% Text title            : Avadhuta Upanishad
% File name             : avadhuta.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  79 / 108; Krishna Yajurveda - Sanyasa upanishad
% Latest update         : Mar. 27, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Avadhuta Upanishad ..}##
\itxtitle{.. avadhUtopaniShat ..}##\endtitles ##

gauNamukhyAvadhUtAlihR^idayAmbujavarti yat.h .
tattraipadaM brahmatattva.n svamAtramavashiShyate ..
AUM saha nAvavatu .. saha nau bhunaktu .. saha vIrya.n karavAvahai ..
tejasvinAvadhItamastu mA vidviShAvahai ..
AUM shAntiH shAntiH shAntiH ..
hariH AUM atha ha sA.nkR^itirbhagavantamavadhUta.n dattAtreyaM
parisametya paprachCha bhagavanko.avadhUtasya kA sthitiH ki.n
lakShma ki.n sa.nsaraNamiti . ta.n hovAcha bhagavo dattAtreyaH
paramakAruNikaH ..
akSharatvAdvareNyatvAddhR^itasa.nsArabandhanAt.h .
tattvamasyAdilakShyatvAdavadhUta itIryate .. 1..
yo vila~NghyAshramAnvarNAnAtmanyeva sthitaH sadA .
ativarNAshramI yogI avadhUtaH sa kathyate .. 2..
tasya priya.n shiraH kR^itvA modo dakShiNapakShakaH .
pramoda uttaraH pakSha Anando goShpadAyate .. 3..
gopAlasadR^ishA.n shIrShe nApi madhye na chApyadhaH .
brahmapuchChaM pratiShTheti puchChAkAreNa kArayet.h .. 4..
eva.n chatuShpatha.n kR^itvA te yAnti paramA.n gatim.h .
na karmaNA na prajayA dhanena tyAgenaike amR^itatvamAnashuH .. 5..
svaira.n svairaviharaNa.n tatsa.nsaraNam.h . sAMbarA vA digaMbarA vA .
na teShA.n dharmAdharmau na medhyAmedhau . sadA
sA.ngrahaNyeShTyAshvamedhamantayAga.n yajate .
sa mahAmakho mahAyogaH . kR^itsnametachchitra.n karma.
svaira.n na vigAyettanmahAvratam.h . na sa mUDhavallipyate .
yathA raviH sarvarasAnprabhu~Nkte
    hutAshanashchApi hi sarvabhakShaH .
tathaiva yogI viShayAnprabhu~Nkte
    na lipyate puNyapApaishcha shuddhaH .. 6..
ApUryamANamachalapratiShThaM
    samudramApaH pravishanti yadvat .
tadvatkAmA yaM pravishanti sarve
    sa shAntimApnoti na kAmakAmI .. 7..
na nirodho na chotpattirna baddho na cha sAdhakaH .
na mumukShurna vai mukta ityeShA paramArthatA .. 8..
aihikAmuShmikavrAtasiddhai mukteshcha siddhaye .
bahukR^ityaM purA syAnme tatsarvamadhunA kR^itam.h .. 9..
tadeva kR^itakR^ityatvaM pratiyogipuraHsaram.h .
anusandadhadevAyameva.n tR^ipyati nityashaH .. 10..
duHkhino.aj~nAH sa.nsarantu kAmaM putrAdyapekShayA .
paramAnandapUrNo.aha.n sa.nsarAmi kimichChayA .. 11..
anutiShThantu karmANi paralokayiyAsavaH .
sarvalokAtmakaH kasmAdanutiShThAmi ki.n katham.h .. 12..
vyAchakShatA.n te shAstrANi vedAnadhyApayantu vA .
ye.atrAdhikAriNo me tu nAdhikAro.akriyatvataH .. 13..
nidrAbhikShe snAnashauche nechChAmi na karomi cha .
draShTArashchetkalpayantu kiM me syAdanyakalpanAt.h .. 14..
