%@@1
% File name             : atma.itx
%--------------------------------------------
% Text title            : Atma Upanishad 
% Author                : traditional
% Translation by        : -
% Language              : Sanskrit
% Subject               : hinduism/philosophy
% Description/comments  : Atharva-veda - Samanya Upanishad # 76
% Transliterated by     : Sunder Hattangadi sunderh@hotmail.com
% Proofread by          : Sunder Hattangadi sunderh@hotmail.com
% Latest update         : May 3, 2003
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :         
% http://sanskrit.gde.to
% http://www.alkhemy.com/sanskrit/
% http://sanskrit.bhaarat.com See the document project.
%-----------------------------------------------------
% The text is to be used for personal studies and research only.
% Any use for commercial purpose is prohibited as a 'gentleman's'
% agreement.
% @@2
%
% Please ignore the following commands upto #indian and others with
% \ mark,
% which are needed for devanaagarii output and formatting.
%--------------------------------------------------------
%--------------------------------------------------------
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{\Large Atma Upanishad}##
\itxtitle{.. aatmopanishhat.h .. ..}##\endtitles##
yatra naatmaprapa~ncho.ayamapahnavapada.n gataH .
pratiyogivinirmuktaH paramaatmaavashishhyate ..
OM bhadra.n karNebhiH shruNuyaama devaaH . bhadraM pashyemaakshabhiryajatraaH .
sthiraira~NgaistushhTuvaa{\m+}sastanuubhiH . vyashema devahita.n yadaayuH ..
OM shaantiH shaantiH shaantiH ..
OM athaaN^giraastrividhaH purushho.ajaayataatmaantaraatmaa paramaatmaa cheti .
tvak.hcharmamaa.nsaromaa~NgushhThaa~NgulyaH pR^ishhThava.nshanakhagulphodara\-
naabhimeDhrakaTuurukapolashrotrabhruulalaaTabaahupaarshvashiro.akshiiNi bhavanti
jaayate mriyata ityeshha aatmaa .
athaantaraatmaanaama pR^ithivyaapastejovaayuraakaashamichchhaadveshhasukhaduHkha\-
kaamamohavikalpaanaadismR^itili~NgodaattaanudaattahrsvadiirghaplutaH
khalitagarjitasphuTitamuditanR^ittagiitavaaditrapralayavijR^imbhitaadibhiH
shrotaa ghraataa rasayitaa netaa kartaa vij~naanaatmaa purushhaH 
puraaNanyaayamiimaa.nsaadharmashaastraaNiiti shravaNaghraaNaakarshhaNakarmavisheshhaNa.n
karotyeshho.antaraatmaa .
atha paramaatmaa naama yathaakshara upaasaniiyaH .
sa cha praaNaayaamapratyaahaaradhaarNaadhyaanasamaadhiyogaanumaanaatmachintakavaTakaNikaa
vaa shyaamaakataNDulo vaa vaalaagrashatasahasravikalpanaabhiH sa labhyate 
nopalabhyate na jaayate na mriyate na shushhyati na klidyate na dahyate na kampate 
na bhidyate na chchhidyate nirguNaH saakshibhuutaH shuddho niravayavaatmaa kevalaH
suukshmo nirmamo nira~njano nirvikaaraH shabdasparsharuuparasagandhavarjito nirvikalpo 
niraakaa~NkshaH sarvavyaapii so.achintyo nirvarNyashcha punaatyashuddhaanyapuutaani .
nishhkriyastasya sa.nsaaro naasti .
aatmasa.nj~naH shivaH shuddha eka evaadvayaH sadaa .
brahmaruupatayaa brahma kevalaM pratibhaasate .. 1..
jagadruupatayaapyetadbrahmaiva pratibhaasate .
vidyaavidyaadibhedena bhaavaabhaavaadibhedataH .. 2..
gurushishhyaadibhedena brahmaiva pratibhaasate .
brahmaiva kevala.n shuddha.n vidyate tattvadarshane .. 3..
na cha vidyaa na chaavidyaa na jagachcha na chaaparam.h .
satyatvena jagadbhaana.n sa.nsaarasya pravartakam.h .. 4..
asatyatvena bhaana.n tu sa.nsaarasya nivartakam.h .
ghaTo.ayamiti vij~naatu.n niyamaH konvapekshate .. 5..
vinaa pramaaNasushhThutva.n yasminsati padaarthadhiiH .
ayamaatmaa nityasiddhaH pramaaNe sati bhaasate .. 6..
na desha.n naapi kaala.n vaa na shuddhi.n vaapyapekshate .
