% Text title            : Devi Upanishad
% File name             : devi.itx
% Category              : upanishhat, svara
% Location              : doc\_upanishhat
% Author                : Vedic Tradition
% Transliterated by     : Sunder Hattangadi (sunderh at hotmail.com)
% Proofread by          : Sunder Hattangadi (sunderh at hotmail.com)
% Description-comments  : 89/108; Atharva Veda, Shakta Upanishad
% Latest update         : September 19, 2003
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devi Upanishad ..}##
\itxtitle{.. devI upaniShat ..}##\endtitles ##

 .. atha devyupaniShat.h ..
 atharvavedIya shAktopaniShat.h ..

shrIdevyupaniShadvidyAvedyApArasukhAkR^iti .
traipadaM brahmachaitanya.n rAmachandrapadaM bhaje ..

AUM bhadra.n karNebhiH shR^iNuyAma devAH
              bhadraM pashyemAkShabhiryajatrAH .
        sthiraira~NgaistuShTuvA{\m+}sastanUbhi\-
              vyashema devahita.n yadAyuH ..
        svasti na indro vR^iddhashravAH
              svasti naH pUShA vishvavedAH .
        svasti nastArkShyo ariShTanemiH
               svasti no bR^ihaspatirdadhhAtu ..
AUM shAntiH shAntiH shAntiH ..
hariH AUM .. sarve vai devA devImupatasthuH . kAsi tvaM mahAdevi .
sAbravIdahaM brahmasvarUpiNI . mattaH prakR^itipuruShAtmaka.n
jagachChUnya.n chAshUnya.n cha .
ahamAnandAnAnandAH viGYAnAviGYAne aham.h . brahmA brahmaNi
veditavye .  ityAhAtharvaNi shrutiH .. 1..
ahaM pa~nchabhUtAnyapa~nchabhUtAni . ahamakhila.n jagat.h .
vedo.ahamavedo.aham.h . vidyAhamavidyAham.h . ajAhamanajAham.h .
adhashchordhva.n cha tiryakchAham.h .
aha.n rudrebhirvasubhishcharAmyahamAdityairuta vishvadevaiH .
ahaM mitrAvaruNAvubhau bibharmyahamindrAgnI ahamashvinAvubhau .
aha.n soma.n tvaShTAraM pUShaNaM bhaga.n dadhAmyaham.h .
viShNumurukramaM brahmANamuta prajApati.n dadhAmi . aha.n
dadhAmi draviNa.n haviShmate suprAvye 3 yajamAnAya sunvate .. 2..
aha.n rAShTrI sa~NgamanI vasUnAmaha.n suve pitaramasya
mUrdhanmama yonirapsvantaH samudre . ya eva.n veda sa
devIpadamApnoti . te devA abruvan.h .
namo devyai mahAdevyai shivAyai satata.n namaH .
namaH prakR^ityai bhadrAyai niyatAH praNatAH sma tAm.h .. 3..
tAmagnivarNA.n tapasA jvalantI.n vairochanI.n karmaphaleShu juShTAm.h .
durgA.n devI.n sharaNamahaM prapadye sutarA.n nAshayate tamaH .. 4..
devI.n vAchamajanayanta devAstA.n vishvarUpAH pashavo vadanti
. sA no mandreshamUrja.n duhAnA dhenurvAgasmAnupasuShTutaitu .. 5..
kAlarAtriM brahmastutA.n vaiShNavI.n skandamAtaram.h .
sarasvatImaditi.n dakShaduhitara.n namAmaH pAvanA.n shivAm.h .. 6..
mahAlakShmIshcha vidmahe sarvasiddhishcha dhImahi .
tanno devI prachodayAt.h .. 7..
aditirhyajaniShTa dakSha yA duhitA tava . tA.n devA
anvajAyanta bhadrA amR^itabandhavaH .. 8..
kAmo yoniH kAmakalA vajrapANirguhA hasA .
mAtarishvAbhramindraH punarguhA sakalA mAyayA cha
punaH koshA vishvamAtA divi dyom.h .. 9..
eShAtmashaktiH . eShA vishvamohinI
pAshA~NkushadhanurbANadharA . eShA shrImahAvidyA .
ya eva.n veda sa shoka.n tarati .
namaste astu bhagavati bhavati mAtarasmAnpAtu sarvataH .
saiShAShTau vasavaH . saiShaikAdasha rudrAH . saiShA
