% Text title            : DakShinamurti Upanishad
% File name             : dakshina\_upan.itx
% Category              : upanishhat, shiva
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  49 / 108; Krishna Yajurveda - Shaiva upanishad
% Latest update         : Mar. 19, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. DakShinamurti Upanishad ..}##
\itxtitle{.. dakShiNAmUrtyupaniShat ..}##\endtitles ##

yanmaunavyAkhyayA maunipaTala.n kShaNamAtrataH .
mahAmaunapada.n yAti sa hi me paramA gatiH ..
AUM saha nAvavatu . saha nau bhunaktu . saha vIrya.n karavAvahai .
tejasvinAvadhItamastu mA vidviShAvahai ..
AUM shAntiH shAntiH shAntiH ..
AUM brahmAvarte mahAbhANDIravaTamUle mahAsatrAya sametA
maharShayaH shaunakAdayaste ha samitpANayastattvajij~nAsavo
mArkaNDeya.n chira~jIvinamupasametya paprachChuH kena tva.n
chira.n jIvasi kena vAnandamanubhavasIti . paramarahasyashiva\-
tattvaj~nAneneti sa hovAcha . ki.n tatparamarahasyashivatattvaj~nAnam.h .
tatra ko devaH . ke mantrAH . ko japaH . kA mudrA . kA niShThA .
ki.n tajj~nAnasAdhanam.h . kaH parikaraH . ko baliH . kaH kAlaH .
ki.n tatsthAnamiti . sa hovAcha . yena dakShiNAmukhaH shivo.aparokShIkR^ito
bhavati tatparamarahasyashivatattvaj~nAnam.h . yaH sarvoparame kAle
sarvAnAtmanyupasa.nhR^itya svAtmAnandasukhe modate prakAshate
vA sa devaH . atraite mantrarahasyashlokA bhavanti . medhA
dakShiNAmUrtimantrasya brahmA R^iShiH . gAyatrI ChandaH .
devatA dakShiNAsyaH . mantreNA~NganyAsaH . AUM Adau nama uchchArya
tato bhagavate padam.h . dakShiNeti padaM pashchAnmUrtaye padamuddharet.h .. 1..
asmachChabda.n chaturthyantaM medhAM praj~nAM pada.n vadet.h .
samuchchArya tato vAyubIja.n chCha.n cha tataH paThet.h .
agnijAyA.n tatastveSha chaturvi.nshAkSharo manuH .. 2..
dhyAnam.h ..
sphaTikarajatavarNaM mauktikImakShamAlA\-
     mamR^itakalashavidyA.n j~nAnamudrA.n karAgre .
dadhatamuragakakShya.n chandrachUDa.n trinetraM
     vidhR^itavividhabhUSha.n dakShiNAmUrtimIDe .. 3..
mantreNa nyAsaH .
Adau vedAdimuchchArya svarAdya.n savisargakam.h .
pa~nchArNa.n tata uddhR^itya antara.n savisargakam.h .
ante samuddharettAraM manureSha navAkSharaH .. 4..
mudrAM bhadrArthadAtrI.n sa parashuhariNaM bAhubhirbAhumekaM
    jAnvAsakta.n dadhAno bhujagabilasamAbaddhakakShyo vaTAdhaH .
AsInashchandrakhaNDapratighaTitajaTAkShIragaurastrinetro
    dadyAdAdyaH shukAdyairmunibhirabhivR^ito bhAvashuddhiM bhavo naH .. 5..
mantreNa nyAsaH brahmarShinyAsaH \-
tAraM brU.nnama uchchArya mAyA.n vAgbhavameva cha .
dakShiNApadamuchchArya tataH syAnmUrtaye padam.h .. 6..
j~nAna.n dehi padaM pashchAdvahnijAyA.n tato nyaset.h .
manuraShTAdashArNo.aya.n sarvamantreShu gopitaH .. 7..
bhasmavyApANDura~NgaH shashishakaladharo j~nAnamR^idrAkShamAlA\-
     vINApustairvirAjatkarakamaladharo yogapaTTAbhirAmaH .
