityajya tattvanishhTho bhavaanagha .. 47..
avidyaatimiraatiita.n sarvaabhaasavivarjitam.h .
aanandamamala.n shuddhaM manovaachaamagocharam.h .. 48..
praj~naanaghanamaanandaM brahmaasmiiti vibhaavayet.h .. 49..
ityupanishhat.h ..
AUM saha naavavatu . saha nau bhunaktu . saha viirya.n karavaavahai .
tejasvinaavadhiitamastu maa vidvishhaavahai .. 
AUM shaantiH shaantiH shaantiH ..
hariH AUM tatsat.h ..
ityalakshyupanishhat.h ..
##


\medskip\hrule\obeylines
Encoded by Sunder Hattangadi (sunderh@hotmail.com)
{\rm Please send corrections to sanskrit@cheerful.com}
{\rm Last updated \today}
\end{document}