dvAdashAdityAH . saiShA vishvedevAH
somapA asomapAshcha . saiShA yAtudhAnu asurA rakShA.nsi
pishAchayakShAH siddhAH .
saiShA sattvarajastamA.nsi . saiShA prajApatIndramanavaH .
saiShA grahA nakShatrajyotI.nShi
kalAkAShThAdikAlarUpiNI . tAmahaM praNaumi nityam.h .
tApApahAriNI.n devIM bhuktimuktipradAyinIm.h .
anantA.n vijayA.n shuddhA.n sharaNyA.n shivadA.n shivAm.h .. 10..
viyadAkArasa.nyukta.n vItihotrasamanvitam.h . ardhendulasita.n
devyA bIja.n sarvArthasAdhakam.h .. 11..
evamekAkSharaM mantra.n yatayaH shuddhachetasaH .
dhyAyanti paramAnandamayA GYAnAmburAshayaH .. 12..
vA~NmayA brahmabhUtasmAtShaShTha.n vaktrasamanvitam.h . sUryo
vAmashrotrabinduH sa.nyutAShTakatR^itIyakaH .. 13..
nArAyaNena sa.nyukto vAyushchAdharasa.nyutaH . vichche
navArNako.arNaH syAnmahadAnandadAyakaH .. 14..
hR^itpuNDarIkamadhyasthAM prAtaHsUryasamaprabhAm.h .
pAshA~NkushadharA.n saumyA.n varadAbhayahastakAm.h .
trinetrA.n raktavasanAM bhaktakAmadughAM bhaje .. 15..
namAmi tvAmaha.n devIM mahAbhayavinAshinIm.h .
mahAdurgaprashamanIM mahAkAruNyarUpiNIm.h .. 16..
yasyAH svarUpaM brahmAdayo na jAnanti tasmAduchyate.aGYeyA .
yasyA anto na vidyate tasmAduchyate.anantA .
yasyA grahaNa.n nopalabhyate tasmAduchyate.alakShyA . yasyA
janana.n nopalabhyate tasmAduchyate.ajA .
ekaiva sarvatra vartate tasmAduchyata ekA . ekaiva vishvarUpiNI
tasmAduchyate naikA .ata evochyate.aGYeyAnantAlakShyAjaikA naiketi .
mantrANAM mAtR^ikA devI shabdAnA.n GYAnarUpiNI .
GYAnAnA.n chinmayAtItA shUnyAnA.n shUnyasAkShiNI .. 17..
yasyAH paratara.n nAsti saiShA durgA prakIrtitA .
##[##durgAtsa.ntrAyate yasmAddevI durgeti kathyate .. 18..
prapadye sharaNa.n devI.n du.ndurge durita.n hara ..##]##
tA.n durgA.n durgamA.n devI.n durAchAravighAtinIm.h .
namAmi bhavabhIto.aha.n sa.nsArArNavatAriNIm.h .. 19..
idamatharvashIrSha.n yo.adhIte
pa~nchAtharvashIrShajapaphalamavApnoti .
idamatharvashIrSha.n GYAtvA yo.archA.n sthApayati .
shatalakSha.n prajaptvApi so.archAsiddhi.n cha vindati .
shatamaShTottara.n chAsyAH purashcharyAvidhiH smR^itaH .. 20..
dashavAraM paThedyastu sadyaH pApaiH pramuchyate . mahAdurgANi
tarati mahAdevyAH prasAdataH .. 21..
prAtaradhIyAno rAtrikR^itaM pApa.n nAshayati .
sAyamadhIyAno divasakR^itaM pApa.n nAshayati .
tatsAyaM prAtaH prayu~njAnaH pApo.apApo bhavati . nishIthe
turIyasandhyAyA.n japtvA vAksiddhirbhavati .
nUtanapratimAyA.n japtvA devatAsA.nnidhyaM bhavati .
prANapratiShThAyA.n japtvA prANAnAM pratiShThA bhavati .
bhaumAshvinyAM mahAdevI sa.nnidhau japtvA mahAmR^ityu.n tarati
. ya eva.n vedetyupaniShat.h .. 22..

AUM bhadra.n karNebhiH shR^iNuyAma devA
              bhadraM pashyemAkShabhiryajatrAH .
        sthiraira~NgaistuShTuvA{\m+}sastanUbhi\-
              rvyashema devahita.n yadAyuH ..
        svasti na indro vR^iddhashravAH
              svasti naH pUShA vishvavedAH .
        svasti nastArkShyo ariShTanemiH
              svasti no bR^ihaspatirdadhAtu ..

AUM  shAntiH  shAntiH  shAntiH ..

.. iti shrIdevyupaniShatsamAptA ..
##
Encoded and proofread by Sunder Hattangadi sunderh@hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}