% Text title            : Bhava (Bhavana) Upanishad
% File name             : bhaava.itx
% Category              : upanishhat, svara
% Location              : doc\_upanishhat
% Author                : Vedic Tradition
% Transliterated by     : Kannan Subramanian, NA
% Proofread by          : P.P.Narayanaswami (swami at math.mun.ca), NA
% Description-comments  : 84/108; Atharva Veda, Shakta Upanishad, 87/108 in 108 Upanishads Vasudev Lakshman Pansikar
% Latest update         : April 22, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhavanopanishat or Shri Chakropanishad ..}##
\itxtitle{.. bhAvanopaniShat athavA shrIchakropaniShat ..}##\endtitles ##

svAvidyApadatatkAryaM shrIchakropari bhAsuram |
bindurUpashivAkAraM rAmachandrapadaM bhaje ||

OM bhadraM karNebhiH shR^iNuyAma devA  | bhadraM pashyemAkShabhiryajatrAH |
sthiraira~NgaistuShTuvA{\m+}sastanUbhiH | vyashema devahitaM yadAyuH |
svasti na indro vR^iddhashravAH | svasti naH pUShA vishvavedAH |
svasti nastArkShyo.ariShTanemiH | svasti no bR^ihaspatirdadhAtu |
OM shAntiH shAntiH shAntiH ||
atha bhAvanopaniShat .
hariH OM |
AtmAnamakhaNDamaNDalAkAramavR^itya sakalabrahmANDamaNDalaM
svaprakAshaM dhyAyet | OM shrIguruH sarvakAraNabhUtA shaktiH |
tena navarandhrarUpo dehaH |  navashaktirUpaM shrIchakram |
vArAhI pitR^irUpA | kurukullA balidevatA mAtA | puruShArthAH
sAgarAH |  deho navaratnadvIpaH | tvagAdisaptadhAtubhiranekaiH
saMyuktAH sa~NkalpAH kalpataravaH | tejaH kalpakodyAnam | rasanayA
bhAvyamAnA madhurAmlatiktakaTukaShAyalavaNabhedAH ShaDrasAH
ShaDR^itavaH kriyAshaktiH pITham | kuNDalinI j~nAnashaktirgR^iham |
ichChAshaktirmahAtripurasundarI | j~nAtA hotA j~nAnamagniH
(j~nAnamarghyam) j~neyaM haviH | j~nAtR^ij~nAnaj~neyAnAmabhedabhAvanaM
shrIchakrapUjanam | niyatisahitAH shR^i~NgArAdayo nava rasA
aNimAdayaH | kAmakrodhalobhamohamadamAtsaryapuNyapApamayA
brAhmyAdyaShTashaktayaH | (Adharanavakam mudrAshaktayaH |)
pR^ithivyaptejovAyvAkAshashrotratvakchakShurjihvAghrANavAkpANipAdapAyUpasthamanovikArAH
(kAmAkarShiNyAdi) ShoDasha shaktayaH |
vachanAdAnagamanavisargAnandahAno(pAdAno)pekShA(khya)\-
bhuddhayo.ana~NgakusumAdishaktayo.aShTau | alambusA
kuhUrvishvodarI varuNA hastijihvA yashasvatyashvinI gAndhArI
pUShA sha~NkhinI sarasvatIDA pi~NgalA suShumnA cheti chaturdasha
nADyaH | sarvasa.nkShobhiNyAdichaturdashAragA devatAH |
prANApAnavyAnodAnasamAnanAgakUrmakR^ikaradevadattadhana~njayA iti
dasha vAyavaH | sarvasiddhipradA devyo bahirdashAragA devatAH |
etadvAyudashakasaMsargopAdhibhedhena rechakapUrakashoShakadAhaplAvakA
(rechakaH pAchakaH shoShako dAhakaH plAvakA iti) prANamukhyatvena
pa~nchadho.asti (jaTharAgnirbhavati) | kShArako dArakaH kShobhako
mohako jR^imbhaka ityapAlanamukhyatvena pa~nchavidho.asti |
tena manuShyANAM mohako dAhako (nAgaprAdhAnyena pa~nchabidhAste
manuShyANAM dehagA) bhakShyabhojyashoShyalehyapeyAtmakaM
chaturvidhamannaM (pa~nchavidhamannaM) pAchayati| etA
dasha vahnikalAH sarvaj~natvAdyantardashAragA devatAH |