devadatto.ahamityetadvij~naana.n nirapekshakam.h .. 7..
tadvadbrahmavido.apyasyabrahmaahamiti vedanam.h .
bhaanuneva jagatsarvaM bhaasyate yasya tejasaa .. 8..
anaatmakamasattuchchha.n ki.n nu tasyaavabhaasakam.h .
vedashaastrapuraaNaani bhuutaani sakalaanyapi .. 9..
yenaarthavanti ta.n ki.n nu vij~naataaraM prakaashayet.h .
kshudhaa.n dehavyathaa.n tyaktvaa baalaH kriiDati vastuni .. 10..
tathaiva vidvaanramate nirmamo niraha.n sukhii .
kaamaannishhkaamaruupii sa.ncharatyekacharo muniH .. 11..
svaatmanaiva sadaa tushhTaH svaya.n sarvaatmanaa sthitaH .
nirdhano.api sadaa tushhTo.apyasahaayo mahaabalaH .. 12..
nityatR^ipto.apyabhu~njaano.apyasamaH samadarshanaH .
kurvannapi na kurvaaNashchaabhoktaa phalabhogyapi .. 13..
shariiryapyashariiryeshha parichchhinno.api sarvagaH .
ashariira.n sadaa santamidaM brahmavida.n kvachit.h .. 14..
priyaapriye na spR^ishatastathaiva cha shubhaa shubhe .
tamasaa grastavadbhaanaadagrasto.api ravirjanaiH .. 15..
grasta ityuchyate bhraantyaa hyaj~naatvaa vastulakshaNam.h .
tadvaddehaadibandhebhyo vimuktaM brahmavittamam.h .. 16..
pashyanti dehivanmuuDhaaH shariiraabhaasadarshanaat.h .
ahinirlvayaniivaayaM muktadehastu tishhThati .. 17..
itastatashchaalyamaano yatki~nchitpraaNavaayunaa .
srotasaa niiyate daaru yathaa nimnonnatasthalam.h .. 18..
daivena niiyate deho yathaa kaalopabhuktishhu .
lakshyaalakshyagati.n tyaktvaa yastishhThetkevalaatmanaa .. 19..
shiva eva svaya.n saakshaadayaM brahmaviduttamaH .
jiivanneva sadaa muktaH kR^itaartho brahmavittamaH .. 20..
upaadhinaashaadbrahmaiva sadbrahmaapyeti nirdvayam.h .
shailuushho veshhasadbhaavaabhaavayoshcha yathaa pumaan.h .. 21..
tathaiva brahmavichchhreshhThaH sadaa brahmaiva naaparaH .
ghaTe nashhTe yathaa vyoma vyomaiva bhavati svayam.h .. 22..
tathaivopaadhivilaye brahmaiva brahmavitsvayam.h .
kshiira.n kshiire yathaa kshipta.n taila.n taile jala.n jale .. 23..
sa.nyuktamekataa.n yaati tathaatmanyaatmavinmuniH .
eva.n videhakaivalya.n sanmaatratvamakhaNDitam.h .. 24..
brahmabhaavaM prapadyaishha yatirnaavartate punaH .
sadaatmakatvavij~naanadagdhaa vidyaadivarshhmaNaH .. 25..
amushhya brahmabhuutattvaadbrahmaNaH kuta udbhavaH .
maayaaklR^iptau bandhamokshau na staH svaatmani vastutaH .. 26..
yathaa rajjau nishhkriyaayaa.n sarpaabhaasavinirgamau .
avR^iteH sadasattvaabhyaa.n vaktavye bandhamokshaNe .. 27..
naavR^ittirbrahmaNaH kvaachidanyaabhaavaadanaavR^itam.h .
astiiti pratyayo yashcha yashcha naastiiti vastuni .. 28..
buddhereva guNaavetau na tu nityasya vastunaH .
atastau maayayaa klR^iptau bandhamokshau na chaatmani .. 29..
nishhkale nishhkriye shaante niravadye nira.njane .
advitiiye pare tattve vyomavatkalpanaa kutaH .. 30..
na nirodho na chotpattirna baddho na cha saadhakaH .
na mumukshurna vai mukta ityeshhaa paramaarthataa .. 31..
ityupanishhat.h .. 
OM bhadra.n karNebhiH shruNuyaama devaaH . bhadraM pashyemaakshabhiryajatraaH .
sthiraira~NgaistushhTuvaa{\m+}sastanuubhiH . vyashema devahita.n yadaayuH ..
OM shaantiH shaantiH shaantiH ..
.. hariH OM tatsat.h ..
##\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}