% Text title            : bilvopaniShat
% File name             : bilvopaniShat.itx
% Category              : upanishhat, shiva, upanishad
% Location              : doc\_upanishhat
% Proofread by          : Kasturi navya sahiti kasturinsahiti at gmail.com
% Description-comments  : aprakAshitA upaniShadaH
% Latest update         : March 20, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bilva Upanishad ..}##
\itxtitle{.. bilvopaniShat ..}##\endtitles ##
atha vAmadevaH parameshvaraM sR^iShTisthitilayakAraNamumAsahitaM svashirasA
praNamyeti hovAcha | adhIhi bhagavan sarvavidyAM sarvarahasyavariShThAM
sadA sadbhiH pUjyamAnA nigUDhAm | kayA cha pUjayA sarvapApaM vyapohya
parAtparaM shivasAyujyamApnoti? kenaikena vastunA mukto bhavati ? taM
hovAcha bhagavAn sadAshivaH ||

na vaktavyaM na vaktavyaM na vaktavyaM kadAchana |
matsvarUpastvayaM j~neyo bilvavR^ikSho vidhAnataH |
ekena bilvapatreNa santuShTo.asmi mahAmune ||
iti bruvantaM parameshvaraM punaH praNamyeti hovAcha ||
bhagavan sarvalokesha satyaj~nAnAdilakShaNa |
kathaM pUjA prakartavyA tAM vadasva dayAnidhe ||
iti punaH pR^ichChantaM vAmadevamAli~Ngyeti hovAcha ||
budvimAMstvamiti j~nAtvA vakShyAmi munisattama |
mama priyeNa bilvena tvaM kuruShva madarchanam ||
dravyANAmuttamairloke mama pUjAvidhau tava |
patrapuShpAkShatairdivyairbilvapatraiH samarchaya ||
bilvapatraM vinA pUjA vyarthA bhavati sarvadA |
mama rUpamiti j~neyaM sarvarUpaM tadeva hi ||
prAtaH snAtvA vidhAnena sandhyAkarma samApya cha
bhUtirudrAkShabharaNa udIchIM dishamAshrayet ||
sadyojAtAdibhirmantrairnamaskR^itya punaH punaH |
pradakShiNatrayaM kR^itvA shivarUpamiti sphuTam ||
devIM dhyAyettathA vR^ikShe viShNurUpaM cha sarvadA |
brahmarUpaM cha vij~neyaM sarvarUpaM vibhAvayet ||
vAmadakShiNamadhyasthaM brahmaviShNushivAtmakam |
indrAdayashcha yakShAntA vR^intabhAge vyavasthitAH ||
pR^iShThabhAge.amR^itaM yasmAdarchayenmama tuShTaye |
uttAnabilvapatraM cha yaH kuryAnmama mastake ||
mama sAyujyamApnoti nAtra kAryA vichAraNA |
trimUrtistriguNaM bailvamagnirUpa tathaiva cha |
brahmarUpaM kalArUpaM vedarUpaM mahAmune ||
purAtano.ahaM puruSho.ahamIsho hiraNmayo.ahaM shivarUpamasmi |
sabilvarUpaM saguNAtmarUpaM trimUrtirUpaM shivarUpamasmi ||
pR^iShThabhAge.amR^itaM nyastaM devairbrahmAdibhiH purA |
uttAnabilvapatreNa pUjayet sarvasiddhaye ||
tasmAt sarvaprayatnena bilvapatraiH sadArchaya |
bilvapatraM vinA vastu nAsti ki~nchittavAnagha ||
tasmAt sarvaprayatnena bilvapatraiH sadArchaya |
uttAnapatrapUjAM cha yaH kuryAnmama mastake ||
iha loke.akhilaM saukhyaM prApnotyante pure mama |
tiShThatyeva mahAvIraH punarjanmavivarjitaH ||
sodakairbilvapatraishcha yaH kuryAnmama pUjanam |
mama sAnnidhyamApnoti pramathaiH saha modate ||
satyaM satyaM punaH satyamuddhR^itya bhujamuchyate |
bilvapUjanato loke matpUjAyAH parA na hi ||
trisuparNaM triR^ichAM rUpaM trisuparNaM trayImayam |
triguNaM nijaganmUrtitrayaM shaktitrayaM tridR^ik ||
kAlatrayaM cha savanatrayaM li~NgatrayaM tripAt |
tejastrayamakArokAramakArapraNavAtmakam ||
deveShu brAhmaNo.ahaM hi trisuparNamayAchitam |
mahyaM vai brAhmaNAyedaM mayA vij~naptakAmikam ||
dadyAdbrahmabhrUNavIrahatyAyAshchAnyapAtakaiH |
mukto.akhaNDAnandabodho brahmabhUyAya kalpate ||
trisuparNopaniShadaH paThanAtpa~NktipAvanaH |
bodhako hyA sahasrAdvai pa~NktiM pAvayate dhruvam ||
trisuparNashrutirhyeShA niShkR^itau tridale ratA |
shraddhatsva vidvannAdyaM taditi vedAnushAsanam ||
akhaNDAnandasambodhamayo yasmAdahaM mune |
vinyastAmR^itabhAgena suparNenAvakuNThaya ||
amR^itaM mokShavAchantu tenAsmadavakuNThanAt |
prApyete bhogamokShau hi sthityante madanugrahAt ||
uttAnabhAgaparNena mUrdhni me nyubjamarpayet |
mokShe.amR^itAvakuNTho.ahaM bhaveyaM tava kAmadhuk ||
yena kena prakAreNa bilvakenApi mAM yaja |
tIrthadAnatapoyogasvAdhyAyA naiva tatsamAH ||
bilvaM vidhAnataH sthApya vardhayitvA cha taddalaiH |
yaH pUjayati mAM bhaktyA so.ahameva na saMshayaH ||
ya etadadhIte brahmahA.abrahmahA bhavati | svarNasteyyasteyI
bhavati | surApAyyapAyI bhavati | guruvadhUgAmyagAmI bhavati |
mahApAtakopapAtakebhyaH pUto bhavati | na cha punarAvartate | na cha
punarAvartate | na cha punarAvartate | OM satyam ||
(shaiva\-upaniShadaH)

iti bilvopaniShat samAptA |

##
Proofread by Kasturi navya sahiti

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}