shItoShNasukhaduHkhechChAsattvarajastamoguNA vashinyAdishaktayo.aShtau |
shabdasparsharUparasagandhAH pa~nchatanmAtrAH pa~nchapuShpabANA
mana ikShudhanuH | vashyo vANo rAgaH pAshaH | dveSho.a~NkushaH |
avyaktamahattattvamahadaha~NkAra iti kAmeshvarI\-vajreshvarI\-
bhagamAlinyo.antastrikoNAgragA devatAH | (nirupAdhikasaMvideva
kAmeshvara | sadAnandapUrNa svAtmeva paradevatA lalitA |
lauhityametasya sarvasya vimarsha | ananyachittatvena cha
siddhiH | bhAvanAyAH kriyA upacharaH | ahaM tvamasti nAsti
kartavyamakartavyamupAsitavyamiti vikalpAnAmAtmani vilApanam homaH |
bhavanAviShayANAmabhedabhavanA tarpaNam |) pa~nchadashatithirUpeNa
kAlasya pariNAmAvalokanasthitiH pa~nchadashanityAH | shraddhAnurUpA
dhIrdevatA | tayoH kAmeshvarI sadAnandaghanA paripUrNasvAtmaikyarUpA
devatA | salilamiti lauhityakAraNaM sattvam | kartavyamakartavyamiti
bhAvanAyukta upachAraH | asti nAstIti kartavyatAnUpachAraH |
bAhyAbhyantaHkaraNAnAM rUpagrahaNayogyatAsttvityAvAhanam |
tasya bAhyAbhyantaHkaraNAnAmekarUpaviShayagrahaNamAsanam |
raktashuklapadaikIkaraNaM pAdyam |  ujjvaladAmodAnandAsanadAnamarghyam |
svachChaM svataHsiddhamityAchamanIyam | chicchandramayIti
sarvA~NgasravaNaM snAnam | chidagnisvarUpaparamAnandashaktisphuraNaM
vastram | pratyekaM saptaviMshatidhA
bhinnatvenechChAj~nAnakriyAtmakabrahmagranthimadrasatantubrahmanADI
brahmasUtram | svavyatiriktavastusa~NgarahitasmaraNAM vibhUShaNam |
sachchitsukhaparipUrNatAsmaraNaM gandhaH | samastaviShayANAM
manasaH sthairyeNAnusaMdhAnaM kusumam | teShAmeva sarvadA svIkaraNaM
dhUpaH | pavanAvachChinnotdhvajvalanasachchidulkAkAshadeho dIpaH |
samastayAtAyAtavarjyaM naivedyam | avasthAtrayANAmekIkaraNaM tAmbUlam |
mUlAdhArAdAbrahmarandhraparyantaM brahmarandhrAdAmUlAdhAraparyantaM
gatAgatarUpeNa prAdakShiNyam | turyAvasthA namaskAraH |
dehashUnyapramAtR^itAnimajjanaM baliharaNam | satyamasti
lartavyamakartavyamaudAsInyanityAtmavilApanaM homaH | svayaM
tatpAdukAnimajjanaM paripUrNadhyAnam | evaM muhUrtatrayaM (muhUrtadvitayaM
muhUrtamAtraM vA) bhAvanAparo jIvanmukto bhavati sa eva shivayogIti
gadyate| AdimatenAntashchakrabhAvanAH | tasya devatAtmaikyasiddhiH |
chintitakAryANyayatnena siddhyanti | sa eva shivayogIti kathyate |
kAdihAdimatoktena bhAvanA pratipAditA | jIvanmukto bhavati | ya evaM
veda | ityupaniShat | (so.atharvashiro.adhIte |)

OM bhadraM karNebhiH shR^iNuyAma devA  | bhadraM pashyemAkShabhiryajatrAH|
sthiraira~NgaistuShTuvA{\m+}sastanUbhiH | vyashema devahitaM yadAyuH |
svasti na indro vR^iddhashravAH | svasti naH pUShA vishvavedAH|
svasti nastArkShyo.ariShTanemiH | svasti no bR^ihaspatirdadhAtu|
OM shAntiH shAntiH shAntiH ||

ityatharvaNavede bhAvanopaniShatsampUrNA ||
##
There are 2-3 different versions of this upaniShat.  We have followed the
108-120 upaniShashads' collection.
Encoded and proofread by P. P. Narayanaswami  (swami at math.mun.ca), NA

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}