vyAkhyApIThe niShaNNo munivaranikaraiH sevyamAnaH prasannaH
     savyAlaH kR^ittivAsAH satatamavatu no dakShiNAmUrtirIshaH .. 8..
mantreNa nyAsaH . ##[##brahmarShinyAsaH .##]##
tAraM para.n ramAbIja.n vadetsAMbashivAya cha .
tubhya.n chAnalajAyA.n manurdvAdashavarNakaH .. 9..
vINA.n karaiH pustakamakShamAlAM
     bibhrANamabhrAbhagala.n varADhyam.h .
phaNIndrakakShyaM munibhiH shukAdyaiH
     sevya.n vaTAdhaH kR^itanIDamIDe .. 10..
viShNU R^iShiranuShTup ChandaH . devatA dakShiNAsyaH .
mantreNa nyAsaH .
tAra.n namo bhagavate tubhya.n vaTapada.n tataH .
mUleti padamuchchArya vAsine padamuddharet.h .. 11..
praj~nAmedhApadaM pashchAdAdisiddhi.n tato vadet.h .
dAyine padamucchArya mAyine nama uddharet.h .. 12..
vAgIshAya tataH pashchAnmahAj~nAnapada.n tataH .
 vahnijAyA.n tatastveSha dvAtri.nshadvarNako manuH .
AnuShTubho mantrarAjaH sarvamantrottamotamaH .. 13..
dhyAnam.h .
mudrApustakavahninAgavilasadbAhuM prasannAnanaM
   muktAhAravibhUShaNa.n shashikalAbhAsvatkirITojjvalam.h .
aj~nAnApahamAdimAdimagirAmarthaM bhavAnIpatiM
   nyagrodhAntanivAsinaM paraguru.n dhyAyAmyabhIShTAptaye .. 14..
maunamudrA .
so.ahamiti yAvadAsthitiH saniShThA bhavati .
tadabhedena mantrAmreDana.n j~nAnasAdhanam.h .
chitte tadekatAnatA parikaraH . a~NgacheShTArpaNaM baliH .
trINi dhAmAni kAlaH . dvAdashAntapada.n sthAnamiti .
te ha punaH shraddadhAnAstaM pratyUchuH .
katha.n vA.asyodayaH . ki.n svarUpam.h . ko vA.asyopAsaka iti .
sa hovAcha .
vairAgyatailasampUrNe bhaktivartisamanvite .
prabodhapUrNapAtre tu j~naptidIpa.n vilokayet.h .. 15..
mohAndhakAre niHsAre udeti svayameva hi .
vairAgyamaraNi.n kR^itvA j~nAna.n kR^itvottarAraNim.h .. 16..
gADhatAmisrasa.nshAntyai gUDhamartha.n nivedayet.h .
mohabhAnujasa.nkrAnta.n vivekAkhyaM mR^ikaNDujam.h .. 17..
tattvAvichArapAshena baddha.n dvaitabhayAturam.h .
ujjIvayannijAnande svasvarUpeNa sa.nsthitaH .. 18..
shemuShI dakShiNA proktA sA yasyAbhIkShaNe mukham.h .
dakShiNAbhimukhaH proktaH shivo.asau brahmavAdibhiH .. 19..
sargAdikAle bhagavAnviri~nchi\-
     rupAsyaina.n sargasAmarthyamApya .
tutoSha chitte vA~nChitArthA.nshcha labdhvA
     dhanyaH sopAsyopAsako bhavati dhAtA .. 20..
ya imAM paramarahasyashivatattvavidyAmadhIte sa sarvapApebhyo mukto bhavati .
ya eva.n veda sa kaivalyamanubhavatItyupaniShat.h ..
AUM saha nAvavatu . saha nau bhunaktu . saha vIrya.n karavAvahai .
tejasvinAvadhItamastu mA vidviShAvahai ..
AUM shAntiH shAntiH shAntiH ..

iti dakShiNAmUrtyupaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}