gu~njApu~njAdi dahyeta nAnyAropitavahninA .
nAnyAropitasa.nsAradharmA naivamahaM bhaje .. 15..
shR^iNvantvaj~nAtatattvAste jAnankasmA~nChR^iNomyaham.h .
manyantA.n sa.nshayApannA na manye.ahamasa.nshayaH .. 16..
viparyasto nididhyAse ki.n dhyAnamaviparyaye .
dehAtmatvaviparyAsa.n na kadAchidbhajAmyaham.h .. 17..
ahaM manuShya ityAdivyavahAro vinApyamum.h .
viparyAsa.n chirAbhyastavAsanAto.avakalpate .. 18..
ArabdhakarmaNi kShINe vyavahAro nivartate .
karmakShaye tvasau naiva shAmeddhyAnasahasrataH .. 19..
viralatva.n vyavahR^iteriShTa.n cheddhyAnamastu te .
bAdhikarmavyavahR^itiM pashyandhyAyAmyaha.n kutaH .. 20..
vikShepo nAsti yasmAnme na samAdhistato mama .
vikShepo vA samAdhirvA manasaH syAdvikAriNaH .
nityAnubhavarUpasya ko me.atrAnubhavaH pR^ithak.h .. 21..
kR^ita.n kR^ityaM prApaNIyaM prAptamityeva nityashaH .
vyavahAro laukiko vA shAstrIyo vAnyathApi vA .
mamAkarturalepasya yathArabdhaM pravartatAm.h .. 22..
athavA kR^itakR^itye.api lokAnugrahakAmyayA .
shAstrIyeNaiva mArgena varte.ahaM mama kA kShatiH .. 23..
devArchanasnAnashauchabhikShAdau vartatA.n vapuH .
tAra.n japatu vAktadvatpaThatvAmnAyamastakam.h .. 24..
viShNu.n dhyAyatu dhIryadvA brahmAnande vilIyatAm.h .
sAkShyaha.n ki.nchidapyatra na kurve nApi kAraye .. 25..
kR^itakR^ityatayA tR^iptaH prAptaprApyatayA punaH .
tR^ipyanneva.n svamanasA manyatesau nirantaram.h .. 26..
dhanyo.aha.n dhanyo.aha.n nitya.n svAtmAnama~njasA vedmi .
dhanyo.aha.n dhanyo.ahaM brahmAnando vibhAti me spaShTam.h .. 27..
dhanyo.aha.n dhanyo.aha.n duHkha.n sA.nsArika.n na vIkShe.adya .
dhanyo.aha.n dhanyo.aha.n svasyAj~nAnaM palAyita.n kwApi .. 28..
dhanyo.aha.n dhanyo.aha.n kartavyaM me na vidyate ki.nchit.h .
dhanyo.aha.n dhanyo.ahaM prAptavya.n sarvamatra sampannam.h .. 29..
dhanyo.aha.n dhanyo.aha.n tR^ipterme kopamA bhavelloke .
dhanyo.aha.n dhanyo.aha.n dhanyo dhanyaH punaH punardhanyaH .. 30..
aho puNyamaho puNyaM phalitaM phalita.n dR^iDham.h .
asya puNyasya sampatteraho vayamaho vayam.h .. 31..
aho j~nAnamaho j~nAnamaho sukhamaho sukham.h .
aho shAstramaho shAstramaho gururaho guruH .. 32..
iti ya idamadhIte so.api kR^itakR^ityo bhavati . surApAnAtpUto bhavati .
svarNasteyAtpUto bhavati . brahmahatyAtpUto bhavati .
kR^ityAkR^ityAtpUto bhavati . eva.n viditvA svechChAchAraparo
bhUyAdoMsatyamityupaniShat.h ..
AUM saha nAvavatu .. saha nau bhunaktu .. saha vIrya.n karavAvahai ..
tejasvinAvadhItamastu mA vidviShAvahai ..
AUM shAntiH shAntiH shAntiH ..
ityavadhUtopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}