% Text title            : Garbha Upanishad
% File name             : garbha.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 17/108; Krishna-Yajur-Veda, Samanya Upanishad
% Latest update         : September 30, 1999, August 29, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Garbha Upanishad ..}##
\itxtitle{.. garbhopaniShat 17 ..}##\endtitles ##

yadgarbhopaniShadvedya.n garbhasya svAtmabodhakam |
sharIrApahnavAtsiddha.n svamAtra.n kalaye harim ||
AUM sahanAvavatviti shAntiH ||
AUM pa~nchAtmakaM pa~nchasu vartamAna.n ShaDAshraya.n
ShaDguNayogayuktam |
tatsaptadhAtu trimala.n dviyoni
chaturvidhAhAramaya.n sharIraM bhavati ||
pa~nchAtmakamiti kasmAt pR^ithivyApastejovAyurAkAshamiti |
asminpa~nchAtmake
sharIre kA pR^ithivI kA ApaH ki.n tejaH ko vAyuH kimAkAsham |
tatra yatkaThina.n sA pR^ithivI yaddrava.n tA Apo yaduShNa.n
tattejo yatsa~ncharati sa vAyuH yatsuShira.n tadAkAshamityuchyate ||
tatra pR^ithivI dhAraNe ApaH piNDIkaraNe tejaH prakAshane
vAyurgamane AkAshamavakAshapradAne | pR^ithak shrotre
shabdopalabdhau tvak sparshe chakShuShI rUpe jihvA rasane
nAsikA.a.aghrANe upasthashchAnandane.apAnamutsarge buddhyA
buddhyati manasA sa~Nkalpayati vAchA vadati | ShaDAshrayamiti
kasmAt madhurAmlalavaNatiktakaTukaShAyarasAnvindate |
ShaDjarShabhagAndhAramadhyamapa~nchamadhaivataniShAdAshcheti |
iShTAniShTashabdasa.nj~nAH pratividhAH saptavidhA bhavanti || 1||
## var ## praNidhAnAddashavidhA bhavanti 
shuklo raktaH kR^iShNo dhUmraH pItaH kapilaH pANDura iti |
saptadhAtumiti kasmAt yadA devadattasya dravyAdiviShayA
jAyante || paraspara.n saumyaguNatvAt ShaDvidho raso
rasAchChoNita.n shoNitAnmA.nsaM mA.nsAnmedo medasaH
snAvA snAvno.asthInyasthibhyo majjA majj~naH shukra.n
shukrashoNitasa.nyogAdAvartate garbho hR^idi vyavasthA.n
nayati | hR^idaye.antarAgniH agnisthAne pittaM pittasthAne
vAyuH vAyusthAne hR^idayaM prAjApatyAtkramAt || 2||
R^itukAle samprayogAdekarAtroShita.n kalilaM bhavati
saptarAtroShitaM budbudaM bhavati ardhamAsAbhyantareNa piNDo
bhavati mAsAbhyantareNa kaThino bhavati mAsadvayena shiraH
sampadyate mAsatrayeNa pAdapravesho bhavati | atha chaturthe mAse
jaTharakaTipradesho bhavati | pa~nchame mAse pR^iShThava.nsho bhavati |
ShaShThe mAse mukhanAsikAkShishrotrANi bhavanti | saptame
mAse jIvena sa.nyukto bhavati | aShTame mAse sarvasampUrNo
bhavati | pitU reto.atiriktAt puruSho bhavati | mAtuH
reto.atiriktAtstriyo bhavantyubhayorbIjatulyatvAnnapu.nsako
bhavati | vyAkulitamanaso.andhAH kha~njAH kubjA vAmanA
bhavanti | anyonyavAyuparipIDitashukradvaidhyAddvidhA
tanuH syAttato yugmAH prajAyante || pa~nchAtmakaH samarthaH
pa~nchAtmakatejaseddharasashcha samyagj~nAnAt dhyAnAt.h
akSharamo~NkAra.n chintayati | tadetadekAkShara.n j~nAtvA.aShTau
prakR^itayaH ShoDasha vikArAH sharIre tasyaive dehinAm | atha
mAtrA.ashitapItanADIsUtragatena prANa ApyAyate | atha
navame mAsi sarvalakShaNasampUrNo bhavati pUrvajAtIH smarati
kR^itAkR^ita.n cha karma vibhAti shubhAshubha.n cha karma vindati || 3||
nAnAyonisahasrANi dR^iShTvA chaiva tato mayA |
AhArA vividhA bhuktAH pItAshcha vividhAH stanAH ||
jAtasyaiva mR^itasyaiva janma chaiva punaH punaH |
aho duHkhodadhau magnaH na pashyAmi pratikriyAm ||
yanmayA parijanasyArthe kR^ita.n karma shubhAshubham |
ekAkI tena dahyAmi gatAste phalabhoginaH ||
yadi yonyAM pramu~nchAmi sA.nkhya.n yoga.n samAshraye |
ashubhakShayakartAraM phalamuktipradAyakam ||
yadi yonyAM pramu~nchAmi taM prapadye maheshvaram |
ashubhakShayakartAraM phalamuktipradAyakam ||
yadi yonyAM pramu~nchAmi taM prapadye
bhagavanta.n nArAyaNa.n devam |
ashubhakShayakartAraM phalamuktipradAyakam |
yadi yonyAM pramu~nchAmi dhyAye brahma sanAtanam ||
atha jantuH strIyonishata.n yonidvAri
samprApto yantreNApIDyamAno mahatA duHkhena jAtamAtrastu
vaiShNavena vAyunA sa.nspR^ishyate tadA na smarati janmamaraNa.n
na cha karma shubhAshubham || 4||
sharIramiti kasmAt.h
sAkShAdagnayo hyatra shriyante j~nAnAgnirdarshanAgniH
koShThAgniriti | tatra koShThAgnirnAmAshitapItalehyachoShyaM
pachatIti | darshanAgnI rUpAdInA.n darshana.n karoti |
j~nAnAgniH shubhAshubha.n cha karma vindati | tatra trINi
sthAnAni bhavanti hR^idaye dakShiNAgnirudare gArhapatyaM
mukhamAhavanIyamAtmA yajamAno buddhiM patnI.n nidhAya
mano brahmA lobhAdayaH pashavo dhR^itirdIkShA santoShashcha
buddhIndriyANi yaj~napAtrANi karmendriyANi havI.nShi shiraH
kapAla.n keshA darbhA mukhamantarvediH chatuShkapAla.n
shiraH ShoDasha pArshvadantoShThapaTalAni saptottara.n
marmashata.n sAshItika.n sandhishata.n sanavaka.n snAyushata.n
sapta shirAsatAni pa~ncha majjAshatAni asthIni cha ha
vai trINi shatAni ShaShTishchArdhachatasro romANi koTyo
hR^idayaM palAnyaShTau dvAdasha palAni jihvA pittaprastha.n
kaphasyADhaka.n shukla.n kuDavaM medaH prasthau dvAvaniyataM
mUtrapurIShamAhAraparimANAt | paippalAdaM mokShashAstraM
parisamAptaM paippalAdaM mokShashAstraM parisamAptamiti ||
AUM
saha nAvavatviti shAntiH ||
iti garbhopaniShatsamAptA ||
##

Encoded and proofread by Sunder Hattangadi


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}