% Text title            : amRitabindu upanishad
% File name             : amrtabindu\_upan.itx
% Category              : upanishhat, upanishad
% Location              : doc\_upanishhat
% Author                : Anshuman
% Transliterated by     : Anshuman Pandey pandey at umich.edu
% Proofread by          : M. Giridhar, Sunder Hattangadi
% Latest update         : 16 April 1996, March 4, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. amRitabindu   ..}##
\itxtitle{.. amR^itabindu ..}##\endtitles ##
OM saha nAvavatu saha nau bhunaktu saha vIryaM karavAvahai .
tejasvinAvadhItamastu mA vidviShAvahai ..  OM shAntiH shAntiH shAntiH .
          hariH OM ..
mano hi dvividhaM proktaM shuddhaM chAshuddhameva cha .
ashuddhaM kAmasa.nkalpaM shuddhaM kAmavivarjitam.h .. 1..
mana eva manuShyANAM kAraNaM bandhamokShayoH .
bandhAya viShayAsaktaM muktyai nirviShayaM smR^itam.h .. 2..
yato nirviShayasyAsya manaso muktiriShyate .
ato nirviShayaM nityaM manaH kAryaM mumukShuNA .. 3..
nirastaviShayAsa~NgaM sa.nniruddhaM mano hR^idi .
yadA.a.ayAtyAtmano bhAvaM tadA tatparamaM padam.h .. 4..
tAvadeva niroddhavyaM yAvadhR^idi gataM kShayam.h .
etajj~nAnaM cha dhyAnaM cha sheSho nyAyashcha vistaraH .. 5..
naiva chintyaM na chAchintyaM na chintyaM chintyameva cha .
pakShapAtavinirmuktaM brahma sampadyate tadA .. 6..
svareNa sa.ndhayedyogamasvaraM bhAvayetparam.h .
asvareNAnubhAvena nAbhAvo bhAva iShyate .. 7..
tadeva niShkalaM brahma nirvikalpaM nira~njanam.h .
tadbrahmAhamiti j~nAtvA brahma sampadyate dhruvam.h .. 8..
nirvikalpamanantaM cha hetudR^iShTAntavarjitam.h .
aprameyamanAdiM cha yajj~nAtvA muchyate budhaH .. 9..
na nirodho na chotpattirna baddho na cha sAdhakaH .
na mumukShurna vai mukta ityeShA paramArthatA .. 10..  ##var## muktaH
eka evAtmA mantavyo jAgratsvapnasuShuptiShu .
sthAnatrayavyatItasya punarjanma na vidyate .. 11..
eka eva hi bhUtAtmA bhUte bhUte vyavasthitaH .
ekadhA bahudhA chaiva dR^ishyate jalachandravat.h .. 12..
ghaTasa.nvR^itamAkAshaM nIyamAno ghaTe yathA .
ghaTo nIyeta nAkAshaH tadvajjIvo nabhopamaH .. 13..
ghaTavadvividhAkAraM bhidyamAnaM punaH punaH .
tadbhede na cha jAnAti sa jAnAti cha nityashaH .. 14..   ##?var## tadbhagnaM
shabdamAyAvR^ito naiva tamasA yAti puShkare .
bhinne tamasi chaikatvameka evAnupashyati .. 15..
shabdAkSharaM paraM brahma tasminkShINe yadakSharam.h .
tadvidvAnakSharaM dhyAyedyadIchChechChAntimAtmanaH .. 16..
dve vidye veditavye tu shabdabrahma paraM cha yat.h .
shabdabrahmaNi niShNAtaH paraM brahmAdhigachChati .. 17..
granthamabhyasya medhAvI j~nAnavij~nAnatatparaH .
palAlamiva dhAnyArthI tyajedgranthamasheShataH .. 18..
gavAmanekavarNAnAM kShIrasyApyekavarNatA .
kShIravatpashyate j~nAnaM li~Nginastu gavAM yathA .. 19..
ghR^itamiva payasi nigUDhaM bhUte bhUte cha vasati vij~nAnam.h .
satataM manasi manthayitavyaM mano manthAnabhUtena .. 20..
j~nAnanetraM samAdhAya choddharedvahnivatparam.h .
niShkalaM nishchalaM shAntaM tadbrahmAhamiti smR^itam.h .. 21..
sarvabhUtAdhivAsaM yadbhUteShu cha vasatyapi .
sarvAnugrAhakatvena tadasmyahaM vAsudevaH .. 22..
OM saha nAvavatu saha nau bhunaktu saha vIryaM karavAvahai .
tejasvinAvadhItamastu mA vidviShAvahai ..
          OM shAntiH shAntiH shAntiH .
          hariH OM ..

.. iti kR^iShNa yajurvede.amR^itabindUpaniShat samAptA ..
##
Encoded by Anshuman Pandey pandey at umich.edu
Proofread by M. Giridhar, Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}